方榮記沙嗲牛肉專家

营业中

休息中

✨沙爹湯沙嗲湯底 稠身 好濃厚食到粒粒花生碎 充滿花生香帶微辣 幾惹味 但食食下會有啲膩✨星級牛肉牛肉 油花幾重 厚薄適中肉質軟腍 肉味香濃✨牛胸油牛胸油 口感爽脆 充滿油香面頭三大片 底層全部細細塊✨吊桶仔吊桶仔 鮮味 爽脆✨珊瑚蚌珊瑚蚌 急凍貨色口感都爽脆 但唔太值✨白牛柏葉牛柏葉 幾大塊 好厚身 爽口✨頂好大光麵頂好大光麵 同個沙嗲湯底幾夾麵質帶爽 口感彈牙 掛湯力強✨新鮮時菜有兩款生菜同西洋菜 正正常常但銷售手法就唔得呢個菜籃係一入座冇耐就會主動比你跟住話$25要唔要 佢以你人數計大細但每次多數未黎得切反應 佢就放低走左其實同強迫你要係冇乜分別 呢個做法真係不能夠接受如果唔想要記得強烈地表示唔要沙嗲湯底係唔錯 可以一試 配料質素未算上乘 但如果叫啱野食係可以的環境普通 擺枱好密 坐得好迫另外佢個冷氣風口位好大風重點係佢大部份位都係風口位大風到我碟牛肉 食食下表面都風乾左服務正常 價錢可以 有啲配料唔太值呢個價 所以點菜要注意衡量下

見凍凍地諗住打邊爐，諗起曾經有朋友同我推介方榮記，咁我就由觀塘特登搭車過嚟食！點知，伏到喊！好伏！伏都唔識講..而家疫情冇咩遊客嚟，基本上幫襯嘅全部係香港本地人，點解都仲可以整到啲咁樣嘅食物質素..冇服務都唔緊要，個環境仲要嘈到同朋友講嘢都好似嗌交咁！個湯底好杰，其實同沙嗲味一啲都唔濃郁，好似食沙茶醬同麻醬嘅味咁..本身非常喜愛食沙嗲牛肉但係呢個湯底真係極度失望，而且好易食到張枱又污糟，個碗癡晒沙嗲湯底，根本就攞唔起，冇人幫你換.我哋叫咗星級牛肉，竹笙，鵝腸，響鈴..用料完全唔新鮮，響鈴錄咗好耐都仲係好硬，鵝腸完全唔新鮮，嗰啲牛肉名大於實，仲好意思話係專家！最搞笑，個姐姐話幫我哋加湯，加咗半個鐘都未加，我哋再追佢嘅時候點知原來加湯就係加水！真係荒唐記！從來未食過咁垃圾嘅打邊爐認真嬲，未試過打邊爐，食六百幾蚊就走，仲要搵下半場食泰國嘢依飽個肚！好癲，仲有咁多人食我就覺得好癲！

早排天氣凍咗一兩日，fatc9即刻9秒9約frd打邊爐~最後去咗聞名已久嘅方榮記，但竟然有少少失望🥺佢哋一向以沙嗲湯底($60)為招牌菜，雖然個湯底嘅「質地」濃郁，但沙嗲味道偏淡，所以因為個湯底好杰身，好快就食滯咗，好彩我哋有叫蕃茄湯底($60)中和下，食到最後，本身好清嘅湯底有晒食材嘅精華，超級鮮甜。不過不得不承認佢哋嘅頂好大光麵($15)同個湯底好夾，每人都可以鯨吞到一碗。相反成晚最為驚喜嘅係炸魚皮($45)，魚皮連骨，炸得香脆可口，再浸落個湯底到一兩秒，咁入口就啱啱好。另外個人喜好啲立雜嘢，佢哋有賣唔少冷門啲嘅食材，好似魚標($88)、牛胸油($88)、黑柏葉($118)等等…整體都幾新鮮，而且種類多，不過價錢偏貴。Fatc9個frd搭的士嚟嘅時候，個司機話九龍城街市有檔叫做馬仔嘅沙嗲邊爐仲正，而且價錢相宜，聽講過幾日天氣又凍返，到時再約frd去個到打一波先~(希望今次真係凍耐啲啦🤦🏻‍♀️)

