新金榮小廚

营业中

休息中

滑蛋炒蝦仁: 蛋幾滑, 亦夠多夠厚, 但食落口又唔會太油, 蝦仁就少左D, 同埋都預左係雪蝦無蝦味。豉汁蒸魚雲: 魚雲唔太入味, 同埋骨多。波羅咕嚕肉: 酸酸甜甜, OK仲炒左個菜, 唔記得係咩了, 但好大碟, 都抵食GE。不過呢度D位坐得唔太舒服, 佢地又會將D 冷飯菜汁/水亂咁掉, 有Ｄ DIRTY

今日放假同老婆去左新金榮食飯，已經半年冇黎過呢度食野！今日分別叫左3個餸一個係鹵水拼盤一個係鹵水鵝一個係椒鹽鮮魷先講鹵水拼盤…擺得係幾靚仔，試食其中一舊豬腸先，食左一啖已經唔掂…d食物擺得耐，唔新鮮，其次係d豉油有一陣尿餲味…好明顯洗材料果個求其了事，我同老婆食左兩舊之後已經冇再食！鹵水鵝 最簡單一味餸，最好食都係擺底既花生粒！鹵水鵝又係明顯擺左幾日，翻熱再翻熱，搞到鹵水鵝除左鹵水味外完全無味！鵝肉也太（鞋），太un咬到斷氣先食到一舊仔，我同老婆都係勉強食左兩舊又係冇再食！椒鹽鮮魷 比較最期待既一碟餸，先講賣相，黎到時已經見到鮮魷金黃色偏黑，未食已經好明顯知道係炸過火位，擺入口果然冇錯，除左炸粉厚身，鮮魷陣雪味仍然存在！又係食左兩舊就放底筷子了！待應見到我地食剩咁多野，都唔會有好奇心走黎問咩事，可能已經司空見慣！我再望望其他台既客人，佢地個個都係食剩一半以上！可能有錢就是任性，每位客人都摸住杯酒底，同朋友盡訴心中情！飲完兩支藍妹，我發誓從此唔會再黎呢度食飯，d鹵水野擺太耐又唔換新鮮食材，廚師功力顯然未夠大師父級！3個餸 2支藍妹 賣單340蚊…心如刀割又經一事長一智了！apps有問題

Honestly saying, finding seat in Dai Pai Dong isn't an easy task. People just sitting there and don't know how long still have to wait. We even didn't get a ticket, lol, but seem getting the table fast, haaa. Eating in Dai Pai Dong, what you can expect is the wok-hei, it's really good taste. They always like coming here for those local Cantonese dishes. Except the environment, I like the dishes too, haaaa. I think, now the environment is getting better with air-conditionals, though it's still qu

星期日例牌喺「無飯煮婦」日，一家三口好耐無去大牌檔食飯，就腳的只有新墟新金榮，環境就不要提啦，眼不見為乾淨，勝在大件夾抵食，出街食飯梗喺叫啲自己唔識整嘅菜式啦，今次就叫咗黃金鴨舌，煎蠔餅同金菇肥牛煲黃金鴨舌鴨舌上枱後發覺份量都幾多，真喺大件夾抵食，但賣相就唔夠金黃，應該喺咸蛋黃推得唔開，因為仲見到一嚿嚿嘅咸蛋黃，鴨舌整得好入味，完全唔覺有雪味，整體嚟講都算尚可煎蠔餅勁多蠔肉，洗得乾淨無沙，煎得香脆，賣相不錯金菇肥牛煲最差的菜式，雖然肥牛及配料夠多，但個汁就整得太稀太咸，失敗之作

黃金三寶茄子鮮魷豆腐賣相唔討好，味道亦不似預期黃金（鹹蛋）味極淡，炸物炸得唔夠乾爽，豆腐茄子入口感覺只係好似食緊一pat不知名的東西。金菇肥牛煲肥牛嘅份量都算係唔少，但係食唔到牛肉味。最敗筆嘅係，呢個煲感覺好水就好似係金菇肥牛加沙爹水咁，好失敗。潮州煎蠔餅呢個煎蠔餅大概係我食過最差嘅蠔餅。上枱嘅時候已經係變到林晒，應該係煎完之後就即刻將啲蠔餅疊埋一齊，結果就焗到林晒，完全無煎嘅感覺，而蠔嘅份量亦都係屬於少。炸大腸拼雞軟骨炸大腸我冇食到，所以不予置評。但係雞軟骨真係做得好差，有一種係用萬年油炸出嚟嘅感覺，而且雞軟骨好細粒，成份雞軟骨好似碎濕濕咁，無法令人開胃。p.s我哋叫咗四碟食物，其中有三碟都親眼睇到待應送錯去隔離枱，呢方面真係唔多掂。

