明記雞雜粥 (已易手) 新餐厅

一路想試好耐..但以為結業了,,咁岩行過了~發現改左名再營業~同香港仔魚蛋王合作?咁就入去試一試味啦~無食到雞粥..HAHA...牛筋麵出奇地正！D牛筋好軟好腍!!仲好有骨膠原~好味!份量少下午茶就OK啦~總結:價錢係咁上下了想食少少野就一試無訪男仕一定唔夠飽

前幾日夜晚我老婆突然話想食雞粥 仲記得落緊雨 都幾大下 行過呢間鋪頭見到有雞粥賣 見網上食評唔錯就試下 因為我老婆粗身大細 所以我賣果時問下可唔可以去雞骨 或者比D少骨既位我 個丫姐起初聽完唔理我 我已為佢聽唔同 所以再同多次 點知佢用D勁惡劣既態度同反我講 唔得 唔可以咁做 又話邊有雞係冇骨 之後都算鬼叫夜晚咩 搵到間粥鋪交差 點知反到屋企我老婆食果碗粥 入面勁多雞骨碎 大佬點食阿 已後唔會再食呢間野！！！

某日經過油麻地, 想搵食, 但天時暑熱, 無理由食煲仔飯架,見到這家雞什粥, 門面放滿雞什, 相當吸引, 價錢亦相宜, 去馬叫了個雞什飯, 太熱食不了粥, 份量都好多, 而且雞什相當新鮮, 爽脆, 無腥味, 肝腸腎全部都有, 雞肉亦ok, 雖然它有其他食品, 但雞是主打, 當然食它的專門嘢啦

近排一直都系落雨天氣，真系好無開心吖，去到邊度都系好似濕瀝瀝咁嘅樣喔，真系令人覺得好煩悶吖，然之後成個人都好似無曬胃口咁，咩都唔想食咯，就去食下啲粥，雞雜粥，明記雞雜粥，聽講都話系老字型大小喔。去到發覺明記都有飯食，無單止系粥，仲有小炒波。雞雜粥，感覺上系好似白粥同雞雜撈埋一齊咁，粥入邊都無咩雞雜味，不夠就幾好嚇，粥水好少，粥都系好非，熬得好爛，雞雜就唔覺有腥味，然後又好入味。食粥都系鐘意同油條一齊比較夾啲，我覺得無系好好嘅就系油條比較霖，新鮮感無系好夠，可能放嘅時間長咗啲，都凍曬喇

一人開飯 原本有想過食煲仔飯，但太多人了。想起有間聲稱幾十年歷史， 姑且一試。剛坐低，見同枱正在吃“爽脆順德魚皮”，二話不說便叫咗碟……真的好爽，個鼓酒ok，但 薑可以切幼一點更好但難題來了，豬潤腸粉定雞什粥好呢……最後叫粥，但來的是？什粥……（佢mix 咗幾樣）唔緊要啦…但幾好食，好爽。下次，要試到剩雞什！！（之前見人話口干，我就無喇，會再食）

從中學年代已經常常出入廟街，可以說是見證著這條充滿本土氣息的街道，由繁華璀璨步入垂垂老矣。除了四季煲仔飯，還有由推車仔開到入舖的輝記，亦有開業多來的舊書店人去樓空，所以每次走過，都會勾起不少回憶。明記的雞什粥已光顧多年，可以說是除了另一檔的名物豬骨粥外，又一必食位。雞什粥雖然一碗粥可以order所有的配料，但身體剛剛復原，將雞膶及雞腎剔走，其他的保留。粥底是廣東開花粥底，很喜歡這個口感，舀一下，熱辣辣的，把雞腸內的油份都逼出來，雞肉選了雞胸位，雖然啖啖肉，但實在有點粗糙，不過在香港能隨時吃到雞什的地方，真的不多，有機會值得大家試試。

在香港想食碗足料的雞雜粥，可以話一隻手數得出，而位於廟街的明記，至少吃了十年以上，雖然近年水準有下滑的感覺，但難以找到替代品。店內不論如何配撘，都只是均一價，夠均真。腸粉是即拉，但水準只是一般，腸粉皮太厚了，放棄了沒有點。店內裝潢簡陋，雞雜料分門別類，擺放得井井有條，感覺良好。粥底是廣東開花粥，綿是夠綿，但未夠開花，熱辣辣的把魚片都灼熟了，雞腎爽口彈牙，最愛是有雞腸，放耐少少等雞油滲出，粥底味道更香，不過是膽固醇朋友，偶爾一次無所謂。走時候見到有人點切雞飯，賣相不錯，下次可以試試。

係門口經過好多次，見佢歷史尤久，雞雜粥又較罕見，即本一試，點知⋯只此一次！雖然唔洗等位，落單後一分鐘有得食，但係D雞雜明顯經過「處理」，「拿」到冇晒鮮味，最敗筆是粥底勁味精，食完勁口渴，要飲返好多水，所以冇下次

行完現時點買完玩具有ｄ肚餓，記起廟街附近有間雞粥都幾出名，於是就過左去試啦。一座低叫左碗雞雜粥，竟然可以一分鐘起到俾我，睇返粥底都幾足料！基本上雞既內臟都有齊，好豐富，雞腸都幾好味，另外都有ｄ豬雜！但係就奇怪我平時食粥基本上就好熱，但係今次就只係暖暖地，同埋食得出味精都幾重，希望佢地會有改善啦，一間老店商譽得來不易！

