旺記冰室 (九龍中心大廈)

营业中

休息中

隨便走入一間茶記食飯，想不到反而有驚喜！裡面是一貫的冰室茶餐廳格局，但位置就相對鬆動得多，雖然人多，但坐著也不覺迫挾～滑牛肉蝦仁 雙拼滑蛋飯 $58由店外未入來已想好了要吃這個飯，招牌我碟頭飯，雙拼牛肉+蝦仁是豐盛版本，平日吃多數只有單拼其中一款。滑蛋用了日本蛋去炒，滑蛋的熟度和滑溜度可說是完美，吃下去是一絲絲的質感混和著純正的蛋味，媲美不少老字號的滑蛋！滑牛也是相當出色！薄切的牛肉十分嫩滑，完全沒有肉絲一般的滑，本來想叫叉燒的，但吃了牛肉後反而覺得幸好叫錯了，錯有錯著！跟餐+$4叫了鮮薑汁奶茶，平日已經幾乎每天都喝奶茶，難得見到有特別的薑汁奶茶，當然要試試～第一口飲會明顯地嘗到薑汁味，像帶點辛辣的奶茶味，不錯的配搭，但喝到後段，可能是因為冰都開始融了，薑味就相對淡了許多，喜歡這種味道的話要把握時間喝！想不到一間看似平凡的冰室都有好吃的滑蛋飯，加上價錢非常公道，店內還有豬潤麵、常餐都是推薦之列，下次再來就要試試粉麵類！

雞蛋控又出動❤️今次來咗出名食滑蛋叉燒飯嘅旺記冰室夜晚嚟到都幾多人 不過排隊等咗陣好快就入得 客人流量都幾快佢夜晚冇叉燒供應 所以就叫咗個滑蛋牛肉飯 配咗個薑汁凍奶茶滑蛋牛肉飯真心好味 滑蛋炒得有水準唔太老 食到唔少蛋汁👍🏼 炒蛋份量多 佢嘅秘製鼓油都好出色 味道甜甜地 配埋炒蛋同飯一流 而牛肉都煮得幾軟熟 唔會好韌薑汁奶茶幾特別 薑味幾濃突出 冇諗過配上奶茶味道都幾不錯 不過都幾睇個人口味 因為我朋友飲落覺得幾辣 怕味道太濃烈嘅朋友要先考慮再叫整過上 58晚餐食到有水準嘅滑蛋牛肉飯係幾值 不過位置有點難搵到 建議大家開住地圖嘅app搵

友人說叉燒好食，但可惜叉燒個日啱啱好賣曬，就叫左個番茄午餐肉顆通粉，炒蛋加奶油豬。番茄湯底係鹹淡適中，而且午餐肉顆好足，一口食係啖啖肉個種，然後係煎到脆脆的口感，加爽口通粉，番茄清爽加肉感真係好jeng。炒蛋係濕潤，好好食，鍾意佢個奶油豬仔包，正正常常熱同脆口。下次一定會返黎食嘅叉燒飯。

滑蛋叉燒飯: 真的很簡單，不過弄得這麼美味真的不容易！滑蛋份量充足，叉燒也不少，加上葱花及豉油，真的無懈可擊另外也點了一份常餐相對比較失色 (因為滑蛋叉燒飯真的太美味)，不過視乎你當天的胃口啦！麵包竟然用上麥包，烘得脆脆的，與滑蛋一起吃味道很夾。通粉的口感比較爽口，個人比較喜歡吃淋滑的那一種，所以這要視乎你個人口味了。某天假期下午2點左右來，2人枱，要排隊大概20分鐘，所以要有心理準備唷不過轉流算快。後記: 常餐可加錢轉朱仔包，不好麥包的朋友有多個選擇！

