日本野 (已結業)

今日喺旺角做完嘢，去咗旺角高質日本嘢「日本野」食日本嘢，呢度嘅裝潢係日系簡約設計，環境寬敞舒適，食物由石燒吉列牛排、新鮮剌身、丼飯、各款小食、串燒、甜品應有盡有。因應政府最新嘅防疫措施，而家日本野都可以外賣自取喇！多款新鮮丼飯、壽司、刺身、定食任你揀，打個電話落單，外賣拎返屋企或者公司慢慢食都得。火炙芝士三文魚壽司，三文魚肥大肉厚，口感相當肥美，被火槍灼燒過後魚油被悉數逼出，同芝士嘅焦香味好夾。厚燒鰻魚玉子，厚燒玉子質感嫩滑，蛋味香濃，鰻魚厚身足料，同個蛋味好襯，特別鐘意廚師加上蟹籽、木魚絲、紫菜絲同埋沙律醬調味，令整體食感更有層次。碳燒秋葵，秋葵營養豐富，係近年人氣極高嘅超級食物，秋葵中含有大量混有果膠同聚糖等嘅粘滑汁液，除咗含豐富嘅營養成分之外，仲可以降血壓、幫助消化，保護胃壁，對預防大腸癌都有幫助。而且水溶性膳食纖維食咗會有飽足感，對控制體重亦有幫助。廚師將燒秋葵嘅火侯控制得相當好，只係輕輕點少少日本豉油已經相當好食。碳燒牛舌串，牛舌油脂豐富，燒得外皮香脆，喺面頭灑少少鹽同埋黑椒調味，再加幾滴檸檬汁就係最精彩嘅食法。葱三文魚三文魚籽丼，天氣炎熱，就係食刺身丼嘅好時機！冰涼嘅三文魚

今日黎到旺角食日本野，一坐低見隔離食緊Sukiyaki好鬼正，就叫左個和牛壽喜燒，跟餐有沙律同飲品。一黎到侍應點火開爐，心急既我最難忍就係等佢滾!睇到牛肉一變色即刻夾起!雖然係和牛，但一d多餘脂肪都冇，又林又有牛味，係我食過最鍾意既和牛!好食到一塊都冇分俾老公~XD 撈勻D蛋黃，融入埋湯入面令湯底更香濃，金菇同菜索哂D湯汁真係好正!有飯配埋又好食又飽肚!石燒吉列牛小排用牛既油脂塗勻石爐板，發出既滋滋聲同香味勁吸引!吉列牛小排外皮炸過，擺上石爐可以依自己喜愛既熟成度決定燒既時間!燒好後可以蘸一蘸粗鹽同醬汁，再一啖擺入口，又酥又油香四溢!簡直係一級享受!配餐有飯跟埋飯，超滿足!和風柚子雞翼呢度既雞翼又大隻又香口，和風柚子味甜甜地，大人小朋友都一定鍾意，平時唔敢食皮既我都唔理咁多食左先講!炸薯條配日式芥末醬薯條份量好多，畫龍點晴之處係個日式芥末醬，小小供鼻又唔太辣既味道超和我對味!

叫咗炸牛定食，壽喜燒，刺身拼盤，同埋炸雞，【 炸牛小排定食】先講定食， 牛小排同大家講嘅冇牛味一樣， 係真係冇牛味， 可能係因為雪藏牛 不過解凍都還好嘅， 吉列外層偏硬， 都係靠鐵板煎熱。【 壽喜燒】至於 壽喜燒，湯底偏鹹，蛋冇分開(收'近二百嘅價位唔應該犯)，其餘嘢還好 有投訴個鍋唔夠熱要等好耐， 我嘅體驗只係等咗五分鐘，所以還好。【 刺身拼盤】作為88元嘅追加小食 有三文魚 八爪魚 甜蝦 各兩件，都算新鮮，甜蝦鮮甜，不過不失。【 炸雞】炸雞份量足夠，但偏細粒，炸粉多雞身乾，靠加檸檬汁先落到口，所以下次不了。【 飲品】一般 晚市定食跟飲品，普通凍檸茶嗰杯竟然份量大概如同 麥當勞嘅橙汁，近200蚊嘅價位就唔好做到咁孤寒，轉特飲嘅話係原價照加， 倒不如額外叫多杯嘢飲。【 服務】近七點入座，人數未多， 三名服務人員處理到場面，服務還好。你睇到呢度會覺得還可以啦， 但係，但係， 依家講緊嘅價位係牛小排178 壽喜燒188， 呢個價位嚟講你值得擁有更好， 甚至可以加少少錢 要較平嘅放題或燒肉，you deserve better.