大前日(7-3-2015 Sat)同男友食完牛雜後行返o黎食雞粥,我要$29.00o既雞粥,男友要$29.00o既雞雜粥,叫多個$15.00o既蝦米腸.蝦米腸即到,之後兩碗粥到o黎,影好相開動,我o既雞粥有7件雞,6件係雞胸,正.肉質未到好o鞋,雞味都有,粥底都算唔錯.男友o既雞雜粥仍有好多種料,不過我冇乜食.蝦米腸唔算好滑,不過食到米o既味道.o衣o家睇返我第一次o黎食o既食評: http://www.openrice.com/zh/hongkong/review/%E6%B2%B9%E9%BA%BB%E5%9C%B0-%E6%98%8E%E8%A8%98%E9%9B%9E%E9%9B%9C%E7%B2%A5/2042069?tc=sr2&con=rvwer.

一直想食雞煲, 見到呢度有間雞什粥, 直接闖入去研究研究.雙什粥很一般, 切得太細嚴重影響口感, 無論雞同豬都一樣很細粒, 味道偏鹹. 整體味道嘛嘛.而且味精太勁, 個喉嚨很辛苦. 魚皮一般, 沒有什麼特別. 個茶杯很不乾淨, 完全無勇氣去喝.齋腸粉, 調味的醬油黑黑的, 夾雜一些很鹹的內涵, 很鹹. 而且很不衛生, 感覺很不舒服.

好少地方有雞什粥食, 特登過黎試下廿四蚊大大碗, 有雞肝,雞心,雞腸, 雞件, 菜甫粥底係有少量味精, 但尚可接受, 雞什整得幾好, 唔會有陣難入口既味道另外叫左炸腸, 腸粉唔滑豉油又太咸, 唔掂

很久沒有來這裡食雞什粥了, 今天剛好經過, 雖然沒多少 quota 也姑且整番碗啦.下午兩點多, 一入門口, 各侍應正在把枱椅擱起, 在拖地, 錯愕之下, 阿姐招呼坐下, 還好沒有空走一回.叫了雞什粥, 廿四大元, 一分鐘有得食, 是滿滿的一大碗, 料很多, 所有的雞內臟也齊全, 再加細碎豬的內臟, 計有豬肚, 生腸......等等. 還有兩件雞胸肉.其實本人的至愛是雞腸, 因為現在有錢也買不到.但可惜的是, 一啖之下, 發覺很重的梘水味, 真是失敗之至, 師傅為了令它更加爽口, 又或要消除腸的異味, 用梘水處理過.這方法很差, 假如是其他肉類, 還可以用醃料和味精, 香料等蒙混過關, 不過用在白灼的食制郤不行.雖然粥底是綿滑, 郤甚多味精, 因為食完之後很口渴, 灌了一大支可樂才可以救火.耐不中來食還可以, 也不可以介紹給別人了. 因為不值得吃太多化學品落肚..

晚上的廟街, 熱鬧得很. ..最近愛上左食粥. 所以打算揾多D好味的粥店來試試! 今日就來左呢間歷史悠久的粥店! . 當然要來一碗雞什粥 , 可惜坐左係店入面, 睇唔到佢整的過程, 小時候, 每次食雞都會有埋雞什食, 我最中意食雞心同雞潤, 但係宜家食親ge都係冰鮮雞, 真係好耐無食過雞什了, 雞什粥都幾大碗下, 除左蔥, 雞什, 豬什, 佢重有菜甫 , 幾有特色, 但係我唔中意食咸野, 所以覺得同碗粥唔係好配合. 粥底綿 但鮮甜得過分, 令人不得不過覺得佢落左唔少味精 雞什同豬什都幾咩特別. 總括而言, 都值得一試, 但係不宜多食. (驚D雞腸洗得唔乾淨, 同埋味精 , 內臟都不宜多吃 )重叫左一個牛肉腸! 係預先蒸好的, (好似只有炸兩係即整的) 腸粉好好食!! 其實我唔係好中意晶瑩通透, 皮薄的腸粉, 我反而中意d 厚D,綿D的, 多D口感 呢到的腸粉正合我心意. 但係牛肉不突出呢.

小弟耐不耐就會去廟街雞粥整番碗, 要我整番個認真食評, 好啦, 老店一定要支持, 唔係香港就只會得番集團式食店我講我推介既食物好過啦1. 雞粥2. 雞粥3. 雞粥 必定要食既雞粥, 份量足夠一個男人飽肚之用, d 雞, 亦幾有雞味, 落左粥底令雞肉更滑, 粥底夠棉. 米既份量亦夠, 不似集團粥店, 食兩野就係得水而已......4. 腸粉 - 我會推介叉燒腸 / 牛肉腸, 腸粉佢地水準不比大酒樓差, 粉皮夠滑亦唔厚, 材料份量亦足夠, 牛肉最好味, 但自己喜歡叉燒姐, 我老豆喜歡食魚片腸, 都唔錯.5. 魚皮 - 我唔會講到佢只得天上有, 但依度既魚皮絕對藉得閣下花上十幾蚊去食佢, 好爽好脆, 夠新鮮, thats all~其次, 雞什粥, 都係好味推介最後如果閣下夠功力, 同事頭婆吹下水想當年, 佢會細說廟街咁多年既變遷, 雞粥店既歷史, 仲有現今市道做食市既艱難之處, 請問下食粥之餘, 停一停, 細味一下依間站立係廟街幾十年既粥店吧...香港已經越黎越難搵到歷史攸久既食店了