方榮記沙嗲牛肉專家

营业中

休息中

🐡四圍游，周圍食 - 方榮記🐡九龍城貼地茶餐廳！佢夜晚應該係打邊爐嘅地方，日頭就係茶餐廳，以沙嗲牛肉麵聞名。點解話佢貼地？因為佢大大碟嘅粉粉麵都只係 $34!!!!!!! 真係好大碟好飽㗎！🐟沙嗲牛炒麵 ($34)🐟食物一到，我哋真係呆咗，$34咁嘅份量真係好抵。牛肉皮應該都有十塊，啖啖肉。個麵底都炸得剛剛好，唔會太油膩。爽！🐟乾炒牛河 ($34)🐟鑊氣十足，無得彈嘅乾炒牛河！食物：🐠🐠🐠🐠🐠環境：🐠🐠🐠🐠價錢：🐠🐠🐠🐠🐠🐠🐠!!!服務：🐠🐠🐠🐠Overall：🐠🐠🐠🐠🐠

今日中午專誠到方榮記打火鍋，揀中午一嚟無咁多人，兩嚟可以叫河粉食，好似會正常啲。其實未系度打過火鍋只係聽佢嘅名氣好耐所以一試。之前下午茶時段經過入嚟食碗牛什河就覺得好滿意（下午茶時段都見有人打緊火鍋） 。今日都叫咗一碗牛什河，一碗沙嗲牛肉麵（講到好掂，必試，仲要成70蚊）,但我就唔識欣賞了。講番火鍋，叫左右一個牛肉湯窩底，一份$200嘅牛肉，一份大嘅菜，一碟牛丸，魚旦，響鈴，魚肉。以上嘅火鍋配料其實無咩好講，全部都係一般。無一樣特別出色。所以，以後經過都係食碗牛什河算了😁

九龍城即將變天，唔知有幾多嘅老店會喺時代洪流中消失，趁有時間就逐一黎重拾舊夢一下。方榮記絕對係on the list要黎，雖然近年質素不如前，咁午餐時間黎食個沙嗲牛河亦無傷大雅，$34嘅海嘯價連茶記都做唔到。落單後5分鐘就上枱，牛肉量驚人，沙嗲汁鹹味較重，有些少辣同食到花生碎，老實講沙嗲香氣就欠奉左一啲，但醬汁撈埋油油嘅炒河粉都算係夾。枱面有自助嘅清茶，剛好可以清下鹹味。除左沙牛，仲有咁多款粉麵飯都係$34，唔怪得午膳時間人頭湧湧，下次要試埋個干炒牛河先得。

細個爸爸帶我哋黎過， 大個咗經過諗起想同爸媽黎，終於去咗食。侍應招呼幾好，初初頭睇完食評有d擔心，星期一黎食，越坐越多人。沙嗲湯底係超正，但碟菜迫人要就唔好，埋單先知計埋錢，西洋菜本身麻麻。牛肉比想像中失望，手切牛無牛味，仲要幾韌，已經一掂水就拎起。反而機切牛仲有牛味，仲淋，但係印象中佢嘅牛以前係好好食，而家差咗。其他食物都係中規中矩，最好味都係個湯底，但係佢啲食物價錢都唔平。

⭕️短評：元祖級的沙嗲火鍋湯底，愈煮愈濃，濃得像熔岩似的。雖油了一點，但香濃好吃就好了。最配搭的，當然是一大碟手切牛（在這裡無理由吃急凍牛吧），脂肪分布雖不雪花，但就像潮州/台南溫體牛般嫩滑，有彈性，連肉汁也是鮮味而不羶的！千萬不要點豉油，以免破壞牛肉和沙嗲的完美組合。炸魚片是難得一見的老派的帶骨那種，皮多粉少，出色。沙嗲濃湯，一定要配大光麵，麵質乾爽掛湯，吸盡精華，正。💵Budget: $300 pp

朋友之前一直講起呢間嘢，都只是食牛肉，湯底..今次在附近行街，不坊一試…突然想食牛肉火鍋，諗住6:00去無死啦，坐低梗係叫牛肉啦，到送上枱牛肉垃圾到好似剩淨夾埋一碟咁，牛肉鞋到….咩靚牛肉 288元，我係街市買重靚過佢，碟碟嘢都唔新鮮，每樣材料又品質低…沙爹湯底，好似成pat嘢咁…俾cheap嘢客人，態度差…趕客，見出面有客等，就問客人買得單末☹️食咗1粒鐘炸，無嘢係咪…出面咩日式任食放題，材料都好過佢，都唔係用個心出嚟做給客人食，不會再有下次，請我都唔會再去，自己出錢No 啦😒😒

