新華茶餐廳

营业中

休息中

第1次去食豬扒燴意$32汁好燶..豬扒唔太肥...+6蚊有杯冻飲第2次去食楊州抄飯...好多料又好食$25

久仰其名，今天碰巧經過，即使差不是時候回家吃晚飯，仍立刻吃個快餐！我叫了一個沙爹牛肉麫特餐，女友則叫了一個雞批。沙爹牛肉麫果然如各食家所說的讚。看上去沒甚沙爹汁，但其實牛肉已經入晒味，非常好食！不過本人覺得湯底有點咸。至於雞批，可能由於時間太晚，很凍...味道是不錯，但因為已經凍晒所以唔香口...總的來說味道真的很好，下次一定要正正式式來吃個飯，嚐個痛快！

上次去依間都係買佢出晒名既蛋撻同葡撻今次就入埋去入面坐係度食下~都幾好Feel~D擺設用品係舊式~但係都幾新淨~叫左個常餐~有個牛油餐包~同埋要左火腿奄列同沙嗲牛肉麵~之後要杯凍奶茶少奶~另外要左牛油曲奇同埋蛋撻~先黎就係牛油曲奇~好正~第一次食茶餐廳整既曲奇~同麵包舖既有得比~正~而且中間有D朱古力夾心~好得~同埋真係好大塊~下次一定要再食過~之後個蛋撻就無上次咁好食啦~因為凍左呢~但係入面個餡仍然好有蛋味~而且撻面冇出水~如果見佢熱辣辣出爐~真係試得過~下次等佢出爐先再叫~個奄列好大塊~好好食~熟既情度剛剛好~料足味夠~GOOD沙嗲牛肉麵好好食~沙嗲味濃~牛肉夠嫩~麵既分量亦足夠~而且味道亦好好~杯凍奶茶少奶亦Very Good~D茶味好出~好香~唔會太甜~希望下次黎可以食完個牛油曲奇同蛋撻之後再叫其他野食試下啦~

曾是多年街坊,兩間也幫襯過無數次,但始終對金園偏愛多一點!搬走後也會常回來亮相,今天特意來這邊,是想看看近年為何會這麼多好評.豬排會意粉----有骨薄猪排是早己煎定後再翻熱貨色,茄汁比較薄及酸,意粉炒得太濕.金園的厚身無骨豬排勝在是即叫即制!茄汁較杰及意粉乾身一點.沙爹牛肉麵----牛肉軟滑沙爹味濃份量較多,麵亦煮得較有彈性.這裡做得好一點.火腿奄列----生熟程度剛好,是半圓形中間有蛋汁的,亦是這裡做得好一點凍奶茶----奶味比較重茶味薄弱,這次金園挽回一仗!往那邊走真要視乎想吃什麽!個人認為堅持不賣飯的金園"型"Ｄ,因為很少見到有做晚市的茶餐廳無飯食!

呢間係我讀書時的指定飯堂今次舊地重臨, 當然要食我最愛的干炒牛肉意粉+凍奶荼啦, 而我個FRIEND就叫左個佢次次黎都要食的芺蓉蛋飯多年以來, 無論裝潢陳設都沒有太大轉變, 感覺回憶無窮, 就連食物的水準都沒有令我失望, 保持很好的水準, 好鑊氣!!!!干炒牛肉意粉的色香味都沒半點減退, 不油不膩 , 再加上香濃的凍奶荼, 簡直 正 !!!!好味到我地兩個女仔成碟都清晒, 真係飽到......同學仔, 你地都返去回味下啦!!!

前排無意間發現現到係呢區既只有笑面既茶餐廳就好想黎試. 因為根據係OR搵食咁耐既經驗, 係呢d非旅遊區有好多好味既餐廳因為專做街坊生意, 所以好少人專登上黎比個好評佢. 所以雖然呢到極其唔就腳都一直好想黎試. 今日黎開香工, 雖然仲要專登搭幾個站都黎一試.下午茶時間, 黎遠就見好多人係門口買佢地既出爐麵點, 舖頭入面既裝修都係舊式茶餐廳, 不過係我見過最乾淨既茶餐廳, 去到下午茶時間個地下仲係好乾淨同乾. 呢樣野真係好surprise我! 因為無位, 本來我地係要同人搭檯, 不過坐左一陣坐係我地後面張卡位既人賣單, 有伙計就即刻問我地坐唔坐! 二話不說即刻搬位啦! 黎茶餐廳通我一定飲奶茶. 不過諗左好耐先諗到食咩. 因為門口個個餅櫃實在太吸引喇. 諗左好耐最後決定要個出爐既酥皮蛋撻同埋舊式曲奇餅. 說實在呢到既奶茶只係普通, 酥皮蛋撻既酥皮油份太重, 所以咬落去既時候一層層既酥皮立時變左一舊, 無左個種一層層既感覺. 最令我回味既反而係件舊式曲奇餅! 兩塊牛油味十足既牛油曲奇背對背咁用古古力醬黏住! 曲奇入口鬆化但唔鬆散. 食完之後滿口濃而不膩既牛油香, 真係好想食多件呀!為左呢件曲奇

