方榮記沙嗲牛肉專家

营业中

休息中

方榮記個沙嗲火鍋應該好多人都聽過，不過除咗打邊爐，原來都可以食一碗簡單版嘅沙嗲牛肉麵，如果你系細食嘅人，相信已經夠曬爽！講返個麵本身，沙嗲汁相信係我此生食過最濃郁，沒有之一😂。牛肉索曬d汁，啖啖濃味，麵身本來平平無奇，但系超級掛湯。對哩個麵嘅評價可以好兩極，中意食沙嗲嘅人會覺得超正，唔中意食沙嗲嘅嘅人可能會覺得好heavy，究竟係好食定係唔好食？我最後係食唔曬個麵，因為實在系濃到超越我嘅接受能力😂!

宋王臺站開咗就諗住開開心心同女友黎九龍城食好西見網上雜誌推介方榮記就黎試試啦1. 手切牛肉又貴又韌 咬到牙痛都咬唔開 要吐出黎2. 響鈴完全唔脆 應該放左係潮濕地方好耐 咬左一啖就唔想食 街市雜貨鋪買既仲好食過佢3. 試埋招牌炸魚皮 佢係連骨既放入鍋度煮咗1分鐘 都係咬唔開 牙肉都痛埋總結： 黃店又點 唔係黃就要食垃圾又貴又唔好食 真係旺角120任食果d都好過佢幾倍 唉 失望如果你錢多 又想虐待下自己 就黎試試😔😔😔

期待已久嘅沙嗲火鍋講到方榮記真係成日聽，上網都成日睇，今日終於的起心肝去試一試佢，係咪講到江湖傳聞咁神級環境：老舊式嘅茶餐廳，坐得舒服就一定唔會，但如果你話係風味，就真係好有風味，好似返咗90年代咁。服務：睇過一套古惑仔片，喺方榮記取景，侍應惡人惡相，但真實店內侍應非常有善，會推介你食咩同埋執碟速度都好快食物：先講個湯底，沙嗲味好濃好香，真係好好食，湯入邊食得出好多花生碎，真材實料。但唯獨是食材，我覺得好普通，好似普通酒樓火鍋料一樣，但係成個湯底救咗佢，初段食，你會覺得好好食，超級惹味，但當你食到後期，你就會覺得味蕾好疲倦，食嚟食去都嗰陣味，去到最後你會食到失去味覺，因為你已經分唔到其他味，除咗沙嗲味之外。總結：大家可以唔使抱住好大嘅期望黎食，你當普通火鍋店或者你會感覺會更加好，建議大家唔好叫咁多餸，因為食完個頭段，你會覺得浸味好厭，好快就食唔到落去，但係不得不讚，個沙嗲真係好香，真材實料，我會食過一次就夠，未必會再去食

屯馬線新開，宜家去九龍城都方便好多，唔洗轉小巴，B3出口向左行過兩條街去候王道就到。趕唔切2:00前食$34午餐，$55都要試下關注組推介過既沙嗲牛麵。另外再叫多個$70沙嗲牛湯轉星級牛肉，火鍋湯底。麵底炸得夠乾身夠脆，牛肉夠林冇筯，份量多，汁夠杰睇得出落夠花生醬，但味道爭點咸同惹味。如果能夠趕得切食$34，真係好抵食。火鍋湯底一樣濃身但爭啲味，星級牛肉係火鍋牛肉，較瘦，想佢咸多少少帶出牛味。沙嗲牛始終要用普通牛肉拿到佢林同入味先係食沙嗲牛。脆底麵好食過轉星級牛同火鍋湯。沙嗲牛黎講正常，可以再好味啲。$34就好抵食。老闆娘會同你吹下水，伙記服務正常。

星期六嘅下午,突然興起想食一個沙嗲牛麵,咁啱屯馬線開通左，咁就去咗宋王臺入九龍城。呢間係出名沙嗲，夜晚打邊爐都有沙嗲極濃湯底，今次五點幾去到只係想一試普通沙嗲牛肉麵。沙嗲牛肉麵$70一碗，冇嘢飲冇其他嘢，其實真係好貴，完全over price…不過見咁出名咪試一次,點知真係完全唔啱口味,因為佢個湯係好似你食泰國串燒俾你嗰隻沙嗲醬咁杰，正常人真係食唔到，第一啖你會覺得好食，之後第五六啖你就唔會想再食囉😅另外一個$125 嘅沙嗲牛炒大光面，完全貨不對辦，睇食評見到大家嘅炒麵都係會有少少脆邊，結果呢一個面係同$70嗰個湯麵一模一樣，只係大份啲同埋用碟上。我哋待應反映，佢堅持話呢個就係個炒麵，心諗完全冇炒過叫炒麵？我哋show埋其他open rice 評論入面炒麵嘅相俾佢睇,佢就hea我哋話唔係呢個,我真係唔知我叫左個水煮炒麵囉.我哋估計係因為接近晚市,佢哋唔想開爐炒個麵,所以就是但水煮淋汁上去就算。有啲地方太過出名，就太過自大，生意唔憂做，是是旦旦，就算價錢不合理都照有大把人去食，今次都要自我反省一下，唔好見到人哋啲相影得好靚就衝過去食😣希望大家唔好中伏。