今日約咗三五知己一齊嚟到方榮記打邊爐因為聽講呢度嘅沙嗲牛肉火鍋湯底係非常之出名所以我哋都專程嚟到九龍城試一試有幾好食我哋一早就book咗位，不過個電話似乎比較難打都用咗少少努力先預約到位置！我哋坐低就二話不說即刻叫個沙嗲湯底先！因為呢間火鍋店比較特別佢係用炭爐，都好有風味然後叫咗啲午餐肉珊瑚蚌等等等等。。。。。沙嗲火鍋個湯底望落去好濃郁但係食落去冇乜沙嗲味其他嘅火鍋配料都比較普通！冇想像中咁好食，我諗如果下次嚟啊邊爐未必會再嚟呢間呀不過你話個環境都好地道如果想體驗下唔用電磁爐打邊爐都可以過嚟感受下！

最近喺社交平台成日見到有人介紹，方榮記有午餐同下午茶，好似好抵食，今日嚟開附近一於試吓！九龍城真係好難搵車位，唯有泊喺門口方便就鬼。下晝兩點鬆啲嚟到，見到門口個牌，有個好似40蚊嘅沙爹牛肉炒河，於是入去試下。點知夥記話這個是午餐，下午茶要57蚊，心諗下午茶貴過午餐，有冇搞錯，於是出門口再睇下有冇其他選擇。終於叫咗個牛雜河，外賣攞上車食，成為37蚊。嘩，一打開，非常之熱辣辣，比起一般粉麵店個湯熱好多！首先試一試個湯，冇咩特別，冇咩牛骨味，應該係味精為主。牛雜裏面比較多牛肚，金錢肚為主，沒有草肚，林得嚟有少少彈力，唔錯唔錯。牛肺得一嚿，淋淋地又爽爽地，但冇咩味，比起牛肚遜色。牛腸，得兩三粒，細細嚿。比較瘦，冇咩肥油，可能有啲人會buy，比比較健康，但係有啲人會覺得唔夠肥，唔夠甘香，味道、質地都ok。至於我最鍾意食嘅牛蒡，只係得薄薄一片，比較鹹，又唔夠粉，有點失望。最後嗰粉，好多都幾條幾條黐埋一齊，如果可以鬆一鬆先至淥就最好。整體來說，中規中矩，沒有驚喜，亦都沒有失望。唯一試價錢平，抵食。ps，對於員工態度，都幾寸下，需要改善。

上次同fd食飯講開方榮記今次又有時間就睇下沙爹牛肉😏炒沙爹牛(lunch)最初睇menu諗住係沙爹牛湯午市板🤣姐姐解釋 係炒既上枱暖既可能風口位不久就凍左🙈第一口係辣習慣左就無野見到都有辣椒片牛肉彈牙沙爹醬都有入到味結: ok既明白點解晚市 沙爹火鍋咁受歡迎😏🤨不過就 無 網上寫咁食到花生醬味#炒沙爹牛肉#方榮記沙爹牛肉專家九龍城

下午五點多入場等吃火鍋，先叫一碗牛丸河及牛雜麵試水準，不俗有驚喜。正場叫了沙嗲鍋底手切牛肉田雞花枝片鵝腸鱔片等等，手切牛肉正常貨色沒有特別驚喜收$288，其他全部感覺不太新鮮，尤其鱔片最令人失望，上枱幾片黑萌萌烏卒卒類似樹皮嘅東西煮熟後咬落口乾柴一樣(可惜忘記拍照)，其他都是全部從冰櫃攞出嚟，花枝片直情真係一嚿嚿冰嚟嘅，冰都未溶。午市及粉面CP值遠高於晚市火鍋，但晚市他們還是生意不絶，老闆真有一手！總結，推介午市及粉麵！

