新華茶餐廳

营业中

休息中

周日出左長沙灣覓食，見到新華茶餐廳嘅招牌，感覺佢係一間舊式茶餐廳，同埋俾佢門口的蛋糕吸引了，所以就入去試吓！早餐、常餐、特餐、米粉餐（米粉餐有4款選擇）原來每一個餐都只係得一款選擇，同埋有單叫的食物.我地一行三人就分別叫早餐、常餐同五香肉丁米粉餐其實三個餐食材、配搭都係好普通，味道湯底係ok既，但比較價錢下就覺得有d貴，舊區都要成$40一個餐，但就座無虛席 ，有時仲要排隊添食完早餐後，就出門（又要排隊）買左個合桃蛋糕同曲奇餅返屋企食（各$7）

當離開「瘋鳥」，接到老公短訊，他完成工作並可下班跟我會合！還未吃飯的他問到長沙灣有什麼好吃？身旁有生於長沙灣、長於長沙灣的友人在，就如打開一本長沙灣飲食字典，一號、二號餐廳馬上跑出來！ 可惜他提議的一號餐廳已關門，於是我們移步至二號餐廳！「新華」似是翻新過的茶餐廳，友人和我先點來熱檸茶、熱檸水和蛋撻，邊食邊等快要到達的老公！ 蛋撻雖然不是新鮮出爐，甚至連暖意也沒有，不過蛋香倒不俗、蛋亦十分嫩滑。最特別的是蛋的表面盛有一層油亮的液體，依稀記得小時候吃過的蛋撻都有這層亮晶晶的東西，不過已很久沒遇上了，也許這就是美味的由來！ 說時遲、那時快，老公到了，馬上叫了一杯紅豆冰！紅豆冰質感稀薄，味道淡然、豆香欠奉，不屬於水準之作！ 主食點了乾炒牛肉意粉！意粉的豉油鹹甜帶香，味道不錯，若是鑊氣再盛一點，相信便更加吸引！ 再來的甜品是西多士，友人倒甜漿，我來抹均與分切。勝在三人共享，滋味樂趣在其中！ 「新華」有著傳統茶餐廳的格局，門側前方設有售賣港式糕餅與麵包的位置， 最喜歡其疊高的緍餅盒和膠彩碟。餐廳內是一列列熟悉的卡位，還有爽快的伙計大哥，而牡丹花畫和樓上雅座反映出「新華」較一般茶餐廳高雅的一面

咁岩去個 friend 屋企附近，同佢都見到間比較舊式的茶餐廳🤪🤪，我地行過又想食蛋撻，但要等10分鐘左右，想食就等下啦😬😬，價錢都唔平架，$7 一個😆😆。不過我地買到返去仲好熱辣辣，超新鮮好好食呀😋😋😋😋😋😋，下次再黎長沙灣食先，呵呵呵😁😁😁

呢一間鋪歷史悠久，雖然裝修有點懷舊，有道地茶餐廳的味道，每次坐低都不忘地叫一杯奶茶，濃郁香醇美味可口.....🤤👍🏻每次都會奶茶上癮！佢全日都可以叫早餐午餐特餐😆但係我最推介嘅係炒飯系列🤪特別係楊州炒飯,西式炒飯,午餐肉煎蛋飯,芙蓉蛋飯......又大碟又好味，每次食完炒飯都會好滿足好飽肚，有種感覺三日都不用食飯了😂有時候下午茶可以叫一杯奶茶加酥皮蛋撻，真係好嘆㗎，同朋友坐低傾吓計，見到餐廳裏有好多熟客，呢間餐廳一定老字號，聽老闆講話睇住好多熟客長大，又見到啲侍應年紀唔細，都服務左呢間茶餐廳好多年，佢哋做嘢好有效率又有禮貌，整體來講值得推介👍🏻👍🏻👍🏻

久咳成病，無胃口食晚飯。去咗新華茶餐廳，點咗杯熱lemon加一個菠蘿包同埋蛋撻。埋單$32。飲咗杯熱lemon。暫停咳嗽。個菠蘿包好大個。好抵食。個蛋撻好新鮮。新鮮出爐。間茶餐廳歷史悠久。好多電影取景自這間茶記。

