明記雞雜粥 (已易手) 新餐厅

大雨滂沱, 所以就隨便入左呢間度食,順便避一避雨見佢都好似好平, 都係22-25左右就有一個飯, 一個麵, 而且仲可以食粥我見好餓就叫左一個雙併的懶粉, 叉雞兩餸, 22蚊就有得食仲叫左一碟油菜走油等左一陣, 大約3分鐘就有得食個賣相一般, D叉燒好淺色, 我初初諗算啦, 淺色應該係冇咁熱氣點知好難食, 好晦! 極唔新鮮!D雞一樣, 肉質好差, 極難食!真係好難食!食完之後, 我去左7仔買汽水沖走口入面個種晦味!

記得好多年前會成日去油麻地廟街食雞腸粥.....不過因為之後搬左之後就很小踏足廟街甘岩琴晚自己一個唔知食咩好, 就走去廟街睇下食d咩好,突然見到明記雞什粥即刻毫不考慮甘坐低叫左一個雞什粥,料很多, 粥亦很大碗$22夠晒大碗真係好抵這碗粥亦令我諗起很多既回憶

係龍崗食完午飯後舊同事就車左我去巴士站坐車去皇崗返香港. 直通巴油麻地落車, 順便行去好耐無黎過既明記食碗粥當下午茶/晚飯. 雞什粥睇落夠綿, 料多, 但食落有小小燶味, 無叫佢換因為來來去去都係果煲粥底, 換黎都無意思, 快手清左D雞什食多兩口粥就走人. 希望今次只係我唔好彩啦.

下午2點幾, 睇完戲去試試聞名已久的雞什粥坐底睇咗陣, 老闆大概見我地個樣都知係慕名而來, 一出聲 : "一碗雞什粥~"5秒鐘已放到枱上 (無誇張, 我果下都笑咗出來~) 再叫 : "要多碟牛肉腸~", 15秒, 阿姐又送到 (哇, 真係快到嚇親 @@)一般粥舖都sale出品係即叫即做, 咁, 呢度應該唔係咯anyway, 味道好就得, 雞什粥 ($22) 都尚可, 因賣點是雞什, 以為會有d冷門內臟試下,我真係以為佢會有雞子, 雞仔旦, 雞心... ... 不過, 原來只有幾舊腎, 一舊潤, 兩舊雞件, 幾條雞腸... 講真, 無咩特別,至於牛肉腸 ($13), 因為都係食神推介 (我指的是店內牆上的傳媒報導~) 又係有少少期望但... 份量算多, 腸粉也滑, 不過油太多, 牛肉無味嗯, 可以一試既, 但一次都夠luu~

放學後即時跑到輝記車仔麵,只是識貨人太多,幾張桌子也坐無虛席,不知要等多久又腹如雷鳴,唯有跑到數十步之遙另一個選擇--明記,即拉腸粉也不錯呀。明記其實也有不少客人,只是剛好有吉桌,而且是最近粥檔之位置,絕對是近廚得食!即時向坐陣阿姐點了馳名雞雜粥,近距離看著阿姐執材料剪雞腸再沖以白粥,幾十秒時間已有碗粥在面前,多快!!灑上蔥花、花生及蔥菜,增添不少鹹香味。 白粥有米花但個人覺得稍稀,米香不重算得淡口,但咬中蔥菜粒則變得鹹度十足,間中還吃到一點薑絲。雞雜粥包括雞件2件、豬生腸、雞腎、豬肚各少許,加上一堆黃色深淺不同雞腸,材料似乎比多年前吃過的少,但仍算豐富。雞腎保持爽口特質,只是寥寥幾件;豬肚切成小片,就算本身多韌也變成不是問題,最重要是沒有怪味道,清洗得相當不錯; 豬生腸幼幼的,爽口的不錯口感;雞腸腸衣沒黏肥膏,跟豬生腸一樣的爽口,好吃!雞件有點雞味肉質夠滑,皮薄不肥的雞件基本不會太難吃,但記憶中以前的雞雜粥會浮出一層黃色雞油,今次只有很少是因為雞隻不肥美嗎??而且也欠了雞膶、雞心之類的雞雜未夠全面。其實自己不太喜歡吃粥,為什麼不如其他食友般來個雞雜湯,又或是雞鴨湯麵之類呢,笨呀!個人

