方榮記沙嗲牛肉專家

营业中

休息中

方榮記(11/6) 星期六 下午5點左右特式：呢間火鍋店係九龍城應該無人唔識，佢既沙嗲湯底應該都遠近馳名，火鍋料種類又多又新鮮又有特色。食物：沙嗲湯底 - 佢講湯底都應該好出名，鍾意打邊爐嘅朋友都應該唔會未聽過，我食過幾次，次次都keep到，每一次都係咁濃，用嚟打邊爐真係fit晒，我仲見過有人食到無乜湯，佢直頭換過一個鍋底俾佢而唔係加水，值得一讚。火鍋配料- 今次叫左手切牛/柏葉芯/珊瑚蚌/黃鱔/牛脷/豬腰。手切牛-今次食d牛好瘦，所以有點un，但肉味係有既。柏葉芯-好特別，又爽口，又掛汁，好襯個沙嗲湯底。珊瑚蚌-好新鮮又唔腥，推介之一。黃鱔-都係好新鮮，爽口又無骨，仲要唔貴，平時如果要自己整好麻煩，所以都推介。牛脷-普通貨色冇特別。豬腰-我本人好鍾意食豬腰，加上都係自己處理麻煩，所以都推介大家試。飲品 - 正常啤酒汽水，冇乜特別好介紹。環境：餐廳環境正常，但就唔好預會好好坐，但勝左有feel，因為有好多港產片都係呢度取景，另外建議如果食晚市既話要早d去，夜左真係好多人，到時會好嘈。服務：服務態度正常，早去既話d職員會多d時間招呼下你，如果係爆場個時就唔好指有d咩服務。價錢：人均3~4

沙嗲牛麵在線上已成熱話，今日pass by Kowloon City, 梗係要行去侯王道的方榮記試下，入店大概11:30 am, 剛剛開門營業，人流當然不多，店内打辦如一般hot pot 店，陋單装飾，杯、筷、匙羹放在枱上。🌠沙嗲牛肉飯$34👎牛肉cover 晒整隻碟，飯底夠熱有幾條菜芯，但扁老，牛肉有少許醃過濃，輕微鬆肉粉味，牛肉味則欠奉，唔係好好味，沙嗲味冇乜。🌠焯菜全走$18👍菜芯焯得啱啱好，食到菜的甜味，嫩口不老，very good 👍🌠雙丸湯$50份量足夠，墨丸5粒和豬肚丸4粒，生菜墊底，湯底鮮甜，肉丸味道和別的舖頭差多，吃過一次，知道便算了。整體上印象一般，食物質素唔係咁outstanding, 沙嗲牛肉有点失望因為有期望。

🔴終於唔落雨啦🌧咁就post返啲同今日天氣一樣熱辣辣嘅嘢食啦ദ്ദി^._.^)之前去九龍城本身係想食泰國嘢😆不過路途中經過咗方榮記🤭抵受唔住誘惑就走咗入去坐低😆🟠今次依然都係嗌沙嗲湯🍲拼蕃茄湯🍅🟡配料分別係炸魚皮，黑柏葉，手切牛肉，雲吞，豬腰，胡椒豬肚丸🫧🟢炸魚皮必嗌🥳係有脆骨嘅炸魚皮✨🔵手切牛肉都係必嗌🐂肉味夠濃份量不錯🫧🟣其他配料都不錯的✨覺得方榮記入面如果係見到想試都可以一試🤭因為應該都唔會好難食🤣有一定質素⚫️另外我嗌嗰個胡椒豬肚丸我係第一次見🤭好似冇喺其他地方見過咁🤣不過可能係我孤陋寡聞🤣但係食落好搞笑🤣係真係有胡椒豬肚湯嘅味尤其係好似真係食到豬肚陣味😂

平時好少機會去九龍城，但𓃟食完沙嗲牛肉麵唔夠喉，夜晚拉左我去方榮記打邊爐。順便同大家分享下第一次去嘅感受。方榮記原來已經有六十幾年歷史，最出名嘅莫過於佢嘅沙嗲湯底。湯底濃厚稠身，沙嗲連同花生嘅味道非常突出，仲有一粒粒花生碎！相信食開濃味嘅朋友會好鐘意。（我會一開始留起一碗湯，等之後加水時調和用。）另外網上見好多人推薦帶骨炸魚皮，好可惜當日賣哂未能一試。最後我同𓃟叫左墨魚丸($38)、魚皮餃($38)、韭菜餃($38)、響鈴($38)、豬頸肉($58)、伊麵($15)、細時菜($25)。雖然唔係大魚大肉，但食得好滿足，亦有啲油膩感。埋單計埋湯底($60)同醬介($16)，總共$359連加一。個人認為響鈴吸湯入味一定要叫，但令我意想不到嘅係原來韭菜餃都幾夾沙嗲湯。食到最後落埋個伊麵岩岩好，至於點解唔叫大光麵？因為隻𓃟想食囉。不過伊麵都唔差嘅，我當沾麵咁食咋。P.S. 食完過幾日我又嚟買左兩個淨沙嗲湯底返去俾屋企人試下($250/1 好似係)，老人家都幾鐘意但覺得鹹左少少。建議如果想自己調味可以買佢哋一樽樽嘅沙嗲醬。

