日泰郎放題料理 (已結業)

經朋友介紹...今晚一行四人首次去食日泰式放題..平時通常都只係食開日式..今次可以食埋泰式都係第一次..我地book左7點半..早左5分鐘入坐..一上到去由於全層都係以一d都唔覺d位迫..個待應仲好好話比我地坐卡位岩岩有人走所以要執一執枱..大約等左5分鐘入得..我地早左5分鐘入坐即係7點25分待應同我地講食到9點25分要埋單~2個鐘真係好ok woo~一坐底緊係急不及待叫刺身la...仲有就係每人有一杯free既泰式飲品如果要再叫就加錢..但冇需要再叫la因為佢有汽水任飲個d ga..好細心有4款唔同既醬汁~lee到特別之處係第一轉既刺身係冰盤上ga..出哂煙咁好似好新鮮好high..但食落又確係新鮮woo...佢d刺身我冇記錯有成十種ga~係朋友叫我自己就冇食..佢話味道一般~真係冇得頂..一食落口我地個個都呆左...點會咁好味ga..真係唔係誇張...熱辣辣係好明顯新鮮炸..炸粉一d都唔厚蝦算大隻同新鮮...亦唔係番炸..又唔會好油淋淋咁...我地食一口已經好快攞紙再order la~~未食過放題d天婦羅係咁正ga..好食過好多出名既日本料理~一樣好好味...仲有就係彈牙ga~

朋友無意中發現這間新開店舖, 收工後諗住去試下! 環境尚算ok, 可能因為夜去, 所以人唔多, 唔會好嘈. 而且塵位闊落, 唔會坐得好逼. 先食左一客送既刺身, 有三文魚魚腩, 實在驚喜! 當然, 之後點既就無咁靚, 但水準都算可以接受.另外款式選擇亦算多, 有刺身, 有壽司, 仲有火鍋, 泰式黎講唔會好馬虎, 味道雖然唔係超級好, 但比起其他既放題, 呢間算有水準! 每位仲送一杯特飲, 仲有汽水任飲, 以咁既價錢同埋放題為主, 呢間真係算有水準!

入到去個女人口黑面黑咁問我"機位啊"....果個樣真係好似唔多想你入來食野咁....話曬我都係客啊...好啦坐底左叫野食......d刺身壽司食都ok la.第一盤刺身有煙ga 哈哈...串燒雞同雞翼都ok好味個人最鐘意食係個甜品千層糕 上菜速度中規中距la其他服務員都好nice下......會有笑容如果唔係一開始比個女人搞到無物心情會食得再開心d囉

前幾日出去同朋友食飯....佢地話想去食放題...咁我地諗左陣黎左試下呢間日泰郎...我地無訂枱..黎到等左一陣都有位...環境都算唔錯...裝修幾靚.....呢度d位又唔會話太迫....有d放題d位窄到肥小小都坐唔度....飲品:送一杯泰式特飲...我要左椰汁涼粉冰.....好味汽水果d就任飲...不過佢地個茶幾好飲....問左佢地好似係玄米茶再混左其他茶...好香好好飲..刺身:呢度都算有好多刺身種類...我覺得白烏貝同北寄貝好好味北寄貝真係好小地方會做刺身...次次都要跟埋個壽司飯佢地有個冰底刺身盤....又真係整得幾靚....睇見到開心天婦羅:軟殼蟹好好味小炒類:黃金豆腐....雞軟骨...一口牛...濃湯魚翅雲吞...炒蜆....都好好味....甜品:西米糕...桂花糕...火龍果大菜糕可以試.....唔太甜....岩我^^其他食物:不過不失啦....