平時都好鐘意食內臟, 好似信得過豬什內臟都係我喜歡既 今日第一次試左明記雞什粥, 上面有很足料蔥花,花生&菜甫, 菜甫係粥裹而係一種靈魂, 有口感有點咸咸味道, 點綴一碗普通白粥, 好鐘意d雞腸, 有點煙軔,有咬口,內裹有雞件,點點雞油佈滿雞粥裹, 粥底順喉很滑 另外點了叉切雞米 -叉燒面沐上燒味汁,沒有乾爭爭, 份量恰當,雞亦嫩滑,不太差, 湯底有味, 成個叉切雞米不會覺得是但放在一齊並有著團結感覺 牛肉腸粉- 很開揚可以看到做腸粉製作過程, 但我點的牛肉腸粉是預先做定,都能充滿香軟嫩滑感覺

因事到來油麻地，近近地就在「明記」開餐，一試呢度嘅「招牌雞雜粥」，順便試埋店裡推介的「牛肉腸」。這裡的環境確實麻麻，話晒係開業超過五十年的老店，裝修陳設各方面都很街坊，店子最吸引的要算係店門前擺放著的各款大大盤雞雜，好似雞腸、雞腎等，一睇就知雞雜係主打，唔慌會認錯。「招牌雞雜粥」（$22）夠晒大碗，雞雜甚多，不過雞件就只有極為珍貴的「一舊」。粥底雖然未夠綿，味道都算ok。「推介牛肉腸」（$13）唔係真係咁好，份量雖然夠多，的確幾抵食，但係腸粉皮唔夠薄，牛肉亦唔覺得有乜特別，整碟牛肉腸只係一般水準啫。埋單$35，唔算得係便宜，不過難得在香港有雞雜粥食，試吓都好吖！

山長水遠來到油麻地. 為的就係大家都讚的雞雜粥真係好得. 雞雜睇落都洗得乾淨. 粥好綿但其他就唔多掂- 例湯 - 味精好勁- 雞鹅飯 - 雞就好滑. 好有雞味. 但鹅就....... 皮淋晒

與Honey抵達時已經接近下午3點，客人唔多。我叫咗一碗雙什粥，而Honey就叫咗一碗什雞粥，另外再加一碟牛腸及一碟鮮魚皮。 牛肉腸粉 --- $13︰又話即叫即蒸，呃人嘅！上到檯時只係暖暖地。不過都Okay唔係咁差，略嫌牛肉唔夠多。都係覺得屋企附近果間啲牛腸正好多，而且牛肉分量多過佢，而價錢只係$10一碟咋。 雙什粥 (雞什+豬什) --- $22︰麻麻地。豬什切得好細好細，尤其係豬粉腸，唔望一望都唔知自己食緊係乜嘢。反而雞什就好啲啲，起碼我食到有雞腎，雞腸果啲，不過就食唔到有雞心。食到近尾時，碗粥開始好水，同埋食到有一啖好咸好咸嘅嘢，原先仲以為可能係醃咗啲料所以至咁咸，後尾我繼續食果陣，見到有一粒白白地色嘅嘢，我一食落口... 嘩！就係呢粒嘢搞到果啖粥咁咸咖喇！果粒好似『咸菜』咁嘅嘢，真係咸到『標』眼水呀... 什雞粥 (雞什+雞肉) --- $22︰Honey覺得普通。可能因為係佢地已經預先整熟啲材料，到有客人叫時先『汁碼』，所以覺得啲味係粥還粥，料還料。不過都要一讚嘅係，隻雞好有雞味。 薑蔥鮮魚皮 --- $13︰開頭都覺得幾好食，因為真係打得好乾淨，唔會食到有魚鱗，如果加番

位於油麻地永星里嘅明記雞什粥，招牌號稱有46年嘅歷史，以售賣生滾粥同手捲腸粉馳名。呢度有別於一般粥店，所有配料不論要點併，甚至要晒所有配料，都係收$20。佢標榜最出名嘅係雞什粥，依家香港得返好少地方可以食到，今日中午去開油麻地終於走咗去一試： 雞什粥 ($20) – 名實相符嘅雞什粥，有雞件、雞腸、雞心、雞潤、雞腎、雞肝，材料十分豐富，生滾粥個粥底好正，粥有雞油味，熱辣辣好好味，果然係招牌菜，正~~~豬潤腸 ($12) – 好滑嘅手捲腸粉，師父好手勢，配合爽滑豬潤，生熟程度剛剛好，而且豬潤份量足，好食~~~好有特色嘅內臟餐，的確是好食，但下次會食返淨雞粥同叉燒腸，始終怕內臟污糟，唔會多食；傳统食店通常唔會衰得去邊，呢度嘅食物有一定嘅質素，去開廟街一試無訪。

