日泰郎放題料理 (已結業)

日泰郎首先見雜誌介紹便訂位試試，後來見有師兄在這裡彈劾便打了折扣，反正定了座，去到才算！剛出見那位姐姐尚算友善...才放心些！一坐落便奉上一盤賣相不差的刺身拼盤，自己也點了一盤，刺身新鮮幾好，可能是第一張單無cut~ 數上快，其後的所有單都已自動和我們cut 數了...失敗~小家！飲品種類其實不算多汽水綠茶檸檬茶菜蜜，火鍋我們無試，壽司賣相唔錯食落一般和人少必定cut 數！咖喱香而不太辣，其餘泰式食品也是！各類沙爹串燒反而沒cut 數...好味！豬頸肉太干似食瘦叉燒！火焰三文魚如和其中店舖可能比下去了！天婦羅味道好一般！但其中有兩樣很好味的食物~魚翅濃湯雲吞及和味一口牛...一定要試好好味！但炸物和其他的廚房的食品可能要等其他一齊炸，上慢要等！反而甜品種類都算多，更難得是任叫，個人較喜歡雪糕糯米磁及椰汁西米糕！整體而言環境光猛老花也看得到飛仔，上菜時間勉強可接受但小家...人少會勁cut 數~無癮！

開左OPENRICE都左一段日子,但係我重來都唔打食評, 因為我懶, 但係我點懶,點夜我都返來打埋先訓, 免得下一個受害,我仲有D懷疑嗰D好評....(以下為內容)今晚去左間新開放題度食, 帶住满心期望,點知....入到去, 剛剛開張,裝修企理, 但門口嗰位阿姐黑口黑面, 好似得罪左佢咁, 已經有D暗湧,去到坐低, 睇到有好多日式料理,泰式料理,咁就係咁寫剔,..但係紙上寫明只可以落3款, 所以都唔係落左好多野但我張刺身紙遞左比佢之後, 足足等左30分鐘都冇黎, 其他野就上緊, 我不斷追問各男女侍應,每個都勁冇禮貌地回應跟緊, 有個肥肥地, 扎馬尾既大嬸仲要勁串咁問我地:大嬸:「點呀? 刺身黎左啦嘛, huh?」我地:「黎左啦, 但係...點解三文魚得"4"塊咁少? 明明我地寫左10塊架喎....魷魚得一片咁多?!」大嬸:「(囂張地)係丫, 係得咁多呀! 唔通你地叫得多就黎咁多咩, 我地都係睇人數黎出份量!」( 我地兩個人叫左十件,都係每人五件, 食放題每人都食唔到五件三文魚, 食咩放題呀?! 我唔覺得多law, 同埋你地咁做生意不如唔好做放題la!!!!)後來有一位全場我覺得佢最N

今日放左工同個friend 去左佐敦，本來淨係想食日本野...但比佢拉左我入去日泰郎食放題。上度去第一個感覺，d裝修都幾cyber feel，而且個場好大，位多但唔算話好多人。一開始佢話送咖喱蟹或海膽，我地揀左海膽，雖然唔算好多，但食放題無諗過有海膽，都幾爽!!!1. 佢個刺身要讚!!! 唔係d味道而係個賣相，有煙噴咁...絶對令我覺得係好食d.. 三文魚刺身都幾正...但要睇彩數..第二輪果d唔夠肥2. d泰國野比我想象中好食，咖哩雞幾正宗，好香又有好多配料，d串燒都唔錯...仲有佢有三色冰飲....椰香味好重...正!3. d壽司飯埋埋...我食親放題都覺得d壽司飯唔太掂...lee 度果d都係太硬...想食壽司都係回轉好過...4. 燒物...中規中距....燒鯖魚值得一試!5. 上菜速度...頭round 幾快....刺身有時要等....但其餘野食都無咩漏order....公道!!6. d 服務員都好友善...食得多唔會黑面....我覺得lee樣好重要...食放題都係為左爽者!!!7. 無酒飲....如果有埋酒任飲就好....以放題質數去睇，日泰郎算中上..多野食...刺身咖喱

今日胃口大開, 突然想食放題, 聽人講 日泰郎D 甜品同串燒好正!! 於是我同FD 去左日泰郎試試喇*食物質素: 千層糕同雞翼最好味 其他OK .*千層糕好味!!! 我食左好多立!!! 黃咖哩雞都OK好味,, 雞翼加D 7味粉 超正~~~~ 巧克力MOSS 都OK 3文魚同埋魚餅超難食..我嘔哂出尼價錢: 150蚊1個人OK喇-3333-"*環境1般, 沒有日本風味的感覺........有D似荼餐聽..... 廁所臭臭.....