係屯門行完山後順便dinner隨意想食打冷野 跟住openrice 黎左呢間新金榮先叫左韭菜豬紅...本身唔食豬紅 朋友話好味的豬紅好少有 不過呢度既係好味看，又唔腥 不斷叫我試下食 不過最後掛住食其他冇食到：滷水拼盤- 不過不失 冇特別：豪餅好足料！ 好香～外脆內軟~推薦呀本身想食通菜 可惜冇哂 換左芥蘭味道ok! 普通既好味！最後都叫左個雞煲，揀咗麻辣味，都幾夠味，其實可以打埋邊路，不過我哋都太飽，所以齋叫雞煲算XD

Happy Friday並不快樂，感冒未癒已接近一星期了，煎炸、辛辣、甜膩食物通通戒絕，如此心情實在是快樂不起來。老公卻是難得的好心情，說要去新墟大排檔開飯，正是煎炸辛辣美食的集中營，病人尤為不宜。但既然是老公的Happy Friday，也不好意思掃他的雅興了。一直有留意屯門的討論區，近日食友對新墟的大排檔負評不少，這些負評確是令人有點卻步，無奈離屯門市中心最近的，就只有新墟了。來到這熱鬧的大排檔街，香氣是比以往要對辦得多，在大排檔這一界別裏，食評只能作參考之用，因為光顧大排檔的人遠比寫食評的多，如此一來食評的作用實在不大，當然也包括我這一篇在內吧！還有大排檔除了講求味道，就腳方便也是因素之一，這就解釋了為何在劣評不少的情況下，這新墟大排檔街仍是人聲鼎沸，人潮如鯽。新金榮是街上最有規模的一家，這大排檔的面積佔有率是五分之一，真不知附近的大排檔是如何生存的了。港式小炒、游水海鮮、潮州打冷、羊腩雞煲......能說得出的都有供應，也難怪會受到食客的歡迎。環境就跟一般的大排檔沒有兩樣，店面大食桌不少也就不用坐到街外了，至於環境衛生方面......你懂的，但求「眼不見為乾淨」吧！病中之人腦袋懶

好耐好耐好耐冇食過大排擋係以年計 細個到而家了 被同學仔邀請去佢屋企打機 夜晚係then mum 市中心附近食大排擋環境就一定麻麻 但比想像中抵食因為太耐冇食過 以為而家大排擋又貴又細碟我地叫左細蠔餅點知黎到細份都好多 一碟仔有3層蠔餅 而且好好蠔呀！佢整得都幾香口又好味 雖然有小小油 但大排擋係咁㗎啦 食鑊氣呀麻！之後叫左黃金鮮尤講真 未食過黃金系列嘅餸因為高納 高脂 高膽固醇不過開開心心唔緊要 佢炒得真係好香 入口濕濕地唔會太乾我鍾意 不過食幾舊已經好夠為左平衡叫左雜菜煲清一清腸胃整體黎講好好味 份量好多 抵食 話說個呀姐病都唔帶口罩 係咁噴鼻涕就照拎食物比人食 想嘔

30/9/2017, 今日生日，本來想食海鮮餐但因為前日已經食左，所以就是是但但去食大排檔小炒，去左屯門新金榮食晚飯。去到大約7 點，都仲有位，唔駛等，可能生意無之前咁好，咁旺了。我地一行四人，叫了幾個餸：1. 火腩豆腐班腩煲樣樣幾舊咁啦，都ok, 味道一般，但無咩汁欠，無果d炸炸聲嘅煲仔聲囉。2. 炸大腸賣相唔得，炸得好乾，似番炸，有甜酸醬跟上，ok一般。3. 炒蜆味道唔錯好獲氣。4. 蠔仔粥一鍋好足料，蠔仔都唔細架，漲卜卜，都好食，又多芫茜，正，但無嘜柴魚又無魷魚乾絲，舊時食係有囉5. 石鍋馬拉盞通菜黎到滚到不得了，好香，但實在太多油了，不叫也罷**食物水準差左好多，但係勝在經濟囉，一般野

第一次來屯門何福堂吃晚餐。 因為晚上10時多的屯門, 大部分餐廳已經關門休息, 但是何福堂這邊的大排檔依然非常熱鬧。 椒鹽鮮魷: 外層粉漿厚了一點, 顏色又比金黃色暗淡了一點, 而且沒有脆卜卜口感, "o林"了一點, 幸好魷魚很新鮮, 彌補以上不足之處! 豉椒炒花甲: 花甲殼比花甲肉還要多! 水煮肥牛: 水煮汁非常麻辣!!! 吃不到辣的您, 千萬不要點!!! 但它的麻辣是沒有香料的單純辣味。 肥牛份量也不少, 但烹煮時間太長了, 肥牛變得很不再嫩滑。　鹵味雜錦: 豬大腸很油膩, 鵝腸?雞腸?卻很爽口, 不錯! 但整碟賣相完全不吸引!!! 魚香茄子: 茄子份量超級多的!!! 但整煲的味道就只有咸味!!! 是咸得吃不消的咸味!!!

