日本野 (已結業)

終於嚟日本野打卡😍好耐之前已經有見人介紹呢度嘅石燒霜降吉列牛小排好好食，今日終於食到啦🤣位置係旺角銀城廣場，超級方便，行完街就上嚟食嘢😂環境整潔乾淨，坐得幾舒服👍🏻定食、魚生飯、串燒、小食、甜品個啲樣樣齊～石燒霜降吉列牛小排定食 $228牛小排份量好多！燒之前會俾一舊肥肉我哋燒吓出吓油先～等塊石上面有油就可以開始燒牛啦🤣輕輕燒吓好快就食得！外層勁脆口，估唔到同牛肉咁夾👍🏻點埋佢預備嘅醬汁，食落口感真係好豐富蔥三文魚三文魚籽丼$188魚籽超多，三文魚一開始望落去好似好少，但夾開發現係遮住咗😂啲紋超靚，又厚身，魚籽都好新鮮👍🏻炭燒牛舌串$58薄切 幾入味～加埋檸檬汁一流呀最後嚟張靚靚溏心蛋～

好朋友話好耐未食過日本野我就真係帶佢去食「日本野」一入門口佢已經話好香好肚餓.《石燒霜降和牛🥩》基本上每次黎我都會嗌呢道菜和牛好嫩好有肉汁 唔會好厚唔會好薄放上石板燒一燒就食得晚餐定食包埋溏心蛋、沙律同飯溏心蛋表皮甜甜地 幾好食.《火灸蝶魚裙邊海膽丼》蝶魚裙邊經火灸後油份溢出 又香又滋味下面d飯即刻索哂d魚油海膽唔會有苦味 不過我最鍾意..都係隔離大大粒嗰啲魚籽 爆汁der .《厚燒鰻魚玉子》木魚絲飄呀飄呀 已經好誘惑仲要玉子裏面捲着鰻魚 正.《和風柚子雞翼》又一名品物 傾左計好耐先食都仲好脆外皮炸脆 入邊雞肉肉質juicy柚子蜜醬剛好減去油膩 又帶來甜味

好味 #晚餐 分享 ~ 日本野😋定食石燒霜降牛小排218日本米飯配溫泉蛋配餐湯餐飲凍咖啡之前都有食過吉列一樣好食😋😋鍾意食石燒因為可以自己diy玩下先用肥豬肉掃落個熱石道跟住自己放肉喺上面燒生熟程度由自己控制😊又唔洗一次過放曬啲肉上去每件肉即燒即食😄😄海鮮大阪燒118有魷魚，蝦仔，好多菜我鍾意食椰菜所以唔介意多啲菜😂😋😋芝士煎餃子68香脆餃子又大隻多料不厚皮加埋上面很多的芝士😋😋👍👍追加小食厚燒鰻魚玉子3件48厚厚的玉子包著鰻魚如果油份量再少啲更好😊😊加一服務費497/2人

平時經過旺角都會特別想食日本菜 今次帶埋爹哋一齊去位於銀城嘅日本嘢！環境舒適可以預先book定位我地點左蒲燒鰻魚定食鰻魚幾大塊口感軟滑熱辣辣嘅鰻魚配上糖心蛋幾好食天氣開始轉冷最鍾意食啲熱辣辣嘅嘢和牛壽喜燒配烏冬壽喜燒嘅湯底微甜 和牛大大片份量都幾足牛肉味濃而且厚薄均勻入邊仲有鮮冬菇同埋豆腐加埋彈牙烏冬唔錯幾好食芝士年糕必點小食 外面熱辣辣脆卜卜入邊係濃濃嘅芝士仲有拉絲 正！ 心太軟第一次喺度食埋甜品有驚喜 擺盤靚心太軟熱度剛剛好 做到流心嘅效果配上雪糕 一冷一熱 好好味 而且朱古力唔會太甜 好食！下次希望試下刺身同埋再試下其他小食😋