25 號和家人去晚飯，食最早時段(因為最平)，不過果日因為聖誕要每位加$20 >.<整體感覺ok，比起上次去大吉xx屋好得多!食物1. Drinks: 媽媽叫泰式豆漿就幾好!加左薏米煲幾好味=) 不過,特飲龍眼冰實在不行...2. 刺身不錯呢!!!有驚喜~ 款式都算多，尤其三文魚和赤貝,肥美的! 不過希靈魚就普通3. 沙爹串幾好! 反而咖喱就普通d4. 天婦羅蝦意外OK wor, 平時d放題既蝦會完全無蝦味，呢個都有，同埋幾大隻, 但奇怪地明明蕃暑、南瓜平d既food 反而佢每塊都好細塊5. 食物多款式,有日、泰、港，食晒日泰之後己經飽到食唔落打邊爐咁制...6. 三文魚soup 蠻清甜，幾好7. 甜品方面，款式都算多，點雪糕竟然有成支chocolate雪條@v@ 桂花糕ok,朱古力慕絲ok8. 食成足2hrs，係臨尾果20mins 開始有少少漏單，唔知係咪因為見我地就夠鐘/_____\ 但我地作最後衝次! 追左一次單d野就齊9. d 蟹賣晒無得食人地話好食的咖喱炒蟹! =(10. 環境、食物、toliet 都乾淨! 這點非常滿意!總括來說，

本身諗緊去邊到食飯，之後係雜誌見到呢間日泰郎，知道係新開所以諗住去試下。跟住book左6:00~6:30入座$138限食兩個鐘，我地有11個人可以有九折，唔駛加一都幾抵佢會送冬陰公火鍋，不過時間有限，我地冇要到。坐左係間大房，不過坐得唔係幾舒服因為張檯太大，好難夾野食。畫野叫野食有d混亂，因為唔係好知張食物紙點寫，但服務態度都算有禮貌。d野食好多都好好食，串燒、冬陰公湯、炸蝦餅、魚餅、雞軟骨、炸軟殼蟹，全部都好好食。剌身好新鮮，又多選擇，手卷好味，紫菜唔係淋，總之大致上可以接受。每人可以有一杯泰式飲品，青檸梳打、三色冰、珍多冰、荔枝冰、泰式豆漿，前四個我地都有叫，幾好飲架跟住汽水、檸檬茶個d任飲。我地有優惠卷可以揀送咖哩蟹or海膽，我地揀左咖哩蟹，不過no ok，因為過鹹，最後冇食到。甜品好好食，有桂花糕、椰汁糕、朱古力慕絲蛋糕。可能岩岩新開，環境唔錯、好乾淨。所以大家絕對值得一試但係限食兩個鐘，變到有少少趕。如果有兩個半鐘就perfect喇！

上迥五,睇完之前6個食評,見ok,咪試一試. 點知.............................1)等食,多過進食. 又要限時, 又出得極慢. 又漏單 Fri -sat 還加$20(若無記錯)2)紙上款色好多, 但係點完就無嚟過, 3)刺身我門4人只吃過2盤 : 三文,吞拿,針魚,及不知所謂的希靈魚 各大約5件.........壽司:蟹柳,賴尿蝦,北寄貝.....thats all,但我起碼點左7-8款 4)火煱食肥牛像根5)超難飲,勁sweet 荔枝特飲6)無酒飲7) 太多了,唔寫啦....自已試下第一次寫食評, 因為此店令我太

之前睇OPENRICE 和BLOG 都有人推介,所以就去試一試,服務真的不錯食物也上得快,雖然侍應雖然有好多是新手,但好比心機只是日式食物好似刺身壽司明顯不是太新鮮,打了不少折扣其他的熟食就真的不錯,打邊爐和海膽是送的刺身不新鮮,壽司是預制的紫菜淋闣熟食是OK的天婦羅軟殼蟹串燒是不錯甜品普通

因為我中文打字唔好, 寫食評係件好辛苦的事....不過, 佢係值得既....星期六同朋友慶祝生日, 因為有大有細有BB, 希望搵間有房坐可以舒服D,但係好多地方都無房, 最後係Openrice搵到尼間新開的餐廳, 即管打電話試下, OK, Book 到, 聽電話個人叫阿Ray, 好有禮貌, 仲問有無朋友係前後7日生日, 話送蛋糕, 不過補祝朋友生日, 所以唔駛啦...訂左8:30PM 12位, 一上到去,地方OK, 好新淨, 間房仲好大, 因為有2張枱, 我地好好彩, 當日全間房得我地一枱客, D侍應仲好細心問我坐唔坐到, (因為係日式主題房+我8個幾月肚), 不過OK, 無問題, 仲好闊落...D朋友未黎晒, 仲加2個未必黎到...佢地都無黑面(因房最少12位)...仲唔介意等齊人先開始計時..不過D朋友都好快到齊, 好, 開始叫野食....食放題梗係叫魚生啦, 雖然我唔食得,不過一攞入黎,D魚生係D乾冰親扥下, 好靚, 仲有冰底, 好新鮮.咀叼的朋友食完話好正, 我就無褔消受啦...唯有食熟食,我最鍾意食天婦羅, 一D油味都無,好難得..串燒,火炙壽司,咖喱蟹,魚翅濃湯雲吞,炸雞軟

