明星海鮮酒家 (已結業)

過年較忙，現才得閒寫番食評，之前明星幫襯過食蟹，今次講下佢d點心。今時今日飲茶一d都吾平,不過飲茶係经常嘅事.义燒包,一定係即叫即蒸,食落义燒好新鮮冇格夜味,包夠軟熟煎辣椒,魚肉夠旦牙,辣椒煎得剛好腸粉夠滑,賣相吸引又大碟,鼓油帶鮮甜味服務及食材整體係好,不過茶葉要搞搞佢

我們一行九人點了一個半席宴。先來鮮蝦芝士伊面，味道都可以，蝦肉亦不俗。還有滷味、石斑魚、節瓜炒雞柳鮮魷，其實都好味。其中石斑魚肉質彈滑，蒸得剛剛好，沒有老的感覺，好好味。雜菌扒時蔬的鮑魚菇味道怪怪的，有點苦澀味，而冬菇則勉強合格，不算太腍，應該未泡夠，唯一一讚是汁料頗多，又好味。左右是炸蜜瓜，中間的是炸海鮮，水太太只吃了炸海鮮，其實炸得都不錯，而且內裡的海鮮沙律都可以。我們點的半席宴有魚翅，魚翅份量很多的，而且連有魚皮（水太太總覺有魚皮是怪怪的），味道可以，但口感有點「孩」。期待已久的燒鵝皇終於出場了，水太太覺得真的燒得不錯，皮又薄又脆，燒鵝肉又嫩滑而肉汁又豐富，好香的燒鵝味呢﹗荷葉炒飯水太太都好欣賞，因為一打開荷葉，真的有濃濃的荷葉香氣飄來呢﹗而炒飯很香很美味﹗最後的是水晶包，有豆沙（應該是吧）和奶皇餡，水太太吃的奶皇水晶飽美味得很呢，只是略嫌水晶皮不夠元朗大榮華般薄，但都好好味﹗ 

一直都想約返幾個朋友去試D巨型珍品！！今次有機會啦！~~見到明星酒家推出阿拉斯加蟹王之王，超級巨型啊！！！~~~我地都幾個都算大食。。。系個玻璃缸面前pick左個3kg嘅！！！仲有大集D噶！！不過食唔曬。。。叫左呢個都適中。聽聞阿拉斯加蟹王生活系北極圈，咁嚴寒D肉實好鮮甜~~~好期待啊！！個做法order左蒸全蟹。。。個蟹蓋仲有其他食法。。。等左20幾分鐘終於有得食！！哇！！好大隻啊~~~等都值得~！個蟹腳超多肉啊~~真！係！好！鮮！甜！之前睇電視介紹都覺得好假！！但係呢個真系食到蟹嘅味道，肉質又不會干身！！果然系蟹王！！好飽好滿足啊！！！蟹王之王真系名不虛傳！~~~

禮拜六最開心就系訓到自然醒之後食返個滋味brunch！11點幾約埋個fri落到樓下明星大開食界。去到明星已經有人等緊位，等左唔夠10分鐘就有得坐低，聞到點心味。。。好香。。！即時拎張點心紙tick返幾個例牌飲茶四寶，蝦餃，燒賣，叉燒包仲有鳳爪！再叫多個黑芝麻餡嘅煎堆！ 黎了黎了！！等左5mins就上齊，有速度~~~個鳳爪都整得幾入味。。。仲好有膠質。蝦餃都幾足料。。。同平時茶D樓差唔多，不過個蝦餃就有小小干身la。。。唔知系咪瘦肉太多咧？。。。可能我中意食肥膩小小。不過！！！個黑芝麻煎堆就一流啦，咬落D芝麻味好濃，又多芝麻，仲唔會好甜添！正啊！！一人一塊，最後果塊都俾我搶埋！ 仲有就系個叉燒包啦！！wow。。整得好鬆軟啊！！D餡又足，個汁有夠曬味！！食到暴曬！！！ 好滿足啊！！下次再食過！！

