新華茶餐廳

营业中

休息中

特登去長沙灣搵蛋撻嚟食😂天時暑熱 就座低食啦酥皮蛋撻首先外觀好靚仔 ， 蛋夠飽滿、酥皮夠厚同立體高質皮厚薄剛好，由面到底都夠酥脆而且唔油膩 有蛋香，夠飽滿夠嫩滑甜度剛剛好一切完美

咁啱想買蛋糕返去食，見到排隊嗰個買蛋撻就試下兩件， 喺等待期間竟然見到 一疊蛋撻底紙跌咗落地下，嗰個阿姐竟然係地下執番哂擺返落個蛋撻盤繼續將出爐嘅蛋撻裝落去賣畀啲顧客。見到同佢講咗話咁污糟，佢竟然係等我走咗之後繼續用返嗰啲蛋撻裝落去賣畀排隊嘅顧客。個老闆見到留言真係好好教下佢哋啲樓面 ，咪掛住賺錢而冇基本嘅食物衛生。

自己作為一個奶茶控，假日有時間，但家人各有工作和節目， 只好獨個兒是去嘆奶茶啦！而今天自已選擇去了長沙灣新華茶餐廳嘆奶茶！ 杯奶茶果然出色，但估不到新華的蛋撻同樣出色。蛋撻$7一個，分酥皮和奶油皮，個人覺得酥皮比較好食！所以離開時買多4隻蛋撻比家人！！！！！由於長沙灣是平民地區，新華的價錢也算親民！ 當然要服務好和舒適的環境，這兒應該無！ 要入去食tea,都要輪15分鐘！！！！！Anyway,若你要的是享受親民的傳統味道，這兒是一個好選擇！

本來唔算好熱衷蛋撻，但加入左群組就把持不住🤣🤣望得多，自然好想食，但早排比較紅，唔想同人逼，唔想排，所以等到依家先去幫襯！好進取，因為要特登搭車出黎食，所以決定連試兩間大約12點左右，蛋撻唔係岩岩出爐，但都應該係出左唔耐，入口重熱上枱望到厚厚酥皮真係流曬口水，酥皮唔錯，蛋漿都好味，呢個甜少少比較岩我口味奶茶呢間好飲d，我鐘意呢間，口感醇厚一點$8個蛋撻，熱奶茶就$17，總共$33！目測呢間人流真係少過另一間，但我覺得呢間都唔差服務方面比想像中好，入到去叔叔都幾好禮貌，茶餐廳黎講真係算唔錯！

👧🏻Wodafoodie in Cheung Sha Wan近來因為關注組既盛行 有間茶餐廳每日有長長人龍排隊買酥皮蛋撻 聽講甚至要排45分鐘先買到 真係誇張！唔想排隊 唯有試下長沙灣第二出名既酥皮蛋撻🍳✨酥皮蛋撻 $7平日夜晚黎都仲有成底蛋撻 好彩買到 返屋企焗熱先食蛋撻大小適中 但酥皮睇唔出一層層焗完 成個碟都係油 拎上手個酥皮真係好油膩不過都酥脆既切開見到蛋似布甸 蛋唔算滑 亦都唔係好香 可能係我翻熱過(?)總結 覺得呢間茶餐廳既蛋撻名過於實 唔算特別好食 食過其他好食過佢唔值得特登去長沙灣食🙁📍 新華茶餐廳 (長沙灣)長沙灣青山道334號

廿幾年前嚟過都係咁樣一樣冇變今日10點半約咗朋友嚟吹水嘆早餐當然唔少得叫過火腿絲通粉熱奶茶煎蛋流心餐包熱辣辣嘅奶茶濃郁嘅茶香味通粉湯底依舊無變流心蛋餐包一樣咁正麵包軟腍腍成個餐都係滾熱辣梗係唔少得再叫蛋撻同菠蘿包啦蛋撻同埋菠蘿包平時都會買來食依舊咁好食菠蘿包特登切開睇吓非常濕潤菠蘿包面頭仲要係脆既🥳唔使一講再講啦都唔使推薦根本就係好食有水準食過就知道最重要今日係10點半左右餐廳比較清閑我哋揀咗上樓上坐⋯整潔光猛乾淨服務員都非常好