途經廟街之下，見到明記雞什粥那號稱四十六年歷史的招牌，據聞是已掛上了好幾年，計起上來相信已有約五十年的歲月。見到早輪食友南瓜談論過那裡有一碗雞什湯，趁當日時間還早，便決定入去吃一點東西。以前也來過一兩次，記得點選了雞件雞什雙併粥，這裡有一項怪傳統，所有配料粥不論多少併，也是收你同一價錢。以前十五六元已有交易，今次再來已漲價至廿元了。莫非響應了廿蚊張的呼籲 ?為了吃這雞什湯，今次決定分開叫了一碗雞粥，落單一會就上桌，見灶面附近架有各式配件，一大盤斬好的雞件、燒鴨、鯪魚球和雞什等，做法只是將熟料放入碗底，再倒入一舀灼熱的白粥「熟灼」而已。雞件本身已醃過，略帶鹹味，也算是皮薄肉嫩，可惜吃了一大半，味道始終是雞還雞，粥還粥，白粥的粥底也是薄身，到最後吃到將近沉底，才有些許雞油融入粥內，和早輪試過的太子PCCW巷仔雞粥比較，水準相差太遠了；可幸兩店一在太子，一在油麻地老廟，總算河水不犯井水。雞什湯倒是有點特色，雖不知道其湯底是用甚麼方法熬製，只見湯麵上各式雞什齊備，雞腸、粉腸、雞腎、雞肝等，更加上雞腳一雙，未能用鮮甜來形容，喝下去總算味道，最主要還是吃雞什，所有爽口鬆化油香兼而有之，對正了我這個

喝豬雜湯的話,會想到去西環皇后街的陳春記,或者修打蘭街的永記,想來一碗雞雜湯?便要來到老廟永星里上的"明記雞雜粥".大多人來吃雞雜粥,見到有雞雜湯,價錢同粥一樣,好奇之下便來碗湯,門外仍是舊樣子,將各式的雞雜紛陳在大家面前,吃不到內臟的朋友,還是不要來了.除雞雜湯之外,來多一碟腸粉,我要豬潤腸,一早整定當然不及即叫即做,腸粉皮比較厚,但有點散,包著的豬潤不是一整舊豬潤,而是切成一粒粒.雞雜湯內有雞腳,雞肝,雞腸,還有一些不關事的豬肚,生腸.總之雞同豬搞埋一堆.雞腸入口帶爽.也有點油脂,雞肝有點過熟,口感比較粗,又想得龍金錢雞內的雞肝,那種油潤甘香,簡直天下美味.豬肚同生腸,兩者皆爽脆.至於湯底則清甜,但又不似用雞煲出來的味道.喝罷雞雜湯後,向著油麻地方向行走,天氣逐漸回暖,赫見四季煲仔飯的人龍仍是這麼長,哈哈,香港人吃火鍋同煲仔飯,一向不分春夏炒冬,果然是"火山孝子"也.

見佢打正其號雞雜出名就試下,,,結果唔太接受到,,,個人而言,,,只覺幾特別,,雞都可以當雜咁樣出粥,,反而牛雜就無試過跟粥既鋪頭,,,講返d雜,,,大致上只記得有雞腸既物體,,肉就無乜,,哇,,發覺好難打下去,,,唔知點形容,,味道唔濃呱,,再試左腸粉,,豬潤好似係,,皮ok,,饀麻麻,,但10$左右,,係咁上下..

今晚先在廟街食串無染色的牛雜。再到明記來一碗"樣樣齊"，最適合心多多的我。阿姐執碼到碗中，再加上熱騰騰粥底。一碗有齊滑雞、雞雜、豬雜、魚片、皮蛋瘦肉；當中最美味，算是雞腸和雞肝，前者爽脆帶脂肪充滿油香，後者夠粉糯。

和朋友往電影中心，順道試試這間食評不錯的名店。這裏的名物是雞什粥，雖然不好此道，也慕名一試，叫了一碗雞什粥和齋腸粉。不消幾分鐘，粥就送上。看見粥面浮了一層黃油，心往下沉，和朋友分成兩碗後，一試味道，鹹得呆了，簡直難以下嚥。朋友對油油的粥也難以接受，商量再三，只好硬著頭皮結賬離去，阿姐收錢時也感愕然，細聲說： “唔好食(牙)” 。齋腸粉是即製的，但調味的醬油黑黑的，夾雜一些不知是什麼的，味道很鹹，但都吃完大部份。寫食評時發覺明記是入圍熱店，無奈個人感覺如此，只有如實記綠，請諒。