今日同太座去旺角，佢突然話請我食日本嘢，我心諗邊有咁筍㗎，一路喺度諗有咩狀況呢，哈哈!佢帶我去到銀城樓下，間嘢叫做日本野，都幾食字，上到去都幾多人，咁應該唔會差啦，香港幾咀刁先得㗎!難得放低咗個仔，梗係盡情食啦!“啜啜啫喱柚子酒”好鬼特別，好fresh嘅感覺，用嚟配搭呢個“極上七品刺身”簡直一流，叫得極上，用料梗係至新鮮啦!“牛油果軟殼蟹卷”又係唔錯嘅配搭，越食越想食!“石燒霜降牛小排”又有得自己燒，牛只要肉質靚唔太老就點會好食，正!太座至愛嘅“炭燒大啡菇”唔算太特別但合格好味嘅!食哂個牛小排好似唔多夠喉，叫多個“吉列牛小排”，熱氣萬歲!“龍蝦海鮮蕃茄鍋”我地食烏冬，好滑，蕃茄湯味濃郁，飽哂喇!呢間“野”真心值得推介，員工又好有禮貌同熱心，加分!

疫情關係睇怕今年都去唔到日本，唯有去食日本野呃下自己當去左。餐廳環境唔錯和式格調簡潔乾淨，價錢經濟，美食多元化，各種日式料理、刺身、熱石燒、鍋物統統有，食下丼飯都唔錯的。厚燒鰻魚玉子 +$38厚厚的玉子口感軟彈，包住邪惡嘅芝士和肥美嘅鰻魚非常足料，仲有粒粒蟹籽口感豐富。配以黑松露沙律醬極為美味，有埋咸鮮味嘅木魚花，咸甜交集相當美味。遇上咁好味的玉子燒，實在好幸福。此乃必食之選值得推介。和風柚子雞翼 +$58雞翼炸得香脆肉嫩，淋左柚子醬酸酸甜甜清新開胃不油膩。浦燒鰻魚定食 $118原條鰻魚望見滿足，魚肉肥美肉質軟腍無碎骨，飯粒粒分明，自行淋上鰻魚醬汁美味非常。咖哩吉列豬扒丼 $98吉列豬扒炸得金黃外脆內嫩，咖哩汁不多，難滿足好醬汁的我。焦糖燉蛋 $58面層焦糖香脆，燉蛋口感細密幼滑，充滿蛋香，水準不俗。菠蘿雪葩 $78賣相唔錯，味道清甜可口，啖啖菠蘿果香。夏天食涼透心，爽呀！蟹籽沙律和麵豉湯 (跟餐)青瓜爽脆乾身，沙律份量唔多可一啖ＫＯ。麵豉湯不算濃味道還可以。飲品 (跟餐)凍檸荼凍檸水正正常常，甜度適中。

