日悅極尚日式放題 (已結業)

明天姐姐和小姪女便要回加拿大了，她最喜歡吃日本料理，特別是放題，所以上網搜尋一下，發現原來尖東亦新開了一不少人好評的親子放題呢！就是位於半島中心的日悅極尚日式放題，地方極之寬敞，又設有兒童玩樂區，正好適合我們一家老小。駕車人士更不用擔心泊車問題，因為半島中心設有代客泊車服務，要吃夠$250實在容易。餐廳中心位置擺放了整齊的自助食物，有冷熱盤、沙拉、湯、凍海鮮、甜品、冷熱飲等等，一目了然。另設有自助飲品雪櫃，亦有常溫飲品，很甜心。雪糕都是大牌的，咖啡味很棒！在自助區拿了一些前菜，都很不錯。當然要點刺身： 北海道帶子、油甘魚、松葉蟹腳、吞拿魚、甜蝦、北寄貝、赤蝦和蠑螺。款款夠鮮，北寄貝特別爽口；蠑螺另上大粒彈牙，質素不錯，沒有雪味。《北海道帶子壽司》加了香口的鵝肝，而且配上醬汁更加惹味。創意壽司《黑松露油甘魚》- 油甘魚味道較淡，所以黑松露有提味作用。火炙壽司《左口魚、鰻魚、香蒜牛肋肉、芝士蟹棒》。左口魚被迫出脂香很美味；鰻魚屬正常；香蒜牛肋肉燒至半邊夠軟腍有牛肉香；芝士蟹棒芝味十足。手卷軍艦：《香蔥吞拿魚茸、龍蝦沙律、芥辣八爪魚、海膽》- 香蔥吞拿魚茸清甜；龍蝦沙律惹味；芥辣八爪魚微辣醒

同事開心share介紹尖沙咀半島中心開了間放題好正，叫我地一定要去試，我地心養養梗係要約埋同事放工去放縱下。半島中心喺港鐵尖東P出口步行3分鐘就可到達十分方便。來到餐廳冇諗過餐廳佔地那麼大，還設有小朋友玩樂的區域，比起一般的放題餐廳大上好幾陪，非常寬落坐得非常舒適。晚市放題2個半鐘，四人同行一人半價及6人同行加送活魚薄切一條(以成人計及收回正價加一；不可與其他優惠同時使用)星期一至四 (公眾假期及前夕除外)17：30 - 18：00前 $25818：00 - 21：00前 $27821：00後放題2小時 $258星期五至日、公眾假期及前夕 每位+$20，小童全時段或一收費 $168落完單睇睇自助區也有冇少美食，飲品、清酒、梅酒任飲，還有熱飲、水果、中式糖水、雪糕、蛋糕、甜品等等；前菜主要以日式為主最喜歡有牛蒡，還有凍蝦青口。刺身拼盤很快就上來了：我們點了有北海道帶子、油甘魚、松葉蟹腳、吞拿魚、甜蝦、赤蝦、北寄貝、赤蝦、蠑螺，樣樣睇落都新鮮，刺身質素都很不錯。壽司選擇也不少分好幾類，我們都隨意點了些試試。有北海道帶子；創意壽司有黑松露油甘魚；火炙壽司有最愛的左口魚和鰻魚，香蒜牛肋肉、芝士

呢間既賣點係自助餐式既放題 好多自己拎都得沙律 凍盤 飲品 甜品 生果 湯 等等最勁係movenpick雪糕都任拎😍雖然口味唔多 不過睇到都開心呢到上菜好快 份量都黎得足 刺身質素算ok而且種類都幾多 蟹腳好食炸物燒物都唔錯 羊架 炸榴槤幾好食職員收野都好快 雖然地點唔算太就腳不過都值得試下既😘

四月的最後一天約了朋友出去放題，聽日放假嘛，食飽啲玩夜啲都唔怕，哈哈。黎左最近好有人氣的日悅，位置在尖東，大家撘車都方便的地方呢。八點左右來到，大枱要等，細枱可以即刻入座，lucky呀嘩嘩，餐廳好大喎，中間的位置係自助bar，有沙律，甜品，冷盤等，凍蝦，青口，蟹都可以任拎，旁邊仲有個counter切燒豬添，第一次食放題係咁樣，揀直有自助餐feel朋友負責落單，自己就出去拎下飲品先，清酒，梅酒，啤酒都有得任飲，犀利其他就有汽水，韓式飲料，紙包飲品，茶等，唔想飲凍亦有熱水及茶包供應，真係應有盡有呀！第一round就梗係要食刺身，賣相靚靚仲放埋乾冰，好得睇刺身選擇也多款，三文、吞拿、赤貝、北極貝、甜蝦、帶子、希靈、油甘、長腳蟹等等，勁新鮮，全部厚切，而且點幾多來幾多無扣單，正呀壽司類正正常常，size ok。卷物都正火炙系列，細細件，飯吸了魚油好正。焗帶子，個沙律醬蛋汁好好味，忍唔住要食哂啲汁，肥死都抵串燒款就唔多啦，勝在即燒熱辣辣，而且等候時間不長。辣酒煮蜆有誠意，用上大蜆好肥美，辣辣地好惹味。薄燒牛肉，幾嫩滑，醬汁甜甜地好味。燒菠蘿好酸呀自助甜品bar選擇勁多，杯仔都有幾十款，味道就一般