聞名已久，就諗住去試吓，但無論食物同招呼都令人失望！本人喜辣，他們給的辣椒豉油連一隻辣椒都無，見佢成盆辣椒豉油放喺枱度，咪裝多啲辣椒囉！點知俾個男侍應見到，佢即時鬧我之餘仲一手搶咗我碗辣椒豉油，話唔可以自己攞，要辣椒就俾錢叫碟，仲即時將我碗啲辣椒倒返落個盆度，佢止舉唔單止超無禮貌，仲好唔衛生！完全超岀我想像！既然您話可以叫辣椒，咁咪收返我錢囉，做乜倒返落個盆度啫，咁好唔衛生㗎大佬！好算！既然嚟到食嘢都係求開心，我唔同佢計！但係話佢哋最岀名嘅手切牛肉，點解會係碎上，無一舊成塊或片狀，玩邊科？韭菜餃鹹咗少少，但還可接受；魚皮餃滾了滾差不多爛哂；啲雲吞就好鬼鹹食唔落！墨魚丸粉多，其他丸都算ok掛！個沙嗲湯底開始都唔錯，不過加咗兩次水已經無乜味！（係喎！點解佢哋唔係加湯嘅）既然岀得500蚊一個我無必要嚟呢度食，岀街食嘢最緊要開心，俾錢仲要受氣就免啦！岀面300蚊好過佢，最低限度人哋啲侍應無佢哋咁惡咁無禮貌！只止一次，無第二次！

九龍城食肆林立，午市更大把選擇，講到沙嗲牛肉，一定係哩間方榮記莫屬，午餐簡直經濟實惠，哩個價錢絕對令你有過大的要求。當然一定唔係最好味，但哩個價錢絕對對得住質素，最重要係沙嗲汁，味道剛好，我覺得配白飯其實比麵更出色。牛肉都唔錯。經開九龍城絕對一試。

講起沙嗲湯底邊壚，冇人唔識佢，想試好耐啦😽，呢度比較舊式，好有傳統風味👆🏻沙嗲湯底香港人最鐘意碌下碌下，幾熱都咁話！遠近馳名沙嗲湯，香得黎又唔會辣，好惹味👆🏻手切牛肉 極品牛肉王😻黎個真。沙嗲肥牛煲，牛肉鮮啊，就算滾落左都唔會👆🏻吊桶😻呢個吊桶超大隻，數量亦都唔少，仲好新鮮，唔似係擺咗好多日👆🏻魚標😼好少有得食，碌一碌咬落去索索聲👆🏻珊瑚蚌😻呢個超抵讚，份量又多又好味😋，平時其他打邊爐得幾條，呢度係一大碟，鍾意食蚌類一定要叫👆🏻炸魚皮😼呢個特色炸魚皮同其他唔同，佢係連骨炸，相對來講會硬啲同脆d...⚠️非進食時記得帶口罩⚠️除左口罩再消毒雙手💸.消費. $244 （每人）🈵.回頭率. 8.8/ 10

香港地道食品越來越少，租金高企，人力流失，唔希望地道嘅食品消失，方榮記沙嗲牛湯底出色，實在沒有餐廳可以取代，雖然湯底少少較油，但湯底非常惹味，加上手切本地肥牛，本地肥牛肉質有質感，牛肉味強烈，有返咁上下厚度，真係不得了，象拔蚌厚切有口感，我多數用作刺身食，魚卜我致愛，可能多數人覺得有魚腥味，但加上沙嗲湯底，完全蓋過腥味，魚卜養顏，補充骨膠原，生蠔不算大隻，但夠實淨，桂花蚌份量不少，爽甜，我較喜歡貝類及蚌類食品。

九龍城方榮記咁出名 聽就聽得多 一路都未真正幫襯過🫣今日難得想試吓地道野 同屋企人去左方榮記食招牌沙嗲麵&牛雜河😋😋1️⃣沙嗲麵 $70牛肉係偏細舊🥲 湯底好濃稠 好濃郁嘅花生醬味 亦都好多花生碎 👍🏻 招牌大光麵 唔太彈牙 但唔太油膩還好☺️ 2️⃣牛雜河~$35 (唔太記得）（走咗腸）🔸上枱果吓就覺得啲牛雜好靚！ 又有擺盤 😂仲配幾片生菜😂每款牛雜都有2-3件大大件👍🏻 🔸金錢肚唔係毛巾肚👍🏻🔸個人好鍾意食牛肺 牛肺大大件 🤓🔸重點！河粉係偏厚身少少幼身少少 煮得岩岩好！ 唔會爛 有咬口🤩食完一碗好想再食！總結 個人認為 沙嗲牛肉麵太滯 啲肉碎濕濕唔係太滿足 🫤仲要貴牛雜河成倍！ 反觀牛雜河性價比高！ 唔洗40蚊食到高質牛雜河 好抵！🫶🏻