上個禮拜六表哥新鋪開張，恭喜曬！一大家人去左明星酒家開餐，仲book埋VIP房賀賀佢！聽聞明星個價錢合理之餘味道都好正！ 睇個menu D菜式都幾新穎吸引，叫左10幾樣野都幾好味又有睇頭。印象最深刻都系呢個例牌燒豬啦！平時食開D燒豬又肥又燒得燶，食左好易熱氣又會飽飽濟濟。講返個乳豬！顏色都燒得幾均勻。個脆皮又大塊又鬆脆，脆皮下面仲有小小肉，食落又唔肥膩，肉質肥瘦均勻，最緊要系新鮮！！贊返一個！個燒乳豬分量夠曬足，成大家人都夠曬食！真係咁唔誇張講句，入口松化！肥而不膩！食得好滿足！！祝福表哥生意興隆！長做長有！

今日係S小姐結婚4週年, 不過我暫代佢老公一職跟S小姐飯聚, 哈哈....呢位大肚婆今日仲選擇食明星添,貪佢坐我舒舒服服又唔洗等位,叫咁多炸野,真係完全唔怕熱氣, 勁呀!! S小姐仲比左小千金既3D相比我睇, 真係超得意, 再次感覺到生命既神奇, 小千金你要健健康康成長, 千祈唔好要爸爸媽媽擔心啊~果醋黑豚肉, 酸甜酸甜既感覺,外皮鬆脆,肉多骨少,配上黑甜醋,好開胃呀..上面有D提子乾都幾好食,同咕嚕肉既感覺唔同,一碟分量都唔少,夠晒我地食.香蒜竹籠雞,望落好似好熱氣咁,但超香口,仲有好香蒜味,好在炸雞外皮乾爽,入面保留肉汁,雖然個面有D辣椒,不過其實唔辣的…不過我地都即刻叫支啤酒3個人啤啤佢…爽晒…海皇極滑豆腐, 食左咁多炸野,都係時候要食清淡點,好大碟既蒸豆腐,好香豆味,又夠滑,上面有蝦,魚,珊瑚蚌做既海鮮汁,豆腐有海鮮既清甜都幾夾.三個人都食唔夠三百蚊,估唔到食晚飯都幾低,野食質素都唔錯,會再黎

今日係旺角收工，一個人去左明星食午餐，第一次一條友去飲茶。個俾枱姐姐好似好奇怪咁，俾兩個位我。擺到一檯都係點心，真開心，可以慢慢嘆。燒賣賣相就比較弱，味道都ok架。一個人食左鳳爪，燒賣，叉燒包同鮮蝦腸粉鳳爪無雪味，夠入味唔會太咸同太甜燒賣賣相就比較弱，不過味道都ok架。叉燒包好鬆軟，都有幾多叉燒響內面。最好味係鮮蝦腸粉，皮夠簿同滑，腸粉唔會痴口，豉油唔會太咸。飲啖鐵觀音，嘆個點心，好好享受一個自己既下午。

爸爸媽媽這兩個蟹痴總是一見不同類型既蟹都有著試試味道如何既心態. 上星期日才試過這隻從日本來的松葉蟹, 雖然包裝只得半隻, 但真的鮮甜無比, 回味無窮,值得再吃. 之前睇雜誌見到而家明星有新鮮既阿拉斯加蟹,上星期公司出左花紅決定帶兩老去嚐鮮. 原來一隻蟹有成5斤,望到下面既魚缸已經好開心,隻隻蟹都好生猛,入到去急不及待即刻叫左隻.我地決定成隻清蒸,兩老覺得咁先食到原汁原味…估佢唔到好重海水味,我諗係因為阿拉斯加蟹係深海生身,肉質結實,一梳梳既蟹好鮮味,真係好新鮮,同雪藏蟹腳差幾皮…食我開心當然要付出,盛為1千7百大元, 當然兩老食得咁開心,做女既都覺得值得既.

