日本野 (已結業)

今次已經係第n 次去日本野，因為佢地點都幾方便，係旺角銀座。🔹和牛壽喜燒🔹呢既和牛好似唔洗錢咁，大大塊份量又多，雖然食落去未有入口即融咁誇，但性格比真係高。甜醬油湯仲可以跟個鳥冬，滿足晒～🔹自選魚生丼飯🔹我揀左三文魚、油甘魚、海膽同蟹棒，要注意某啲材料係要再加錢架！魚生都係新鮮既，特別係海膽鮮甜，蟹棒份量又多！🔹牛油果軟殼蟹卷🔹新鮮炸起既軟殼蟹，配合好Fresh既牛油果同用珍珠飯包裹住，富層次感，外脆內軟。整體黎講，無論食物既質素、價錢都係合理，值得一試。

之前試過Mini Friday，覺得食物質素同價錢都吸引。Google時發現原來Mini Friday有姐妹，就係「日本野」。「日本野」名乎其實食日本嘢。餐廳環境舒適，仲有卡位，私隱度高。食物選擇都頗多，美中不足係冇天婦羅。除左散叫，仲有set dinner，方便有選擇困難症的客人。Dinner set有湯或沙律，主食及飲品，仲可以以較低價錢加小食。🌟石燒吉列霜降牛小排（$158）一共有11塊，提供石爐，自助式燒牛小排。體驗不錯，但吉列就唔太脆了。餐廳會提供一小件牛脂肪給你燒紅石爐，再慢慢燒熟牛小排，生熟程度都可以自我掌控！🌟火炙碟魚裙邊海膽丼餐（$138）份量超足！係超足！我已經好耐冇見過個碗咁大，又填滿的刺身丼！刺身新鮮！海膽冇腥味、清甜！必叫！因為跟餐，有麵豉湯及跟餐飲品凍咖啡！🌟芝士年糕2件（$28）🌟火炙三文魚2件（$26）🌟牛油果加州卷（$58）🌟炭燒牛舌串（2串）（$28）❄️❄️❄️❄️❄️❄️❄️❄️❄️❄️❄️❄️❄️❄️❄️❄️總括而言，坐得舒服、食物好味又相宜！值得一試！服務亦非常殷勤！加分！🏮日本野 (旺角)旺角西洋菜南街2A號銀城廣場9樓

有次同朋友在旺角行完街,就到朋友愛食日本料理~日本野食晚飯。店裝潢好有日本風格,以木素色為主調, 好Relax。****【蟹籽沙律】 $68鮮艷奪目的蟹籽沙律, 青瓜脆口感,配上酸甜的沙律醬,並有蟹籽及蟹柳,吃過後胃口大開。**【刺身拼盤】 (追加) $88分別有四款刺身。三文魚入口魚油厚重 ;蝦入口鮮甜彈牙;墨魚入爽脆;北寄貝滿彈牙有口感。**【炭燒茄子】 $68這茄子已去皮,方便食用。燒後的茄子,加上木魚碎及生蒜,入口軟爛,可是悄為水汪注不夠乾身,有點失色。**【厚燒鰻魚玉子】(追加)$43這玉子燒口感滑滑溜溜,很鬆軟,味道帶甜,蛋香味濃,而蛋卷中心有鹹香鰻魚,好配合甜甜的玉子,加上木魚碎、紫菜碎及蟹籽,令味道生色不少。**石燒爐 -【石燒霜降牛小排】 $188自己烤時可按個人喜好控制幾成熟。小排油花豐富, 分佈均勻,入口肉質柔軟,濃郁香甜,令人一試難忘。