卒之試咗個傳聞好得嘅沙嗲牛肉公仔麵，$70一碗，牛肉柴，湯又咸又油，完全中伏，埋單仲要係個黑面老闆！完全名過其實，令人十分之失望！自己煮都好食過佢！真的可以不試！

Um……問下嘴叼仔九龍城有乜好食佢二話不說就介紹呢間沙嗲牛肉麵咁難得老公陪我放假，拉佢去試先到我地行緊嘅時候，老公search OpenRice 話呢間野係打邊爐，佢就立刻話去第二度我硬拉佢去話睇吓，點知就見到門口已經有沙嗲牛肉麵$70 好彩六點前去到，哥仔話六點就只有打邊爐架咋😝一入去諗都唔使諗，沙嗲牛肉麵啦老公話好貴，佢嗌其他麵到，個樣已經超正，個麵又幾好食，爽爽地，仲有D牛，果然唔同老公話：嘩打邊爐底嚟個喎佢試左兩啖之後話自己個碗好失色😂不過其實佢個碗嘅胡椒豬肚丸都唔錯㗎然後佢連我D湯都飲埋😂下次真係可以去打邊爐吖

知道呢間好出名而且不嬲鍾意打邊爐終於去咗試，但有少少失望。手切牛肉比較韌都唔重牛味，沙嗲湯底的確好濃但係食到後面都真係會有啲漏。成餐覺得最有feel既係個大光麵…而家價錢都唔平，試一次甘心過就算了…

今日去到九龍城試食呢間方榮記，咁就見到上網有人話佢個午餐抵食，所以我哋今日就12點去到試吓佢哋嘅午餐。咁我哋就叫咗一個沙嗲牛肉炒米（$34）同埋一個沙嗲牛肉公仔麵（$70）發現原來午餐嘅沙嗲牛肉炒米，同$70嘅沙嗲牛肉麵嘅沙嗲汁係完全唔同味。沙嗲牛肉炒米嘅口味比較淡，少少辣比較普通，同一般茶餐廳差不多。牛肉就似係鮮牛肉但冇乜牛肉味。沙嗲牛肉麵佢哋就話採用和牛，我哋食落就有啲似我哋平時打邊爐嘅肥牛食落去牛味濃，依個沙嗲汁就口味濃郁好重花生味比普通各款辣多少少啲面又索晒啲沙嗲汁味真係唔錯。

去開九龍城，另一半介紹去食方榮記的沙嗲牛肉麵。環境是一般茶餐廳的格局。選擇了火鍋湯底牛肉麵及一碟炒麵。沒有抱着任何期待，嘗試牛肉麵時，驚訝得很！好。好。食。呀～！老實講，我平時食得比較清淡，這個湯底相比下係比較濃，但又濃得嚟好香一浸浸沙嗲味，配大光麵，每一啖都豐盛地沾上這個又杰又濃的沙嗲汁，即刻俘虜了我的味蕾🥰🥰。尤其個大光麵，無論是賣相、味道和口感都極似公仔麵！但沒有公仔麵的不健康原素，大啖大啖咁好放心去食（當然知道食得沙嗲多都不健康的😅，其實食咗之後喉嚨都有少少微痛，有啲熱氣，要記住飲多啲水啊！不過唔係成日食唔緊要啦😆）個炒麵都有鑊氣，但已經被這個牛肉麵搶了風頭。話雖如此，我哋很有衣食的，全部食晒😊。埋單時都同收銀員傾咗幾句，佢哋話夜晚好忙，當時下午時段已經見到有人食火鍋，收銀哥哥話晏晝食火鍋唔使夜晚同人迫喎😄。

一行四人係8月嘅平日晚去食九龍城火鍋老字號，方榮記。雖然我係老街坊，但都係第一次去食，因為長期有人龍我唔想排隊，而且環境都真係唔適合家人吃飯聚會⋯⋯當日叫咗一個沙嗲湯底，一個芫茜皮蛋湯底。沙嗲湯底一流，花生味濃，唔辣，適合港人口味。皮蛋湯底就麻麻，湯應該係清水，皮蛋係一整隻冇切開，呢個湯底可以唔試。火鍋配料叫咗牛肉大份，珊瑚蚌，鯇魚片，冬菇，炸魚皮，蘿蔔，金菇，雞件，豬膶，大光麵等等。推介珊瑚蚌，同沙嗲湯底好夾，又爽口。牛肉好大份，不過好韌，可能要叫最貴嘅牛肉質素先會好，呢個失望。其他料好好好普通，係平價貨啦。碟生菜係一入坐就有，🤔應該計咗錢⋯。待應冇乜服務可言啦⋯⋯態度就係有性格囉。如果喜歡食沙嗲牛肉，可以去試吓呢個火鍋又或者去試吓午餐提供嘅沙嗲牛肉麵。

