新華茶餐廳

营业中

休息中

呢間茶餐廳好有年代感 相信係七八十年代嘅產物每次去到都必叫酥皮蛋撻🥧，除咗厚蛋，酥皮都係主角，入口即溶，又香又鬆化。幫襯呢間好耐，weekend間唔中都要去解癮 加翻杯熱奶茶，正🧡

偶然都想嘆個舊式茶餐廳下午茶，今日約咗老友去深水埗買電器，我便提議去長沙灣新華茶餐廳食d野先食完再慢慢行街。下午茶時間都唔使等位，坐低見到大部分食客都係叫左蛋撻加奶茶，所以我哋一坐低都order一人一個蛋撻先因為我老友未食lunch，所以佢叫多左個蕃茄雞絲飯食。蛋撻唔使多介紹，酥皮鬆化，蛋味濃，完美！蕃茄雞絲飯雖然賣相麻麻，但充滿舊式茶餐廳味道，又都幾足料，食下食下都清曬凍奶茶茶底香濃又夠滑，不過忘記order少甜，略嫌甜左少少🤏

Lunch 一個人的懷舊冰室食店內裝潢是舊式冰室地面及周圍環境清潔👍🏻如果用餐時間需要搭台 服務員會提供隔板在台上👍🏻叉燒意 火腿奄列 餐包 +熱奶茶☕️奶茶香濃 🥶火腿奄列 飽滿🥶餐包 比一般的小 👌叉燒意 屬清淡口味👌由於本人偏愛 「辣」 所以向店員要了辣椒油 - 不算太辣👌面外有面包出爐 離開時 順手買了 雞批 （但口感一般） 作下午茶

睇咗報章介紹這間老字號，見到它跟街坊相處洋溢着濃濃的人情味，亦有用心製造的美食，包括新鮮出爐自家裝麵包糕點，美味茶餐及香噴噴的奶茶咖啡，我決定去一趟撐吓場😊。星期六上午10：45，餐室已差不多坐滿食客，加上疫情下飯聚限四人一枱，好不容易找到一張只可能坐到2.5人的四人枱（枱邊有柱位，加上枱椅之間較窄）的一邊。侍應很快把透明膠板放在枱中央分隔我及對面的食客。聽講沙嗲牛肉麵好食，所以點咗個特餐而不是早餐。侍應很快送上蛋奄列及小餐包，再上熱鴛鴦，最後就係招牌沙嗲牛肉麵。兒時光顧茶餐廳（天后站永興街附近有閣樓的那間，但無奈地已光榮結業）的回憶番哂嚟。侍應和食客的互動是充滿活力及暖意，人情味不容置疑。我不多詳細介紹食物味道，總之你唔會撐錯，招牌沙嗲牛肉麵一定要食，食得出係用心打造👍🏻😉。

去咗屋企附近間茶記。點咗個洋蒽豬扒飯。加埋杯凍奶茶，都係$56。碟洋蒽豬扒飯賣相好正。加上個洋蒽汁好厚身。混入白飯好好味。個豬扒屬上等食材。咬落好有彈性。份量好足。杯凍奶茶好飲。大熱天時飲凍奶茶真係好正。

長沙灣深水埗青山道老舖一蘿蘿，舊香港風味情懷滿載，好多都係家族經營一代傳一代，好似新華咁。要懷舊就去到盡，睇吓餐牌封面個餐廳電話號碼就知，後生啲嘅都唔知係乜東東。有二樓，疫情下一入去太子女就幫你探熱之外，坐低後有人會幫你噴消毒液清潔枱面，10分細心周到。有咩食你自己慢慢睇啦，其實都係嗰啲，要快我叫個特餐就算。絕對係好食唔好睇，每樣野質素都高。奶茶係港式茶記靈魂，呢杯不負所托，細滑回甘，絲絲入扣。沙嗲牛肉麵個面煮得啱啱好，麵爽彈又夠香。牛肉亦鮮嫩有肉味，可惜偏鹹唔係太啱自己口味。多士用嘅麵包亦高質素，新鮮有麵香而且質感軟熟稠密。每次去茶記都令你諗起全世界最難食嘅係嘉頓麵包。奄列個樣好平淡，用料亦係，但係煮得夠香滑，雖然覺得油膩咗少少。食得幾開心於是試埋佢哋出名嘅蛋撻，結果中伏。個酥皮入口即溶令你覺得唔係食緊酥皮，咁樣好唔好就見仁見智。蛋漿略嫌太稀蛋味亦都唔夠濃，整體感覺係水汪汪得個甜字。如果就係咁嘅質素我以後都唔會再食。呢餐勝在夠氣氛，食物質素亦可以接受，除個好好賣嘅蛋撻之外整體來講相當唔錯。