喜歡去舊式茶記的出爐麵包,見到佢d批好正,好酥脆咁,可惜呢排食得太多野,唔敢再食高危食物。仲有熱辣辣葡撻,實在太誘人喇!!!!麵包只有雞尾、火腿蛋、甜餐包、墨西哥、义燒。係無牛肉包law!問店員,有無牛肉包,佢話要叫入面做。吓!?咁即係本身有無呀!?唉….無牛肉包,咪吃牛油切蛋。糕身鬆散,牛油味略賺未夠。而且薄身,食完唔夠喉。不過牛油切蛋始終係我的最愛蛋糕。

近期心癮起十分想吃雞批，心癮到只有一個方法去制止，當然就是先吃而後快。下午四時零五分到達「新華茶餐廳」，樓下已爆，只好走上樓上雅坐，馬上點了熱奶茶少奶($11.00)。為甚麼要少奶，我也不知道，相信又是心癮所至。另外，當然不少得點一個雞批($7.00)。由於雞批只需在樓下的麵包櫃取出，所以馬上知道雞批暫時售罄，但我仍然堅持等下去，一定非吃到不可，但怎料就連熱奶茶也等了十分鐘才送到。由於少奶關係，色水上也偏向茶色，下了來，呷一口，茶味會較濃已是預期中事，可惜茶過鞋，而茶味亦澀至帶酸。如果不是要求少奶，奶味至少可以減輕苦澀感，今次實在是捉蟲。一等再等，等了又等，在四時二十九分，一共等了廿四分鐘，熱騰騰出焗的雞批終於送到。說也奇怪，感覺上好像比以往的細小，但由於等得太久，馬上將其破開，希望熱力可以盡快釋放出來。剛出爐雞批的熱力比出爐蛋撻熱上多倍，但由於時間關係，已不能等其自己冷卻，吹了數遍便放入口中，其時熱力仍然澎湃。亦由於此，牛油皮的香味四溢，鬆脆感覺在口中盤旋。餡料方面，今次的比過往少，沒那麼豐富，但基本的餡料也是整全。雞肉仍嫩，汁亦豐富，雖未算是最佳狀態，但亦算是止了心癮。

本地搵食團其中一項為長沙灣新華, 終於在某個週末一行五人齊齊參與,由長沙灣街坊帶領著左穿右插地走,原來可以省回不少路程。佔據著樓上全場唯一大桌的五人皆點著名沙牛特餐,連我也不例外, 除了想嘗試一下其沙爹汁美味外,為了某些原因那天想吃牛肉可愛朋友說平時很快就有東西吃,那天幾個女子說了很多東西,笑了很多回也未見食物蹤影,奇怪?! 反而其他點飯/ 意粉的客人很快就有得吃,終於好多分鐘後,叔叔一手拿幾碟蛋來分配.....沙爹牛肉麵用上大光麵, 白雪雪的即食麵煮得未夠彈牙,幸好吃得夠快,麵條也不致過軟,個人還是比較喜歡爽口彈牙的即食麵;沙爹汁份量看似不多,剛剛沾著幾塊牛肉似的但其實相當濃稠,雖然只是地道港式沙爹味道,沒有什麼香料或椰汁味,但混進本來清淡的湯底後就變得很惹味,味道即時提升不少;牛肉切得厚薄不均,吃來還有點兒嚼勁,不是太過梳打牛的水準,畢竟牛肉配沙爹汁真的絕配,無可否認。火腿庵列配牛油餐包好閃亮的登場!!餐包本身帶甜味,質感也算柔軟只是未有翻熱,甜包重手地抹上大量牛油後,本已是肥人大忌, 誰料包底更把庵列的油份也吸了不少, 上下夾攻油香和油膩十足!麵包也變得比平時更油潤,嚇得正在減肥

睇完食評，全部笑臉，山長水遠都要來試下。由土瓜灣搭巴士去長沙灣，要成八個字，都算容易搵，去到未夠兩點，還有卡位坐。叫了吾記得常餐or特餐($26)沙爹牛肉麵︰ｄ湯好奶白色，吾似一般餐廳ｄ湯底，好好味。本人一向食沙爹牛肉麵，只係　　　　　　食ｄ味，ｄ牛肉吾會食，但是今次竟然食晒ｄ牛肉，因為真的很好味！奄烈配餐包︰出乎意料餐包超軟熟，加埋奄烈真的好食，如果餐包熱的話，就perfect 啦！ (因為自己好鐘意食麵包) 餐飲︰要了熱鴛鴦走糖，原本叫茶走，因為早餐飲了一柸，所以就要了鴛鴦，都幾 好飲。真的不枉費來食，有機會再來食，我坐底這個時間，不段有麵包出爐，因為真的好飽，如果吾係一定會買個來食，因為餐包都敢好食，其他都吾會差的。餐廳都算乾淨，光猛，坐得都幾舒服。吾記得講︰原來有粉絲餐的，下次會試的。

