日日涮 (已結業)

今天經過美孚廣場，發現一家新開的火鍋放題餐廳-「日日涮」。看到餐牌上的海鮮盛合及刺身非常吸引，於是我們便去試試。湯底方面，我們選了泡菜豬骨湯及日式壽喜燒，兩款都不錯。壽喜燒清清甜甜，泡菜豬骨湯微辣很開胃。海鮮方面，我們選了海鮮盛合B 及特選刺身拼盤。海鮮盛合B (爆膏奄仔蟹, 海蝦, 沙白, 蟶子皇, 貴妃蚌, 青口)正如菜單描述，它包括了多種新鮮食材，非常豐富。爆膏奄仔蟹果然真的很多膏，視覺上已能帶給我們衝擊。除了蟹膏，肉質都好鮮甜，大大隻又夠哂肉地。海蝦既肉很實淨，很新鮮。我最喜愛的是蟶子皇及貴妃蚌，新鮮好味，水準很高，像在海鮮火鍋店散叫的質量。這個海鮮盛合B 實在很讚，愛好海鮮者必食!特選刺身拼盤 (三文魚, 甜蝦, 北寄貝, 劍魚腩)這份刺身也很有驚喜，既新鮮且紋路靚，一吃便知是上等貨。更重要係厚切大大件，極具口感，很滿足！美國肥牛肉色鮮明, 肥與肉的比例好, 可見挑選的部位很好。配合壽喜燒或泡菜湯，味道已經很足夠。不用多加醬油，影響原味。黑毛豬、雞腿肉黑毛豬切得夠薄，很易熟且口感很好。雞腿肉很嫩滑，肉很實淨，浸久一點也不怕。韓國公仔麵、炸魚皮平時食放題我唔會食公仔麵，但今次真

今天去了食火鍋，這個火鍋是老婆推介的，食過話正！雖然是日放假一天，就book左位一試！Book左6點半，等埋朋友就開餐，呢度係食海鮮盤火鍋，有兩個Set，海鮮A同B，我地揀左B，有爆膏奄仔蟹、沙白、海蝦、蟶子皇、貴妃蚌同青口。壽喜燒湯底當然係正啦！甜味適中，朋友揀左昆布湯底，本來以為會好淡無乜味，點知都好夠味！我地當然試左奄仔蟹先，平日食的蟹都沒有它那麼多膏，叫它「爆膏」真的當之無愧！蟹身內肉眼所見全是黃黃的膏！蟹肉也不少，很鮮甜可口，蟹膏也沒有一點腥味！貴妃蚌好大隻，不是殻大而是肉也很大很多，蚌入口時有點煙韌感，很有嚼勁！號稱蟶子皇也不是浪得虛名的！蟶子肉怖滿了整條蟶子，相反這個不是煙韌，而是爽口彈牙！我們選了「澳洲和牛放題」，貴的真是不一同，和牛的色澤很好，是血紅色，這裡的牛都是即叫即刨，這樣可以確保新鮮，所以加牛一般都要等大約5-10分鐘，和牛肥的部份不是太多，放入鍋中很快便熟，事關切得夠薄，入口已經融化，而且有著很香的牛「蘇」味，沒有任何雪味。其他配料都很多，有各類菜、丸、腸，還有韓國拉麵和出前一丁麵。炸魚皮真的不錯，放入鍋中10秒已經變林，吃起來沒有那麼熱氣（自己厄自己），而

