日泰郎放題料理 (已結業)

果日二人行，下午途經佐敦新寶廣場，見街邊有新廣告，日泰郎放題料理，自選午餐35蚊免加一，一於上去試下，7樓開電梯門，咦！都幾大，新場仲有人係度裝緊窗簾佈，有人招呼二位，睇下餐牌主要有日本同泰國野食，午餐自由配搭一個飯+一個小食+一杯飲品，35蚊落得樓，我要左一個魚生飯+加洲卷+真多冰，完來真多冰算特飲要加3蚊……我朋友要左個波羅抄飯+雞串燒+奶茶，35攪掂。環境舒服，可能新張，客人少，服務都好D。