方榮記沙嗲牛肉專家

营业中

休息中

期待已久終於約到幾個朋友一齊去九龍城食方榮記，結果係希望越大，失望越大⋯book咗8:30pm，比咗張門口位嘅枱我地，隻門不停又開又閂，仲有個counter頂住張枱，熱到飛起🥵張枱同餐具都好多漬⋯只有湯底做得比較好啲，連最基本嘅牛肉都咁差，試一次就夠😑我地嗌咗沙嗲湯底，附送生菜一籃湯底沙嗲味非常濃郁，食物已經不需要再點任何醬汁調味手切牛肉肉質非常差，冇牛味，完全咬唔到機切牛肉比手切牛肉好，薄身，價錢亦比較抵食牛胸爽份量少，非常簿概8-10片左右，但口感不錯，有牛油香味白鱔片魚肉爽脆，好吃午餐肉5大片，普普通通冇乜特別手打墨魚滑推介👍🏻墨肉滑彈牙，裡面仲有粒粒墨魚，有咬口公仔麵最後一定要點返個公仔麵，掛滿濃濃嘅沙嗲醬超讚魚片頭、芝士腸、水魷、豬粉腸、黑柏葉、水餃、粉絲其餘嘅火鍋配料正常📍方榮記沙嗲牛肉專家 (九龍城)九龍城侯王道85-87號地舖人均消費：$300-400食物：⭐️⭐️⭐️環境：⭐️⭐️回頭率：⭐️⭐️

上網見呢間餐廳咁出名 小弟一於特登揸車過嚟試下唔食由自可 食完把幾火老實講 都預咗係貴我本住好食就得所以主要鬧嘅位唔係佢收得貴而係零服務態度可言可能最近多返大陸客啲職員就掛住招呼班「大客」我停車喺佢哋門口企咗成兩分鐘先有人問我哋幾位入到去 叫咗兩支啤酒之後promoter都會去斟酒比其他枱但係我哋？唔好話斟 連飲曬都唔會問要唔要多支點完菜 叫七樣 漏兩樣食物質素方面一於叫咗佢哋最出名嘅沙嗲湯底但係完全係死咸 咸到唔使落任何調味咸到要不停飲啤酒同加水所以枱面嗰碟豉油都唔知佢憑咩收我錢食物方面小弟唔係咁鍾意食牛肉所以只係係咁以叫咗一碟肥牛試下食落嘅感覺仲差過凍肉舖$48/磅又韌又冇肉味完全唔明點解價差唔多$200一碟其餘叫咗啲菜、雲吞、魚、魷魚係偏貴嘅 但係中規中矩 尚可以接受 唔知方榮記嘅職員點樣諗係咪要消費得夠多 係你眼中嘅大客 先至值得你嘅服務我同女朋友兩個食咗七百幾蚊但係食完有種被冷待嘅感覺同等嘅價錢可以去旺角海底_換到優質嘅服務態度又或者可以去數字嗰間打邊爐食到優質嘅牛肉甚至乎自己買料返屋企食都冇咁嬲第一次嬲到想寫食評鬧希望未食過又睇到呢篇食評嘅各位三思因為你值得更好

今日去到呢間好出名既方榮記，本身諗住好大期望，點知最後食到一肚氣。等位個陣亦都非常唔清𥇦，有啲食客遲過我哋，但係竟然入到去先，非常有趣食物嚟講亦都絕對配唔上呢一個價錢，$70食一個公仔麵除咗唔飽之外，食完我起碼飲咗幾支水 已經唔係濃郁嘅味道，絕對係味精嘅味道 牛肉亦都唔係非常嘅出色，只有三、四件，男人嚟講應該冇可能食到飽，大家去呢間舖頭之前絕對要三思，因為其實真係冇想像中咁好！！！ 唔想大家到頭嚟俾錢，再食一啲唔好嘅嘢

-本身都好鐘意食沙嗲湯，朋友推介呢間人氣店，因為佢主打沙嗲湯打邊爐。-食物：食物黎講其實同其他邊爐差唔多，而多數黎食的朋友都話用佢個湯底食牛肉同麵最正。首先講下佢個湯底，對我黎講，實在太重口味，太濃令到食唔到沙嗲個香味。雖然每間餐廳沙嗲個配方都未必一樣，但佢呢個配方只食到咸同辣，完全食唔到沙嗲的香味。加上個湯煮耐左就愈食愈苦。因為湯底的原故，其他食物放落去都變一樣的味。-環境：好迫，好嘈，服務同茶餐廳差唔多。-總結：Book 左枱都等左一個鐘，餐廳前面安排入座的員工態度世一。歡迎大家黎感受一下。🤡🤡🤡