呢一間食日本嘢嘅《日本野》個名就真係夠曬簡單 直接餐廳位於旺角心臟地帶<銀城廣場>地點真是100分方便旺角簡直係青春嘅回憶可惜時光一去不返 過往嘅回憶已經尋找不到心靈上得不到滿足 唯有寄情於食好西呢一間日本嘢嘅菜式款式選擇甚多既有壽司 串燒 亦有石板燒以及鍋物《炭燒粟米》 金黃嘅粟米粒粒飽滿 甜度十足《炭燒茄子》炭燒過後嘅茄子經過去皮只剩下嫩滑的茄子肉 上面灑上大量木魚絲鮮味十足 亦帶有煙燻香氣《赤貝壽司》《 帆立貝壽司》兩款都同樣新鮮赤貝鮮甜爽口 帆立貝彈牙軟熟《石燒霜降牛小排》牛肉嚴選咗美國prime級牛小排 雪花均勻 牛味香濃 而且肉嫩多汁客人可以將牛小排自行放上熱辣辣的石板上燒烤可以自己控制生熟 鍾意幾多成熟 由自己選擇《和牛壽喜燒》絕對令人甚有驚喜和牛肉大大片 而且色澤紅潤輕輕淥一淥就食得和牛肉入口即溶 牛味亦相當濃厚配上無人不方歡 甜絲絲的壽喜汁令人極難抗拒壽喜燒入面仲有大量嘅蔬菜配埋日本烏冬令人極度回味最後嚟多個《朱古力心太軟》心太軟火侯掌握得不錯流心感覺而且朱古力味濃 同埋雲呢拿雪糕冰火嘅感覺令人非常滿足整體而言 餐廳食物質素不錯座位間距亦充足 不錯

石燒霜降牛小排 $148霜降牛嘅油花比例較雪花牛少，牛小排放上石板上，滋滋聲，可自行燒至適合自己嘅熟度，個人認為越燒得熟越有牛味，口感柔軟。追加定食 +$28昆布湯丶日本米飯丶糖心蛋或溫泉蛋自選丼飯 $150*跟湯或沙律丶咖啡或茶自選4款刺身$128，我揀咗油甘魚丶甜蝦丶三文魚丶海膽 (升級 +$22)，全部都算新鮮，以女士食量，我就覺得份量啱啱好喇～ 佢哋喺件玉子上面印咗香港加油雙向字，成碗丼飯好味咗 🤪厚燒鰻魚玉子 (跟餐追加 $38）雖然係追加，但一啲都唔hea，2/3係玉子，1/3係鰻魚，好鍾意佢配埋木魚絲同紫菜絲喺面，仲有蟹籽沙律醬，味道更多層次。牛油果軟殼蟹卷 $88比預期嘅份量多，有8件，牛油果新鮮，中間嘅軟殼蟹仲係熱熱地丶脆脆地嘅，件件滿足，食得好開心！

簡單的一個名字「日本野」款式都幾多，有日式小食、壽司、刺身、丼飯、鍋物、石燒牛、串燒、大阪燒。連小朋友都好岩食。龍蝦海鮮番茄鍋 $198套餐包湯/沙律、烏冬/飯，野飲一柸Lee個Set好岩小公主，佢最愛烏冬，甜酸度適中，海鮮材料豐富，有半隻龍蝦、魚肉、蜆、魷魚、豆腐、菇類及蔬菜，令湯底濃郁鮮甜！小公主食得滋味，我都連湯底都清哂。優選刺身丼 $248有我至愛既三文魚籽、海膽、三文魚、油甘魚、牡丹蝦、帆立貝、赤貝，樣樣都好新鮮，三文魚籽脹卜卜，牡丹蝦同帆立貝肥美鮮甜！石燒吉列霜降牛小排 $158吉列霜降牛小排，油脂分佈唔錯，唔會太瘦，牛小排係美國Prime級，配上佢特製醬汁好好味！脆味雞定骨非常脆口，又唔會太咸，小公主搶食。

日本野，以居酒屋黎講，價錢都幾大眾化，而且種類都幾多，樣樣都有！雜錦壽司拼盤 $208拼盤有6款：海膽、三文魚、油甘魚、牡丹蝦、帆立貝同赤貝。食材新鮮，壽司飯又唔會太大舊😜，海膽鮮甜、三文魚肥味油脂平均、 牡丹蝦同帆立貝都大大件。石燒吉列霜降牛小排 $158吉列霜降牛小排，油脂分布平均，吉列邊又不會太厚，配上佢醬汁真係唔錯。炭燒牛舌 牛舌有燒烤既味道，調味調得唔錯，肉汁幾juicy，仲要唔係薄切，有口感。