因為間餐廳係9樓所以要搭𨋢，一出𨋢已經有職員好有禮貌咁問幾多位或者有無booking，當日2點半左右去到，可能因為已經係下午茶時段，所以唔多人，職員俾左張卡位我地，環境舒適，lunch set非常抵，大部分都係幾十蚊，每個餐包一個前葉小食，仲有埋野飲，而且份量好足，雞排飯既雞排超大塊，牛肉飯既牛肉多到好似食極都食唔晒咁，而且唔係求其煮，連伴菜既啲洋蔥都係又甜又好食，過程中幾個上菜或者落單既員工態度都係十分有禮貌，最後我唔小心滴左滴汁係褲，有個職員見到仲超細心主動俾張濕紙巾我，而重點係網上book既關無仲有88折，2個人總消費都唔使$130，不過其實呢間餐廳呢服務質素，份量同食物既味道，完全超出呢個價錢既水準，超值得推薦俾大家，亦係一間絕對值得再去既餐廳👍👍

🇯🇵估唔到旺角銀城都有高質日本菜👍🏻-🐂霜降牛肉壽喜燒($228)🍬甜甜地嘅壽喜燒配靚牛🤩有個爐熱住食好啱而家呢啲天氣呀💦-🥑牛油果軟殼蟹卷（$128）超抵食👍🏻厚厚嘅牛油果包住勁大舊軟殼蟹🦀啖啖滿足感❣️-🍊🍾柚子清酒（$188）呢支唔係一般嘅果味清酒🧐係飲得嘅啫喱🍧有子嘅清新配上冰涼嘅酒味啫喱😻超級正😻- 📍日本野 (旺角)旺角西洋菜南街2A號銀城廣場9樓-#hkfoodie #hkfoodblogger #日本 #日本野 #旺角美食 #日本餐廳 #widefacefoodie_food

呢間係其中一間我好鍾意嘅日本餐廳🍴 已經嚟過幾次啦! 室內設計以木系為主調, 幾有日式風格的~ 食物款式多, 點晚市套餐仲可以低價追加一啲小食, 性價比高👍🏻 個人推薦厚燒鰻魚玉子燒! 玉子燒煎得啱啱好, 充滿蛋香, 質感嫩滑, 一啲都唔乾身, 裏面夾住半溶芝士、鰻魚, 芝士有少少拉絲效果, 沾上沙拉醬, 味道層次豐富~ 呢度壽司選擇多🍣, 我推介火炙三文魚壽司及左口魚壽司, 三文魚輕輕炙燒過, 好嫩; 左口魚裙邊口感肥美又爽口咖喱牛肋條丼 - 牛肋條肉質軟嫩, 牛肉味濃, 搭配濃郁嘅日式咖喱醬汁丼飯🍛, 好好味😋鹽燒原隻大虎蝦 - 大虎蝦肉質飽滿, 咬落去厚實富彈性, 燒得好香和風炒野菜 - 日式醬油帶出野菜本身嘅清甜~

今日又再次光顧呢間日本野，環境確實有情調，以日本原木風加上簡約的設計，非常舒服🌌雞泡魚乾 $58🌌經燒熱的魚乾微軟，魚肉一梳梳的質感，甜蜜味加上鹹味互相交集，相當出色🌠蟹籽沙律 $78🌠滿滿的蟹籽灑在青瓜絲上，再加入同一色系的蟹棒，既鮮甜又清爽，開胃之選🎆海鮮大阪燒 $118🎆切好一件件的大阪燒加入大量靈魂醬汁沙律醬及燒烤醬，調味不錯，而海鮮有大量蜆肉及八爪魚，都相當足料🌅極上壽司拼盤 $208🌅-海膽壽司脆口紫菜加上加拿大鮮甜海膽，入口漸溶，海膽甜回甘-牡丹蝦壽司綿密彈牙的牡丹蝦極之鮮甜-甜蝦壽司甜蝦彈牙，甜而滑-活赤貝壽司活赤貝新鮮爽口，有鮮味-帆立貝壽司帆立貝鮮甜大粒-油甘魚壽司油甘魚有魚油香味，綿密口感-三文魚壽司三文魚順滑，有甘香甜味總括而言，呢間日本野除咗環境氣氛好之外，食物質素都相當唔錯，難怪未夠7:30已經要等位👍🏻