今日下午到長沙灣新華茶餐廳試試佢d蛋撻同麵飽, 真是名不虚傳, 值得一試!去到時, 前面已有5,6人排緊隊。 酥皮蛋撻新鮮出爈, 蛋味濃郁, 勁好味。雞批亦不錯, 皮脆餡靚, 絶對好食! 讚!正呀!😁😁😋😋😋

星期日特登揸車嚟長沙灣，原本諗住去食附近新開嗰幾間Cafe，但係全部都冇位，失望之際突然諗起細細個屋企人好鍾意買新鮮出爐嘅新華酥皮蛋撻返去做下午茶，又記得之前沙嗲牛肉麵關注組有提過新華，所以就帶男朋友去試吓！入到去，即刻有想當年嘅感覺，突然發現長大後已經好少去呢啲保留懷舊感覺嘅茶餐廳。一坐低即刻嗌咗個特餐，一碗沙嗲牛肉麵，火腿奄列加牛油餐包，仲有一杯嘢飲。沙嗲牛肉麵個味好啱我，唔會太鹹，只係牛肉真係唔算太多塊，但係男朋友已經話好正！個公仔麵夠爽唔會太硬，係Perfect嘅麵質。火腿奄列個蛋唔會鹹，鍾意可以自己落鹽。餐包正常發揮唔太特別。最Crazy係個酥皮蛋撻，一見到個伙記捧住一底新鮮出爐嘅酥皮蛋撻，零秒手刀咁舉手order٩(˃̶͈̀௰˂̶͈́)و，因為出邊已經有人龍排緊。個店員都話我醒目( ´▽` )ﾉ。咬落去，黐線地好食，超滑嘅蛋，鬆脆嘅酥皮 omg 。最後男朋友講咗句，好彩d Cafe無位，先可以食到咁正嘅茶記😂

長沙灣新華原來只係一家食老本嘅老店，完全不思進取，根本冇推介嘅理由！常餐係茶記嘅基本。牛肉係好食，有紋理有纖維，唔太覺用梳打粉醃過。而沙嗲汁嘅味道好平衡，但因為太平衡食唔到又突出之處。但最慘係個牛肉唔係唔熱，而係好凍！而且份量少得可憐！個麵上枱只係微暖，但竟然已經好淋，唔通煮定擺咗喺度放咗好耐？呢個沙牛麵就算合格都只會夠比51分。最驚喜係個奄列裏面嘅火腿絲，切得好靚，肉質好firm，味道好好！好可惜個奄列炒蛋過熟，佢已經落咗好多油，但炒出嚟都唔鬆軟，好實，碟底d油閃令令，仲蔓延到去個餐包，朔晒啲油！結論係，除咗啲火腿絲，其他嘢一無是處！拜拜佢條尾，沒有下次了。

見到門外大排長龍, 原來等蛋撻出爐堂食居然仲有一張枱就入去坐低慢慢東嘆喇星期六冇下午茶,叫左個特餐加一個多撻一個葡撻,兩人share店員好醒目自動波放低兩個碗仔蛋撻剛出焗熱辣辣,蛋香皮唔好一舊舊,好正朋友話葡撻唔夠熱特餐就冇特別

話說心血來潮想食個港式蛋撻，一個人走去長沙灣青山道。呢條街其實有兩間歷史悠久又超多人氣既茶餐廳。就係‘金園茶餐廳’同‘新華茶餐廳’，中午12:00沿路行過去兩間都多人等。🙈睇落新華門口少D人。所以去左新華。一坐落就心急叫左個蛋撻先，再加個常餐。超有效率，一下子黎齊晒🤣沙爹牛麵，味道普通唔算好美味，牛肉碎濕濕同偏乾。火腿奄列味道正常。無期望所以無失望，只係唔想空肚食甜野，重點都係想食個蛋撻。蛋撻明明同常餐一齊上枱，留到最後先食，重保持到熱度。蛋撻酥皮鬆脆，蛋軟滑有蛋香，甜而不膩。100分美味，滋味大滿足。果然無失望今時今日重有幾多間茶餐廳有出爐蛋撻，真材實料重要有水準，呢種味道只有舊式茶餐廳先食得到。用餐期間，見到師傅捧著出爐蛋撻出黎最少兩次。果然新鮮。