來食日本野慶祝生日，本身唸住坐booth好開心啦（雖然係最後booth ，近廚房），開結中伏流程1: 4人來齊，比得1本Menu😕 點解唔比多本share睇呢？ 基本野嗎⋯⋯2: 其中一個定食有流心旦，到喇......點解隻旦啦邊會係一岩一忽 好似跌左而爛開 又似用人手擘開 ...咁样presentation 上台比人食？ 個餐都差不多$200，講唔通啦？ 出面食$70幾蚊碗拉麵🍜隻旦都唔會咁的，最重點係，剛巧有位叔叔上食物時，我們即同佢講：旦佢竟然一邊點起石板燒的火一邊望住個火個唔好同我講呀，尼隻旦已經係最靚喇.....我地4個人聽完都0咀😧😦😦，佢點完火問我地係咪要換隻旦，最後先幫我地換左，新尼只賣相先叫正常的流心旦！3: 燒大啡茄個樣完全係是旦燒2下就出來，唔熱的4: 石燒燒霜降牛小排，原來係無牛肉味，唔知食緊野咩？5:牛油果軟殼蟹手卷啲牛油果唔好以為拎大量木魚cover佢，客人就見唔到啲牛油果完全唔新鮮6:加洲手卷，一輕夾起已經散晒，衰過去元氣食7: 簡直恐怖了！！食食下望到隻小強🪳停坐係我表姐身後...........8: 豚肉大板燒完全食唔出有肉，有都係超小份量，只食到全部

好耐無食日本菜 無意間碌Openrice搵到呢間都好似幾多好評～所以試一試！ 地點都好方便容易搵～餐廳環境都幾舒服 唔會太迫！因為本身都好怕啲餐廳為左增加可容納入數而坐到密質質🙈同朋友傾計又唔洗同格離枱鬥大聲/聽到格離枱講咩～食物方面都非常不錯！價錢又親民！試左個石燒牛小排定食 個牛既質素都幾新鮮同份量都幾合理～餐跟埋個昆布湯～飯同溏心蛋！另外有個自選刺身丼飯都幾好 可以揀四款刺食！中意食咩揀咩 夠自由～一到個見到個件蛋 已經加分啦🤣刺食都夠新鮮 每件刺食都有兩件～跟埋個沙津同飲品 幾抵食架～值得一提係員工們都好nice 非常細心 留意到客人需要！點餐果陣又非常有耐性解釋～而且又搞笑 會同客人講下笑～好中意呢種親切既感覺

今日晚餐去咗旺角食日本野日本野喺中心嘅樓上日本餐廳，裝修算係幾骨子，光線充足，座位寬敞石燒霜降牛小排 跟沙律糖心蛋 +餐飲 $178石燒板連爐上枱，可因應自己喜歡嘅生熟程度來燒牛小排，感覺頗高級。牛小排脂肪分布平均，入口有好香牛味，食落啖啖油脂香味衝擊味蕾，好唔錯。好鍾意佢隻跟餐糖心蛋，好有蛋味，一咬蛋黃隨即流出，好好味牛油果軟殼蟹卷 $88份量比想像中大好多，好抵食！軟殼蟹啱啱炸起，熱辣辣、脆卜卜入口，加上牛油果都頗新鮮，感覺唔錯豚肉大阪燒 $88大阪燒有好多餡料，包括生菜、豚肉、蟹柳等，所以食落非常豐富，口感好唔錯自選丼飯 （三文魚/油金魚/吞拿魚/碎玻璃蝦兩隻）跟沙律 +餐飲 $138魚生都幾新鮮，食落幾有鮮味，賣相都頗吸引。魚生片算係厚切，所以相當有質感，感覺係抵食。追加 芝士年糕兩件 $28又係一大驚喜！即叫即炸，熱辣辣上枱，咬開年榚，裏面嘅芝士會慢慢流出，有口感之餘，亦有日式芝士日式年糕味道，鍾意食

吉列牛：吉列幾脆，口感ok，但無乜牛味，唔知系咪因為無落鹽嘅關係。有dd失望。牛舌：好似感覺又系無乜味，可能我太重口味，唔系咁岩我唐揚炸雞：唔知點解一食就諗起m記炸雞，一般玉子鰻魚：又系無乜味，可能我味蕾有啲問題?刺生飯：老公話一般今生諗住幫老公慶生嘅，但大家食完嘅感想系早知食放題可能一開頭太高期望，不過都值得一試既，性價比ok