今日諗左一陣食咩姐 就已經見到旺記冰室出面排曬長龍😣 即刻去拎個位，不過好彩其實都係等左大約十幾分鐘就有，同朋友傾一陣計好快就入得😎通常入去之前，門口個呀姐都會問定你食咩所以坐低左無10分鐘就已經到曬旺記個滑蛋叉燒飯聽就聽得多，食就第一次食。不過啲滑蛋又真係幾滑(佢話用左日本蛋)，配埋啲甜豉油(佢話係特製)又真係幾好食😋叉燒就半肥瘦，唔會好硬都食得下🍳黎得冰室點可以唔試試佢個茶走，話超好飲就未到，不過唔會澀幾滑，有中上都唔錯😎

今晚突然好想食好滑既炒蛋，所以上網睇下邊到有得食!見到呢間冰室D人話佢既炒蛋幾好味，於是就同友人去試下!由於係平日晚上，所以餐廳都不算多人，但係....我地被安排係比較窄既2人枱，隔離都坐左兩個客人，好迫!眼見之後入黎既2人可以安排去4人枱，感覺不太好!而且餐廳冷氣唔夠，好熱!原本諗住黎試佢既叉燒滑蛋飯，點知原來夜晚係好似冇得食既....咁入到黎又冇可能即刻走，於是就叫左牛肉蝦仁日本滑蛋飯同埋旺記雜扒飯!牛肉蝦仁日本滑蛋飯，日本滑蛋係好滑既，蝦仁都好彈牙，呢個飯係用豉油做醬汁，還有蔥粒，不過味道好啖口!旺記雜扒飯，當中有豬扒、雞扒同滑蛋，反而呢個飯係用洋蔥汁，所以感覺味道較濃少少，雞扒同豬扒各一塊，兩者都較乾身，不過蛋都係好滑既!總括黎講應該唔會再去，因為沒有想像中好食，同埋枱與枱之間較為狹窄，坐得不舒適。

旺記冰室開了幾個月，每逢每膳時間，總會擠滿人在門口排隊，一等可能是十五分鐘至半小時，以香港打工仔食飯個多小時來說，是十分奢侈，究竟有什麼魔力給引大字花寶貴的午飯時間久等呢，今日我終於知道了。餐廳的名物是炒滑蛋，推介有炒滑蛋叉燒飯和炒滑蛋叉燒蝦仁飯，單講賣相，已經不能和普通茶餐廳相題並論，蛋和叉燒炒得滿光澤，蛋的生熟程度掌握的十分好，不太生、不太熟，味帶牛油香，將簡單的炒蛋飯昇華到另一境界。另外點了一個咖哩吉列炸魚柳飯，水準也不錯，都可以一試。

之前岩岩開 無乜人排隊 所以戈陣成日食佢既 滑蛋叉燒飯🤪 今次就試下新野野菜番茄麵豉湯讚岐烏冬 HKD54；不專業評級：6.5/10呢排食得太雜🙊 所以揀左款清淡啲 多啲菜的湯麵食🤪 果然無令我失望 超級多野菜 滑蛋保持水準 真係齋望都感覺到佢既滑😍 配合番茄麵豉湯底 湯底既有野菜的清甜又有番茄的濃郁酸甜味💗 加上彈牙的讚岐烏冬 無得輸阿😆雞扒忌廉麵豉湯讚岐烏冬 HKD58；不專業評級：6/10雞扒好抵讚 係即煎💗 雞皮上枱的時候仲係脆卜卜 完全無比湯浸淋左的問題😆 雞扒肉質嫩滑👍🏻 不過食食下塊雞扒涼左之後開始出血水味同雪藏味 扣左少少分☹️.推薦度：🌕🌕🌕🌕🌕🌕🌗（滿分十分）

自家製叉燒日本滑蛋飯$54一上枱見到晶瑩的蛋令人大快朵頤，而且蛋的分量多，舖滿成個飯，配埋叉燒同秘製甜豉油，真是一啖接一啖，惟一蛋味唔算太濃旺記烘麥包三文治4重奏$32(豬記選了免治牛肉、生菜、蛋、花生醬)好好好厚身，料係爆多，有啲似荃灣的嘉樂冰室，不過豬記覺得花生醬可以多d，因為啲料感覺冇麥調味，所以有花生醬的地方個味道會更昇華評分:7🐷價錢抵，但記住夜晚係冇叉燒滑蛋架，而且三文治要下午茶先有，所以要記住個時間喔🤤