放假出城搵野食專程去試試方榮記2/3點🤫好似好誇張但都幾多人呢個鐘數幫襯架邊爐檯頭有個爐頭好似一人小鍋咁幾特別懷舊野唔少得當然係佢個🔆沙嗲湯底香濃湯底 開始食好好味😋好重花生🥜香但係耐左味道偏咸🔆水餃🥟大大隻皮薄餡靚🔆手打墨魚滑呢個略嫌普通唔夠爽口🔆炸魚皮即炸有骨魚皮嘩 正呀喂頭幾轉索哂啲沙嗲湯底停唔到口🔆黑豬肉薄薄地 滑嫩好食🔆魚片都算鮮味 大小剛好🔆新鮮時菜 細好似唔係叫左好多但係慢慢食落都好飽本身想點多個麵或烏冬實在搞唔掂下次有機會 都會想試埋佢個沙嗲牛肉麵未試過 呢個配搭好似都係爭咁啲

見到咁多明星推介去試吓！點知超難食！冇下次！沙嗲湯底得個咸字！冇辣味冇沙嗲味！一坐低攞咗盤生菜嚟，原來要俾錢嘅！不過冇問你要唔要！$300碟牛肉，同食柴皮冇分別九龍城周圍咁多打邊爐嘅材料買，佢都可以買到啲咁難食嘅！唔通真要食$2500碟嘅牛肉王先得炸魚皮腥到唔恨鵝腸已經拿到剩返塊皮炸魚片頭又咸又硬墨魚滑好腥，吾新鮮點解D星會勁推介呢？！響鈴已經淋曬！啤酒吾凍嘩簡直係打邊爐最差嘅體驗！千其唔好去！616都好食過佢多多聲！

睇完上網人哋講幾好食，之後再睇埋蔡瀾介紹，唔知係唔係希望越大失望越大，沙嗲湯底完全唔掂淡而無味只有少少花生味，喺YouTube見到蔡瀾碟牛肉勁正，但係我叫果碟完全兩回事仲要收得$4xx一碟，其實我本人覺得食火鍋最重要係個湯底同牛肉，所以好失望，啲牛自己去街市買嗰啲仲好過佢，全晚最好食都係得個碟魚皮，其他真心非常一般，求其一間火鍋店都好過佢，仲話係老字號，可能以前真係好食，但係而家係一間本人只有一星嘅火鍋店，食完一定唔會返轉頭。😓

有得出去食飯當然想食好啲! 朋友仔介紹一間係九龍城傳統打邊爐，沙嗲湯底好出色! 今晚放低減肥齊齊去試下❤🔸️沙嗲湯底- 基本上餐廳內每一台都是沙爹湯底，沙爹底用料充足，一上桌已經超級香! 湯底較濃稠，可以係食材上掛汁! 🔸️肉類: 手切牛肉、羊肉片、手打墨魚滑、水魷、雲吞- 羊肉諗唔到同沙爹很配合，手切牛肉同墨魚滑普通，水魷價錢相宜份量充足，可點! 另外因為湯汁濃味，雲吞食落有點過鹹，下次可不叫🔸️菜類: 響鈴、豆腐、蔬菜籃- 響鈴一碟有八塊，豆腐份量亦充足。另外一上台就配有一個蔬菜籃（會收費，但平收），蔬菜籃內有通菜生菜，菜類絕對足夠!🔸️ 主食: 公仔面- 必食推薦! 沙嗲配公仔麵無得輸，濃郁的湯底配上公仔麵絕配!2人食價錢: 750hkd左右🔸️5星⭐評分好食指數:⭐⭐⭐⭐整體份量:⭐⭐⭐⭐性價比:⭐⭐⭐⭐打卡度:⭐餐廳環境:⭐⭐⭐*不得不提服務很貼心! 因為餐廳內冷氣超大，夏天衫入去好凍，店員好努力找個暖位置，仲幫我set板擋風，大力讚!✅一班人好有feel✅人情味傳統港式餐廳

沙嗲牛肉公仔麵$70.講起食沙嗲牛肉公仔麵有一間一定要去朝聖一下嗰間就係方榮記，佢嘅沙嗲牛肉公仔麵係唔係食牛肉，唔係，係咪食公仔麵，都唔係，而係佢個湯底，沙嗲嘅味道，沙嗲嘅濃郁，沙嗲嘅香氣，佢真係冇得輸，但同時佢真係好油😅.牛肉當然唔會係出邊茶餐廳嗰啲啦，30幾蚊一個餐有包有蛋有麵有牛肉，呢一度係高級少少嘅，但都淨係少少咋，唔係好多😆.麵都係正常嗰啲麵，但係唔會煮到好淋😀.CP值及夠飽同其他沙嗲牛肉麵比較真係好貴.翻啅掛住個湯底我會去😂😂.舊相