家中長者👵🏼盛讚此食店天上有地下無，於是上星期專程陪佢去食。佢哋午市有碟頭飯$38，有五香牛腩飯，粟米魚飯等。另有湯同炒粉麵。當日各人各自點咗牛雜河$40，牛腩河$4x，魚蛋米$35同五香牛腩飯$38、另蠔油菜心一碟$20平心而論，牛腩似係火鍋料下欄，仲要碎得嚟但都唔淋，即係本身未煮已係咁。牛雜都係唔淋，乾蚊蚊同硬掘掘咁。不論牛腩或牛雜，都係只有非常嚴重嘅味精同咸味。完全食唔到正常腩汁味道魚蛋米嘅質量類似坊間普通小店質量。碟菜完全無摘，可能太老嘅關係，廚房特意煮到有咁淋得咁淋。淋到大家都唔想食食完之後，我過咗足足兩日舌頭仲有麻痺感。以食坊間普通粉面價錢嚟講，唔計較質量同招呼，可算合理。但我自己只求了咗老人家心願，所以一行幾人食完之後，一出門口已齊聲講唔會再去。幸好今次只是小試牛刀，無坐低打邊爐睇返網上張menu， 寫明午餐牌供應時間至兩點。但當日12:48見有客入嚟，阿姐問客係咪食火鍋，客話唔係，阿姐就同客講唔做午市飯麵，趕客走。此情境真係第一次見識到

午飯時間嚟都起碼半數枱起咗爐，話佢係一間打開門就賣火鍋嘅食店，一定唔會錯。方老闆雖然打通咗兩個舖位，地方都唔夠用，再收購埋隔離第三個舖，生意越做越大。今日時間有限，只能速食。叫咗招牌牛腩粗，湯底偏鹹，牛腩夠嫩口不過牛筋有啲硬。豉油皇炒麵嫌佢油膩，食完個碗就知，麵身黏口食剩咗。雲吞麵揀咗傳統蛋麵，感覺佢湯麵同炒麵一樣黏，口齒要足夠伶俐先咬得斷，有話啲雲吞唔夠實淨。埋單隔離枱滾即食麵，廚房密密送肥牛出嚟，至諗到招牌沙爹牛肉麵係咁解。

沙嗲湯底睇個樣好濃，但係冇沙嗲味😅成個湯底除左好咸，完全吾知食左啲咩🥹服務態度差到呢，完全係貼錢買難受火鍋料同平時嗰啲差唔多，冇乜特別食完真係要去洗腎，成間鋪總括嚟講最大特色就係得個咸字🥹

呢排成日聽到佢個名，真係以為沙嗲牛好出名，點知真係伏到一個點，我真係好想知佢呢60年係點樣過，真係dear Jane 「究竟發生了什麼事？」，尋日見天氣凍凍地特登去試吓，一坐低叫咗個湯底，之後攞咗個湯底同碟菜黎，我仲以為咁抵有菜送，誰不知買單嗰時我先知原來係我阿嬌上身天真咗，同埋個碟豉油要收$15/位冇蒜蓉都起碼都比隻辣椒落去丫大佬，不過好彩埋單先知，如果唔係早咗15分鐘開始燥，個個所謂好出名嘅沙嗲湯底，真係咸到食完要去醫院洗腎，叫咗碟手切牛，完全同住寶個的$50/磅肥牛一樣，碎到好似的茶餐廳沙嗲牛面咁，好彩退咗，牛丸同墨魚丸未解凍就上枱，仲硬過我條命，同佳寶貨一樣，牛舌係用嚟裝飾，完全咬唔到同埋利苔都仲係度，都係佳寶急凍貨，牛展都係急凍貨，一陣雪味，師傅刀工都唔差，手切可以切到塊塊都一樣厚，鮮魷魚又係急凍嘅，響鈴先最緊要，見佢餐單上面有粒⭐️，原來都係叫貨個的，鯇魚扮脆肉鯇，一夾起就散晒，嚴重懷疑係咪俾佳寶收購咗，或者係佢度入貨。大家記住千祈唔好以為手切牛就係鮮牛肉，急凍牛肉手切都可以，師傅神一般既刀工可以切到塊塊一樣。真心係稻香任食一定好過佢。

超濃沙嗲湯🤩主打手切肥牛🐮啲牛好濃牛油香味又唔會太肥😚打邊爐一流✨加埋個湯底好夾😚而且叫左個大光麵加入沙嗲湯底之後幾乎啖啖都係好香既沙嗲味😚不過食多二啖就會好濟🥵響鈴係舖頭炸😚好鬆脆加入個湯就吸收哂湯既精華！好邪惡😝炸魚皮好特別係店舖特有！好有咬口！湯底好重花生味😚身為沙嗲湯既愛好者要試下佢！不過食多2樣野食就會開始好膩同濟🥲食到最尾仲滾到幾乎全部都係油🥹中意重口味既你就岩哂！

