影片
更多
2018-08-09
356 浏览
作為美孚街坊當然知道「日日涮」嘅開張啦，因為佢哋都有洗樓派單張，不過，新開張當然有好多人會貪新鮮走去幫襯，一來無謂同人逼，二來涮涮鍋老婆真喺麻麻哋，佢唔食得幾多，覺得唔抵，故一直未再有留意。最近，經過美孚廣場，見佢哋擺咗啲易拉架，新推出埋鍋物定食、海鮮丼、壽司……等等，咁又幾啱我哋喎。趁個星期六得閒啲，兩公婆悠悠閒落嚟拍拖更食個晏。餐廳位處美孚廣場頂層，前身由「東海私房壽宴」做到轉為「東海滬」，都有幫襯過，其實都覺得唔錯，況且仲喺大集團，無諗過都要結業。而家轉為賣放題涮涮鍋嘅「日日涮」，以香港人唔蝕底嘅習性，一個價任食，應該都有得做。個鋪位重新裝修過，感覺好似比以前大啲咁，如大部份涮涮鍋店，都喺以深啡色為主調，木地板、木枱、木皮椅，燈光柔和。正中央喺任食配菜、醬料區，喺供揀食涮涮鍋嘅客人。由於小弟此行並唔喺嚟食涮涮鍋，所以，自取配菜區就唔多介紹嘞。而入門口左邊一角，有座大雪櫃，擺放十多款飲品，除揀涮涮鍋嘅客人自由取用外，食鍋物、丼飯、壽司都包一罐飲品，亦可以走出去自己慢慢揀。旁邊，就喺雪糕櫃，但就無我份。雖然我哋兩公婆一心一意嚟食鍋物及海鮮丼，但都順便介紹埋佢哋午市嘅放題涮涮鍋喺點，俾
最近，經過美孚廣場，見佢哋擺咗啲易拉架，新推出埋鍋物定食、海鮮丼、壽司……等等，咁又幾啱我哋喎。趁個星期六得閒啲，兩公婆悠悠閒落嚟拍拖更食個晏。
餐廳位處美孚廣場頂層，前身由「東海私房壽宴」做到轉為「東海滬」，都有幫襯過，其實都覺得唔錯，況且仲喺大集團，無諗過都要結業。而家轉為賣放題涮涮鍋嘅「日日涮」，以香港人唔蝕底嘅習性，一個價任食，應該都有得做。
個鋪位重新裝修過，感覺好似比以前大啲咁，如大部份涮涮鍋店，都喺以深啡色為主調，木地板、木枱、木皮椅，燈光柔和。正中央喺任食配菜、醬料區，喺供揀食涮涮鍋嘅客人。由於小弟此行並唔喺嚟食涮涮鍋，所以，自取配菜區就唔多介紹嘞。
而入門口左邊一角，有座大雪櫃，擺放十多款飲品，除揀涮涮鍋嘅客人自由取用外，食鍋物、丼飯、壽司都包一罐飲品，亦可以走出去自己慢慢揀。旁邊，就喺雪糕櫃，但就無我份。
雖然我哋兩公婆一心一意嚟食鍋物及海鮮丼，但都順便介紹埋佢哋午市嘅放題涮涮鍋喺點，俾大家多個參考。雖然，美孚區嘅食肆較少有區外客，但如果嚟開「黑暗中對話館」、「饒宗頤文化館」……等景點，或可考慮嚟食個涮涮鍋搏吓命。佢哋有60分鐘及90分鐘涮涮，視乎揀咩肉嚟定價，價錢由$78-$308 + 10%，包指定肉類任食，自助區放題。仲有，呢度喺採用一人一鍋模式，6款湯底就可以各有各精彩。所以，就算午市，都一樣有唔少客人嚟涮吓涮吓！
講番啲定食先，先介紹海鮮丼及壽司，底面兩版共有17款選擇，已附有沙律、前菜、麵豉湯及飲品一罐。最平只喺$78，最貴可以去到$288奢華嘅海鮮丼，正所謂豐儉由人，但喜好都喺要由心。
