新華茶餐廳

营业中

休息中

在長沙灣保安道打完籃球之後,小弟便引領幾位朋友,來到中學時代之主場 - 青山道的新華茶餐廳.也總算是一盡"地主之誼".在閣樓霸佔了一角,想吃出爐麵包?侍者說明天請早.但友人亦照樣吃蛋撻,飲品方面,仍然有很多舊香港的味道,如谷咕,滾水蛋,保衛爾牛汁等供應.同行有友人問:牛汁是什麼?由小時候不懂去欣賞,到今日已成為良朋好友,在我面前的熱奶茶,沖得比較甜.其他朋友的飲品,聽他們說也有偏甜的情況出現.不吃麵包,吃回以前常吃的回意粉吧.想起當年中學時代,有個頗爛的笑話,就是引用李克勤的舊歌,其中一段:{不知所以,只想你會意}是次吃個茄牛會意粉,依然是老樣子.茄醬沾滿每一條稔身的意粉,加上鑊氣,和帶點點梳打粉痕跡的牛肉.天變地變,味道二十年不變.但忘了最重要的一環,就是在落單時,沒有叫侍者加蛋.

由於我和老公要去長沙灣逛街，所以，我們便到新華茶餐廳去品嚐食物。不知是否公眾假期關係，店內充滿食客，甚至乎閣樓也滿座。老公點了鮮茄燴意粉及熱奶茶，而我則點了午餐，包括奄烈、牛油麵包、雪菜肉絲米及涷奶茶。我們覺得這個鮮茄燴意粉比起旺角的文華冰廳遜色一點。因為番茄略少，而且意粉又沒有被預先炒過，所以味道差一點。至於熱奶茶則不錯，有茶味，而且花奶又多。而我的奄烈則沒有蛋味，可能是蛋槳炒的。牛油餐包也只是普普通通罷了。相反，雪菜肉絲米就幾好味，雪菜味濃之餘又帶點辣，唔錯！最後，輪到涷奶茶啦，有茶味及多奶，但比起熱奶茶則甜些。

Not even one sad face for the cafe. standard setThe noodle used was 'fok mian', cooked to the right degree with the juicy tender satay flavoured beef, the ham omelet was generous, with juicy egg sauce streaming out when sliced. The milk tea was nice too, with blend of tea aroma retained EggtartAnother delicacies, here served the cookie-crusted, cripsy and slightly sweetened egg filling, nice too.Service was good with good manner, rare scene in HK-styled cafe

叫左波蘿油, 紙包蛋糕做下午茶首先，店內裝修係傳統茶餐廳裝修，卡位 + 中間幾張圓台 + 昏暗燈光；　ｇｏｏｄ～波蘿油：　好食！　新鮮熱辣，甜味剛剛好紙包蛋糕：　好有蛋味，不過凍左，一樣食出水準，厲害！最驚喜係杯－－茶：茶味剛剛好，唔苦唔會淡，係小時侯茶餐廳味道（雖然我還年輕，但很久未試過這味道，一飲，吓親！）職員之間相處十分融合．值得推介！下次會再去

記得以前細個成日係茶餐廳食炸雞髀飯, 豬扒飯, 果d茄汁係與別不同, 偏橙色, 我覺得好好味, 係超好味....但係慢慢發覺已經唔係好多地方食得返呢d燴汁....多數都係d紅色既茄汁, 一d都唔吸引....前幾日朋友請食飯, 提議到呢間餐廳, 一坐低我就聞到d熟悉既味道, 之後見到隔離枱既豬扒飯, 我已經吞晒口水.....男朋友叫左個豬扒雞, 仲唔夠....叫多個常餐.....我就叫左一個牛肉燴意粉...真係好好味.........好想再去食多次!!!

香港人去茶餐廳，來到新華一定唔會失望，奶茶香濃、飽點，蛋撻軟熟、最值得一提是沙爹牛飽配上烘脆了的甜餐包最是配合，沙爹香濃不漏，牛肉鬆軟、可借沒有牛肉飽餐，飽$11加熱飲12巳23蚊，凍飲更要25蚊，特餐有沙爹牛麵配火腿奄列跟餐 包連熱飲才26蚊，所以每次去都有一番決擇，筆境現今經濟環境下勿都講校益嘛！如果比老闆見到過食評出反過十零蚊的飽點餐就好啦不過佢Ｄ碟頭飯配飲品又有得平播、平均飯24-26加熱飲4蚊凍飲6蚊飯類都好ok架。