17/4 6:00-8:30本人包左一間房（30人）侍應服務一般，多次點人數都點錯數，30個人點左34個人，天婦羅、牛利、雞翼食物唔夠熱，刺身一般，無侍應執枱收碟。

整體環境舒適地方又大，坐位舒服一點擠迫感覺都無讚，大多數人都有大有小(BB車都不用收起，因店內有地方給小朋友玩樂的，大人可放心食放題今晚就訂了17:30四位準時入坐食足2.5小時讚。先介紹下我完成二個半小時的放題後，推薦的食物：魚刺身新鮮好味，赤貝類刺身爽甜，松葉蟹腳不錯所以我～勁食。串燒雞軟骨同牛舌，脆皮貓山王夠濃味，燒羊鞍肥了點但都不錯，芝麻雞翼夠脆，海膽壽司鮮甜一口牛多汁。其他就一般，而飲料都好多選擇:各式果汁，酒都有四，五款～如梅酒，清酒及各種啤酒等，甜品試過都不及雪糕吸引。

香港日式放題越來越多，當知道尖東半島中心有個唔限時間既放題就想去試下。因為聽前輩講，一開張應該係最新鮮既！今日小編等唔切試晚餐下午就去試佢地個lunch set 定食。選擇其實真係好多，有熟食，有魚生反，有壽司選擇。今日試咗佢個海膽魚生飯，有海膽但係都係＄88！不過講真唔係話每一種魚生都咁好質素，個油甘魚有少少楣楣地！其他都OK。有趣嘅事係飲品自己雪櫃自己攞，選擇多到不得了。。 最後再加個小甜品，＄88仲想點？

之前見到有食評寫到好好甘，所以今日立即訂左今晚。地方好大，就算2人枱都比平時既buffet大張舒服。有多款熱茶咖啡汽水啤酒梅酒sake..好似多左buffet拎野食，其實只不過將平時喺order paper上既中華沙律等前菜要自己去拎，另有蝦，青口，螺...我地係最早到但係有成4樣食物未到，周圍枱枱遲來都食緊。個出菜既server拎第二碟焗帶子去隔離抬，客人"我地食左啦"。server"甘食多碟囉"!客人"但係我地吾想要喎，係咪隔離架?"。我"其實我地等左好耐都冇黎"，server放底就走。我見甘多嘢都冇來，人人都食晒，我就再order。arm arm見到好似manager甘既企喺度，我同佢反映，佢話而家order過，我會follow up,但係我都未order佢已經行左去🤣果碟焗帶子，除左一大"pack"沙律醬，我吾知食緊乜..跟住黎既second round sashimi,D希靈魚,是很臭🤢🤢變壞左咁,油甘魚很梅爛爛...羊鞍是大半肥油，雞翼幾好食，牛利是涼的...甜品....最左有幾款名牌雪糕，其他都是jelly狀既物體😣有2款湯水，但成㷛芡甘...所有員工全程木口木面，上菜收

見好評如潮就試一試，結果高估左呢間野，刺身一般，唔係講到咁新鮮，同超市食既差唔多，松葉蟹腳冇乜鮮味，壽司方面都係冇乜特別，最難食係海膽軍艦，海膽係帶有少許苦兼押味，不過就唔大件，唔會令你食到好飽，熟食方面，有漏單情況，當日人唔太多，唔明點解都有漏單，order左天婦羅，只比沙律醬你而唔係天婦羅汁，但幸好仲係熱同脆，燒牛舌有點韌，羊架好一般而且係比較油，甜品種類唔多，以為有乳豬，結果冇，總之以248蚊午市放題咁既價錢食，絕對唔抵，仲有d侍應好興係人地未食完就收起人地既野，本人認為248蚊有好多選擇，絕對唔會再幫襯

