新金榮小廚

营业中

休息中

新墟麒麟徑兩旁有好多大排檔，住咗喺元朗八年都只係試過兩三間，今日過開嚟呢頭搵食，又搵一間嚟試下。受害於疫情嘅關係，晚市只能夠買外賣；但係另一方面亦都係受惠於疫情嘅關係，宜家喺新金榮小菜外賣自取有八五折，姐姐好細心咁樣包得好靚，仲配上好多醬料，難得拎到返屋企都仲係熱熱地，發泡膠盒保留到應有嘅鑊氣，為冬日帶嚟一絲暖意。馳名鹵水鵝，鹵水鵝鹵得入味，係非一般嘅入味，鵝肉軟嫩，好耐無食過咁高質素嘅打冷，墊底有鹵豆腐同花生， 鹵水花生用嚟送啤酒一流 ，點埋隨附打冷必備嘅蒜蓉辣椒酸醋，無敵。菠蘿咕嚕肉，咕嚕肉炸得夠脆身，揀咕嚕肉唔揀生炒骨就係想入口啖啖肉，新金榮嘅咕嚕肉肥肉唔多，更加見食，味道酸甜，十分開胃，配菜有青椒、紅椒、菠蘿同洋葱，好多人都視之為下欄摒棄，但係我就鐘意用佢地同啲肉夾住食，so refreshing。避風塘粟米， 大排檔嘅避風塘系列最能夠表現出功架。新金榮嘅避風塘系列除咗應有嘅炸蒜、辣椒同香葱之外，仲有炸米粉，炸米粉令到整個菜式份外酥脆，粟米嘅清甜，夾埋炸蒜辣椒嘅惹味，佐酒一流。西蘭花蝦仁花枝片，蝦仁夠哂大隻又夠爽， 花枝片火喉啱啱好， 少少彈牙，又爽口， 點埋蝦醬更添咸鮮香氣。

大牌檔的美食是香港獨有的特色，晚晚食我都唔會吃厭😊今日嚟咗屯門呢間小炒店，係朋友介紹嘅，去到門口已經大排長龍，真係好好生意😚😚🔸白切雞吃到厭，今日想食沙薑雞，廚師時間控制得好，沙薑雞的雞肉好嫩好滑，而且雞味香濃，沙薑辛辣中帶點微甜，好餸飯，非常香口惹味，重點雞味相當突出，半隻好足料囉，外賣回家都係熱辣辣架😚🔸沙拉骨同平時食開既唔同，係大排檔熱門的小菜❤️炸排骨拌入沙律汁，最喜歡既組合呀，酸眯眯的，吃下更滋味。🔸蠔餅是脆卜卜，脆漿蠔餅，好正呀，蠔仔大大粒，沒有蠔腥味的，蠔味新鮮，而且蠔餅粉漿唔多，係薄身，好好味的呢😚😚🔸 椒鹽鮮魷新鮮炸起，炸至酥香的魷魚配合蒜頭、乾蔥、指天椒的香辣味道😍令人食指大動😉撲上一層薄薄的生粉，然後下鍋油炸至金黃，賣相滿分🥳🔸 鹵水鵝片係潮洲打冷指定既指定菜式，媽咪勁喜歡，啖啖肉，鹵水鵝肉好入味，鵝肉比想像中淋身，肥瘦適中，鵝油充足，重點墊係底既滷水豆腐都好，肉汁豐富。