同媽咪出去旺角飲茶。原本想試鳳城酒樓，不過太晏去到，到了落場時間。於是去明星飲，等左一陣就有位。明星點心幾好食。尤其係馬拉糕同腸粉。去酒樓飲茶可以每樣食少少，因為點心一碟有幾件，可以試多幾樣。呢間腸粉好好食的，個皮又簿又滑，蝦又夠大隻同新鮮。幾年前媽媽特登同我嚟呢間飲茶，就係食佢啲腸粉同馬拉糕。馬拉糕味道都唔錯，好鬆軟似我家鄉果D感覺， 別有一番風味。甜品竟然有椰皇燉燕窩啊，以前冇架，好足料,我去彩福飲茶例牌會食，估唔到呢度明星都有。飲完茶同媽媽去左探紅姨，佢而家生活都唔錯，我地都覺得好安慰。

同一班街坊食春茗 , 不幸的選了這間招呼零分的酒家 ,吃了圍 2988元的菜單 . 但獲 遭遇如下 :事件一食咗四樣菜 , 換了骨碟兩次 , 每次只換前面 5 位 , 其餘要自己換事件二條魚蒸得唔太熟 , 問侍應可唔可以先將魚肉拆開 , 佢放低隻叉話你自己拆事件三一次來四五個菜 , 個轉盆載不到 , 叫侍應將部份菜轉細碟 , 回覆為放唔到轉盆可以放面前成晚無人沖過茶 , 班伙記亞姐全塲大聲叫喊 , 絕對街市feel , 向經理 complain , 佢話係咁架啦.....忍下啦 !!D伙記成晚黑口黑面 , 以後都唔會再幫襯 , 你想受氣就不防一試

尋日係嫲嫲正日大壽，雖然之前已經喺美心擺咗一圍慶祝，但當然要同佢喺正日再食飯啦!!但今次竟然喺嫲嫲爭住請，因為佢話鄉下興擺大壽要當時人大宴親朋，其實我懷疑喺佢想俾錢而作既!!不過我地都由佢啦因為知佢好硬頸呀!!尋日食飯既地點係喺明星，我都好耐冇去過咯!! 以前食燒鵝，只會去深井，陳記定裕記好呢？幾十年前，第一次到裕記，好食到不得了。相隔十幾廿年後再去，難食到不得了，鵝又凍又羶，價錢又貴，服務又不算好。之後一次，到陳記食下午茶，例牌加碗飯，不錯也。再下次，又翻食，那次唔惦啦！所以，食燒鵝也要講運數。估唔到而家明星既燒鵝都咁有水準，所以今次講下隻燒鵝!!燒鵝皮很脆啊!!! 燒鵝肉好夠入味， 肉滑，唔會粗糙，食落新鮮似唔係放左好耐，送紅酒真係一流，今日真係飲飽食醉，８個人都係食左千５蚊真係算底架。

今天又遲到, 要搭的士返工, 好彩唔洗跳錶, 不過就遲到10分鐘.今天發生咗二件都幾攪笑的事 :第一件事係我又一次在公司迷路.第二件事就係我今日第一次帶飯, 但係竟然唔記得帶食具 , 於是我要去canteen問人借.今晚唔知點解 Ted個細佬Jeffery請我(佢地同三叔一家人) 去明星食飯, D野食都幾好味呀! 價錢又唔係太貴. 原來佢地的早/下午茶都好低的, 我地仲食都抱住個肚食tim (其實每次都係咁的), 今晚都做返d運動keep fit下先得.今晚食左四個小菜無錫京烤骨, 鮮果脆皮生炒骨, 海皇極滑豆腐仲有星洲汁爆脆蝦球. 無錫京烤骨D肉好淋應該燉左幾個鐘, 仲有件波蘿響面, 上既時侯俾埋刀叉我地自己分享 鮮果脆皮生炒骨個炸”張”好鬆脆,酸甜度都剛剛好,有新鮮生果,啖啖骨,骨比較少 海皇極滑豆腐,本來以為係蒸蛋白,點知好有豆味,應該係豆漿整成, 個面係海鮮汁,俾教上清淡既菜式星洲汁爆脆蝦球 蝦勁大隻, 夠彈牙, 一碟都有成8,9件, 好低食!