若然所設定嘅多款海鮮丼都唔啱你心水，店家就提供另一款超彈性嘅自選刺身丼，共16款刺身價3客人自由組合，價錢就視乎所揀嘅刺身種類及數量，但起錶價喺要揀最少3款刺身。
雖然刺身老婆都會食，但每次唔會食得多，熟食菜式唔啱佢多啲，故鍋物就成為佢嘅目標。6款選擇，唔算多，定價$55-$88，每款附白飯或烏冬，加一罐飲品，但已經搵到有嘢啱佢。
鮑魚雞柳鍋 $88個熱鍋份量都幾足，堆到滿滿，雖然下面墊嘅喺唔少野菜，但兩大隻鮑魚、一大堆雞柳放晒晌面，已見無欺場，而且，喺新鮮貨色，啲鮑魚仲郁郁吓。要開着個電磁爐，慢慢煮熟先有得食。鮑魚放晌鍋底煮，煮熟後，一挑就起晒成件肉，肉質煙韌咬口，味道鮮甜，雞柳則放晌鍋面浸熟，肉質又幾滑，至於啲野菜：冬菇、豆腐、金菇、西蘭花、娃娃菜……等等，吸收晒啲湯汁，更清甜。最後，熱鍋嘅湯底，又吸收番所有食材嘅精華，變得更鮮香，撈烏冬，一流。
鮑魚雞柳鍋
$88
13 浏览
1 赞好
0 留言
菊（豪．海鮮丼）$228小弟一心一意嚟食海鮮丼，有爭扎過食個平平哋過過口癮，定抑或開懷啲食個中價呢？結果，睇見張海鮮丼餐牌頗吸引，就一於豪一豪佢，揀中高價嘅「菊」（豪．海鮮丼）啦。
沙律食得日本定食，沙律一喺就配胡麻汁，一喺就柚子醋，簡簡單單嘅胡麻田園沙律，做番足基本。
前菜前菜只喺味咐螺肉，一望就知喺現成貨，味道OK嘅，當然，就會覺得無咩特色。
味噌湯麵豉湯反而唔錯，調校得比較香濃，放有少少油豆腐絲，如果加啲嫩滑嘅豆腐粒就更好。
海鮮丼整碗丼裡面，足有8款刺身，包括三文魚、吞拿魚、立魚、吞拿魚腩、油甘魚、三文魚籽、甜蝦、加拿大海膽，堆得密密麻麻，色彩繽紛，而且，樣樣刺身都喺色澤光亮。刺身處理得宜，入口微涼，每一款嘅鮮甜度都有水準，尤其啲甜蝦，極有黏性，三文魚亦好油潤，吞拿魚蓉油份高，海膽綿滑唔會有啲唔新鮮嘅怪味。日本芥末食落覺得喺即磨貨色，而米飯黏糯軟綿，已加入赤醋作調味，份外好食。
芭樂汁我哋兩公婆不約而同，都喺揀咗罐台灣製造嘅芭樂果蔬汁（即喺蕃石榴），因為覺得比較特別，亦少晌香港飲到。不過，我罐喺常見嘅一般芭樂，佢嗰罐就喺紅心芭樂做，對比過兩罐嘅味道，蕃石榴味都突出，但反而小弟認為我罐嘅味道比紅心芭樂濃郁少少添。
香港有唔少商場因管理不善而變為死場，好似荃灣嘅地皇廣場，尖沙咀嘅首都廣場，前者將二樓轉為美食廣場，後者搵到有特色嘅餐廳合作，似喺有番啲人氣。美孚廣場同樣喺死場一個，個場越做越靜，「日日涮」嘅出現唔知可唔可以帶旺番起，成為獨當一面，始終任食喺唔少港人至愛。
题外话/补充资料：
當日晌地鐵附近有優惠券派，食滿$200減$20，慳少少都好吖。
(以上食记乃用户个人意见 , 并不代表OpenRice之观点。)
张贴