她想在這段關係上付出多一點? 還是她希望與我不拖不欠? 我確實搞不懂.一件微不足道的事, 令我再次墮入死胡同, 苦榮就是如此多愁善感的一類人.以往我愛死這份香口惹味, 軟淋入味的沙嗲牛肉飯, 每次都可以吃至一粒米不剩.當下, 胃口也沒了, 叫左少飯, 仍剩下半碟. 不是沙嗲牛的味道走樣, 只是心情受影響.熱奶茶刻意不放糖, 忘了奶味茶香是否平衡, 只覺苦澀大於一切, 但我很想很想體會她鍾情的味道. 時間, 或許能告訴我答案.  

🥧 超級厚，超級足料的雞批! 滿滿的牛油香，餡料唔會一 pat pat，仲食到一粒粒雞肉，好好味! 😋好耐無食過有蛋味的蛋撻喇，好厚好有質感的蛋撻! 我一向麻麻哋食酥皮，因為一般都好油膩，不過呢個幾ok，食落唔覺好油，仲好鬆脆! 😁

今日打完排球經過長沙灣，聽好多朋友講他們很出名是酥皮蛋撻。第一口非常甘香甘甜，留意到佢哋嘅酥皮非常特別。就是滿口牛油香，很酥軟，可以做到皮薄餡靚的確一啲唔容易。其次肉心裏邊雞蛋香很香，吃得出真材實料。如果一百分是滿分，我會給他們90。期待下次是他們的菠蘿包。😊😊

呢間係一間久唔久會掛住嘅餐廳，唔係咩高級野特別野，只係一個平凡嘅特餐。雖然我大大話話食左幾年，但呢道嘅客十個有九個都係由細食到大。舊式環境，舊式餐桌，舊式服務有人情味，可能我掛住嘅係佢有一種舊式情懷啦！雖說話佢係平凡嘅特餐，但係當然有佢出眾之處啦。火腿奄列配餐包 - 餐包係自製嘅，微暖而又軟熟。奄列嘅火腿分量唔少，有蛋香，但係偏油少少沙嗲牛肉麵 - 公仔面身煮到輕微偏硬，重點要講嘅沙嗲牛肉係出奇地好有鑊氣香。平時食早餐我多數都會叫沙嗲牛面，但呢種香我暫時未係其他地方食到，呢個都係其中一個我掛住佢嘅原因。食到咁上下，聽到有人大叫蛋撻出爐新鮮出爐蛋撻可遇不可求啊，香滑蛋香味濃，反正熱辣辣嘅蛋撻點都係冇得輸架啦。不過要挑骨頭嘅話，個撻皮可以做到鬆化d就更perfect喇。呢種舊式茶餐廳真係買少見少，新式所謂「冰室」就開到一街都係，為嘅都係打算賺多你幾蚊。但有時舊嘅野，我個人比較更想保留，希望到我六七十歲，仲可以有呢d舊式茶餐室比我繼續懷緬下啦。

下午茶時間，又想係屋企慢慢嘆，外賣蛋撻回家，再加杯自家咖啡，其實都唔錯🤗呢間餐廳嘅蛋撻已經十分知名，你唔係未食過卦？😬買4個就已經有靚靚紙盒包裝，每個6元，呢種港式外賣包裝，現在已經越來越少了😟大家留意一下，盒嘅旁邊開左幾個小孔，等熱氣疏通疏通，蛋撻就唔會咁易被焗腍，這就是小智慧👍🏻15分鐘左右，回到家中打開，蛋撻亦能保持熱辣辣，家中成員一躍而上，開心其實可以好簡單😬酥皮蛋撻，蛋香滑滑，吃上一口，滿足又幸福，正😍

#double_長沙灣-【為着蛋撻而來】#🍋👧🏻 一直有個夢想 就係飲晒全香港嘅茶走 今日繼續努力先-🔸特餐($37)沙嗲牛肉麵 牛肉入味 吾重花生味 顏色比其他茶餐廳較淺 要先吃麵🍜否則會變淋 面煮的時間可以減少一點會更好👐🏻餐包冷冰冰的😔冇烘熱👎🏻火腿奄列 火腿絲切得很幼 有蛋汁😋⭐️評分：5/10-🔸茶走不錯 茶味同奶味很平均😚不會突出單一方面 很喜歡那層奶皮 很滿足 🍼⭐️評分：7.5/10-