作為美孚街坊當然知道「日日涮」嘅開張啦，因為佢哋都有洗樓派單張，不過，新開張當然有好多人會貪新鮮走去幫襯，一來無謂同人逼，二來涮涮鍋老婆真喺麻麻哋，佢唔食得幾多，覺得唔抵，故一直未再有留意。最近，經過美孚廣場，見佢哋擺咗啲易拉架，新推出埋鍋物定食、海鮮丼、壽司……等等，咁又幾啱我哋喎。趁個星期六得閒啲，兩公婆悠悠閒落嚟拍拖更食個晏。餐廳位處美孚廣場頂層，前身由「東海私房壽宴」做到轉為「東海滬」，都有幫襯過，其實都覺得唔錯，況且仲喺大集團，無諗過都要結業。而家轉為賣放題涮涮鍋嘅「日日涮」，以香港人唔蝕底嘅習性，一個價任食，應該都有得做。個鋪位重新裝修過，感覺好似比以前大啲咁，如大部份涮涮鍋店，都喺以深啡色為主調，木地板、木枱、木皮椅，燈光柔和。正中央喺任食配菜、醬料區，喺供揀食涮涮鍋嘅客人。由於小弟此行並唔喺嚟食涮涮鍋，所以，自取配菜區就唔多介紹嘞。而入門口左邊一角，有座大雪櫃，擺放十多款飲品，除揀涮涮鍋嘅客人自由取用外，食鍋物、丼飯、壽司都包一罐飲品，亦可以走出去自己慢慢揀。旁邊，就喺雪糕櫃，但就無我份。雖然我哋兩公婆一心一意嚟食鍋物及海鮮丼，但都順便介紹埋佢哋午市嘅放題涮涮鍋喺點，俾

環境舒適👍🏻乾淨😆牛雞豬任食🤤性價比高中意食海鮮既誠意推介 有龍蝦有刺身有鮑魚有蠔，食海鮮都飽左一半，就連野飲都比較特別，今日飲左個柚子蜂蜜👍🏻👍🏻👍🏻👍🏻超超超好飲，好配合到打邊爐，唔洗成日飲汽水咁唔健康，大讚👅👅

同朋友搭車過黎食火鍋放題個陣已經好期待，一坐底就知一定唔會失望，環境好靚，乾乾淨淨，啲staff又好有禮貌！湯底要咗蕃茄同壽喜燒，不過不失啦，壽喜燒煮牛肉，沾生雞蛋一流🤤🤤🤤啲牛好好食，豚同雞無就試到重點一提，佢地啲料好高質，菜有五六款，全部都好新鮮，仲有個個芝士年糕，暫時試過咁多火鍋放題得呢間有🤩🤩正啲龍蝦鮑魚又鮮甜，火鍋黎講真係唔話得，第一次食放題既海鮮咁鮮仲有個朱古力雪糕高質，係movenpick 唯一就係地點偏咗少少，係美孚，但好彩好近地鐵站出口，識搭地鐵就黎到，尚算方便

海鮮盛合已返本仲要係放題！啲龍蝦飽魚超新鮮！斬出黎即龍蝦仲郁緊！😍啲牛不過不失，三百蚊又有刺身又海鮮再無限牛雞豬食，比起好多出面既性價比好得多！有時間想大食一餐可以再黎👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼🤪環境地方不錯，睇其他圖就可以了，都真係幾standard.其實真係幾意外，，，，，美孚都有啲咁既好野，晤係朋友介紹話開左無耐幾好都晤會專登黎。朋友們都好滿意😂😂😂😂😂👍🏼👍🏼👍🏼👍🏼👍🏼👍🏼

食左個拼盤，有龍蝦，生蠔❗️正🤤🤤🤤野飲又多選擇，最正係有movenpick😽😽湯底都幾好，都幾多選擇❗️地點都算近地鐵站，行一陣就搵到了👍🏻👍🏻

岩岩係呢間野食dinner，比佢係樓下個張promotion牌吸引左，寫到明2點後85折，咁覺得幾抵就入去啦先唔講食物，埋單個時發現冇85折就問下啲staff，個貌似經理既就話85折要下午2-4點先有，好啦 我以為自己冇睇清楚條款就入去食係我唔岩，咁我就冇同佢嘈。走個時再睇多次張meau，都係寫明2點後85折，佢仲死同我拗話係下午先有，我想問邊隻字寫明？佢冇聲出！你呃人唔係咁呃呀？唔該你一係寫返好啲T&C先好出黎promote啦！咁大間食店做埋啲咁既野，幾好食都唔會想再幫襯啦！最後當然佢冇退返比我，覺得自己冇錯嬲到我丫，好地地食餐飯！！！垃圾，年中唔知有幾多人比佢呃左，所以想寫出黎提下大家

