明記雞雜粥 (已易手) 新餐厅

午餐時間在油麻地, 未到約人時間, 行過見到雞雜粥就在這裡, 雖然話唔可以食雞, 但都係忍不住吃一碗雞雜粥.店內極多人, 唯有坐在出面吃.要了碗雞雜粥再叫一碗豬潤腸粉.招呼的阿姐一陣返來, 話豬潤腸粉要等, 我唯有轉叉燒腸粉.這裏的雞雜粥雖是雞雜現成再倒上粥, 但材料絕不馬虎, 有雞件, 雞心, 雞潤, 生腸, 雞腸, 花生等, 直頭是料多過粥.很久沒有吃雞雜, 材料很新鮮, 很滋味.眼見阿姐手沒有停過斬雞, 賣相和色澤靚, 相信味道也相當不錯.叉燒腸不是即拉, 溫溫但味道都 ok, 叉燒切粒, 肉也不差的.除了雞雜粥, 也可以叫雞雜飯, 配上薑蓉, 我想也幾好吃的.

末食過佢地既雞雜粥真係唔知雞腸可以咁好食，而牛肉腸比佐頓棠記好得多，半年前轉了用大腕，感覺料好似少了些...廿五蚊幾正...未他未食過，我只食雞雜粥牛肉腸...事頭婆用手收錢又用手攞雞雜，最好衛生Ｄ啦...

好多年無食雞雜, 雞腸仲要二十幾年無食...啲腸好爽好香, 啲膶化到吖! 加埋其他雜仲有花生冬菜... 無得頂!!!

一個百無聊賴的晚上,本想幫趁那位傷健漢的車仔麵檔,可惜踫上新春時節,舉家回鄉,唯有緣慳一面.在廟街內,明記是小弟另一選擇,之前曾經兼賣車仔麵,但附近少說也有兩三檔,改作燒臘也是明智之舉,不過始終都是以雞粥作主打,粥底偏向廣東式,以稀粥為主,而配料雖是現成貨,可一點不含糊,$18一碗可自由配搭,只選了雙腸雞....即雞腸生腸跟白切雞,而薑絲冬菜粒蔥花一慨不要,以免搶味,雞腸是一貫嫩滑而肥膏充斥,生腸切成小段,爽口得不得了,反而雞肉是給比了下去,碎骨太多,猶幸雞味濃郁,搶回不少分數,$18一碗是物超所值的.

一個人0係旺角搵地方食lunch, 沿彌敦道行行0下竟然行到0黎油麻地, 見呢度有好日都唔食的雞雜供應, 又0黎叫個雞雜粥($18) 試試.粥底稀稀的, 唔係咁綿, 不過幾鮮味, 個人覺得落少少胡椒粉(少少好了!) 會好食d; 雞雜切得零碎, 不過份量唔少的, 雞腸/雞肝/雞腎/雞子/雞心乜都有d, 仲有一小件雞下脾(!) 同豬肚(!?), 夠晒大堆頭... 咁多樣0野以雞腸最好食, 鮮甜又爽口! 雞肝都唔錯, 味道濃郁無異味; 雞腎爽脆得似雞軟骨, 味道無乜特別; 雞心爽口; 雞下脾雖然有少少不倫不類, 但肉質幾嫩滑, 亦係新鮮雞的味道, 唔錯; 最唔掂就係雞子, 好「壓」, 食了一件就放棄了; 豬肚幾腍, 不過當然淪為大配角. 整體幾好食, 而且出街食0野, 豬雜牛雜就食得多, 但雞雜就真係買少見少, 呢度值得試試!見鋪內幾迫, 坐了mou 街位, 衛生環境麻麻都預0左, 不過佢d 食具其實算幾乾淨的; 招呼好好, 阿姐們好nice, 對生客熟客態度都好親切!$18 一碗, 絕對抵食... 見隔0黎位碟切雞+ 雞雜飯賣相唔錯, 0黎開呢頭的話會再0黎試試.

明記出名雞雜粥及即制腸粉，似乎老板攪攪新主意，近期加插了燒臘飯市。前段明間路經這裡，本想只來碗滋味的路雞雜粥，但見燒臘檔裡的白切雞相當吸引，就來一客切雞飯吧！切雞飯跟例湯一碗，這例湯不會比海南雞飯的雞湯遜色，是利用灼雞的上湯再放上白菜來煲制，整個飯市所賣白切雞的精華，雞味頗濃，加上白菜清甜，這碗湯很是得妥，可惜有點過鹹，美中不足。白切雞做得相當之好，雞味濃鬱，加上浸至剛熟，雞肉乃是彈牙的，配上特制豉油，滿滿一碟白飯都盡了！這裡以雞雜作主打的粥檔，現在又有一不錯的選擇。埋單時跟老板傾開，原來其他燒臘都是在油麻地附近一間有名的燒臘檔交來的，唯獨是白切雞是咱家購入龍崗雞來炮制的，貪其龍崗雞雞味濃鬱，油麻地佐敦街坊喜之…，果然以心出發！近期只有十度左右的天氣，這裡的雞雜粥又令這老饕陲涎了！