走完順寧道向青山道進發,就在街角見到這間著名茶餐廳!第一時間看看其雪櫃裡的公主蛋糕,只可惜今天竟然沒有,只有那雪白還沒加工的底層忌廉餅,噢.....公主看不到,新鮮出爐雞尾包卻有緣遇上,看著一盤熱辣辣漲卜卜的雞尾包由餅師大哥捧出來,每個包子像向我說" 食我啦食我啦!" (買!)拿上手真的熱乎乎的!! 再來圓碌碌菠蘿包2個, 喜歡舊式麵包的大人輕易地將他們消滅,問她好吃否?? "好食呀!!!" 相信真的味道不錯。 麵包盤中又見到很久沒吃的雞批,批皮牛油味道很香濃,批皮造得很酥脆不會太厚, 最利害是咬一口也不會碎裂,狼狽嘛!!餡料都是洋蔥、洋火腿、雞肉,混著那白汁而成,咸甜有致的味道煞是吸引! 要是剛出爐熱熱的話一定更妙!! 年紀愈來愈大,反而像我家大人般愈來愈喜歡老式麵包,轉性!望著餅櫃良久也忘記我最想買什麼?? 蛋撻不是、蝴蝶餅不是、合桃蛋糕不是........走到下一個街口才記得,我最想買紙包蛋糕!!! 看來下次真的要跟好友們坐在新華裡慢慢吃個下午茶,好好品嚐她的出品。

上星期我囡囡生日，憑口碑在此訂了一個公主蛋糕，在生日會上打開蛋糕的一刻，全場小朋友及大人都Wah一聲！然後好多人都問在哪裡訂的，說完是在茶餐廳訂後很多人也很詫異，因為不單止手工好，雜果味蛋糕味道也不俗，有朋友話蛋糕很有蛋味呢！餐廳本身也有公仔提供，但因為我囡很喜歡白雪公主，所以蛋糕上的公仔是我自己買去的，$90一磅價錢公道，真的誠意推薦給有心訂的朋友。

金豬寶寶兩歲生日,幾位姐姐一致通過送一個公主蛋糕給她作生日禮物;目標就是除了奶茶蛋撻著名外,雪櫃裡一定有一座公主蛋糕的新華茶餐廳。由靚仔哥哥從廚房拿出蛋糕, 在場嘉賓讚美之聲不絕於耳,連小小壽星女也對著蛋糕展開笑容,計劃成功!!以忌廉蛋糕來說,這個蛋糕的忌廉份量已不算多,只是裙子部份才會較厚較多;忌廉打得頗為幼滑,甜度不是很高也不太重奶味,吃後也不會覺得太甜膩;中間部份以罐頭菠蘿、蜜桃這些水果隔開蛋糕層,味道平平不過可以增加一些清新感覺,可以收貨。蛋糕很有蛋香而且柔軟, 可愛朋友說:平時嘅紙包蛋糕就係咁嘅味! 哈~~下次去新華除了點蛋撻也要吃紙包蛋糕了! 蛋糕上的公主原來穿著露背透視上衣的! 餅師以一點點白色cream造成公主的上半身衣服, 非常sexy! 謝謝我們的"香港小姐"為我們專程去訂蛋糕和以強壯臂彎從長沙灣送蛋糕到中環的壯男A哥哥!

E排放lunch…or 放學都鐘意左黎新華e度食野!!!雖然佢既伙計態度比較差.....但...佢d野食...真係幾有水準!!!星期三個日…好早就放lunch!!之後4個女仔去左食野.....我就叫左"楊州炒飯 + 凍鴛鴦"因為之前成日食特餐….驚食得太多奄列會膽固醇高..hehe所以轉左食1餐半餐既楊州炒飯..不過佢d炒飯真係好得.....好正!!!1黎好香...2黎炒得乾身!!!!食落去....只係知佢同普通d餐廳唔好,好食!!!!再者....杯鴛鴦沖得好得...唔會太苦太甜..味道岩岩好!!!抵我地成日黎幫襯e間野.....不過下次真係要試下d包同埋蛋撻先!!因為好香.....次次行過都會唔聞到........hehe

見到新華有咁好評，為食ge我當然要去試下。黎新華試左三樣野：蛋撻、沙爹牛肉飯、奶茶。酥皮蛋撻的酥皮厚度剛好，也有蛋味，但色澤太黃，食用色素加得略嫌太多(螢光的)，如果蛋撻熱d 就perfect；沙爹牛肉飯不錯，很夠味，不像一般無味的沙爹，但牛肉就麻麻，充滿鬆肉粉的味，令牛無鮮味；奶茶很一般，太多奶，蓋住茶味，茶杯有很多茶跡，可見茶餐廳有一定歷史 = =有牛奶專櫃(個人見識少，未見過)，覺得好特別。總括而言，可以一試。因為十分抵食，味道不錯，而且茶餐廳很有懷舊風味。