意粉不算是自己首選的食物，如有飯或意粉選擇，大多會選擇前者。今天在旁晚時分來到「新華茶餐廳」，不是吃慣常的西餅麵包，而是吃一碟茄汁豬扒燴意粉($32.00)及一杯熱鴛鴦少啡($12.00)。熱鴛鴦少啡先來，很少在茶記飲咖啡，因為大多數茶記的咖啡所帶的酸味太重，但今次突然心癢想飲咖啡，於是便來一杯鴛鴦，希望用紅茶來中和一下咖啡的酸味。但這個安排似乎不湊效，因為咖啡的酸味仍然存在著，還好只是輕輕的帶著，不過下次還是喝回茶奶穩妥點。茄汁豬扒燴意粉的份量不算大，但正合我意，因為不想吃得太飽。意粉經炒過後再燴上茄汁，意粉不會過軟但亦不算彈牙。茄汁是舊式類似茄膏的質地，酸味適中，新鮮蕃茄已煮得十分腍。豬扒已預先斬件，雖不是即煎，但仍然肉嫩彈牙。在吃罷整碟燴意粉後，仍然是較喜歡此店的雞批、奶茶及雞尾包。

上年生日食過雪糕蛋糕,今年見老公未決定買咩蛋糕所以就提議要個特別D的barbie蛋糕~同老公搵左幾間蛋糕店資料見新華茶餐廳整得幾靚價錢又抵咁就平平地試下啦~~佢有兩款.1,最少訂4嗙坐係度的,2,最少5嗙企係度的咁差$90但靚咁多就緊係要企係度啦~寫單果位哥哥都有求必應,我話要將個底d cream都做埋粉紅色佢都OK哈哈,,結果出黎緊係好靚啦~!!!!基本上對味道無咩要求....但都ok,真係好似紙包蛋糕師父會用錫紙包住隻腳.所以都幾衛生但5嗙其實10個人食連半個食唔晒.....唯有帶返屋企食幾日啦////(公仔自己帶去,餐廳都有公仔賣$70一隻,拎蛋糕記得拎返條裙.....我老公唔記得拎〒︹〒)

At a time when my age was still a single-digit number, I remembered drinking SOMETHING of a certain colour as a summer quencher. I didn't remember what it tasted like, or what it looked like -- only that it's fruity and cold. I didn't get woozy from drinking it (no booze) but I did get the childhood excitement and anticipation drinking it again. One special post-badminton summer afternoon (pre-Applegreen), The four of us, walking through crowded streets with sweaty backs and tiresome bodies, dr

四月初七‧晴 在家吃火窩，在附近買點材料，三時一刻，自然要來喝杯咖啡，吃件出爐西餅。在門外問阿姐那些最新鮮，她說了雞尾、蛋撻及雞批，一包一焗一酥皮，正好一次過試勻麵點的三個形態。 在門外跟阿姐要了包點，在樓下跟阿叔點了一茶一啡，就經過樓梯走往上層。是日賽馬日，茶客大都人手一份馬報，還有零星收音機的賽馬直擊聲音，是地道茶記的風情畫。 這裡的包點做得出色，雞尾包外皮鬆軟非常，椰蓉餡做得香甜，份量適可而止，最怕是塞滿一包椰蓉餡的雞尾；酥皮蛋撻的酥皮不算是很鬆化，不過勝在新鮮，蛋餡香又不過甜，也好吃；雞批也是我喜歡吃的一味西餅，喜歡吃的從來不會是雞肉餡，而是其曲奇皮。這裡的做得不算厚，但也酥香鬆脆，牛油味濃郁，也很不錯。 喝一口香濃咖啡，吃著做得不錯的西餅，實在不錯。 埋單36蚊，再繼續買。

七十二個笑臉對零個笑臉，以一間坐落於舊區的茶記來說，實在是一個"現象"....從金園走出來，路經看見門外的酥皮蛋撻及雞批。雖應已距離出爐已有一小段時候，食指仍是大動，忍不住"手"及"口"買了個雞批....幸好拿上手仍有少許微温牛油香仍在的餅皮還留着些微鬆脆的痕跡，餡料仍是有雞肉、火腿粒及少許蘑菇片，很足料，味亦不過鹹....很滿足 (雖然吃不到新鮮出爐的)。吃開了癮頭來，想起還沒有吃甜品....不如去吃碗凍豆花吧....