日日香鵝肉飯店 (希慎廣場) (已結業)

今日去到位於希慎廣場既日日香鵝肉飯店食飯，當然要試下佢地既招牌菜。我哋叫左一個精選套餐，一個拼盤，份量夠多，兩個人食都食唔晒。精選套餐我哋叫咗A餐，特級滷水鵝皇飯，叫得特級當然唔止得鵝片喇，鵝皇飯入面仲有鵝腎，鵝肝，鵝腸，鵝蛋，配左少少酸菜，非常開胃👍🏻拼盤我哋就叫左金牌滷味拼盤(例), 因為已經有鵝皇飯所以就唔再另外叫鵝類拼盤喇。佢地個金牌滷味拼盤內有豬大腸，豬耳，紅腸，豬腩肉，滷雞蛋同豆卜。豬大腸真係非常出色，本身仲擔心會有味吾敢食，不過一試愛上，好彩份量夠多，兩個人吾駛爭食👍🏻豬耳同豬腩肉都好夠滷水味，而且一d都吾肥膩，配飯一流，鍾意食豬既朋友真係不訪一試🤪

有時天氣炎熱，唔想食太重味既食物，除左燒味外，滷水都係會突然進入你腦中，揮之不去。今次黎到銅鑼灣希慎廣場11樓，好多食店選擇，唯見到滷水就bling bling眼。特級滷水鵝皇飯（$128）配菜非常豐富，包括鵝片、鵝腎、鵝肝、鵝腸、鵝蛋，一碗飯滿足你所有願望。如果你咩都想試，鵝皇飯幫到你，每款滷水都非常下飯 ，特別一提係我鍾意食既脆爽鵝腸，正！金牌滷水鵝片飯（$75）如不愛好內臟，鵝片飯絕對能滿足你，大小均一，厚薄一致。如此刀功將鵝片切成一片片，治癒有輕微強逼症既我，鵝片份量足，絕不馬虎。老火湯（配餐）成日都話，食飯有湯就最好揀中湯，今次茶樹菇湯，夠入味，不愧為老火湯。小食墨魚（$52）同朋友有共識，滷水少不了墨魚，爽口唔痴牙，仲有豆卜墊底，可以一邊傾計，一邊當薯條咁食，悠閒既一餐。

成日食叉燒 好耐冇食過其他滷味喇🤭-👉🏻特級滷水鵝皇飯💲128• 鵝片、鵝腎、鵝肝、鵝腸、鵝蛋• 配例湯👉🏻滷水鵝髀飯💲118• 配例湯-滷水鵝皇飯咩都有 啱晒我呢啲選擇困難症 鵝片切得比較薄 鵝肝就比較厚身 鵝腎偏硬 不過鵝腸就好爽口彈牙 鵝蛋超大隻🤣鵝脾骨切得有啲散 食起上嚟要小心啲 但個飯就偏硬 冧返少少會好啲 不過整體滷水味都幾夠👌🏻個例湯都幾清甜 上菜速度超快 係foodcourt等完位即刻有得食😛〰️〰️〰️〰️〰️〰️〰️〰️〰️日日香鵝肉飯店 (希慎廣場) (銅鑼灣)📍銅鑼灣軒尼詩道500號希慎廣場11樓11號舖🔗#7eating銅鑼灣#7eating中環#7eating紅磡#7eating觀塘#7eating九龍灣#7eating北角#7eating屯門#7eating元朗#7eating港式

希慎十一樓嘅foodcourt真係應有盡有，無論係日韓、歐美定係中港菜色都齊晒，而且坐得都好舒服。今日放工經過，試咗一間好出色嘅滷水店。平時經過想買啲外賣加料，都係一個唔錯嘅選擇。🌟金牌滷水拼盤拼盤有例牌嘅豬大腸、豬腩肉、豬耳等等。每一樣都滷得好入味，尤其係豬腩肉，肥膏同埋瘦肉分布得好均勻，入口易溶。豬大腸都洗得好乾淨，冇乜騷味。🌟特級滷水鵝皇飯鵝肉係高價嘅食材，呢度用百幾蚊嘅價錢可以食到差唔多成隻鵝嘅所有部份，包括鵝片、鵝腎、鵝肝、鵝蛋、鵝腸。而且分量十足，性價比超高。鍾意食我嘅朋友一定要試下，每一樣食材都滷得好入味。另外佢仲有一個煲得好入味嘅老火湯 ，飲落好清甜。都係十分之推介。