見網上咁多人讚應該都唔錯，結果噚晚去試，地方係夠寬闊，但食物就中曬伏囉，未試過食咁唔好味的放題，刺身有幾款唔新鮮，有腥味🙁熟食方面，羊架仲有未熟有血水流出嚟🤦‍♀️炸天婦羅🍤以為好大隻蝦，點知係個粉皮包到幾寸厚，似食炸蝦包多啲，甜品全部普通嘢，蛋白杏仁茶似即沖多又無蛋白，水旺旺，跟住其他的馬荳糕、芝麻糕，紅豆糕....全部都唔吸引，係雪糕唯一覺得吸引，食左二杯，呢個生日飯個個都食得灑手寧頭，真係好失望😞唔會有下次

見到Youtube有人推介, 食評又好就來試試, 點知中伏! 攞沙律菜時巳見有幾隻蚊滋喺自助吧D食物處飛來飛去, 心已沉一沉! 而D魚生亦唔新鮮, 炸物粉厚亦唔脆, 熟食食物質素亦唔好! 埋單加埋一, 每人要$306實在唔值!

！以前一向放題比我嘅感覺都係餐廳比較侷促，枱面同枱面之間呢空間好少，所以每一次食飯時候我都覺得自己好似係貧民窟去邊食飯啊。今次呢間太特別，太好環境！真係㒹幅我既印象！有小朋友遊戲區，真係好特別！好溫馨！但今次呢間放題打破咗我對放題一般嘅印象，而且我覺得好深刻，嘢食都好好食，咁所以都可以同大家分享一下嘅。首先呢我就今日呢就叫咗一個牛肉嘅壽喜燒啊，咁我一向我都係好鍾意，好甜好甜，同埋個湯底同牛肉嗰個配搭真係好正。清酒大蜆，必食！粒粒漲卜卜，太愛。其次呢我自己就最欣賞佢嘅壽司配搭。因為壽司配搭方面，都有好多唔同嘅選擇。而且呢我好鍾意刺身船，因為都係有乾冰啦，而且好靚嘅裝飾。如果呢一度最特別係我覺得係飲品區域，有好多選擇，而且有我好鍾意嘅品牌，啤酒嘅特別之處就係有水果嘅味道，口味清新又易入口，正呀。小食區域都好正，自成一角，有我中意既漬物，非常好味道。有小朋友遊戲區，真係好特別！

在尖沙咀區，不用三百元的日式放題，已經非常難得。雖然食物種類不算太多，但每樣食物的質素都絕對水準之上。飲品亦算多元，不愁選擇。座位非常寬敞，枱與枱之間亦闊落。上菜快亦準。兩個半小時絕無欺場。無論三五知己或十數人大聚會，都一定不會失望。刺身，壽司，串燒，炸物，一品料理，冷熱皆精。若這個價格維持不變，不妨試試再encore。實在是這期極品推介👍🏻👍🏻👍🏻

這間放題都算新開，之前都有頗多介紹，所以要嚟試試睇下。已預早三星期左右訂位，5:55分到，已有幾枱用緊餐。大家要留意收費時間改咗，之前是6:30前入座收$258，現在改了要6:00前入座才是$258。另外代客泊車頭2小時免費，之後每小時$30，所以通常都要比硬$30，因為食兩個半鐘……因上載相片有限，所以沒有影餐牌餐廳地方好大，一入門口已見到幾個大型飲品雪櫃，有啤酒提供……餐廳中間位置有沙律吧，餐湯，冷盤，甜品……等冷盤只有三款，青口、虾、翡翠螺，青口和虾都ok，但翡翠螺就，一d鮮味都無，而且螺肉好多時都有一些黑色一點點的東西，好似好污漕咁，少吃為妙……刺身，好新鮮，但種類不算太多，只是刺身赤虾較為差d。天婦羅串燒牛脷好味，脆肉瓜就生咗d這款忘記了個名，好似係扇貝，完全唔掂，不是新鮮的，粒肉是放上去，而且得半粒回本必定是長腳蟹，必食，多肉及夠鮮味薄燒和牛，但係食落去就係肥牛燒羊架比較大件，所以不要食咁多，哈哈……好易飽肚。清酒煮蜆，完全沒有酒味，好彩d蜆夠鮮味，攞返d分。這款牛肉壽司好味，但忘記什麼名以這個價錢算抵食，必定食飽，但再去的機會不大。

刺身和壽司不錯，就是熟食都很咸。我點了天婦羅蠔和蟹柳，炒牛肉，烤羊⋯⋯全部都偏咸。除此以外環境很吵雜，因為太多人，而且坐得很近，感覺像在虛市。唯二可取的就是飲品和雪糕。飲品無所不有，雪糕有哈根達斯。不會回頭。