早兩日我朋友同我一切落呢間放題食嘢，第一眼見到嗰裝修已经很靚，我地四個人坐卡位ok好舒服食物方面刺身都好新鮮，三文魚又切得啱啱好，d小炒又炒得好香,和味一口牛，飛天通菜.....d喱又好好食，我最仲意佢冬陰公虾湯整得好好味上菜時間又好快，三至五分鐘就有得食，又俾其它放題平十蚊，都幾低食

朋友介紹話佐敦開咗間新嘅放題，佢哋話啲野幾好食，所以就去試下啦！開頭都有啲擔心，因為我睇過有啲食評，講到好似好差，但係因為已經訂咗位所以就去試一試，我一入門口覺得個場好靚，我哋一家五口坐下就開始叫野食，啲野黎得都算快，佢哋出第一盤刺身都幾特別，盤刺身會有煙出好靚，啲刺身都算新鮮ok啦！我自己最鍾意個和味一口牛好好食，串燒都ok，我哋食咗好多野，因為嗰日係我太太生日，所以佢哋有個生日蛋糕送，但係要早一日去落一百元訂我覺得有小小麻煩！我覺得可以再去！

其實我一路都無 open rice account, 多數都係做 cd-rom 睇下,但今次為左呢間野, 真係要打出黎警戒下大家.本身食之前都有睇下 d 食評, 發覺樓下既人都話 "食物黎唔足" 同埋 "多次催單"但咁啱最新果 2 個食評又講到好似有進步咁,所以抱住姑且一試既心態, 黎呢間新開張既舖頭食下.點知一食就覺得, 真係應該要信再之前既食評架!!! 食物永遠黎唔足, 寫 20 永遠得 10 唔止係刺身, 係所有可以數得到既食物 (唔夠飯類或者菜類) 都唔會齊數 落左野食, 要等起碼 20-30 分鐘之後先有得食 本來都諗住算啦, 你黎唔足我地咪再寫囉, 反正你都唔黎架啦點知佢計時間埋單果度又計得好準時架喎一到最後半小說就分毫不差咁衝過黎 remind 我地夠鐘我個 friend 始終忍唔住鬧佢"你野食永遠唔足數, 單又會唔見左, 你咁又要計我時間, 我食左個半鐘都唔飽, 你咁搞法, 我食3個鐘都唔夠啦!"發惡之後個姐姐先話 d 野會跟足 d.雖然之後d野係黎足左, 同埋快左,但係咁有咩謂? 食野食到 d 客發爛渣你先黎齊,分明係欺善怕惡啦!咁我做咩要幫襯? 咁我過隔離 2000

第一次寫食評這間放題是我男朋友說去試試的我們在5:30-6:00那個時段去但因為星期五六日會貴10蚊,所以要138+1我覺得ok呀!!!食物來得很快,可以說是即落單即到真的很新鮮...我的最愛是黃咖哩和緣咖啡的炒雞...還可以我男朋友覺得黃咖哩比較好食壽司仲有一杯飲品送我最喜歡吃這兩件壽司...但忘了是什麼名字- -overall來說...值得再去

時日媽咪打黎話無煮飯, 叫我地諗下去邊度食, 我心水係漢和, 因為我鐘意食韓燒而且佢個古古力雪糕好好味。但妹妹就話想試日泰郎, 佢話網上評語不錯。於是我響返工時間都上黎睇下.... 日泰郎主打日或泰式食品, 仲有邊燼打。但網上評語都係好壞參半, 特別服務方面好多人比BAD喎。但由於未試過, 所以都去左試。媽咪佢地7點鐘就已經到, 我去到AROUND 7:30左右。日泰郎分左幾個時段黎計收費, 由於媽咪佢地7:00開始, 所以收HKD 148一位另加一。限時食2個鐘, 大家注意佢上食物速度唔算好快, 所以食得有少少趕。有時有漏單現象, 不過尚算可以接受~我一到整個枱都已經放滿食物, 有CURRY CRAB, 串燒, 一口牛, CHICKEN WING等等。再睇佢個紙仔, 真係好多, 分好多張唔同O既紙, 食物多到數唔哂。每個款叫一件都食到想嘔咁濟, 但多唔代表好, 而佢的確樣樣野都做得唔夠精~建議如果大家鐘意食THAIS就好地地去一間泰國餐廳食算吧~如果單想食日本料理, 魚生又不太夠新鮮~不過咁O既價錢有咁多野食, 其實約埋一大班朋友黎都算有一個不錯的落腳點~講返野食, 當日我食左以下