行過聞到個味好香，見到個鵝翼好大隻，原來新鮮滷起，即刻落單試下味先，落單鵝六拼，鵝肉好滑又多汁，我個人好鐘意食掌翼，好夠味，仲有頭頸，送酒一流，真係好抵食，堂叫外賣仲有折扣，會再來幫襯

今天晚上想來個快餐然後去行街，所以黎到希慎的food court搵野食，俾我地見到有間食滷水鵝既餐廳，即時心心眼，所以就同友人試下。新張優惠套餐有鵝飯、湯、油菜同飲品，都幾抵食，湯係青紅蘿蔔湯，清甜味道也很夠。油菜生菜沒有豉油蠔油，但拌上滷水汁有有少少咸味也不錯。滷水鵝肉飯，鵝肉份量都幾多，肉質不會太鞋口，味道都好夠，多肉少骨。還有咸菜、滷水蛋和豆卜，很豐富。滷水雙拼飯，揀了鵝腸和鵝肉，鵝腸不會太肥，爽口彈牙，鵝肉較大件，滷水味很夠，再點上醋，味道更美味。雙拼飯還配有豆卜、咸菜和滷水蛋，豐富又飽肚。飲品還有樽裝檸檬茶和烏龍茶可以選擇，不是很多快餐店可以揀。

行到銅鑼灣，當然去下希慎廣場誠品睇下書，文清一番，但都要準備好食😋，先行。美食廣場就左樓上。見到都似開業半年左右。夠特別平民化夠新意。多款唔同類型套餐。樣樣都想試🤨🤨🤨🤨🤨🤨當然點了精中之精啦🤣🤣🤣🤣😅🙄亦有其他小食選擇。如果有檸茶咖啡就更好😂😂😂😂嘩，不襟，份量大同足。鵝肉都有6片。皮同肥望住好肥但都不襟啖先。肉好彈牙，肥廋一起食特別正，再加小小酸味醋，又幾開胃，鵝腸爽脆，唔難咀嚼，好味道。滷水蛋又是不錯，時間滷水係好重要。不快又唔入味。太耐蛋又未必好食。但呢間2樣膽心都沒有。👍🏻👍🏻👍🏻👍🏻豆卜又係吸收晒滷水汁，精華。不襟吃多點。老火湯今日係紅青蘿蔔湯，足料。用豬骨煲，火喉足夠，平時飲肥油多。但呢間又算得上不錯。最後加多支可樂。好滿足地離開去誠品慢慢睇書。👍🏻👍🏻👍🏻👍🏻👍🏻

天時暑熱，最佳節目就係逛商場，嘆冷氣，嘗美食。今日星期天，去咗銅鑼灣希慎廣場行商場，嘆冷氣，順便去誠品做書釘，扮文青。跟住就慕名去到11樓food court新登陸香港的日日香鵝肉飯店，嘆靚靚滷水鵝肉。日日香鵝肉飯店於2003年在汕頭創立，馳名滷水鵝。香港店和總店一脈相承，選用正宗獅頭鵝，保證客人吃到正宗味道。星期天 food court人山人海，好難才搶到座位。日日香希慎分店在food court內，是採用購票自取形式。店內主打滷水鵝，有多款招牌靚飯和滷水小食。慕名而來，當然要試試招牌滷水鵝皇飯。喜歡這個飯材料豐富，有鵝片、鵝腎、鵝肝、鵝腸、鵝蛋，還配以豆卜和酸菜。鵝片香滑帶油脂，鵝腎口感煙韌，鵝腸入口爽脆，鵝肝夠香，稍嫌比較乾身。鵝蛋非常大隻，四分之一隻的鵝蛋已比一般雞蛋還要大。另有豉油和辣椒醋供應，客人可按自己口味隨意添加。意猶未盡，再來一個滷水腩肉飯。厚切腩肉份量十足，腩肉油脂層次分明，入口甘香，肥而不膩，送飯一流。