大排檔夠鑊氣，在冬天的時候特別想念他們辣辣又大大份豪氣的食物。在疫情下原來有外賣了！.值得一讚，外賣份量仍然不變，熱辣辣，一打開餅盒香氣逼人：.每一次會都會點潮州炸蠔餅，炸到入口即溶，不會油膩，麵粉輕盈。炸到黃金色，火侯控制得好好，蠔仔又多，足料好食。.西芹腰果蝦仁 $78 - 蝦仁、帶子爽滑，昌瑩通透，亮立立。大排檔果然零舍不同，西芹腰果都炒得特別香口。沾上蝦醬，味道層次更豐富。.店員都好好客，同客人有傾有笑，十分有人情味，這就是香港好難得在餐廳有的交流。而且如果問有什麼推介，他們也會好有耐心介紹菜式，有時更會有驚喜，offer餐牌沒有的菜式，例如是：黃金多春魚+藕片。黃金色好吸引，有邪惡誘人的鹹蛋碎，完美無瑕地融入蓮藕片中，炒到甘香黃金，有功架的！多春魚炒烘得香脆，魚皮脆卜卜，爆春多魚卵，十分好滋味，當小吃又得，送飯又得，食得出是大排檔的滋味！.薑蔥魚腩$78 - 好足料，有好多魚腩，啖啖肉，新鮮鮮甜，爆發薑蔥味，好鑊氣！.中式牛柳 - 牛柳煮得香，肉質腍滑有香口牛肉味。加上洋蔥及菠蘿，令牛肉加添鮮味，添上幾分甜酸滋味，更開胃。.豬頸肉也很不錯，燒得剛剛好，又保留到豬肉的嫩，又多肉

呢排天氣實在有啲凍，要落手落腳煮飯真係有啲辛苦，仲要洗埋碗簡直係折磨🙈🙈所以最好都係外賣啲小菜返屋企食，呢間打冷外賣自取有85折，未折價錢都唔貴，$200幾就有4人份量✔️折完分分鐘平過自己煮😳不過最緊要都係唔洗自己煮同洗😂◾️馳名滷水鵝 • $88俾左下裝我🤘🏻滷水汁加左花椒、八角、月桂葉等等嘅香料調配，鵝肉滷到又香又入晒味！◾️蜜汁薯仔牛仔粒 • $78經過油炸嘅薯仔粒加上蜜汁甜甜地，不過我拎到返屋企凍左🙈牛仔粒加洋蔥爆炒都幾惹味，份量多，總之好足料◾️菠蘿咕嚕肉 • $68呢一道菜係我去大排檔成日會點嘅家常菜，半肥瘦嘅豬肉炸過淋上醬汁甜甜酸酸好開胃！◾️粟米斑塊 • $78 斑塊蘸麵漿後油炸，裡面軟綿的魚肉，淋下微甜的粟米粒汁料，最緊要斑塊完全無骨，啱晒我🤪

朋友介紹原來呢間大排檔已經屹立有成20年，幫襯嘅除咗係多年嘅老街坊而且仲吸引咗九龍嘅朋友入嚟食添！今日我都見識屯門老字號大排檔嘅小炒味道老闆娘好好人咁推介羊腩煲可惜我唔識羊肉！就咁件已經好多人排隊買羊腩煲，好受歡迎！我想食辣點解有水煮系列，又想揀水煮牛又想揀水煮田雞，係呢個時候老闆娘好好人，幫我幫我雙拼！😍一次過完成兩個願望！水珠牛係水煮肥牛嚟㗎！咩都唔會好辣而且好香！我特別鍾意食水煮田雞， 田雞嘅肉質非常之滑，冇諗過水煮方式去煮係咁好食！而家呢個煮飯好似唔係好多間大排檔都有！真心正！蜜汁牛柳粒炆薯仔呢個大人小朋友都啱食， 牛肉粒炒得香口，薯仔金黃色香脆可口， 配埋墨汁一齊食甜甜地，好開胃，送飯一流！另外再叫咗個招牌鵝片滷水鵝片就犀利啦，分量十足，唔會好鹹，肥瘦剛好大排檔啲嘢食好味仲好有人情味唔怪得知痛安都有傾有講！好開心嘅一間大排檔