辛苦左一個星期今晚決定食日本野cheer up下自己！放工都八點鬆啲，去到餐廳都八半但竟然仲滿座餐廳座位唔少，但坐位好闊落，坐得舒服👍🏻餐廳主要木系裝潢，都幾有日本格調🇯🇵餐廳選擇唔少，沙律、前菜、丼飯、壽司🍣，小食一應俱全，滿足唔同人既口味我地叫左兩個主食同兩個小食，上菜速度快之餘啲野食都係新鮮熱辣辣👍🏻🥗蟹籽沙律青瓜好清甜爽口，條條都被沙律醬滿滿咁包住為左個清新爽脆既口感，沙律醬唔算好濃厚，但就夠同青瓜撈勻。加上蟹柳同蟹籽既鮮同咸，配埋清甜青瓜呢個經典配搭好食作為開胃沙律，個份量都唔算少，食飯之前叫一份share就岩哂 又開胃又健康，增加纖維攝取🍚火炙鰈魚裙邊海膽丼上到黎超有驚喜！原來除左鰈魚同海膽仲有份量唔少既三文魚籽！👍🏻下面係滿滿一層鰈魚裙邊，非常足料，唔會料唔夠飯多鰈魚裙邊口感柔軟，入口即化獨有既魚香配埋豐富油脂好香口，一口飯一口鰈魚超滿足！海膽非常新鮮，入口質感creamy，帶濃濃海膽獨特味道三文魚籽粒粒飽滿，食落微咸有調味，更加帶出到鮮味入口啵啵聲，配埋飯同其他料食有滿滿既幸福感🥰🥟芝士煎餃子本身以為只係煎餃上面有一層燒過既芝士，但黎到喜出望外首先餃子上面有一層炙燒過既

今次終於有機會第一次食石燒吉烈牛😝話哂都係香港都hit 左好幾年，但一直都無去食過。有心唔怕遲，呢日去左位於旺角銀城嘅「日本野」食日本野，你無聽錯呀間餐廳真係叫日本野😝見佢招牌都推介石燒牛系列，梗係趁呢個機會試試佢啦！🥩石燒吉列霜降牛小排晚餐 $➋➋➑ 餐牌單點$198 一份嘅石燒吉列牛小排，晚餐只需$228 就可以有埋湯/沙律同埋飲品一杯。仲可以用優惠價加配唔同小食添！一碟有12片牛肉，2個人開心share 都無問題。外邊輕輕吉列炸至香脆，裏面肉身仲係全生嘅，畀你放上石板燒大約10-15 秒，肉稍為邊色就可以食㗎啦。餐廳選取左牛小排，油花分佈均勻，入口有溶化嘅感覺😍外邊吉烈部分可以保持到鬆脆，口感好特別值得一試👍🏻🐟剌身拼盤 (晚餐加配) $➒➑叫左石燒牛晚餐可以98蚊加配剌身拼盤，有厚厚嘅三文魚、甜蝦、八爪魚同北寄貝各2片，都幾新鮮同大片㗎，又係2個人share 一人一片都唔錯😋🍣火灸左口魚壽司 $➍➋食左口魚就一定要火灸🧨因為本身左口魚油脂多，輕輕火槍燒一燒油脂更加入口即溶。左口魚剌身長到拖哂地又夠哂新鮮，一啖放哂入口岩岩好。🍣油甘魚壽司 $➍ ➑呢間餐廳啲剌身都幾好，食左幾款都

今日幫朋友去銀城廣場攞嘢，順便搭 lift 去埋九字樓開餐。😝晚市套餐都有幾多選擇，有定食、丼飯、炒飯、鍋物，而且套餐會跟前菜同飲品，另外仲可以用優惠價追加小食，最後揀咗火炙鰈魚裙邊海膽丼。火炙蝶魚裙邊海膽丼 ($158) : 除咗有鰈魚裙邊同海膽外，仲有玉子同魚籽伴碟，睇見都流晒口水 🤤 鰈魚裙邊肥美又多汁超級正 😍 魚籽同海膽份量又超多，呢個丼飯 CP 值幾高。厚燒鰻魚玉子 ($48) : 雖然係追加小食但係都幾大件，厚厚嘅玉子包住鰻魚同醬汁，再配上蟹籽、木魚絲、紫菜絲，口感相當豐富。炭燒牛舌串 ($58) : 一碟有二串，牛舌厚薄適中，燒過後嘅牛舌帶點焦香味，口感煙煙韌韌，牛味濃郁。