一早聽聞旺記的叉燒蛋飯很有名，特地來試試，可惜太晚來已經賣光叉燒，唯有選其他食物，有意外驚喜，非常好吃。豬排滑蛋撈麵份量十足，我跟朋友量過，應該放了兩個印尼撈麵。豬排帶點脂肪，肉味香又juicy，肉質軟，而且已經幫你切開，很貼心喔。滑蛋質素很高，蛋味很香，很滑，看到廚房的雞蛋盒外面寫著日本卵，用料高級，難怪那麼好吃。另外點了豬膶通粉，也是有滑蛋，多士是麥包很健康。豬膶爽口，煮得剛好，通粉十分彈牙，最喜歡湯有很濃的薑味。想不到叉燒飯以外都很好吃，下次一定要早點來吃叉燒飯，一定好好味。

鮮忌廉雞湯 鮑魚火腿絲 通粉 配鮮牛油麥包多士 4.3牛奶炒日本滑蛋($46)第一次食鮑魚火腿絲 有鮑魚味食落幾似真嘅 忌廉雞湯都好味 唔會太重味精 炒蛋超滑 配埋牛油麥包無得輸啦

旺記雜扒飯🍛 ($65) (3.5/5)話說琴晚行經尖沙咀見到 #旺記冰室 新開張😱 仲要試業期間無咩人😏 點知最奇怪既係原來夜晚係無招牌 #叉燒滑蛋飯 食架😳 只得蝦仁滑蛋飯同牛肉滑蛋飯🤔 唯有叫個雜扒餐😅-滑蛋係炒得滑既😋 但無特製醬油始終係差少少👌🏻 雞扒同豬扒非常大塊😱 其中雞扒肉質好嫩有驚喜🤤📍尖沙咀亞士厘道29-39號九龍中心大廈地下🚇尖沙咀站A出口#eforeat_tsimshatsui #eforeat_茶餐廳 #旺記 #冰室

以前次次黎都一定食呢度嘅滑蛋飯，呢度嘅滑蛋飯真係超出名又好好食！尖沙咀終於開咗旺記超開心！之前同朋友食嗰陣佢就食番茄午餐肉通粉+奶油豬，佢話好好食，今次等我試吓先！今次幾好彩假日中午嚟唔使排隊，我哋入咗之後就要排😂我嗌左蕃茄午餐肉粒通粉再+$5轉多士做奶油豬，男朋友就繼續食呢個滑蛋飯。奶油豬真係超好食！外脆內軟，仲要熱辣辣！配上牛油同埋煉奶，正！滑蛋就一如以往滑身有蛋味。重點係午餐肉，佢係一粒粒唔會太簿身，所以食落有口感。而且佢有煎過，所以外層係好香脆！最令我驚訝係通粉同一般嘅茶餐廳唔同，啲通粉係爽身唔腍嘅！一般茶餐廳嗰啲通常都係好軟而且黐埋一舊舊，呢度嘅通粉真係唔錯。個湯底係濃郁嘅蕃茄汁，仲見到啲新鮮蕃茄添。除咗滑蛋飯之外，今次發現咗原來其他嘢都唔錯，呢個特濃番茄湯午餐肉粒通粉餐值得一試，可以輪着食啦！

同事話去買外賣，推介食旺記冰室無乜所謂所以決定一試本身都無咩expectation食完第一啖就停唔到😍因為真係好好味！係我食過最好食既滑蛋叉燒飯😍滑蛋超正，好香好滑，但又唔會感覺好生！叉燒好淋好夠味連埋小小豉油，成個飯已經無得頂！一定會再食呀！

突然間好想食滑蛋蝦仁飯，於是同朋友去咗一間新開無耐嘅茶餐廳試。雖然呢間茶餐廳位於尖沙咀，但係價錢非常知抵食，一大碟滑蛋蝦仁牛肉雙拼飯都係$60左右，加埋佢嘅秘製豉油汁，真係好好食。可惜嘅就係六點後冇滑蛋叉燒，決定下次再試吓佢個午市！