聖誕假期，完全唔想煮飯，今日接完老公收工，順便去新金榮小廚買外賣返屋企食。最鐘意食到大排檔既鑊氣，永遠自己屋左係煮唔到，而且每次睇到餐牌，款款都好想食，選擇困難症又出現，今次叫左5款外賣，一打開外賣，份量十足，好大兜，超級抵食，價錢亦唔貴。滷水什錦（$88）有墨魚、大腸、生腸、紅腸、腎片、豬耳、豬頭肉，每次食打冷都必點，滷水什錦滷得夠入味。西芹腰果蝦仁（$78）西芹爽脆，腰果份量都幾多，蝦仁大大隻，爽口彈牙菠蘿咕嚕肉（$68）咕嚕肉肥瘦適中，啖啖肉，以前每次食都係得d骨，但以到全部肉都啖啖肉，醬汁酸甜度剛剛好，酸甜醒胃，送飯一流避風塘鮮魷（$98）鮮魷夠新鮮，肉質彈牙結實，大大舊，炒得超有穫氣，蒜粒非常香脆，聞起來香味強勁，最緊要夠辣，非常惹味瑤柱蛋白炒飯（$68）飯粒炒得夠乾身，粒粒分明，炒得夠香

假期拎完野比朋友懶得煮飯的我打算買炒飯返屋企食算， 點知去到新金榮小廚比佢的鑊氣小炒菜式吸引住，忍唔住叫多幾個小炒回家嘆，冇計啦！限聚令又冇得堂食，唯有買外賣食。今晚就係比以下幾款美食吸引左：⚛ 尖椒醬爆豬頸肉 ～ 尖椒夠辣夠刺激味蕾， 豬頸肉入味成碟大大碟。⚛ 蜜椒薯仔牛仔粒 ～ 甜絲絲的蜜糖平均沾係已炸過的薯仔和牛仔粒上，中間仲有一點點黑椒我香味， 滋味到暈，我和屋企人好快清哂呢碟。⚛ 椒鹽雞軟骨拼椒鹽鮮魷 ～ 香口野夠惹味冇的得輸啦！⚛ 揚州炒飯 ～ 我成日覺得要知道果間野d野食廚師炒的野掂唔掂，只要叫碟炒飯食就知， 呢間師傅炒的飯粒粒分明材料又多，夠哂鑊氣。過左限聚令，一定要過來堂食先得，因為我好鍾意大排檔風味，香港人的特色。

今日又去屯門搵食，這條街特別多大排檔，這間比較多人等外賣，就幫襯一下。小菜、羊腩煲、打冷，很多選擇，好耐無打冷啦，竟然有至愛嘅蠔餅，啱晒！蠔餅 有大或小款，大有3塊，份量足，蠔🦪仔好足料，啖啖都有蠔，蠔細細粒又脹卜卜，無腥味，無沙，香酥脆，好邪惡😋鵝片 鵝片🦢肥美，滷得入味，肉質非常嫩滑，有肉香，連皮一啖食，滿口油脂香，連豆腐和花生🥜一樣滷得好入味。水煮牛肉 滿滿紅油，麻辣味重，牛肉鮮嫩，加埋香芹、大豆芽，更添滑溜惹味，辣味慢慢滲出，夠香夠麻。

最鍾意食打冷嘅我，屋企附近有呢一間好出名嘅打冷店，而且價錢一啲都唔貴好抵食！因為疫情關係，仲可以大大碟咁拎返屋企外賣咁食，但係鑊氣仲係好足！我哋全家人大概四五個人食，四碟小菜已經飽到可以第二日繼續食🤣首先係呢個金銀蛋豆苗，最鍾意食豆苗嘅我，佢啲豆苗至少夠新鮮！而且個上湯都夠味，好適合送飯食！而呢一道餸，食落口外脆內軟，而且酸酸甜甜咁，好開胃！而呢一個菠蘿咕嚕肉要整得好食，其實都好難，但係佢除咗啲肉夠多，炸得夠好之外，佢旁邊嘅配料，例如青椒、洋蔥等等，都要炒得香先夠入味，所以呢個位佢真係做得幾好！加埋呢一個火腩豆腐斑腩煲，除咗夠足料之外，佢啲半肥瘦嘅燒腩仔唔會好鹹，而且亦都唔會好難咬個種，啲豆腐亦都好夠味，一個字真係好正！