不能去日本，就去吃日本野吧。餐廳裝修充滿日式風格，我們坐在類似小包廂的位置，私隱度十足。食物選擇頗多，愛吃小食的我們瘋狂落單。先點了一個芝士年糕。年糕一份有兩個，芝士味香濃，年糕煙韌，一個也很飽肚，兩個人每人一件剛剛好。雞泡魚乾煙煙韌韌，配上沙律醬吃，是不錯的餐前小食。炭燒紫薯一串三小顆，一份有兩串。紫薯味香甜，燒得夠香，很有燴番薯的感覺。牛油果軟殼蟹卷份量超大超滿足，牛油果夠熟， 十分香滑，配上香脆的軟殼蟹口感豐富，但份量有點太大，兩個人最後吃不完。柚子雞翼炸得香脆，配上香甜的柚子醬，又脆又軟又甜，味道一流。因為點了很多小食，主食就只點了一個。和牛壽喜燒湯底不會過甜，三大片厚切和牛很搶眼，原本以為會韌，但竟然很軟淋，用筷子也能撕開，牛肉味濃，這個價錢能吃到高質牛肉，很驚喜。侍應的服務態度也很不錯，會主動收碟，提醒我們小心壽喜鍋會燙手，非常貼心。但餐廳的桌子有點小，再加上防疫隔板，空間有點不夠用，又或者是我們點得太多菜？總括而言，食物質素不錯，服務亦佳，值得一試。

1. 態度差 招呼入座嘅應該係老闆？將另一枱人嘅問題都發埋係我身上，好似未食就已經要受氣，令成餐飯已經有一個唔好嘅開始！2. 食物問題 叫左自選丼飯，嗌左吞拿魚蓉，蟹籽，甜蝦，玻璃蝦，帆立貝，玉子。發現比少左一種配料。更重要係，我朋友食到屙，係搞晒腸個隻，真係比錢買難受！3. 其他 叫左吉列牛，上錯左另外一款，但擺低其他配菜，叫我食住先，我係先食白飯？咁我等到個牛上枱，啲嘢又凍左。仲有，我一開始剔自選丼飯張紙，係揀左兩款普通嘅，另外兩款要加錢嘅，總共四款，其實就無問題。點知侍應話一定要揀左普通四款先，再加反14同16蚊就得，咁我第一次食就以為係啦。點知埋單個陣，發現係另一回事，當左係再加配料，要比多54蚊。我問反侍應，佢只係一句可能同事搞錯就算，真係好嬲！

食完屙到七彩，啲嘢食吾新鮮。Got a really bad stomachache after eating this restaurant.The food was suck and the food’s hygiene is needed to improve.What a shit experience of Japanese cuisine, have never gotten this kind of diarrhea before.Severely suspecting the food was not clean.highly not recommend to this eatery.

去食日本野 旺角有好多日本嘢食，想食咩都得，去銀城廣場9樓食日本野，就係日本野啦。門口同Mini Friday 共用，隨時蕩失路呀，哈哈。 自選丼飯 $138 + $54 可以自選好多種配料，有蝦呀三文魚呀蛋呀等等。我揀左蟹籽，玉子，玻璃蝦，甜蝦。一上枱先知原來本來已經有玉子，早知唔叫唔多蛋，哈哈！我仲加左錢配埋吞拿魚蓉，帆立貝添。成碗丼飯份量可以，女仔嚟講，一定食得晒！ 石燒吉列牛小排 $198 愈來愈多地方有得食呢個菜式，我都不妨嗌嚟試下。侍應會先上石板，再上其他嘢。成個餐有吉列牛，溏心蛋，白飯，麵豉湯同醬汁。燒下又食下，對於好多人嚟講一定好好挽。 Mojito XL Jar $128 估唔到日本餐廳都有雞尾酒飲，唔飲得酒都叫得，絕對無問題！一定唔會醉，味道都夠甜！

