影片
更多
2020-02-01
487 浏览
咩係香港人？咩係香港人味道？話說今日星期六起身出去撲口罩，行左成條街都一無所穫。咁唯有搵野食醫肚仔啦！行下行下見倒呢間冰室D面包幾靚，新鮮出爐，仲有枝裝鮮奶，二話不說就稟報大人，帶佢上閣樓搵位…係喎！今時今日仲有閣樓坐既舖真係唔多，不過可能食晏時間人多，所以無晒卡位，又走番樓下搵位搭台，諗住求其食個包飲杯野，速食完最出去搵藥房掃貨。當大人仲諗緊點乜食之際，店員叔叔（嚴格嚟講係伯伯）就問我不如坐方形枱，好過逼住卡位咁辛苦（可能見我攬住個背囊坐），我就話唔駛啦！（速食，無所謂啦）。到點左野食一陣，又有另一個店員叔叔過嚟直接話幫我轉枱，幫我轉左張4人卡位。大人坐低後，個人即刻開心晒，仲見倒人地碟炒野靚，即刻話要改單轉西炒飯、豬扒炒意。（我心諗人地煮緊一半又改單，會唔會俾人黑面㗎！）但附近幾個員工同廚房大佬都好好，好熱手咁幫我話改單，即炒碟野俾我！（喂喂！我唔係佢老闆，又唔係大明星！全體上下都對我咁好嘅！仲要廚房果時都插左勁多單s）大人簡直係龍顏大悅，開心過六會彩咁款。好！番番去主題先！無錯…係野食！西炒飯來了！香港人精神，大人例牌食野前梗要要打張卡先，作為唔專業又執著藝術感既大人，當然要影幾
話說今日星期六起身出去撲口罩，行左成條街都一無所穫。咁唯有搵野食醫肚仔啦！行下行下見倒呢間冰室D面包幾靚，新鮮出爐，仲有枝裝鮮奶，二話不說就稟報大人，帶佢上閣樓搵位…
係喎！今時今日仲有閣樓坐既舖真係唔多，不過可能食晏時間人多，所以無晒卡位，又走番樓下搵位搭台，諗住求其食個包飲杯野，速食完最出去搵藥房掃貨。
當大人仲諗緊點乜食之際，店員叔叔（嚴格嚟講係伯伯）就問我不如坐方形枱，好過逼住卡位咁辛苦（可能見我攬住個背囊坐），我就話唔駛啦！（速食，無所謂啦）。
到點左野食一陣，又有另一個店員叔叔過嚟直接話幫我轉枱，幫我轉左張4人卡位。大人坐低後，個人即刻開心晒，仲見倒人地碟炒野靚，即刻話要改單轉西炒飯、豬扒炒意。（我心諗人地煮緊一半又改單，會唔會俾人黑面㗎！）但附近幾個員工同廚房大佬都好好，好熱手咁幫我話改單，即炒碟野俾我！（喂喂！我唔係佢老闆，又唔係大明星！全體上下都對我咁好嘅！仲要廚房果時都插左勁多單s）大人簡直係龍顏大悅，開心過六會彩咁款。
好！番番去主題先！無錯…係野食！
西炒飯來了！香港人精神，大人例牌食野前梗要要打張卡先，作為唔專業又執著藝術感既大人，當然要影幾張執圖放FB。哈哈…店員們又好Friendly咁話，食咗先啦！D豬扒仲炸緊先炒喎！即刻笑死左我…
西炒飯-味道方面,感覺到蕃茄香之餘，又不失蛋香味；洋蔥起鑊，見得油和火控制得啱啱好，令茄汁掛飯吸收得啱啱好，唔會太乾，又唔會無茄汁味，蝦仁仔亦有調味，所以夾口彈牙，同飯粒產生共鳴。
豬扒炒意-炸過既豬扒，然後炒意 。
（如果係咁簡單,我高唔會寫評啦！呵呵！）
少量芽菜洋蔥爆香，加入意粉和香油和豉油，再加豬扒爆炒，果份豉油味係細細個食果隻味，有咸味又有豉油香，有D似頭抽但又無咁杰身。店員仲好好，拎左支自家辣椒油，俾我地拌住食，佢話佢往時都多叫個炒意粉食。吹下吹下水，好似同佢地做隔離鄰舍咁，呢份開心唔係錢銀財富，係人與人之間既微妙既社會關係。
最後，仲嗌左個熱奶茶，推介招牌飲品！！入口滑身，茶有濃厚，溝
希望香港人加油！2020年人人身體健康！日日有open 🍚!!新華餐廳生意興隆！！
豬扒炒意粉
$52
33 浏览
0 赞好
0 留言
奶茶遇上西炒飯
45 浏览
0 赞好
0 留言
张贴