🐸睇開關注組都知佢個沙爹湯底出名當日以為佢係好似慈雲山果間咁會煲仔上😦原來就係咁平凡既一碗麵$7x🤣個湯係超級濃 用來打邊爐做湯底就正@可惜下午係沒得打邊爐😟唔係我都叫返個食😆

我地係沙嗲牛肉關注組度見到呢間食沙嗲牛肉出名嘅火鍋店，咁岩今日放假去九龍城，好想試吓！點左呢個沙嗲牛肉炒米同沙嗲牛肉炒麵（各$34）雖然係午餐，但牛肉份量好多，沙嗲味道唔錯，價錢好平，滿足嘅一餐！

呢篇其實吾洗好多字，《方榮記》招牌都寫得好清楚，佢哋係做沙爹牛既。入面分左小菜同邊爐兩批客；邊爐嗰啲枱，張張都有個冒煙滾緊，深啡色既招牌湯底；吾洗五分鐘上曬大大碟牛肉（機切），大光麵，雲吞同魚旦；仲有一籃細菜；由於個煤氣爐真係好勁，雖然沙爹湯底已較濃，大火之下，直頭由鍋底迫左一個個沙爹泡上嚟；見滾到咁上下，一大抽牛肉同麵隊左落去滾，滾吓滾吓，一抽抽啲麵上碗。嘩，大光麵上，密密掛住沙爹醬同鍋底既花生粒，加埋滾到半紅既牛肉。極濃既沙爹味同花生香攻入眼耳口鼻，先啜曬麵上面啲湯再送一啖半熟牛肉；咁就係一碗超好味既《沙爹牛肉公仔麵》。。九龍城嚟呢度，冇其他，我係食呢樣野！

之前成日上網見人推介九龍城呢間沙嗲火鍋，決定試下。記得要早啲book, 咪夜晚好快冇得walkin⚠️終於試到傳說中嘅沙嗲湯底🥰濃郁度真係超強，完全好似沙嗲肥牛煲入面嘅汁用嚟打邊爐咁😂但真係好咸，食左少少已經要叫職員幫手加水🤭食完都覺得好heavy，成層油係上面，食完好有罪惡感至於牛肉方面，佢地有分幾種唔同嘅肥牛，佢地勁厚切，而且又大塊，牛肉味好濃😍不過價錢就貴左少少環境就麻麻地，好似啲大排檔咁，同埋佢係散叫，價錢都比較貴😂😂

今日去開九龍城，問朋友有咩推介，佢話依間沙爹湯底打邊爐好正，覺得幾特別，就去試下啦！個湯底又真係幾好，特級牛肉同羊肉卷都好食，有人推介雲吞，但我覺得一般般，炸魚皮有驚喜，整落沙爹湯度食都唔會淋曬，仲會脆脆地，其他無咩特別，不過我叫佐個大光麵，15蚊得1個麵餅😂，仲就係有d嘢唔會係menu度有，要睇牆身先知，不過酸梅湯都俾好大渣，職員都好好，見到個煲有d唔係好正會主動幫手，老細都係一個好好笑嘅人，總體幾好，會有下次

真係唔明有乜咁好食 兩個人叫咗沙嗲湯底 手切牛肉 鱔係林啤啤嗰隻 生菜係局你要嘅 即係好似碟花生咁 唔食都要比錢 炸魚皮算係可以 一jar酸梅湯 咁就食咗$7xx 真係好食都順氣啲 但係呢間嘢：1. 無服務可言2. 座位泊夾 嘈到無朋友3. 曱甴 中小型（可能係心理作用 因為朋友無事 但本人食完行過九龍城廣場將成餐飯嘔哂出嚟 ）4. 牛唔掂 手切牛肉真係一啲牛味都無 Un到無心機咬 都要近三舊水一碟 未試過打邊爐會食剩啲牛肉 最好打沙嗲湯底 因為你至少可以食到沙嗲味 至於其他食材就只有生菜最靚最新鮮5. 無下次過隔離街市買啲手切肥牛返屋企用滾水打都好過呢間野十倍！