老公不嬲都好鐘意食潮州打冷，上openrice搜尋下，發現原來屋企附近有一間評論唔錯，就黎試下食打冷當然要試下鹵水鵝片個鵝片肉質好幼嫩，有肉汁鹵水拼盤因為咩都想食下，就另外叫左個鹵水拼盤，入面都幾豐富喎！有墨魚、鵝腸、紅腸、豬大腸、豬耳等等。。。味道都唔錯烏頭魚呢個味道都幾好，唔會鮏，點豆醬食正呀喂！蠔仔粥當然又係食潮州打冷必食item入面有好多蠔仔仲幾大隻

好耐冇去過新墟食大排檔.去到求其搵一間見最多分鋪應該係最好食.上去叫咗炒蜆黃金蝦打冷雜錦金銀蛋莧菜。啊結果我話你聽炒蜆一啲味都冇係用水淥熟撈汁嗰啲。黃金蝦係全宇宙最難食嘅好難得用鹹蛋都可以整到一啲味都冇。打冷係正常的，有鴨腎哦腸紅腸大腸。金銀蛋莧菜一啲味都冇我可以接受，反正菜都可以係淡口啲好。價錢唔算貴但係嘢食簡直係不知所謂如果你期望有大排檔嘅鑊氣顏色氣味氣氛除咗氣氛比到你之外你得到嘅只係一大堆你自己屋企都可以煮到的食物

朋友生日，諗住開開心係新金榮食餐飯，叫左碟韮菜豬紅，食到最後竟然睇到入面有曱甴，真係咩胃口都無晒，好彩員工都有主動取消該單，不過大家食之前要睇清楚😑😑😑😑😑😑😑😑😑😑😑😑😑😑

新金榮有好多回憶 細細個係戈度飲啤酒 會有食環掃檔 依家無晒啦 入晒鋪裡面 無左一份熟悉感叫左半隻雞 我地揀左麻辣呀 都算好多件 。同埋好多蔥❤️不過真係好多辣椒，落埋湯再滾再落菜簡直十大酷刑。辣到飛起。去大排檔就緊係要食蠔餅啦嗎。面戈塊都足料好食架，底戈塊得d粉係度咁囉。蝶蝦黎到既時候真係呆一呆 說好的黃金咁小既，同埋無一隻蝦係唔梅⋯⋯⋯只可以唱🔉時代換了，人情淡了

一行四人係屯門搵大排檔，好自然就會諗起新金榮，縱然未行到新金榮門口，已經被其他店的阿姐拉客，仍然堅持初衷😂雖然要等位，雖然舖面環境，裝修都比較陳舊，但大排檔本身就應如此😆第一道上枱的是豉椒炒蜆超夠鑊氣每粒蜆都好入味，超正。而蜆既大小，數量都合理，絕無發育不良的蜆bb，亦唔會得殼無肉韮菜豬紅入味，豬紅雖然滑，但比較實，略嫌油太多韮菜份量比預期中少蠔餅(細)雖然話係細既蠔餅，但睇落都好大份，可惜得個大字，蠔就比較少，比較薄身。炸得都香口椒鹽九肚魚粉薄外脆內軟，一啖咬開，九肚魚好滑，椒鹽比例都剛好，唔會有食鹽感覺最後想讚既係石鍋馬拉盞通菜起初睇餐牌，完全無留意石鍋兩個字。以為會同平時餐廳一樣，用隻普通白碟上。最後上枱時見到係石鍋，真係嘩左一聲。個鍋好大，超有"深度"既通菜，而且勁有鑊氣加上石鍋既保溫，食得耐d,都唔會輕易攤凍左。夾起d菜見到d汁仲係keep住滾，係食過最有驚喜既通菜呢餐整體上都係中上水平，挑剔位都會集中食物偏油膩，要飲多啖茶減去肥膩感。但價錢係抵食，四但人除開，都係位位73大元 （無額外點飯同飲品）