在旺角麒麟徑是熱門吃大排檔的地方時時都座無虛席熱鬧非常新金榮小廚及姊妹打冷小炒是同一間店，浩浩蕩蕩佔了這條街一大部份.即使夜晚禁堂食，外賣的人流還是絡繹不絕主要是有鑊氣夠火喉，而且份量足，我也外賣回家在家感受大排檔的滋味。鐵板京蔥爆牛肉 - 爆香！大姜大京蔥大洋蔥大大片牛肉，材料實在，一看就想像到廚師開猛明火，毫不客氣地放着材料，給力拋鑊地炒。牛肉好入味即使連京蔥也很香。燒汁茄子牛柳 - 茄子及牛柳同樣沾滿燒滿，甜鹹交替好惹味。火腩豆腐斑腩煲 - 有火腩又有斑腩，一次過滿足兩個願望，入茨令這個煲菜暖得窩心。菠蘿生炒咕嚕肉 - 甜酸甜酸很開胃，而且咕嚕肉好多，一個小菜夠兩個人食呢。繼承了大排檔的鑊氣，即使外賣回家，也吃得出火候加持的那種香。外賣自取有八五折，四個菜不用$300#新金榮小廚 #新金榮大排檔 屯門麒麟徑3-8號地舖

早在禁晚市堂食之前一晚我哋就去何福堂嗰邊食次打冷因為相信打冷舖只開晚市禁晚市堂食的確打擊好大所以就去回味一番新金榮可以話係我好細個已經嚟食由我中學食到去而家做嘢都係相當有風味而且可以話係屯門小有嘅“打冷街”黎得食潮州打冷當然唔少得炸嘢類，鹵水類同埋海鮮類呢度基本上應該要有的都有鹵水鵝片鹵水汁相當入味，加埋個醋就相當醒神鵝片切得薄薄地，唔會韌，真係食完一塊接著一塊鹵水鵝片下面亦都有豆腐墊底同埋有花生鹵水豆腐可以話係送飯恩物花生就作少許點綴當前菜豉椒炒蜆啲蜆大大隻，食落去好彈牙脆卜卜而且豉椒汁好香濃啲蜆肉都夠入味所以認真唔錯炸蠔餅炸蠔餅嘅性價比就最高啦我哋只係叫咗個細蠔餅非常大的份量真係兩個人都食唔曬蠔餅嘅蠔係相當足料啱啱炸起嘅炸粉令到成塊餅都係好鬆脆最後配埋支啤酒可以話係冇得輸啦埋單嘅時候，姐姐都話生意難做表示在禁堂食期間都有羊腩煲外賣特價大家可以試下啦

過了屯門交收，之後去了新墟周圍行逛，順路經過這間新金榮小廚，小菜款式很多，而且價錢都是$50-60起，所以買了幾個小菜返去做晚餐。蜜椒薯仔牛仔粒牛仔粒嫩腍，肉質鬆化，有黑椒香味，加上走油的薯仔，表面脆裏面很腍，送酒一流。椒鹽豬扒豬扒份量十足，唔會太薄，但入口很腍，帶點椒鹽香叶火，十分惹味，又是送酒菜。火腩豆腐班腩煲非常足料，火腩用了半肥瘦的燒腩仔，唔會太咸，肉質鬆化，豆腐嫩滑，班腩很大件，而且炸漿唔會太厚，炆得入味。滷水雜錦有鵝腸、墨魚、雞腎、豬耳及豬腸等等，一盒裏面可以試到多款的滷味，豬耳爽口，墨魚彈牙，雞腎有咬口，鵝腸爽脆，滷得入味又唔會太咸。另外外賣左個羊腩煲第二晚食。