當途經此食店時，主人與奴隸獸給它賣的食品所吸引。雞雜粥，我們極少吃的食物，所以無論如何亦要試試，我們點了：1. 雞雜粥（HK$16）：粥底夠綿，不過欠缺了粥的香味，雞雜的份量少，食得不夠痛快。唯有切雞的味道頗佳，雞肉夠滑，有雞味。2. 豬潤腸粉（HK$11）：牆上餐牌，白紙黑字寫著即叫即製各款腸粉，不過轉瞬間已端上桌，相信是晨早做好。腸粉有蔥的臭黃味，豬潤亦煮得過熟。這碟腸粉味道實在差勁。食後有點兒失望呢！

為晚上蟹buffet作出準備,帶著大人早兩個站下車,讓她試試她很久沒吃過的雞雜粥。下午一時多,店內高朋滿座,聽口音都是住在附近的國內自由人,老闆和阿姐忙著招呼這班外地旅客,我們只有耐心等候,這一刻反而覺得自己才是外地來的人。雞雜粥改用了較大的碗盛載,外觀上覺得抵吃多了!粥仍是我喜愛的稠度,只是今次不太熱!有點擔心弄不熱雞雜呢!不知道是否人多關係,雞雜份量比上次少,生腸也沒有太多,連雞肝也欠奉,最多的仍是雞腸......問大人像不像以前在佐敦道碼頭所吃的雞雜粥味道??她說:當然不像啦!!@_@本來想點即拉腸粉,只可惜老闆/店員忙過不休,沒空去做!最後一碟過氣豬潤腸粉也被其他食客點了,餘下只有炒麵,算吧!!菜單上有雞雜飯,不知道又是怎麼一回事??老闆在門口加了燒味飯部份,除了供應肥雞飯之外,還有燒鴨,看到食客的肥雞飯又似乎頗多雞呢,要不是晚上要吃buffet,我也想來一碟!今次覺得有點退步,希望下次重拾水準,也可以試試肥雞飯=)

見佢一大堆整熟哂擺係度又無用雪櫃雪起，夏天食既感覺真係好唔衛生因為此終係內臟變壤機會好高，所以嚟過只係食雞粥因為太喜歡食雞一定試下，Ｄ雞幾好唔係個Ｄ雪到冧哂霉哂肉質有Ｄ咸味不錯，粥底唔得攪多攪孌哂水，腸粉一時時得有時太爛，經過都會食唔係令我專登搭車去個種！！

想買一碗雞肝粥，想來想去，也似乎只有這裡有供應。嚴格來說，這裡賣的不是生滾粥，因為各式雞雜，其實已全熟在下粥。雞肝、雞腸、雞腎及雞望子等，放在冰下，一堆一堆的放在店面。對雞腎沒有多大興趣，就要了「腸肝粥」。吃了幾件雞肝，夠味又夠「粉」，美味；雞腸亦出色，爽口之餘，亦有雞油香，亦出色。粥底頗綿滑，亦掛碗邊。下了炸菜及花生去提味，可惜的是，仍有味精。有時不太明，老老實實的去煲一啖無味精的白粥，不行嗎？又或者，這是對市場需求的妥協。15蚊一碗粥，經濟抵食，以我所知，賣雞雜粥的，亦只此一家。

大家好, 我未試過呢間野, 但我搵O左幾次都搵唔到, 究竟佢近明愛定上海街O個邊?

有日細佬買左碗雞粥幾好食又見e度d評語唔錯尋晚就去一去啦去到見到隔唻大家食勁多人但明記就......anyway.2個人食1) 雞什粥我個人認為幾好食雖然個價錢比較貴又雖然友人話佢mami bo得好食d2) 魚皮e個價錢算ok有魚味鍾意食既應該覺得好食但個人就唔太鍾意3) 牛肉腸粉幾好食友人最鍾意食e樣4) 凍奶茶都係奶茶一杯唔係特別好飲但係e d地方飲都算係咁喇會再去既記得佢的話.......

昨晚專程到此一試，要了雞雜粥($16)，粥底尚算綿滑，不錯，但材料欲令人失望，只有雞腸、雞腎和雞件一件，另加豬肚、豬粉腸，除了雞腸以外，全都剪得碎碎的，沒有口感，加上所有材料早經灼熟，再打折扣，以這個價錢，一碗生滾及第粥，大大件材料，仍是綽綽有餘，但無可否認，雞腸的油脂被粥底迫了出來，卻又是極為芬香豐盈，真的是愛恨交錯，另要一提，整碗粥吃了一半已感口乾；後再追加一碟爽滑魚皮($10)，這個卻做得不錯，鮮而爽，只是嫌麻油香味不夠濃，也欠了紅椒絲伴吃，惟以這價錢，收貨吧！總結：順路經過可一嚐 專程拜訪會失望

29-4-2007 1630上完堂，時間尚早，臨落旺角挑機時，黎呢度醫肚。這裡出名的只有雞什粥，就叫了呢樣兼多青，順手加埋豬膶腸粉。雞什粥我諗全香港只有這裡，有齊曬咁多様：雞腎、雞心、雞肝、雞子、雞腸，材料豐富，食落有講不出的快感及滿足，加埋雞油落去，簡直要講「膽固醇萬歲」，但衰就衰在九唔搭八整件龍崗雞，兼雞什唔係生滾，不然百分百完美。可惜俾豬膶腸粉破壞，它是預先整定，又唔係多人幫襯，豬膶過熟不在話下，連皮都chi碟，完全不合格。粥15蚊，腸粉10蚊，裡面落左好少師傅。由笑臉變ok，可惜可惜。

上星期去油麻地買嘢,專登黎食碗雞什粥,因為上次叫錯豬什粥,個粥好好味但食完好口乾,即刻要叫可樂