一粒星係俾service我同朋友兩個人食飯佢叫lunch set我單點丼飯食完收嘢個阿叔同我哋講話有餐飲要咩我朋友叫咗一杯之後我話要一模一樣然後然後然後阿叔黑面零表情話「你無餐㗎喎」明白，我無叫餐，無餐飲，其實我唔介意，但係佢態度係奇差，好似我想搏懵嗌多杯咁，如果佢講嘅係「唔好意思啊，因為你唔係叫午餐定食，所以冇跟餐飲。需要加一杯嗎？」成件事會唔會好聽好多？唔會再幫襯。

晚餐問朋友想食d咩野，佢同我講話日本野我既OS:哎呀lunch食左壽司夜晚又食壽司點算好呢🙈見朋友好興奮😆咁梗係都gogogo la~朋友帶我銀城廣場搭lift上9樓，見到門口餐廳既名字叫「日本野」我笑了😂😂 睇睇晚餐個餐牌，主要有定食、丼飯、炒飯、鍋物，仲有小食可追加，嗱嗱嗱日本野除正壽司仲有好多選擇嫁🤪我同朋友都係一個食肉獸，所以我叫左石燒霜降和牛定食，朋友就叫左霜降牛肉壽喜燒，定食set係有齊主菜、麵鼓湯、餐飲，價錢合理呀～ 🔸石燒霜降和牛定食 $218石燒霜降和牛雪花紋理好靚，自己放d牛係石板上燒可以自己去控制想燒幾多成熟都得🤤 石板面上一開始都有啲油，所以一啲都唔痴底👍🏽 牛肉味濃郁而且有肉汁幾juicy🤩 亦有燒汁、蛋黃醬、鹽、蒜蓉這些醬點，我覺得點鹽一齊食已經好夠味🤤 有溫泉蛋或溏心蛋簡，我就簡左溏心蛋，醃制得好好個蛋黃是半熟😙🔸霜降牛肉壽喜燒 $228朋友就係打邊爐🍲 湯底係壽喜燒，由醬油、糖與味醂等混合的湯汁中煮製，啲比例調得好好，甜甜又惹味。牛肉嘅份量適中，而且蔬菜🥬足夠，重點係隻雞蛋🥚攪勻先～

一直都好想嚟呢間試因為見有五百幾個好評、今晚7:30左右到不用排隊walk-in。坐低後我叫了左口魚裙邊魚子海膽飯定食、友人叫了鰻魚飯定食。大概5分鐘左右鰻魚飯定食到了（賣相普通忘了影相）、友人說味道好一般。大概20分鐘左右我自己的還未到催促了兩次分別兩個侍應都說製作中。最後第三次催促是一個男侍應、我建議不如取消跟住另一位女士應就將我的定食擺上台。友人忍不住說了句：差不多半個鐘魚生飯不用烹調為什麼要這麼久！那位男侍應竟然說：「因為裙邊要燒所以要耐啲！」呆了、我地忍唔住話條裙邊要燒半個鐘？其實慢唔緊要點解唔直接道個歉承認廚房太忙或漏單錯誤要講呢個白痴藉口。。最後埋單$33x 兩人一點也不值。除咗服務差講返我自己個左口魚裙邊魚子海膽飯，飯帶酸又凍、海膽唔新鮮唔甜、魚子帶少少苦、只有左口魚裙邊燒香Juicy帶油香叫好吃。總結一次性以後唔會再來！

本身叫左兩個餐，一個G魚生飯，一個H壽司拼盤。 壽司拼盤等左差唔多半個鐘，食完個魚生飯都未嚟。一直催佢只係話日本野要等耐啲，好想知一個魚生飯要等幾X耐。啲店員見到你一直等咁耐，一直摧咁多次，都唔識拎啲前菜出嚟比個客食住先。見到遲過我地坐低都有野食，真係火都嚟埋。仲要連多幾句唔好意思都冇。等足一個鐘唔嚟，同佢講要取消張單個下先肯拎野出嚟。去到埋單個下，佢仲夠膽收番杯餐飲的錢。有圖為證。XXXX再食我就係狗，黃店都咁話。