係銅鑼灣返工，四圍都好多嘢食好吸引，不過都偏貴。所以今日嚟到希慎廣場嘅food court 食飯。見到呢間燒鵝店，同朋友決定一試。吸引嘅係佢有老火湯！老火湯料十足，平時小湯水既必點，甜甜咸咸咁好好味！我哋兩個人叫咗兩個餐，其中一個餐仲有一碟菜，完全係健康之選。講返啲主角，朋友嘅係一個滷水鵝飯。滷水鵝味十分香濃皮都好鬆脆一啲都唔韌。而我點嘅係雙拼飯，點左個招牌滷水鵝肉之外，仲點左個鵝腎做雙拼。鵝腎十分香口，平時出邊好少有得食，呢度食起嚟滷水味十足之外，味道仲出乎意料，一啲都唔so 而係好香好重鵝味。最後我哋重點左兩隻滷水蛋，一樣係滷水味十分濃，店員仲好細心咁樣將啲滷水分開俾我哋，可以隨着自己鍾意嘅程度加入飯嗰度，完全係健康嘅一餐呢。有趣的是更會教你點享受美味既漏水鵝！如果平時少食鵝肉，必要試試呢！

吃過中環威靈頓街「日日香燒鵝店」 令人念念不忘的甘香燒鵝肉，原來銅鑼灣希慎已經開咗分店，正呀喂！ 價錢比中環便宜，仲有$98 滷水燒鵝套餐供應，試試和中環店有什麼分別先。  這個組合一定夠飽， 滷水鵝肉飯套餐（包老火湯，白灼時菜）飲品有各式舌樣的樽裝飲品， 我選了 主角有金牌滷水鵝片，還有其他配角「滷雞蛋、咸酸菜 」。 先吃一口滷水鵝片， 滷水汁香馴、甘香；鵝肉入味，肉質扎實富彈性，脂肪比例不多，靚！ 甘香滷水汁滲到白飯內， 令我秒殺了整碗飯。 滷水鵝肉、鵝腎飯$72 鵝腎口感和雞腎無乜大分別，口感將都是爽爽脆脆的； 鵝腎將滷水汁鎖得緊緊，比鵝肉更入味， 作為小食都唔錯 。這裡沒有燉湯供應， 配上是例湯一碗， 例湯是紅蘿蔔瘦肉湯， 有老火湯香味，無味精感。 油菜是唐生菜，沒有蠔油， 以滷水汁取代。小食相當抵食， 心多多試了   $10、 $20兩者都略嫌滷水汁不足， 滷水豆卜更有點硬， 有點失色。  

到誠品打書釘，星期天特別多人，真係可以用人山人海嚟形容，買到一些可愛文具同埋一本藝術書，可以話係滿載而歸。累了想吃點東西，到樓下搵野食，同行友人是潮州真漢子，他很有興趣嘗試 日日香鵝肉飯，他說是潮州名菜。新張優惠套餐 $98我見這個套餐很受歡迎，CP 值很高！老火湯，青紅蘿蔔湯，清淡潤喉。烏龍茶，減肥女生最愛飲這款烏龍茶。鵝肉飯，鵝肉的脂肪跟肉可以說得上是黃金比例，肥瘦適中，鮮味無比，懷舊口味胃口大開！鵝汁拌入滷水蛋、豆卜、配料，讓人垂涎三尺，我跟友人都讚不絕口。白灼時菜，沾上秘製滷水汁，提升鮮味。滷水滷味飯 $65很豐富的一碗滷水大集會，腩肉、紅腸、豆卜、雞蛋，本來還有豬肉條、當天售罄換成鴨腎反而更有驚喜。今次腩肉夠肥美，獨門秘方滷水用來送飯真的一流。大和豆漿 $15豆漿營養價值豐富，美味可口，甜度又適中，果然健康有益。