我個人好仲意食日本野因為之前係日本留過學, 返黎hk成日都周圍去試唔同ga放題...前幾日上openrice見到呢間放題新開,於是就約埋班同事去試下!入到去都好大,唔似其他放題咁逼, 感覺唔錯...但侍應d反應一般, 舉手舉左ok耐都無人理...坐低有個侍應同我地講有個泰式火鍋送, 就試左個冬陰公湯... 冬陰公湯: ok, 幾好味 刺身: 三文魚好新鮮, 刺身厚度岩岩好, 唔似其他放題咁薄! 仲擺得好令, 好有心思! 壽司: d飯大細岩岩好, 唔會話好大粒想食飽人咁" 沙嗲串燒: d串燒一般, 燒得好乾, 咖哩蟹: 個蟹唔新鮮, 但個汁ok... 東菇串: 老實講開頭真係唔知咩黎, 好似2粒黑炭頭咁" 超難食... 炒通菜: 唔夠味, 無咩好感 一口牛: 最好味就係呢個, 真係好正... 值得一試 炸豆腐: 我本身就唔食豆腐ga, 個fd食左話ok好味 炒蜆: 個人好仲意食炒蜆, 但係呢到D炒蜆無味 炸雞軟骨: 呢個好味 天婦羅: 整得好好, 特別係天婦羅蝦, 真係值得一試 三文魚湯: 好飲, d湯煲到奶白色, 唔錯其他都ok, 但d泰式野無出面泰國菜個d味.. 似中式泰國菜呢

尋日行過佐敦見到呢間嘢好似新開，見佢价錢唔貴比其它放題平20蚊，咁就試下喇，環境好掂，裝修好靚，的傢私好舒服，好似入咗豪宅咁。試下啲嘢食得唔得先，我先試刺身，三文魚好新鮮，切得唔厚唔薄，啱啱好，甜吓各樣都好新鮮好正話明日泰郎梗係試下泰國菜，冬陰公好香，夠辣，好正:喱蟹掂呀！好香喱味，d泰國師父真係有一手，佢哋仲有港菜都好正，好似一口牛，胡椒虾，雲吞趐....都好正:總括嚟講呢間嘢好掂，价錢又平，真係估佢唔到咁正

今日行街見到有間新開張概放題餐廳。俾個招牌吸引到！ 見到有人派傳單。同埋大大個招牌。送咖喱蟹或海膽。本身就中意食壽司同泰式概我緊係唔會錯過喇~ 入到去環境好靚。服務員都好有禮貌概同我D打招呼。可能係時間早概關係俾佐我地一張近窗口概卡位. 唔洗講野，緊係叫一個咖喱蟹啦，跟住叫佐D天婦羅同D火炙壽司。出餐速度夠快，服務都幾有效率！ 免費送一杯特飲！咖喱蟹好夠味最正！下次一定要再叫，軟殼蟹天婦羅同蝦天婦羅好正！串燒沙爹味道恰到好易入口，咕嚕肉非常開胃。鰻魚炒飯都好好味，壽司都幾新鮮！跟住叫佐個冬蔭功火鍋都OK。食到差唔多喇甜品方面，南瓜蛋同桂花糕都幾香甜，仲有雪糕糯米糍。真係好滿足！一次過滿足3個願望。仲有好多野未嘗試，飽過頭留返下次先！ 其它野都OK概.總體好滿意喇，下次一定叫多幾個朋友來一起食！

今日一家人去左裕華行街本來諗坐飲酒點知超多人,最後又去返幾日前食放題既日泰郎食lurch!原來呢間野有lurch set都係$35,店員比左張order紙我地話係入面每人可選兩款食品都係$35!呢個三文魚刺身好肥美&新鮮,不過本人覺得切得太厚食左後有d漏!菠蘿海鮮炒飯,賣相好得食落都唔錯!香葉肉碎炒飯,都ok好食夠香口但無咩特別...炒通菜炒得好好不過老人家食話比較辣,我就覺得夠野味魚生飯<-----呢個真係重點推介,好新鮮仲要係碎切魚生飯入面又多蟹子,$35真係物超所值木魚什菜炒烏冬,呢個真係唔ok,唔知點解食落有d甜....餐加$3可轉特飲~叫左杯椰汁涼粉冰都算唔錯夠多涼粉又唔太甜!

今日無聊行行街見到間日泰郎新開就去試下就叫左個咖哩蟹勁難食蟹唔新鮮仲有個燒東菇又黑又苦越式串燒都係麻麻地好似食緊街邊串燒咁日式都ok特別是火炙壽司露筍火三文魚都几正出面自助餐好小有得食

果日二人行，下午途經佐敦新寶廣場，見街邊有新廣告，日泰郎放題料理，自選午餐35蚊免加一，一於上去試下，7樓開電梯門，咦！都幾大，新場仲有人係度裝緊窗簾佈，有人招呼二位，睇下餐牌主要有日本同泰國野食，午餐自由配搭一個飯+一個小食+一杯飲品，35蚊落得樓，我要左一個魚生飯+加洲卷+真多冰，完來真多冰算特飲要加3蚊……我朋友要左個波羅抄飯+雞串燒+奶茶，35攪掂。環境舒服，可能新張，客人少，服務都好D。