大食妹平時好鐘意食舊式餅鋪的蛋糕同麵包，貪佢地夠古色古香嘛，而家咩麵興懷舊咖嘛，哈哈平時經開舊式餅鋪式冰室，就算唔肚餓麵會買番幾件蛋榚、麵包番屋企就第二朝早餐今日行開長沙灣，咁岩見到有間舊式冰室好有懷舊風味，即刻幫襯下，買左兩件提子蛋糕反屋企做點做<提子蛋榚$7>Size 大概細美心牛油蛋糕少少，七蚊快塊其實都算貴食落冇咩牛油香，蛋糕體偏乾，食完之後有少少口渴提子乾亦都唔係好多，主要集中係蛋糕嘅下面，唔算好抵食

1966年開業的新華茶餐廳座落於長沙灣超過50年，是香港少有還有兩層的茶餐廳。這店以酥皮蛋撻、奶茶、雞批、沙嗲牛等作招牌，大家於疫情過後可以來這裡一試💕👆🏻餐廳外還掛着舊式招牌「新華餐廳」，下午太陽曬嘅時候，鋪頭仲會拉下帆布，等店舖無咁熱👇🏻新華的蛋撻可說是九龍區酥皮蛋撻之冠，蛋味濃郁皮鬆化又多層💕其實之前想黎好耐了，呢日咁啱黎呢邊有野做，就順便過黎試下😍果然真係無令我失望，個人覺得酥皮蛋撻比起快X餅店、泰X餅家的蛋撻更鬆化。而雞批係「大路」嘅口味，雞肉、火腿、菇、洋蔥配上白汁，令人回味無窮。熱奶茶都係無得彈，香滑濃郁唔「鞋口」👍🏻

今日1早飲完茶， 剪完頭髮差唔多2點幾，又係時候食下午茶。 最愛既茶餐同蛋撻等緊我地。我地2個人叫左差唔多4樣野食， 真心有d誇。先黎左個沙爹牛包， 係公仔麵里面個個沙嗲， 但因為公仔麵有湯， d沙嗲會咸d。 個個包係外脆內軟， 仲有牛油香， 真係好好食。再黎蛋撻， 係牛油皮，上黎仲暖架， 有蛋香， 真係舊式茶餐廳先會有。我地有叫茶餐， 個沙嗲牛公仔麵係福字麵， 沙嗲係濃味，牛肉都好幾塊， 好味。個火腿炒蛋好滑， 火腿咸香。奶茶就普通。最後又叫左卷蛋， 我叫錯左做蛋卷， 個侍應哥哥笑我幾下，但warm好有人情味。佢話我可以叫卷蛋或者瑞士卷都1樣。 個卷蛋奶油係咸咸地， 襯返個蛋糕既甜味， 唔會太膩。

疫症之下，都要食飯，唔想屋企食，就特登出去長沙灣新華食個早餐，小弟住天水圍同新華嘅緣份就源自我十年前讀黃克競Ive Hd，耐唔耐都會去食下，最緊要唔貴吖嘛入到去首先會幫你探熱，再入座，一張枱得一個人，隔住咁樣。叫個特餐先沙嗲牛麵、奄列、凍奶茶，走包，因為個包好飽新華嘅沙嗲做得唔錯，濃味，幾香，辣就唔辣，香港啲沙嗲都唔辣嘅牛肉食得出乸過下，好彩都食得出牛味麵唔會過稔，呢個好重要湯都係啲師傅湯，冇咩特別新華嘅奄列好夠味，唔知加左啲咩呢唔會過熟，都係火腿做料我習慣落啲胡椒粉咁樣埋單就$44，可以接受，平時新華好多人，依家法例底下，限制左枱數人數，希望疫症快啲消失，等大家都可以過返正常生活，再食多啲好野