今日去左銅鑼灣食飯，希慎食肆選擇太多，晚餐時間差唔多間間都要等位。一個人食晚餐要求唔高，去左樓上11樓既美食廣場食晚餐。經過發現有間新餐廳，主打滷水菜式，我就去試試啦！滷水鵝睇黎係招牌菜大部分菜式都是滷水。我叫左招牌滷水鵝皇飯。鵝皇飯包括鵝片、鵝腎、鵝肝和鵝腸，當然仲有滷水蛋。滷水好入味，咸香濃厚，醬汁輕輕甜味。鵝片肉質爽嫩驚喜。鵝皮脂肪比例唔高，食落無油膩感，鵝肉唔會鞋口。鵝肝厚厚的，入口軟綿略微爽口。我最愛滷水蛋滷水豬腩肉！肥美豬腩肉，份量多而且油脂香口甘甜，肉質軟嫩肥美

希慎內的餐廳，一向口碑很好，就算是經濟的客飯，都不會令人失望。正如是夜的《日日香鵝肉飯店》，滷水的質素，確是不錯。這是一間專攻滷水鵝的專門店，主打當然有它獨特之處。套餐經濟實惠，老幼咸宜。點了一份滷水滷味飯，有腩肉、豬肉條、紅腸、雞蛋及豆卜，原來除了滷水鵝外，其他食材配滷水汁，味道也很好。腩肉目測有點肥，但入口不膩，味道很香。餐湯是蘿蔔肉排湯，正常餐湯質素。主打的滷水鵝，當然要試試，點了滷水鵝脾飯，也是這裏的招牌貨菜，可自選配油菜及飲品。鵝脾色澤光亮，滷水味香，鵝肉入味至極，還有點點炸菜及雞蛋，伴飯確不錯。滷水入味，鵝肉香軟，嫩滑不韌，味道很好。白灼西生菜，生菜青綠嫩滑，加點滷水汁，味道頓時變得出色。滿足兩人的豐富晚餐，二百左右，經濟美味，想必能成為慣常的飯堂。👍💖💖

跟家人到希禛廣場購物。走到位於十一樓的美食廣場，看看有没有吸引我的美食。見一食肆「日日香鵝肉飯店」。已很久没吃鵝肉，就决定這間吧！我喜愛點拼盤，因可一次過嘗試不同美食。 鵝的拼盤，分別有3拼、5拼和8拼。 我們只是二人，怕太多吃不下，就點一個'鵝5拼'吧。 鵝5拼($188) 本有肉、掌、翼、肝、頭，而店員也說店內的鵝腸和鵝肝最受歡迎，可惜的是鵝腸於午市已售罄，而鵝肝因疫情關係未能入口，故近月無法供應。 店員說會以其他替代。 我另點了一碗白飯($10) 和一樽豆漿($6)。 鵝5拼 : 我的鵝5拼有肉、掌、翼、頭、腎，店員還給了我一只滷蛋。一整盒滿滿的，已聞到陣陣鵝的香氣。食鵝指南每日鲜宰鮮滷，滷汁甘醇，鵝肉果然新鮮香口，肉汁豐盈，兼且肉質鬆軟。 鵝掌和鵝翼都甘香可口｡滷鵝頭滷得入味。這是鵝頭的下巴位置，想不到原來非常滑嫩有用，味道也甘香。鵝腎質感與其他鵝部位不同，較有嚼勁。另外，滷蛋入味，拼盤鵝肉下還有豆卜。隨拼盤附送配合滷鵝的白醋/滷汁，非常美味。

夏日炎炎不太想在銅鑼灣街道上等位食飯，可以考慮來希慎廣場11樓這個美食廣場找美食。找了座位坐好後，全場均行了一遍，最後決定來一餐鵝肉飯。店內環境乾淨企理，讓食客可以安心購買。我和朋友一人一個店舖新張優惠套餐，心裡面想：只是那枝裝津路已價值$10, 所以$98真的是經濟實惠。滷水鵝肉飯滷水把鵝肉及鵝皮都醃得入味，鵝肉嫩滑無比，沒有太多油脂，香滑卻不油膩，而且滷蛋及滷豆腐也相當有水準，味道互相配合。吃鵝肉時必點這個秘製的酸梅汁，可以令鵝肉的肉質更為嫩滑。湯也是老火湯，味道濃郁卻沒有味精。菜的份量也很充足，嫩綠新鮮，吃了這麼多肉也要吃些蔬菜令飲食更均衡。