早餐吃多了連鎖快餐店, (現在連茶餐廳也連鎖起來了~), 很久沒到正宗一舖茶餐廳, 今天就來新華。一向過見它的蛋撻吸引, 今天來兩個餐, A) 沙牛麵加火腿奄列; B) 腿通加雙蛋沙牛過得去但個麵係要彈..... 因為麵質太淋太糊口.... 本人不大喜歡~凍奶茶係我去茶餐廳必點, 這裡的算不過不失, 沒有特別出色~但給我surprise的卻是少見餐牌上有唂咕, 點來一試, 熱唂咕不加糖是苦得如廿四味一樣....然後我們問伙計先生可否幫忙加煉奶, 他二話不說就取去杯了去茶水處加奶~哇! 一飲之下, 實在比Godiva的朱古力更好~ 苦中有甜, 甜中有甘, 是我最愛的朱古力味道... 下次識做了, 會點「唂咕走」

正所謂搵食艱難，師傅呢期搵食竟然食到去長沙灣 ，講真呢一區真心陌生，完全冇頭緒有乜嘢好食 ，唯有四圍逛四圍行，希望好彩入到一間似樣嘅食店啦!行行下突然間比呢間食店深深咁樣吸引著，點解咁吸引師傅呢? 莫非有水著侍應? 非也非也! 原因係呢間食店個環境係一間好懷舊嘅茶餐廳或冰室咁樣，今時今日香港地呢啲食店已經買少見少，師傅見機不可失，唔理三七廿一，即刻推門入去。入到去都幾多人，加上中午放食飯時間，人流都唔少，好彩一支公好易有位，坐低後就拿拿聲睇下有乜選擇，講真呢啲懷舊嘅食店，第一都唔係注重喺食物度，係食個風味，最後師傅決定柯打簡簡單單嘅茄汁燴豬扒飯，加一杯凍檸茶。等就真係唔使等好耐就有得食，不過係等嘅過程中，師傅見到呢間食店嘅麵包不斷咁樣出爐，唔知係菠蘿包定蛋撻啦，總言之不停咁樣出爐，雖然真係唔知係唔係自家製，不過呢種感覺真係買少見少啦，係別有一番風味。說時遲那時快茄汁燴豬扒飯放咗喺師傅面前，老老實實賣相真係唔會特別吸引，話明食風味嘛，就係嗰啲懷舊式嘅風味，茄汁上佈滿少少雜豆，豬扒斬件，先試過汁，講真嗰汁又冇乜特別出色，正正常常送飯可以，至於豬扒都唔算太薄，正常分量正常嘥屎，豬扒入口鬆腍，

因為超級肚餓，所以就喺長沙灣就腳的地點搵一間餐廳食個快餐😝😝。我想這些樣子的茶餐廳在香港都很少數了，喜歡他的懷舊，真的是懷舊😍😍😍，而且食物質素是不錯。我叫左一個特餐，配熱唂咕😋😋😋，重點係佢嘅火腿奄列係超級正👍🏿👍🏿👍🏿。最後叫埋個蛋撻，係酥皮蛋撻，酥皮超鬆軟好食😋😝😋😝

由於來長沙灣睇醫生，就順便係呢度食埋飯啦， Google 搵左評分最高既呢間舊式茶餐廳，點知野食中左伏，但餐廳阿叔幾好人，唔係西口西面既侍應。分別叫左一個常餐一個午餐，都係叫左凍檸茶，茶底係比較苦澀味重，反而幾欣賞，因為同檸檬既酸有互相提味既作用。主菜既面分別係叉燒湯意，同沙嗲牛肉麵，叉燒好似有層粉包住咁，而意粉都太淋了；牛肉同叉燒犯左同一個錯，都係太多粉，面質都唔滑又唔爽，如果有出前一丁揀就好了。奄列剛熟，餐包甜甜地都軟身。負評係比個面既，因為佢係常餐同午餐中係好重要既一角，個面一唔好食，成個餐就少左。