呢間經營超過50年嘅茶餐廳 ，設有「樓上雅座」，而且依然乾淨企理。門外放滿新鮮出爐嘅蛋撻同糕點🥐而且提供傳統港式早餐、午餐、特餐，食材冇特別嘅花巧配搭，但依然係香港人所喜愛🍳🥓💗酥皮蛋撻($7)酥皮雖然偏厚，但酥皮嘅層次的確多，而且色澤夠金黃，有酥皮香，食落會化開口感幾豐富🥧中間嘅蛋心蛋香突出，甜得嚟唔膩，滑溜到似半熟布甸🥚如果蛋嘅比例多番少少會平均d。可惜呢盤已經出咗爐一陣，唔夠熱辣辣，整體即刻失咗色。💗葡撻($8)正宗係用較甜嘅西式酥皮，呢到就用咗中式酥皮，雖然酥皮層次分明，但唔夠鬆脆同冇咩牛油香🧈面層雞蛋有微焦，不過焦糖味唔夠出，反而成個蛋心都偏甜，蓋過少少蛋香 ，內餡話就較固體唔夠滑，呢種「唔咸唔淡」嘅做法有d失望，睇嚟都係要去澳門食🤔💗雞批($10)批底焗得非常金黃鬆脆，滿口牛油香帶有甜味，啱啱新鮮出爐熱到辣嘴。一切開白汁就必哂出黎，但冇想象中咁濃味，而且偏漿口。餡料有洋蔥、火腿同雞肉🐥不過份量少得可憐，成個批得一粒雞肉幾粒火腿，完全吝嗇，仲要冇爽口嘅磨菇配襯，質感太糊一pat野咁🥴💗熱奶茶($19)茶色金黃不啞，甘口不澀，有少少掛杯☕️奶味香醇濃郁，同時唔會搶走哂紅茶味，值得

今次嚟到有50幾年歷史嘅港式茶餐廳入面裝修好有懷舊傳統茶餐廳嘅感覺😄呢到最出名沙嗲牛麵同蛋撻特餐 $41沙嗲牛麵即使掛住影相，過咗陣先食，但都冇影響到麵質。 牛肉唔嚡，有牛味，但沙嗲味就差啲，湯底較淡，麵質食到後面都保持彈牙。火腿絲炒蛋入面火腿都幾多， 炒蛋時間控制得岩岩好。餐包暖笠笠配牛油，但牛油就比較小，勝咗個包夠軟。熱奶茶係茶餐廳上佔有一席位，茶夠濃夠厚，奶同茶比例剛好，即使唔落糖，都覺得好好飲。雪菜肉絲米粉餐 $41其實同特餐一樣，配火腿炒蛋及飲品。雪菜肉絲米湯底較淡，米粉即使浸湯都唔會變軟。 雪菜肉絲嘅份量算多，唔會得幾條，不過不失。凍奶茶反而冇熱奶茶咁好，奶過多，欠茶味，而且過甜。蛋塔$7呢間茶餐廳最出名就係蛋撻，所以一定要食。7蚊嚟講比出面賣較貴，蛋撻酥皮有層次而且夠脆， 蛋撻咬一啖後唔會鬆散，蛋香嫩滑，甜度適中。

茶餐廳我很少吃，但是這裡的蛋撻我每次經過也會買。酥皮蛋撻： 蛋漿香濃軟滑、甜度適中，酥皮很香。即使放了一天也很好吃，不會散開👍雞批：白汁洋蔥雞肉是鮮煮，好吃，份量又多。皮也做得好，不容易散開椰撻：椰絲很多，真材實料。其他面包也很不錯👍

咩係香港人？咩係香港人味道？話說今日星期六起身出去撲口罩，行左成條街都一無所穫。咁唯有搵野食醫肚仔啦！行下行下見倒呢間冰室D面包幾靚，新鮮出爐，仲有枝裝鮮奶，二話不說就稟報大人，帶佢上閣樓搵位…係喎！今時今日仲有閣樓坐既舖真係唔多，不過可能食晏時間人多，所以無晒卡位，又走番樓下搵位搭台，諗住求其食個包飲杯野，速食完最出去搵藥房掃貨。當大人仲諗緊點乜食之際，店員叔叔（嚴格嚟講係伯伯）就問我不如坐方形枱，好過逼住卡位咁辛苦（可能見我攬住個背囊坐），我就話唔駛啦！（速食，無所謂啦）。到點左野食一陣，又有另一個店員叔叔過嚟直接話幫我轉枱，幫我轉左張4人卡位。大人坐低後，個人即刻開心晒，仲見倒人地碟炒野靚，即刻話要改單轉西炒飯、豬扒炒意。（我心諗人地煮緊一半又改單，會唔會俾人黑面㗎！）但附近幾個員工同廚房大佬都好好，好熱手咁幫我話改單，即炒碟野俾我！（喂喂！我唔係佢老闆，又唔係大明星！全體上下都對我咁好嘅！仲要廚房果時都插左勁多單s）大人簡直係龍顏大悅，開心過六會彩咁款。好！番番去主題先！無錯…係野食！西炒飯來了！香港人精神，大人例牌食野前梗要要打張卡先，作為唔專業又執著藝術感既大人，當然要影幾

讚1. 出乎意料地乾淨，通常呢啲咁樣樣嘅夠型冰室，一定係好污糟，但呢間絕對唔係，非常企理2. 樓上閣樓位好有氣氛3. 蛋撻夠鬆化，雖然凍左，但手功的確好，蛋漿再滑啲就一流4. 奶茶夠香彈無乜