明記雞雜粥 (已易手) 新餐厅

午餐時間在油麻地, 未到約人時間, 行過見到雞雜粥就在這裡, 雖然話唔可以食雞, 但都係忍不住吃一碗雞雜粥.店內極多人, 唯有坐在出面吃.要了碗雞雜粥再叫一碗豬潤腸粉.招呼的阿姐一陣返來, 話豬潤腸粉要等, 我唯有轉叉燒腸粉.這裏的雞雜粥雖是雞雜現成再倒上粥, 但材料絕不馬虎, 有雞件, 雞心, 雞潤, 生腸, 雞腸, 花生等, 直頭是料多過粥.很久沒有吃雞雜, 材料很新鮮, 很滋味.眼見阿姐手沒有停過斬雞, 賣相和色澤靚, 相信味道也相當不錯.叉燒腸不是即拉, 溫溫但味道都 ok, 叉燒切粒, 肉也不差的.除了雞雜粥, 也可以叫雞雜飯, 配上薑蓉, 我想也幾好吃的.