第一次寫食評，因為父親節一家人食飯中伏真係有啲嬲😫本身見到呢間餐廳有成200幾個好評咁誇張👍🏻👍🏻，屋企人就book左枱食晚飯廢話少講直接講野食啦1. 石燒吉列霜降牛小排呢款應該係招牌菜？我見好多人都係點呢樣我覺得份量幾好，啱1-2個人食但係好坦白講，舊牛真係冇味，一啲牛味都冇，會令你有啲懷疑自己食緊啲咩肉🤨所以一定要點個燒肉汁先有番啲味去送飯😅2. 咖喱雞扒飯個咖喱雖然完全係日式咖喱磚開出黎既味，但唔緊要起碼係幾好食既咖喱磚味😂😂😂塊雞扒都唔錯肉質幾軟Sorry張圖有啲曚。。。3. 壽喜燒呢鍋野最神奇既事係佢由頭到尾都係冇滾過！！🤦🏻‍♀️可能個火唔夠大/個鍋受熱差，我都係第一次見到咁神奇既煲。。。咁我地就由佢啦舊牛肉加熱到變色就照食。個湯勁鹹，牛肉一般。4. 炒野菜(冇圖) 炒得幾香，但係又係好鹹5. 油甘魚壽司(冇圖)唔明點解有人話呢道既刺身好食，舊油甘魚係幾大塊，但又係冇味，唔太新鮮，壽司飯一夾就散。48蚊兩件，完全唔值。總括而言，食物質素非常一般，但係點解有咁多好評。。。？大家自己諗下啦最後見到呢間好似係黃店？所以如果我以後再黎呢道食只會係純粹出於懲罰心態，而唔係黎品嘗美食既心

好耐冇食日本野所以黎食日本野石燒吉列霜降牛小排定食 $178自己一個食會好飽，因為牛小排充滿油脂，燒耐啲出下油，口感更加嫩滑，配醬汁加蒜茸最惹味，吉列脆脆地增加口感，跟餐有一個飯，溫泉蛋/溏心蛋。厚燒鰻魚玉子 + $38超濃蛋香，超出預期，中間既鰻魚唔會搶味但又同蛋卷口感好夾，都係軟綿綿，點埋黑松露蛋黃醬味道更濃郁。必加 !蜂蜜牛油粟米 + $18好甜，太甜，唔好加。和風柚子雞翼 + 58炸得脆，有香草醃，淋上柚子醬解膩。火炙芝士帶子壽司夠鮮甜，比火炙芝士三文魚更好味。今日冇水蜜桃雪葩，所以食菠蘿，咁埋食完心太軟可以清新番味蕾。#test_tst______________________________🏠日本野📍旺角西洋菜南街2A號銀城廣場9樓💵 HKD 280 per head🏷️ Openrice訂位單點88折

因為就嚟搬離旺角office, 今日帶班同事去試新良心餐廳。帶住日本人去食日本嘢其實有少少挑戰性，不過好在我個日本老細好易話為，唔算太刻薄或挑剔。係openrice 訂座仲有88折，幾個同事叫牛肉don, 好大碗，好抵食，雖然啲牛唔係好靚，有啲硬，個烏冬都好唔錯，吉列豬扒咖喱飯都好足料。最重要係節後價錢非常之相宜，我哋一人嗌一個午餐，連買飲品之後都係$54一個人。仲平過佢好多茶餐廳食。連我老細都不停咁話好抵食好抵食。