今時今日好多人覺得派傳單做宣傳已經唔 Work, 但對我而言依然非常有效，今日幫襯呢間火鍋店就係一個好例子。環境非常闊落，坐得非常舒適。食物美國頂級牛小排放題 $368 (已包海鮮盛合 & 刺身拼盤)美國牛小排雪花紋非常均勻，肉色鮮紅無瘀色，口感腍滑。海鮮盛合有奄仔蟹、大蝦、蟶子、貴妃蚌、沙白、青口。全部都好新鮮，絕非雪藏急凍貨。尤其係奄仔蟹，非常鮮味，而且超級多膏。刺身拼盤有三文魚、劍魚、北寄貝、甜蝦、吞拿魚。全部都好新鮮，尤其是三文魚，非常肥美。自助區有大量蔬菜、丸類。蔬菜全部都好鮮嫩。而且還有 ”出前X丁” 供應。飲品: 有大量罐裝、包裝飲品。不過最特別係，居然有 Hoegxxrden Agrum 任飲。真係第一次見。食飽每人仲有一杯 Mövenpxxk 或 Häagen-Dxxs 雪糕做甜品。大滿足!

友人生日又想食火鍋，為了不太打亂我的減肥計劃，四出打探終於找到火鍋好介紹，因海鮮好味又不會肥聽朋友講，這店子是新開的，一走進去，地方清潔及非常寛濶，而且枱與枱之間有一屏風，唔會把食物放到他人枱上。  今次我們選了120 分鐘放題，叫了2款湯底，小魚番茄湯和日式和牛清湯，湯底沒什麼特別。首先來個刺身拼盤 ，包括三文魚， 劍魚腩，赤貝，黃金魷魚，蚌等等。劍魚腩，切得厚厚的，入口即溶，蚌亦鮮甜爽口。海鮮盤 ， 包括爆膏奄仔蟹，海蝦，蟶子皇，沙白，貴妃蚌，青口等等，膏奄仔蟹真係名乎其實，好多膏，蟹抓仲係郁緊，蟶子皇，有成只手掌咁大，好好好甜美，整體好新鮮😍😍😍美國頂級牛小排 ，色澤平均，好新鮮，忘記滾耐了都不韌。澳洲和牛同様食到唔停得口，好明顯肉味更加濃郁。除以上，還可以在自助區任君選擇，種類亦多，極力推介章魚燒，及柚子胡椒汁，好獨特，我都係第一次食火鍋遇上它們。最後每人還有雪糕一杯, 大滿足這裡的服務亦好好，侍應主動問你要不要加湯，真系一壼壼不同味道的湯做refill ，總括來講性價比都高，是不錯的選擇👍👍👍

屋企附近開左新日式放題，而且見佢有優惠卷派，一於試下!佢既120分鐘套餐比平時既日式涮涮鍋貴，牛小排都已經要368但唯獨佢多左海鮮拼盤! 抵唔抵食就見人見智，見到實物先再講!醬料同任食既丸菜同普遍既日式涮涮差唔多但呢度既種類更多，菜都有成十款，丸類都有十幾款，仲有咖哩飯0.0不過海鮮真係超抵食! 按人頭計，每人有半隻龍蝦，一隻鮑魚，一隻蠔，仲有蜆。但海鮮套餐比其他日式涮涮鍋大約貴50-100，但個海鮮已值回票價仲有佢既牛小排肉都好正，又薄又滑!但因為油脂始終較多，牛味比較淡雪糕任食超爽! 除左任食雪糕仲有一杯MOVENPICK/ HAAGENDAZ 任你揀, NOT BAD