九龍城名物沙嗲湯底打邊爐🍲老字號打邊爐店，仲係用緊煤氣爐，好有懷舊風味👍🏻沙嗲湯底🍲一開頭食嘅時候，唔係好鹹，但係都好濃郁，湯底入邊仲有好多花生碎粒，好足料，火鍋料已經濃味道唔需要點其他豉油辣椒醬👍🏻👍🏻重口味人士之選生菜🥬好新鮮，係一個咁濃郁嘅湯底入邊，呢一碗菜真係好重要，可以解下油膩👍🏻👍🏻四寶丸🐮🐟🦑正正常常冇乜特別，但係最好食嘅會係墨魚丸，入邊會係有芹菜嗰一種墨魚丸，坊間都比較少買到或者喺火鍋店可以食到👍🏻👍🏻頂好大光麵🍜加埋呢個面，就好似食緊沙嗲牛肉麵咁樣，但係我就好後悔帶叫呢個面🥲因為食到最後個湯底已經越高越行，呢個麵既鹹味係完全吞唔到落肚，最後我哋用啲水沖一沖先食得落，唔係真係要洗腎😅總括而言，係一間非常之傳統古舊嘅火鍋店，可以去體會一下，食物質素正常，價錢都唔算平，總之唔好食麵就OK啦😂

同一班兄弟黎打邊爐，第一次黎食，平日夜晚竟然全場爆滿，座無虛席！4個人叫左2個湯底。沙嗲牛肉關注組既朋友唔好錯過！😈個汁濃到有D杰配公仔麵🍜一流！食完夜晚有D口渴，個湯底真係超濃，連我呢個平時打邊爐要點勁多醬汁既人都唔使點汁就知咩料啦🤪。

📍方榮記沙嗲牛肉專家 (九龍城)九龍城侯王道85-87號地下見到沙嗲牛肉關注組嘅成員不停介紹，佢哋嘅沙嗲牛肉牛餐又好似幾抵食，咁啱去完複診，既然響九龍城，又講得切2:00之前，當然去試吓啦。我都係第一次去，入到去有啲懷舊風味裝修，而且個個枱面都有個炭爐可以打邊爐，有機會都會試吓。見到個餐牌，款款都$34，既然個個都話沙嗲牛肉好食，唔使諗即刻叫沙嗲牛肉炒麵。大概5分鐘上枱，感覺都幾快，而且都幾大碟，味道都唔錯，牛肉同平時食開嘅有少少分別，感覺上比較鮮嫩，$34呢個價錢的確好抵食😋

認識方榮記因為睇左網上一條短片, 話佢係🇭🇰香港唯一一間仲會自己炒沙嗲醬的店家。之後, 又睇左另一條短片介紹呢間餐廳。我地平日既晏晝去食, 佢地有客飯或打邊爐提供。當日有3個嬸嬸SERVE我地, 一個黑面, 一個黑面加串, 一個好好人(短髮瘦瘦地)。好好人個嬸嬸會主動加湯, 好好笑容仲會講唔好客氣, 好彩有佢令整餐飯可以維持一個愉快既心情。我地跟住短片介紹點左星級牛肉同大光麵, 仲有跟自己喜好點左響鈴, 桂花蚌, 🌽粟米, 菜同渣裝酸梅湯。方榮記係我食過咁多年打邊爐, 湯底最濃郁的一間。食到咁上下, 個湯底就會越煲越杰, D湯汁就會開始彈出黎, 建議唔好著🥼白色衫去食。星級牛肉 - 短片話星級牛肉即係澳洲牛肉, 果然無推介錯, 好味, 啖啖肉, 入口滑嫩, 有牛味。桂花蚌 - 厚身但新鮮程度一般, 有點難咬開。粟米同菜不錯, 尤其菜是必點, 沙嗲湯杰到好似沾醬咁掛係D菜上面, 個人覺得佢比大光麵同響鈴更適合配個沙嗲湯底。非常邪惡惹味既沙嗲搭配健康清爽既蔬菜減輕了不少油膩感, 無咁容易覺得飽滯。大光麵同響鈴 - 就算是大胃王, 我也建議二揀一就好, 非常飽肚之選, 短片講得無錯, 佢地既

機緣巧合地試咗大名鼎鼎嘅方榮記🍲我平時好少食沙嗲🤣今次食真係有驚喜😍沙嗲湯底食落唔咸但係好夠濃香👍🏻就算食到最尾都唔會係好咸💭蕃茄湯底本身望落以為係蕃茄加水🤣但係愈滾就愈出味🍅配料方面價錢唔算貴而且都幾大份👍🏻牛肉嗌咗星級牛肉🐂好食😋仲有通菜都同沙嗲湯底好夾😍而且嗰到有啲特別啲嘅配料👍🏻今次嗌咗平時蒸魚得一粒嘅烏頭魚扣😋份量好多好夠食😂👍🏻(張圖個份量其實係我放咗一半落爐先記得影，所以係再多啲㗎🤣)最後嗌咗嗰到推介嘅大光麵🍜淥落去已經煮到好濃稠嘅沙嗲湯底入面😍每一啖麵都充滿住沙嗲汁🤣食落超邪惡😈好食😋而且咁樣食都唔會係死咸👍🏻性價比好合理👍🏻絕對可以回訪👍🏻