近期大熱的酥皮蛋撻之一，當然要去朝一朝聖，去到門外已經看到很多人在排隊買蛋撻！由於已預計到午餐時間會非常多人，所以特意選了下午茶時段到來，大約等了十分鐘入座。室內環境方面，這裏樓高兩層，燈光充足，裝潢算是用心，非一般老字號茶餐廳環境。不過由於實在太多客人，所以室內室外都較為擠迫，而且客人一個接一個，在其他客人的眼神注視下，並沒有太多時間可以自在享受美食。看過餐牌，點了著名的「沙嗲牛肉麵」特餐($41)，餐飲配「熱奶茶」，當然少不了「酥皮蛋撻」($7)！先到的是餐飲。熱奶茶口感濃郁順滑，茶味重，回廿鮮明，符合水準。接著是「沙嗲牛肉麵」。公仔麵麵條軟硬適中，爽口彈牙，牛肉份量雖然偏少，不過質地軟稔又夠入味，沙嗲醬鹹淡得宜，帶甜而不辣。套餐還包括了「火腿奄列」。鬆軟白麵包內塗著牛油，滿滿牛油鹹香。可惜火腿奄烈卻讓我大失所望，因為蛋煎得過火了，過於乾身，而內裡則很多油，火腿都被油浸着，十分油膩。終於品嚐期待已久的「酥皮蛋撻」。「酥皮蛋撻」外層夠酥夠鬆脆，新鮮出爐散發著滿滿牛油香，內裡的蛋則香而口感軟滑。這裡的蛋撻甜度不算高，特別適合不喜歡太甜的朋友！蛋撻真材實料，吃一個都有飽足感呢！走的時候還

初三無嘢做去新華食個情人節大餐先😂諗住會加二或三，點知係無晒啲餐散叫仲要每嘢都加成10-20%咁都坐低咗就照嗌啦，叫咗兩個沙嗲牛肉，餐蛋治同酥皮蛋撻，熱奶茶凍咖啡先嚟酥皮蛋撻，佢好多人排隊買蛋撻，所以食親都係新鮮出爐熱辣辣好食之後就沙嗲牛同餐蛋治。沙嗲牛米啲米粉好爽滑，但個牛肉唔係話特別好食，都唔差嘅餐蛋治就係普通餐蛋治，熱奶茶都唔見特別出色，除咗蛋撻食落會覺得好好食之外，其他嘢食都不過不失。。

Hello! 大家好！魚蛋姐又出動飲飲食食～ 去到長沙灣，穿過元州邨去到青山道過馬路左轉，望到OK便制店行多兩步就會見到招牌。門口左邊報販，右邊有出爐麵包。左邊報販後面有公主，入門口必定會確認過眼神。入到新華慣例：左邊收銀(應該是老闆)會問：「幾多位？」隨後指點樓上或樓下。友人早到已經樓上雅座等候，所以自己懶熟咁回應：「有位，上面！」當我用熟悉既腳步奔上樓梯時，被叫停先量體溫。這是我多年來這裡沒有的新例。驅體正在量體溫，靈魂已經在座位安坐。照舊待應哥哥勤快地問我哋食咩。驚覺不變的餐牌換了！待應哥哥回應說是上星期換了！立刻查看我們將會點的揚州炒飯和滑蛋牛肉飯是否健在。揚州炒飯仍在小餐牌，滑蛋牛肉飯要從大餐牌內才找到。才鬆一口氣。揚州炒飯粒粒分明，粒粒皆熱，粒粒皆香。找不到扣分位。滑蛋牛肉飯好味，但飯汁比例不均。咁多年都會食淨半碟飯⋯⋯食完唔夠皮，要食多件酥皮。餐牌如下。除了餐牌換了，座位皮都換過。下次再見嚕。

係臉書群組見到有巴打介紹呢間茶記，話啲沙爹牛好出色，難得放假即刻同男朋友飛的出去試下佢。一入到餐廳，哇！呢度係充滿舊式茶記既特色，應該係話佢仲保留住舊式嘅裝修同擺設。好懷舊啊～店員都係粗聲粗氣既叔叔，同澳牛差不多。但感覺好有親切感啊。咁我地就嗌咗两個沙爹牛餐，凍奶茶+茶走。面既口感我非常喜歡啊！好有咬口，偏硬！牛肉就鹹咗少少...冇話特別正，都係正常發揮。但奶茶偏甜好多好多倍😰搞到我自己加好多水落去...反而茶走好出色！茶味好濃，甜度又啱啱好，加埋個酥皮蛋撻～絕配啊！跟餐嘅炒蛋同餐包都係正常嘢，冇咩特別。