經朋友的介紹下到了這間茶餐廳一試它的特餐.一入到店內,舊式的裝潢,別有一番風味. 我們二人急不及待叫了兩個特餐(HK$26), 有方包,火煺奄列,沙爹牛肉麵同飲品.火煺奄列一絕,蛋夠滑,而方包裏的牛油塗得十分均云,好好味!至於沙爹牛肉麵也不錯,麵是爽而牛肉是起沙的,和平常食到的沙爹牛肉好不同.見別人叫的蛋撻和雞肶賣相好吸引,但只是一個特餐已經飽飽,下次一定要試試它的蛋撻和雞肶啊!

OR人人對新華都是有讚無彈，我今次既食評，也只是錦上添花，沒太大意思。但在長記生活了廿幾年的我，不在此留番幾行字，好像又說不過去，就交一篇文章出來吧！兩個人來吃，點了飯餐同埋特餐，大家share食。飯餐的沙爹牛肉飯和凍檸茶，合共三十一蚊。飯端上來時，香氣陣陣，沙爹汁香口，只是少許辣，又帶微甜，十分惹味。牛肉稔身，入味，加上炒過的洋蔥，送飯是一流。大家吃過都讚不絕口，愈食愈開胃。特餐選了雪菜肉絲米及火腿奄列，飲品同樣是要凍檸茶，價值則是廿六蚊。先來的竟是米粉而不是奄列，吃茶記就是這樣不拘小節。雪菜爽脆可口，肉絲也很有味道，米粉幼滑，又是美味。火腿奄列即叫即做，溫度足，既有蛋香，蛋汁豐盈。雞蛋包著一大堆的火腿絲，相當配合。餐飽賣完，只剩下白麵包，也照殺。白麵包去邊，牛油份量不少，可以收貨。呢度既奶茶都幾出色，但當日已飲左兩杯，怕個胃頂唔順，還是不來第三杯了。改飲凍檸茶，茶味濃，檸檬多，夠冰凍，一樣了得。其實蛋撻雞批都好掂，不過胃納有限，惟有下次再來品嚐。

正想找細佬傾計，心有靈犀的收到他來電，兩姊弟就相約到大熱店新華食飯。後來龍也來了，真好，可以試到不少食物呢! 　被外面餅櫃吸引了，雖知不是新鮮出爐，也先來幾個雞批、蛋撻及葡撻($19)吧。我不是酥皮蛋撻迷，卻不得不被新華香酥輕脆的外層迷倒，連裡面的蛋芯也是又滑又嫩，當然再甜點會更好。雞批則是一般貨色，完全無得同金鳳比，而且攤凍後有陣油膩感；但也不夠樣衰、不香不甜又乾爭爭的葡撻差，來茶記真不該叫這味。　蝗蟲推介的沙爹牛肉包($11)則有十個好!香軟鬆化的包身烘到熱暖，夾到多汁惹味又豐盛的沙爹牛肉，十分好吃，但注意一定要趁熱食。　當然不會放過有奄列多士，又有沙爹牛肉麵的特餐($26)。奄列多士水準正常，麵卻彈牙又充滿油香，當然滋味的沙爹牛肉也領功不小。愛蛋愛麵包的我，還是頭一次覺得湯麵比奄列多士吸引!　　最後還有楊州炒飯，熱騰騰上檯、飯粒炒得乾身分明是兩大優點，不過以叉燒味為主的口味偏淡，只是一般。後來想起，我連一粒蝦仁也吃不到呀!　除了葡撻，新華的食物普遍令人滿意，然而茶記靈魂的奶茶與鴛鴦，一個茶味久奉，一個啡味不醇，都只麻麻。下次要試FL推介的妹店金園。

就好似卡通片集一樣, 來舊式老牌茶餐廳無論幾多點來到, 都有特餐食, 內容其實同早餐無分別火腿奄列, 即叫即到, 所以知道係大量製造的貨式, 一般般奶茶, 水準一時時, 有時會有奶味過重的情況出現 ,所以我更喜歡 茶走咖啡就唔好試了, 超普通的水準沙嗲牛麵, 就唔錯, 雖然都係大光麵, 但係即叫即淥, 所以有咬口, 唔似某d懶出名的茶餐廳, 即使係出仔一丁, 但都係貪方便一早淥定的 ,無哩性格, 相比之下, 新華仲係有點出眾的埋單 $26, 雖不至於好抵食, 但一定食得你飽囉環境, 舊式茶餐廳的格局, 裝修十年如一, 喜歡懷舊的老餅會好喜歡後生仔女, 拖友就唔多合適了