野食一d都唔好食, 唔知係漏單定專登唔來野食永遠寫單同送來食品都小幾樣份量一定得小小叫牒飛天通菜落左4次order先有1牒串燒落3次來一次蝦就從來冇見過過叫杯7up都等左3個字再催佢先有奇怪是係order壽司手卷就次次來足隔離台仲好小開左個火鍋半個鐘都冇個鍋來個鍋來左等到干水都未有火鍋料到老實一句要做任食就唔好做到咁野食又唔來又要限2個鐘搵鬼來咩

今日諗住一家人同男朋友一齊去食飯就諗返起之前黎過一次 感覺唔錯,所以今日就決定帶晒我d 屋企人一齊黎食飯團年..點知上到去見到個高高瘦瘦ga女人 帶我地埋(木台)感覺上覺得佢好冇禮貌 邊帶我去埋位 一邊好似係到鬧緊人 咁都算啦 上黎食野唔理咁多 就拿拿林寫紙 叫左幾杯特飲 重有個火鍋...個火鍋我地簡左個 泰式冬蔭功 食落就好似冇乜味 好似水咁"係得小小喊之後重叫左d 刺身 壽司 天婦羅 胡椒蝦 同 蜆 燒物 沙拉 一口牛刺身 : 三文魚有骨 以經扣左分 又唔新鮮 甜蝦冇味又唔爽 吞拿魚 又變晒色 壽司: 比起上次差左 D飯又大粒 一D又實 一D又散 D魚生又暖暖地SAD 天婦羅: 上次叫D天婦羅 食落去脆脆地 今次一夾起就知唔夠硬身 又過左火胡椒蝦:唔洗多講" 死蝦 一食落去 就噴番出黎炒蜆"有沙 唔夠味細隻~燒物:叫左鯖魚 秋刀魚 多春魚.. 鯖魚燒得太耐冇晒油份 秋刀魚又唔夠熟外皮又黑晒跟住又苦 多春魚都係唔夠干身沙拉:蟹子沙拉~! 出晒水 又冇味 差!! 咁普通GA野都整到咁...要讚GA都係個一口牛~ 味道同上次差唔多不過 個口感

第一次寫食評聽人講呢間野岩岩開'. 有刺身同普通放題既野食之外意外既系有打邊爐! 食物水準分分鐘好過一般既酒樓今次去食系6點入座 我諗可能仲早既關系所有落單既食物都好快到 前後都唔使10分鐘最值得一試既系軟殼蟹好新鮮好熱炸得好香口 勁想食多次牙宜家都刺身好新鮮 特別系三文魚同甜蝦!炸雞軟骨'. 天婦羅同埋一口和牛都好正!個一口和牛系招牌貨'. 果然水準都有番咁上下口感相當好'. 同一般放題唔同呢間仲有好多甜品'. 甜品質素絕不參差'我地8個人 叫左2次 1人2個都仲想再order不過到左8點就黎cut 單'..同埋可能開始多人最後d order等左都幾耐 '. 點20隻蝦得番5隻黎左有少少失望!總括黎講'. 以咁平既價錢 食到咁多唔同種類既野仲咁新鮮'.服務態度都滿意! 有幾個仲好nice呢間野絕對值得再去