星期六見天氣凍，一心諗住同男朋友去廟街食煲仔飯，點知經過見到明星門口個大魚缸好多人圍觀，我地都唔執輸走埋去睇埋一份，原來個師傅係度餵蟹，睇真Ｄ，係搵Ｄ鮑魚仔黎餵！！就係因為咁，我地打消左食煲仔飯既念頭，改為上去食呢隻食鮑魚既蟹。坐低先發現原來做緊promote，每一隻蟹都成五斤，問過經理可以足夠四人份量，最後我地決定兩個人淨食蟹！經理知道我地兩個人食都特登拎最輕磅既出黎，但都成五斤幾，平時睇電視就見得多，今次親眼見到隻蟹成張檯咁大，我地都嚇左一驚，食蟹過程隻手太污糟冇影到相，比大家睇下佢未比我地肢解前有幾大隻啦！肢解完佢當然要贊下佢啦！先講下蟹腳，蟹肉豐富，又夠鮮甜，未試過食蟹可以啖啖肉，其次要講下個蟹蓋，真係可以大到裝飯，每次食大閘蟹我都中意食蟹身多過蟹腳，阿拉斯加蟹剛好掉轉，我比較中意佢蟹腳既每一口的鮮肉汁，真係令人回味無窮，最後埋單都係$1670，雖然比起我地當初既煲仔飯計劃貴左十倍有多，但絕對冇後悔，唯有買少兩件衫啦，哈哈！

老公話股票升有錢賺所以去食餐好，明星都係響屋企附近，平時都成日黎食飯，見見佢門口有新魚缸裡面有好多蟹，老公即刻話要食，係香港食到嘅阿拉斯加蟹絕大部份都係急凍嘅！食新鮮嘅...今次都係第一次咋！我地揀左係5斤左右既蟹，用黎清蒸.當魚佬拎隻仲育緊既蟹俾我地睇既時候真係好興奮, 我地仲叫左個果醋黑豚肉同白飯果醋黑豚肉-個脆皮好鬆化同平時既炸皮有D唔同, D肉都好淋, 黑豚肉既味道比較香, 唔會有陣豬味.隻蟹終於要黎喇...真係勁大碟，有俾埋較剪我地食，蟹肉足滿海水既鮮味，即係天然海水既咸味，絕對唔洗點咁何醬呀醋呀黎食。蟹肉係一絲絲，肉質鮮甜，不過我覺得膏唔算好多，不過真係講起都流晒口水。食完唔知幾時仲有幾會再食呢？

今日又要出尖沙咀領獎，領完獎之後就諗住去 The One 換兩張戲飛，因為有兩張閃亮人生換票證，可以免費睇戲。點知心水的時間座位剩番頭三行，之後即去油麻地電影中心，順利地揀到16:10 嗰場的位。由於只是一點幾，時間尚早，將原先打算去麥記試包和甜品的計劃順延，改為係附近飮茶。最後來到附近的明星，原本朋友說逛逛先，待兩點幾才去飲下午茶，因為現在也一時多。不過我未食早餐，好肚餓，照上去酒樓搵位飲茶。估不到星期六下午不用等位，只是撘了枱，不過也沒有所謂。整體來說，人是滿滿的，不過又沒有嘈吵的感覺，可以大多也是公公婆婆吧！大家咪以為下午茶會平好多，其實只係特點平一元，同埋多一張平價但無咩特式的點心紙。所以我們無等下午茶的決定是正確的，而且那張 '平價' 點心紙的點心沒有和我們之前叫的一樣，完全沒有 '唔抵' 的感覺。見乳鴒只係 $19.8 一隻，我哋就一人叫咗一隻！嘩！好香呀！乳鴿唔算好細隻，以呢個價錢，真係幾抵食。乳鴿好香，脆皮表烤得剛剛好，可能太耐無食過，覺得好好味！隔離檯的見我們食得津津有味，也叫了兩隻，仲話要再外賣呢！點心紙上有流沙奶黃包和宮廷奶黃包，見兩個價錢一樣，不過宮廷奶黃包是附