老公突然想吃沙嗲牛麵，飛的到達方榮記試試。《沙嗲牛肉麵》下單不久就馬上送到，沙嗲湯底非常濃厚，花生味香，湯底較為厚身，呷下沙嗲味複雜多變，果然跟一般的沙嗲牛肉麵不同。牛肉似肥牛那種，薄薄的普普通通。整體是為了濃郁的沙嗲湯底而來。《廈門炒米》對沙嗲牛冇興趣的我，點了酸酸甜甜的廈門米。味道香濃，酸菜及其他配菜都非常豐富，唯獨炒得比較濕，如可乾身一點就更完美了。

沙嗲湯底OK，略嫌有d鹹。火鍋料質素好普通，其中一碟係韭菜餃，餃皮仲黐住透明膠紙，仲要係搣唔甩，請佢哋換過另一碟，但態度極差，真係唔知佢係客人定我係客人⋯⋯冇咩值得影相，淨係影咗個湯底。　兩個人埋單$1000 ，性價比低，唔會再去。

上網見蔡瀾介紹，好似好好食咁，就同家人卜位一齊去食，點知去到門口條友串過馬撚，服務態度超差！ 入到去湯底得兩種，咁就兩種叫晒，嚟到沙爹湯真係香濃，頭轉真係好味，係頭個轉，之後加湯係加清水，沙爹味當堂無晒，真係唔知點形容......清湯可以唔洗叫，無乜味！ 講到啲野食，叫左個手切牛，肉厚到似係燒肉咁都算，無牛味又鞋。海鮮叫咗蠔&珊瑚蚌，蠔就正正常常啦，都算有蠔味，重點係個珊瑚蚌，唔鮮不但之，切到鬼死咁大嚿，咬到牙都軟......炸魚皮難食到不予置評（想中伏可以試吓）再嚟係叫左芝士腸，正常無特別。 最後四個人食咗千六左右，一定一定無下次...

早排喺 social media 見到個 #blogger 介紹 方榮記沙爹牛肉專門店 嘅 #沙嗲牛肉炒河，佢講到又平又好食， 搞到 #小秘書 都心癢癢😚 呢日適逢陪mammy過嚟 #九龍城 入貨，當然要去 #潮聖 啦🤩一心諗住叫個$34午餐可以吃個飽，正當我想落單之際，阿姐提議我哋可以試吓佢哋推介嘅 #沙嗲牛肉麵🐮 佢可能見到我有啲猶豫，即時補句「啲 #牛肉 靚好多㗎」… 一場嚟到，都想mammy食好啲嘅，比貴少少$70就$70啦😅 真係冇諗過午餐嘅 #炒河，竟然變成面前「糊狀」嘅 #沙嗲牛肉湯河，杰撻撻嘅口感，真係有啲難頂😅 不過沙嗲味真係夠哂濃，牛肉嘅質感雖然唔係阿姐講到咁好🤤 Hmm… OK嘅👉🏻👈🏻 唉😕呢個故事就教訓我，下次千祈唔好咁耳仔軟，堅持就唔會比人呃啦😅🤣

方榮記平日夜晚去食唔使排隊就可以入去 但作為火鍋店 店內位置甚至坐位都有啲窄 四人位可能會好啲 兩人位就大啲更加好因為真係有菜放喺枱面（問都冇問） 姐係要逼你一定要食🙂$60 沙嗲湯底 非常濃郁 撈一下湯底甚至會見到好多沙嗲醬係底 用匙羹飲一啖都食好到好多碎花生 完全滿足左我對佢嘅期望 冇名過於失 比喺慈雲山食嘅 好食好多 $388頂級牛肉 失望 可以牛味不足 導致浸落湯底 啲牛味完全比沙嗲庶晒陣味 （唔建議叫）（性價比低）$280 聖子王 見店員推介就叫四隻試吓 結果完全唔伏超出預期 好大隻（差唔多好似筷子咁長）仲要烚完都冇縮水 好甜 而且有膏 正！就係有啲貴 $48 炸魚皮 少見唔係普通炸魚皮 而係非常少見嘅有骨炸魚皮 高質！ 真係好少見到有火鍋店會提供得到 因為通常都好難買埋同好快賣曬 $15 大光麵 同普通公仔面差唔多 但就真係必食 非常掛汁 完全食曬沙嗲湯底啲味 正 必食必食必食 $88骨腩 同平時食曬嘅素質差唔多 脆 但冇爆油 可叫可不叫整體來講 火鍋食材同湯底高 除咗牛肉 其他都算高質 特別係連骨炸魚皮同埋湯底濃厚沙嗲味豐富 非常加分 雖然服務態度麻麻 但啲店員收盤非