話說我地一行9人,之前book左位,7點半到達,唔洗等就入得坐低左,大家即刻寫紙落單.佢話每有人杯特飲送.我地即刻叫左比埋張紙佢.我地一直等...途中吹左佢好多次...8點半至有....佢話落單有問題...連叫杯百事佢都整左10分鐘...仲要半杯冰...都由佢...飲少d...我地成9個人..落單好多款都叫十幾件咁.次次都泥得一半...又要唔快喎...都算啦佢比足2個鐘我地等下都可以..點知食到中途..8點9倒落既單全部都9點2至到..我地吹左幾次佢都話就快仲要9點同我地講last other..之前個d都未到.我地同佢講聲之後都唔敢再落單驚食唔哂...都唔緊要大家都食得飽.最唔gur係d服務員既態度..中途我地食到成碟都係骨,見有空碟放係度,佢之前又冇話空左既位唔坐得唔用得,加上我地個張係圓桌都冇可能有人搭桌啦..我咪拎個空碟換左自己個碟佢就走埋泥同我地講唔知我地係咪有其他人入左泥食.之前都講左幾多個人啦冇多冇少仲要態度好差咁話:你地咁樣我點知你地有冇比多左人食呀我地話...咁好啦...我地都係咁多個人係度.我地唔搞其他冇用過d碟啦.點知佢仲繼續講落去..我地冇計下同佢講.咁你地咁大

打完枱波下午六點幾, 天氣又凍凍地, 路過佐敦記起OR有食家讚過日泰郎放題料理, 即管同埋個波友上去試吓, 地方夠大, 好Cyper look, 招呼好好, 靓女帶到窗口卡位, 好闊落, 坐得舒服, 不過最要緊係食物質素, 各式食品如下 :刺身: 有試三文魚, 海膽, 甜蝦, 希靈魚, 鱆紅魚, 鮑片等等, 食咗兩轉, 除海膽外, 其他均屬滿意壽司: 八爪魚及北寄貝, 仲有火焰壽司, OK 炸物: 海蝦天婦羅, 有鮮味, 不太油燒物: 鯖魚, 秋刀魚好味, 最正炭燒豬頸肉沙拉 : 泰式酸辣鳳爪沙律, 正咖哩 : 牛肉, 豬肉, 雞肉, 有黃, 紅, 及綠咖哩火鍋 : 泰式冬蔭功, 有大量配料港式 : 黃金豆腐, 海鮮鍋巴, 香脆芝麻骨...Yummy仲送泰式咖哩蟹....................兩個人有一大碟飲品 : 可樂, 菜蜜, 檸檬茶等等, 仲有一杯泰式飲品送, 我要咗椰汁涼粉冰, 不過好少涼粉甜品 : Order 咗每樣一件, 食完 Encore 咗椰汁西米榚及泰式千層榚..........勁正雪榚 : 冇食............太飽以每人$150.00 計, 有

今日同埋一班FD睇雜志見到日泰郎 10人以上有9折！所以叫佐成班人一起來試味！ 入到來feel唔到有咩服務！叫佐野食，點知漏單，后期一個靚仔部長幫我地去追單先有得食！ 出餐速度都幾快！叫佐串燒雞，牛各20串，出到來樣樣得16串。可能睇人數俾呱！味道都唔錯，真係燒過概。前後我地叫佐3次都有俾到！ 跟住飛天通菜唔係好夠味，有少少辣。都還可以接受！魚翅濃湯雲吞好好味，一定要試。和味一口牛僅僅熟，入口香滑不可錯過！鮑片扒生菜夠野味。雞軟骨就差D。味道唔係好夠。八味豆腐要趁熱食，凍佐就好難食喇！咕嚕雞球，甜酸都好夠味，推介之選！天婦羅蝦，天婦羅軟殼蟹好香脆！燒多春魚同三文魚就差D。三文魚燒到起焦。多春魚燒到爆春！！！壽司同刺身都夠新鮮。都係跟人頭數出餐。幾乎每次都係跟人頭俾！天寒地凍飲返碗冬陰功湯，好夠味。飲完辣到出身汗。爽！ 飲品方面有D偏甜。龍眼冰煲得太耐走佐味，味道好怪！椰汁冰唔錯！甜品叫佐朱古力慕斯，好味。南瓜蛋，都OK！椰汁紅豆糕，唔夠甜冇乜味！ 除佐服務態度唔夠，D野食都OK，出餐都幾快。環境都好靚，仲有好多LED燈。價錢唔貴，甜品都係任叫，唔錯。汽水免費任飲，