又要work from home，一家人喺屋企又唔想煮飯，今日有我哋兩個外賣仔落街買飯食，行到去屯門何福堂買小炒。好，睇吓有咩好食先。蜜椒薯仔牛柳粒，好大盒好足料，薯仔同牛柳粒一樣咁多，薯仔炸過，食落甜甜地，牛柳粒帶少少脂肪，食落柔軟。啫啫雞煲，醬汁濃郁，雞件啖啖肉，拌飯一流。沙拉大蝦球，酸酸甜甜沙律醬，仲有海量菠蘿，蝦球大大粒咬落啖啖肉。金銀蛋豆苗，有肉當然要有菜，我哋都鍾意食金銀蛋時菜，因為濕濕地容易入口，豆苗好新鮮深綠色，夠大碗。

同朋友黎左屯門呢條有名的小炒街度食飯，限聚令前的一餐，梗係要盡興啦。成條街都係食打冷小炒，氣溫雖然涼左，但無阻食客坐門口，影完相不久啲枱就坐滿啦，氣氛熱鬧。韭菜豬紅豬紅好滑，硬度適中不會一夾就散，而且非常入味，微微辣很惹味，嫌不夠辣可以點下旁邊嘅辣椒醬，沾一點更出色。份量很足，下層韭菜大概佔三分一左右，滿滿是豬紅不吝嗇。馳名鹵水鵝上枱已聞到滷水香，鴨肉鮮味，啖啖肉，骨薄且不算肥，皮下脂肪不多。下面有幾片滷水豆腐，吸了鴨油好好味。潮式煎蠔餅叫了份細蠔餅都有兩大塊，半煎炸十分香脆，蠔仔鮮嫩肥美，中間夾著芫荽香好好味呀。黃金四季豆再黎係朋友至愛的鹹蛋黃系列，揀了要四季豆，嘩，大碟到離譜呀！鹹蛋黃下得重手，超多鹹蛋黃，每條四季豆都厚厚的包著，味道濃郁勁滿足！蒜蓉豆苗炒帶子最後整返碟菜，蒜蓉炒夠香口，豆苗軟嫩，帶子鮮甜彈牙，好味好味。咁好餸就要送下飯，叫左白粥同白飯，意外地係熱㗎，食開嘅打冷舖好多都係凍飯，呢度有熱飯熱粥食正喎。小菜好味，非常大碟，價錢又不貴，唔怪得咁多人黎食呀。

屯門都有大排檔的，而且好熱鬧啊！微涼天氣，去大排檔食嘢最有風味又暖胃。今晚去了新金榮小廚， 除了鑊氣小菜，還有潮州打冷。今日來試試小菜先。豉椒炒蜆$68,大大碟，價錢比其他餐廳便宜，蜆肉中等size, 尚算爽滑, 豉椒味夠香，汁比較多，但食落也不會太鹹，抵食！金菇肥牛煲$68, 也是經濟的價錢，有一大煲金菇肥牛加粉絲，見到都開心！沙鍋熱著上，涼涼的天氣，食完好溫暖哦。肥牛份量都不少，新鮮有牛肉味，又爽口，還有嘟嘟粉絲吸收肥牛煲的醬汁，味道真不錯！蜜椒薯仔牛仔粒$78, 非常喜歡這道菜，黑椒惹味，提升牛肉粒的香氣；牛肉粒外層脆卜卜，因為黏著蜜糖炒，帶焦糖香，但裏面肉質仍然嫩滑不乾身，很好吃！薯仔粒也非常美味，被蜜糖包裹著，外層爽口香甜，裏面又有薯仔香！椒鹽豬扒$68, 炸成金黃色夠乾身，灑滿炸蒜蓉，賣相非常漂亮，咬下肉質不算乾，仍然爽口。椒鹽鹹味越食越開胃，配啤酒汽水才是正宗享受！吃了四道小菜，埋單才$282,除了抵食大份，味道還很好，一定再幫襯！