是咁的，上個星期6 我老公個邊提早拜山，見還掂都出左黎九龍，不如夜晚去食老字號- 方榮記啦，奶奶話佢後生時食過幾好食，想再重溫一下，我地就一行7個人去到九龍城。為咗唔想老人家企喺度等，我5:30就打去book位，好好彩6:30有一張大枱。去到唔使等位，叫左2個湯底，一個係方魚清湯，另一個係沙嗲，我哋嗌咗星級牛肉，本地手切牛肉，但黎到望到個樣唔太吸引，星級牛肉多d 雪花，食落口無咁靭，而手切牛肉太難咬啦，我咬左好耐都唔太吞到。有d 失望。炸魚皮好脆，味道幾好，魚皮餃配沙嗲湯底好好食，推介！而墨魚丸有墨魚軟骨喺入邊，整體上口感都唔錯。貢丸就正常啦。我仲嗌咗打邊爐我最愛嘅魚湯，即係與浮吓浮吓嗰舊嘢，仲有我最愛嘅牛腸！兩樣嘢配左沙嗲湯底都好食。而全晚最好食嘅，就係大江面！大江面朔晒啲沙嗲湯汁，非常入味，口感好好！我地嗌左2份，後來因為太好食再嗌多份。一行7個人，食左千6蚊鬆d, 差不多啦，但都係對嗰兩碟牛肉有啲失望。

8點嚟都等咗半個鐘至入得 方榮記必叫沙嗲湯底 湯底夠濃郁夠香 除咗要叫牛 必要叫響玲同頂好大光麵 真正嘅「沙嗲牛肉麵」響玲要浸耐啲 吸哂啲湯 入哂味 不過環境上比較大排檔feel

初嚐沙嗲火鍋🍲適合喜歡吃濃味嘅朋友😋星期六walk in 6:51pm開始等位，7:03pm 入座，裡面有好多座位，所以早少少來都不用等太久就有位，我們3人等了大約12分鐘！這裡的特點是用炭爐的打邊爐，入座後會提供每人一牒已調好的醬料（醬介$24 ），然後在菜單紙上填寫想要的湯底和食物，一般職員都會先問要咩湯底，接著好快就會呈上湯底和新鮮時菜，讓我們可以慢慢填要什麼食物！我們3人點了以下食物，好飽😂9成飽😋孖寶湯底$100（沙嗲湯底/清湯/芫茜）星級牛肉 $298 （必點👍🏻✅沙嗲湯底）炸魚皮 $48 （必點👍🏻✅沙嗲湯底）雲吞 $38 （必點👍🏻🙅‍♀️沙嗲湯底）蝦滑$88 （必點👍🏻🙅‍♀️沙嗲湯底）響鈴$38（🙅‍♀️沙嗲湯底）黑豬肉 $78 （✅沙嗲湯底）水餃$38 （🙅‍♀️沙嗲湯底）四寳拼盤 $48 （沙嗲湯底或其他湯底都ok）新鮮時菜$35 （必點👍🏻🙅‍♀️沙嗲湯底）大光麵$15 （必點👍🏻✅沙嗲湯底）醬介$24 🥤汽水$15/枝(打邊爐好口喝😂最後每人飲咗兩枝）💰每人平均$344，算抵食！😋食後感：-沙嗲湯底真係無得輸🤤必點，都強烈建議點孖寶湯底，因為唔係所有食物都啱沙嗲湯底（

沙爹味道很浓郁 喜欢吃沙爹的可以冲 不过吃到后面就越来越腻了 疯狂炫了好几杯茶...虾滑也不错 还点了炸鱼皮 放锅里涮涮 会更好吃对了 一定要加捞面 感觉比涮肉好吃多了我们是错峰去吃的 没排队 人均178港币

疫情前返黎hk已經好想食 可惜無時間今次開關後係美國返黎特登一早book定一開始仲超級期待～點知…. 星級牛表面好似好靚 但其實下面瘀黑色魚皮餃煮佐20min 入面啲肉係散嘅 好似一pat粉咁。特別手切牛我哋個個都覺得唔好食😅 牛肉都偏貴，quality又唔得，其它火鍋料都超級普通… 湯底一開始好鹹 後面加完水已經無乜味。5個人連酒水$2000+ 真係寧願食其他無咁嬲… 仲特登過黎九龍城 真係唔建議大家特登黎排隊食！

星期五晚約左成班舊同事諗住試下九龍城啲火煱店， 最後去方沙嗲湯底好出名既方榮記，由於當晚星期五人比較多所以訂了位都要等左一陣。大約十五分鐘安排到枱，一入去就點左方榮記最出名嘅沙嗲湯底，然後點手切牛肉，手打蝦滑，雲吞，招牌炸魚皮，響鈴，大光麵，加拿大桶𧐢。幾個男人仲有吾少得既啤酒。沙嗲湯底真糸好濃好夠味，牛肉都算新鮮有牛味口味都彈牙蝦滑食得出系用新鮮蝦打既雲吞都系用新鮮蝦桶𧐢都吾算細隻食到最後就拍埋個大光公仔麯每人消費350