又想食日本菜今次就去✨日本野✨食下啦我係比佢個石燒牛小排吸引到對上一次就係係日本🇯🇵富士山🗻嘅溫泉旅館食🤣依家無得去就係依度食下啦講下佢個石燒吉列霜降牛小排先🐄佢有另一款無吉列既我覺得吉列特別啲睇落好食啲所以叫依款但原來食落 應該無吉列會好味啲🤭因為吉列同燒肉個口感唔太襯吉列硬硬地 但d牛肉係軟身好似阻住左感受牛肉軟嫩嘅感覺不過個牛小排係好味既😋燒完仲好Juicy💦同埋自己燒🔥可以根據自己喜好控制牛肉生熟程度我係追加定食包左個飯🍚、溏心蛋/溫泉蛋、昆布湯一定食得飽🤣下次再食我會叫另外無吉列果款之後我仲叫左個龍蝦🦞海鮮蕃茄鍋🥘可以配烏冬（小）/飯、昆布湯/沙律🥗、餐飲☕️成個鍋啲料好多😍最搶眼當然係隻龍蝦🦞雖然得半隻但好多肉最好唔好烚太耐岩岩熟就好好食啲肉勁鮮甜🤤個鍋仲有䙺、墨魚仔、蝦🦐、菜等等個湯係精粹所在🤣變咗海鮮湯無添加味精😋勁好飲依度啲刺身都好抵食$58 5大片三文魚🍣仲有啲刺身併盤其實有好多野都想試不過已經好飽食唔到下次再食其他啦🤗

相信好多人身邊總會有個朋友好中意食日本野😅 今晚就俾個朋友帶左我黎呢間日本野食日本野🤣見到menu有定食，咖哩丼，炒飯，鍋物，sushi，大阪燒，串燒，石燒牛等等等等揀到我心大心細🙈最後我地咩都叫左D😁 👇🏻1. 牛油果軟殼蟹反卷 $88份量大賣相吸引，軟殼蟹香脆唔油膩，同面頭既牛油果薄片一齊食好夾👏 (如果啲飯無咁厚口感應該會更好，不過好夠飽肚😂)2. 雞泡魚乾 $38呢樣係我食日本菜必點既小食，燒得好靚唔會太乾，面頭仲曬左啲七味粉更惹味，搭配沙律醬做前菜黎開胃一流👍3. 炭燒雞腎 $28好香炭燒味，爽口，呢個價錢有兩串好抵食🤗4. 炭燒雞肉軟骨棒 $38偏向食到雞肉既嫩滑口感但無乜軟骨😅 但味道唔錯既～5. 和風炒野菜 $58呢樣諗住叫黎平衡下食咁多肉既罪過感，但又幾出色WＯＲ！😯 食落有鐵板既香味，個汁幾好食，全部蔬菜都爽口，唔錯！😊6. 海鮮大阪燒 $98好耐無食大阪燒🤗 好足料，滿滿既海鮮同高麗菜，反而唔太食得到麵粉😂😂 口感豐富～7. 墨魚壽司，芥辣八爪魚壽司，蟹籽壽司 $18，$28，$22足料，新鮮，爽口，抵食！👏8. 味咐螺肉 $28份量多而且爽口彈牙，曾經係其他地方

今日同女朋友行旺角，行完有d餓就黎左呢間位置極度方便既日本野。座落於銀城廣場9場，行開旺角好方便可以上黎食日本菜。一黎到就大排長龍，不過等左陣就好快都入得。服務真係要讚，店員好有禮貌。位置又坐得好舒服。我同女朋友一人一個自選丼飯，138蚊起，好鬼抵食，大大碗刺身又新鮮。另外，我地追加左d小食，亦都係必加之選。最推薦既係38蚊既厚燒鰻魚玉子3大件都係38蚊，仲要超好食。和風柚子雞翅 58蚊5隻，外脆內軟。

今日去咗旺角非常人氣嘅日本餐廳日本嘢 度食日本菜啦夜晚時間嚟到已經非常爆滿 如果想嚟食記得book位啦 芝士煎餃子 餃子煎得香脆入面嘅肉餡都好多 加上超濃沃嘅芝士汁非常邪惡 上面仲要有一片片嘅原片巴馬臣芝士 芝士控真係必點芝士年糕 冇乜特別 勝左炸得夠香脆 入面煙煙靭靭唔錯和風柚子雞翼 雞翼炸得香脆入面多汁 面頭再淋上甜甜酸酸嘅蜂蜜柚子醬 估唔到都幾夾喎咖哩牛肋條丼 咖哩汁都幾多夠曬撈飯 不過其他就冇乜特別石燒吉列牛定食 睇個樣都知牛肉質素靚啦 肥瘦均勻 佢有塊石燒板可以畀自己控制生熟度 外面嘅吉烈脆皮配上牛肉 口感豐富