今晚我哋一行四人去方榮記，雖然係晚飯時間，但幸好我哋預早book位，所以不用等好耐。雖則枱與枱之間較為逼夾，但確實證明真係好多人嚟依間食。我哋只係平時日子去，已經座無虛席。難得嚟到方榮記，就梗係試吓食佢出名嘅沙嗲湯底。真係好得，好重沙嗲味。佢嘅炸魚皮好掂，因為佢係連埋魚骨一齊炸，超有口感。佢嘅手切牛肉都非常滑同新鮮。另外仲有墨魚滑，都好好食。我哋叫左碟餃子，又大隻又好食。另外，服務態度非常好，員工周不時都會問我哋啲食物好唔好食，照顧周到。

佢嘅沙嗲同牛肉毋庸置疑，但係如果你唔識佢你可能成肚氣，一碟肥牛得幾片食得，如果你識佢，咁你就有食神啦依家興食騸古牛，我問方榮記肥師傅究竟邊樣好食啲，佢話「嗰啲係女人食嘅，我哋男人梗係食呢啲肉眼邊啦，肉味濃好多」師傅又好心機同你整個蝴蝶切，無言感激我最鍾情嘅就係呢一碟豆豉蒜蓉辣椒蒸新鮮金錢展，隱藏菜單系列，如果蒸過時閒、肉質變硬，如果師傅俾啲頭頭尾尾你、一樣唔好食，如果係師傅朋友，佢會特登同你搵一條新鮮金錢展，淨係俾你最靚嗰個部份，蒸出來爽脆，加埋豆豉辣椒蒜蓉，兩碗白飯啊唔該🈶️💖

方榮記沙嗲牛肉河，久仰大名今日終於試過，果然名不虛傳，牛肉有牛味，沙嗲醬不太濃，也不太傑，剛剛好恰到好處，以呢個價錢，呢個品質，還可以去邊度搵到？值得推介嘅一個⋯ ✌🏻

講到沙嗲牛肉最出色，小仙子即刻諗起九龍城方榮記😜經開九龍城，小仙子就介紹小🐷去試試，我地係下午茶時間過去，所以叫左輕食😂叫左個沙嗲牛肉炒麵同剩雙丸。沙嗲牛肉好重口味😂醬汁好香，調配得啱啱好👍🏻好似沙嗲精華咁🤪淋上脆卜卜既炒麵上，吸收哂沙嗲醬😋 剩雙丸都好彈牙😋食得沙嗲醬太多，飲下個湯清一清嘴都唔錯🤣其實佢地打邊爐都出名架，夜晚記會好多人，仲有人慕名而來買沙嗲湯底。下次試試打邊爐先🤪

吾好以為揾食肥華，痴咗線，或者收咗錢，竟然將呢間，收酒店價錢，飯店質素，牌檔服務嘅，火煱店，個食評，標題係，平，靚，正，冇錯如果你晚上來此店，食火火煱，呢間嘢可以令你一頸血，及一肚火，但若你在午飯時段到此店，食$30至$36嘅特價粉麵飯，你就應該收貨，12月23我專誠到此店一試youTube，生活泰導，兩位食評家，忛哥，忛嫂，極力推薦的，牛肉丸湯河粉，一食之下呢碗牛丸河，真係驚為天人，以$30能食到咁嘅質素牛丸河真係，超超值，係A+++評分，喜愛食牛丸河朋友，一定要來試下呢碗衹售$30嘅好嘢，僅此聲明，肥華係推薦，你哋食此店牛丸河，如你哋叫其他食品，覺得貨不對版，吾好怪我，牛丸河

你可有發現, 這店有多個名字 - "方榮記沙嗲生爐街坊小菜" / "方榮記沙嗲牛肉專家" / "方榮記" / "方榮記飯店" / "方榮記會所" ......提起方榮記會想起甚麼? 接駁了煤氣管的炭爐? 木筷子? 火鍋? 係沙嗲呀! 方榮記以沙嗲湯底聞名, 除了火鍋外, 亦可透過沙嗲牛肉麵一嚐其沙嗲湯底。沙嗲牛肉麵 $70何解一碗沙嗲牛肉麵可以賣$70一碗? 雖則我食完也未必知道, 但總想一試。沙嗲牛肉麵採用頂好大光麵, 麵爽, 即使長時間浸在湯內, 也未見發脹和腍。生菜索滿沙嗲湯汁, 有點邪惡。牛肉入口乾柴, 作為主角之一, 令人失望。至於另一主角沙嗲湯底, 的確濃稠, 花生味重, 入口不辣, 但after taste有少少辣, 略嫌油膩。