自從上星期到過旺角某餐廳後，好像開發了新地圖一樣，想要再發掘一下旺角內的隱世食店(就是不要地舖的說)。因為旺角出名多美食，無論是用心的小店、靚裝Cafe及特色泰菜日菜都一應俱全，這天放工後就到了旺角的銀城，試試這家風評不錯的日本餐廳。銀城廣場 9 樓，一層都是同一個集團的，但【日本野】屬左邊入口，進入餐廳前，職員會給客人量度體溫。餐廳是和風設計，以原木為主調。枱與枱之間有一定的距離，簡潔乾淨。人流都有好多呀。主打各式的日式料理，選擇多樣，和風菜式如玉子燒、新鮮刺身、石燒吉列牛、壽喜燒、串燒、卷物、丼飯等等。石燒吉列霜降牛小排、三文魚三文魚籽丼是人氣之選。和朋友點左幾款食物仲點左個晚市套餐。▪️嚴選五品刺身 $188刺身每日新鮮由日本直送，內有甜蝦、三文魚、北寄貝、吞拿魚、墨魚。望試壽全部都色澤鮮紅帶油光。切魚的厚薄和角度對口感和味道有很大影響。oom三文魚同吞拿魚我就比較喜歡的，厚薄剛好，鮮甜味美，吞拿魚油份不會過膩，鮮味、酸度和甜度均衡。▪️牛油果加洲卷 $58豐腴柔軟的口感想起什麼？就是牛油果啦。飯裡包著微香的牛油果加上開胃的醃漬黃蘿蔔又幾清新。具有繽紛歡樂形象的加州卷食完都幾開心呢。

相信好多人都識依間係旺角既人氣日本野, 慶幸今晚早左少少大概7點零泥到仲未洗等位, 但食飽走既時候發現門口塞爆哂等位既人餐廳既環境幾舒適, 淺色木系裝修, 座位擺放唔迫狹,  整體空間感大。和牛壽喜燒（$188）壽喜燒可以選擇配飯或烏冬, 主角生牛肉片有5至6塊, 而且每塊都大大塊, 不過因為鍋黎既時間湯係未滾既, 建議可以先夾起牛肉片, 等真係滾既時間先放入去煮, 如果唔係由得佢浸住係湯度, 牛肉就會變韌架啦~ 店員見我望住個鍋冇乜起色, 主動幫我加左粒燃燒粒, 火力即時DOUBLE UP, 好快食得! 牛肉灼一灼, 口感好軟熟, 牛肉掛上甜甜濃濃既壽喜燒湯, 滋味非常 配料仲有香蔥, 生雞蛋, 豆腐同蔬菜等等, 變成一碗熱滕滕既壽喜燒湯烏冬, 正呀~自選DON飯（$168）自選DON飯可以全揀4款剌身, 想要再加就每款加錢咁加上去。朋友揀左三文魚, 油甘魚, 北寄貝, 八爪魚, 溏心蛋同埋牧丹蝦, 三文魚同油甘魚都肥美而且係厚切, 牧丹蝦大隻鮮甜, 北寄貝同八爪魚,都彈牙新鮮的, 刺身全部都OK! 唯一溏心蛋就差D, 熟左D唔夠溏心呀。赤貝壽司（$58）赤貝好大隻彈牙又鮮味。三文魚

今日兩公婆出旺角搵野食，行左一陣，見到銀城有間日本野，就走上去試吓，地方雖然不大，但環境都幾舒服，再睇吓餐牌，我地叫左刺身拼盤、柚子啫喱酒，魚生都新鮮，最估唔到嘅係原來支柚子啫喱酒同刺身好夾，感覺好清新，大家不妨一試。食完刺身過後，再點了石鍋吉列牛，感覺幾特別。至於牛油果軟殼蟹壽司，都是一個不錯的選擇，最後點了一個蕃茄龍蝦湯海鮮鍋定食$198。價錢都合理，我地就選擇點了一個，味道不錯，但建議食客選擇無咁大風嘅位置，因為風大燃燒風向不定，影響食物嘅熱度，大家想食日本野的話，就去日本野啦😋