琴日同媽媽想打邊爐。之前就想試下呢間，夠近六點半左邊到，都未有好多人。其實日式火鍋都成日食，但今次有海鮮，搞到我擇湯都人生決擇咁，最後就雞湯同蕃茄湯。海鮮就1A1B, 睇啲嘢食未呢我已經出去拎定啲配料， 都唔錯幾多選擇仲好企理乾淨， 最欣賞雪櫃飲品選擇種類多仲有少少甜品㖭。 有啤酒最啱我阿媽主菜，海鮮都唔錯， 但刺身我覺得可能少咗啲， 雖然有四款，但每款只有一塊，食得唔夠喉雖然係配菜但都好好食，如果可以擇款就好，可能都係4件，但可以擇款，因為有2款我唔太食。一開始例牌豬牛雞， 日係放題梗係食牛多啦，我地食$398果個，但牛已經好好，雞就有d淡，不過我日涮主攻牛。今次有海鮮就飽，平時可以encore 2次牛，今次我食晒d配菜已經好飽成間店乾淨服務都唔錯我仲會encore

今日約了好友在美孚相聚，朋友提議食「日日涮」。 我即上openrice 睇睇，有好多好評，咁梗係要試一試啦！我哋揀咗個$368 套餐， 有120分鐘放題， 揀咗《美國頂級小牛排》、海鮮盛合和刺身拼盤。 仲有六款湯底俾我哋選擇，仲可以一人一鍋， 真係幾過癮， 我地揀咗《小魚番茄湯》和《骨膠原雞湯》。 首先送上一盤刺身拼盤，包括有牡丹蝦、三文魚和吞拿魚等等。 三文魚同吞拿魚都十分肥美，牡丹蝦鮮甜可口。 嘩， 海鮮拼盤相當吸引， 有大大隻嘅開邊龍蝦、多膏嘅肉蟹、 鮮甜嘅蟶子皇、肥美嘅生蠔、鮑魚同海蝦等等。 見到隻大龍蝦在鍋中𣈱泳， 蕃茄湯加上龍蝦變得更加鮮甜可口。主角終於出場啦！ 美國頂級小牛排， 味道可口， 脂肪分佈均勻，顏色紅潤， 牛味十足， 點上自製醬汁， 真係錦上添花啦！ 朋友鍾意食黑豚肉， 薄薄嘅豚肉， 好快熟，肉質嫩滑，好好味！除咗任食肉類外、 仲有免費自助吧， 例如飲品、甜品、蔬菜同類丸等等。 當然梗係有我最喜歡嘅雪糕啦， 每人有一杯Häagen-Daza或Mövenpick雪糕杯，食完雪糕好滿足!

去開荔枝角，又找找有什麼多推介任食啦，点知 ..... 又中伏，只好怪自己年少無知太易信人 + 太多寫手了.....整體來說質素不是太差。但刺身任食的赤蝦只有等一次的每人一隻，之後都是任食，過係"任"廚房俾咩你"食".....唔一定係你想食的刺身。牛肉方面，算唔錯，之不過，我未諗過原來你叫個什麼牛肉餐之後就只有食那種牛肉，沒有得叫其他的牛肉種類，whatever 你係食最貴那個餐。另外，湯底得個鹹，辣的不辣，清的不清。服務態度好算係一個亮点吧，我追加了過十次刺身，個侍應妹妹都仲好好笑口，食完埋單後坐多陣，經理都話冇問題。讚 !切記，用完券之後還要给幾廿蚊現金服務費的。

當初對這間新店沒太大信心，但又想試新嘢，所以買了一個平價的團購 -153蚊加22蚊即是175蚊一個，沒太大的期望，但有意外驚喜。 首先選了泡菜豬骨湯底， 湯底頗濃，微辣，但相當香， 之後來了一盤牛肉，一盤豬和雞肉， 三款肉的質素相當唔錯， 自助的大概有十多款菜和各式各樣的丸類， 還有韓國拉麵 及 稻庭烏冬， 質素也相當高，最後吃了個朱古力雪糕，令我度過了一個愉快的火鍋三小時