新華茶餐廳

营业中

休息中

如果你鍾意去懷舊茶餐廳食常餐或者蛋撻麵包，新華茶餐廳絕對滿足到你，新華茶餐廳位於長沙灣青山道334號，係長沙灣地鐵站行10-15分鐘就可以搵到。餐廳格局非常懷舊，門外雪櫃放了一個大大的Barbie立體蛋糕，非常吸睛，而餐廳門口亦有新鮮出爐的蛋撻、雞尾包、菠蘿包等我和男朋友今次叫了特餐，特餐是沙嗲牛肉麵、火腿奄列、牛油餐包，$36正常價格，再配茶/啡，我食公仔麵，男朋友轉食米粉，我地兩個都飲凍檸茶，首先凍檸茶的茶底非常香，岩哂我地口味！而沙嗲牛肉麵、火腿奄列、牛油餐包都好味，沙嗲牛肉好淋好易咬，牛油餐包亦好軟熟。最後我意猶未盡，叫多個招牌蛋撻，香噴噴的酥皮蛋撻好鬆脆，蛋漿又香又滑，只賣$5.5真係好抵食！

茶餐廳最能夠感受到嘅係快！靚！正！豬先生係茶記粉絲 今日豬先生 豬小姐就尼到新華茶餐廳打躉捧場門口前放住兩個包櫃 裏面放住好幾種茶記必備嘅包款 例如菠蘿包 雞尾包 卷蛋 椰撻 蛋撻等等 懷舊風味出哂尼 都幾多街坊幫襯喎 唔講咁多啦 入去嘆番個茶餐先入到去岩岩好有張卡位唔洗等 新華有兩層嘅 地方幾大 都算闊落 比一般茶記算乾淨企理諗都唔洗諗 豬先生叫左個特餐 有沙嗲牛肉麵 火腿奄列同餐包 而豬小姐就叫左個米粉餐 特別在可以唔配米粉改配粉絲 有得揀粉絲係茶餐廳的確少見 一於就食榨茶肉絲粉絲啦 在茶記飲奶茶多奶是常識吧哈哈 再整番個蛋撻添落單後 好快香噴噴嘅酥皮蛋撻就到啦 熱辣辣夠哂鬆脆 蛋漿出哂煙 又香又滑 新鮮出爐果然唔同啲 五個半好抵食！飲啖奶茶濕濕口先 多奶奶茶真係無得頂 奶味重得尼香醇 唔會搶走哂茶味 紅茶底帶甘唔會有苦澀味 好正呀隔渣做得好 飲到底唔會有過量茶渣 抵讚我地認為茶餐廳嘅奶茶真係最有味道同風味架餐包無嘜特別 不過質感就幾軟熟嘅 火腿奄列幾大件 蛋就熟左啲啲 豬小姐比較喜歡有蛋汁流出尼嘅感覺 火腿絲幾足料 食落都唔算太油膩 加啲啲鹽係面食仲登登登登 到主菜沙嗲牛肉麵同榨

未去歐洲前的十五日，你會興奮得不行，因為兩年沒有到歐洲了，終於有機會可以踏足那空氣都清新過人的地方，我唯一捨不得的是香港的食物。真正的香港仔如我，當然來個離港第一件事checklist，離開香港的我早餐去了吃我的最愛餐廳新華茶餐廳，那是早上的七點半，這天是星期一，我放大假的第一天，人人要番工的早上我卻來到了嘆個靚早餐。來到了新華茶餐廳，長沙灣最好味的茶記之一，基本上什麼思鄉情緒都要在這裡包裝一下外賣到歐洲，要去地球另一邊冰冷的天氣，我叫來吃的是我最愛的特餐，希望那美味能夠和我上機到回港。這裡的沙爹牛肉麵是全香港最讚好的一個牛肉麵，一定係全港三甲之一，我細細過就已經食過無數咁多次，以防我懷念香港的食物，來這裡準是沒有錯的。用上比出前一丁更好吃的大光麵，加上那絕對惹味的牛肉，濃濃的沙爹汁，吊起了那大光麵的味道，我想全香港冇乜種類嘅醬汁可以同佢咁夾。不過今日想健康點，我沒有吃常吃的公仔麵，吃了同樣吸汁的通粉，成件事都係咁美妙。奄烈是香港唯有的產品，這裡的蛋不是什麼澳牛的滑，但蛋味非常濃郁，我想一件奄烈的蛋醬起碼是濃郁了多於兩隻蛋的份量，那火腿沾上蛋蛋的香味是那早餐的最佳時光，一口奄烈一口牛麵

難得今日早起身，所以拉了一家之煮去食早餐～難得的興致，當然要到至愛的新華，食美味的沙嗲牛肉啦！早上的新華，坐滿了飲早茶的食客門，一份報紙、一杯奶茶、一件蛋撻，跟店員門打打牙骹，已夠他們坐上一朝～ 當然也有不少趕上班的打工仔，匆匆的食過一份常餐再匆匆的上班～ 所以我們也好不容易，才等到位可以入座～傳統舊式的茶餐廳，坐位都是窄窄的，不過這才有風味呀～在茶餐廳點餐一定要快，也不可以猶豫，還好我們目標一致，很快就點好餐了～ 我們都點了特餐 ($36)~熱奶茶先上場～ 香淳濃滑的熱奶茶，奶香不會搶去茶味，味道平衡得剛好～沙嗲牛肉米粉，這是小妹食過最美味的沙嗲牛肉！沙嗲醬濃郁而帶花生香，微辣鹹香，牛肉嫩滑的，跟淡味的米粉混在一起吃，味道剛好！因為不喜歡吃餐包，所以改點了多士 (+$1)～ 熱烘烘的多士烤得香脆非常，用多士的熱力，剛好可以溶化牛油，讓牛油浸透在多士中，美味呀！火腿奄列的份量也不少呀～ 奄列蛋香十足，油潤非常！火腿亦下得非常大方，每一口都是滿足～食過滿足的早餐，就快快讓坐啦～～ 新華除了蛋撻有名外，其實沙嗲牛肉也很不錯呀！ 

很喜歡到舊式的茶餐廳，這日跟寶寶來到舊居附近的新華茶餐廳。茶餐廳外面總是有不同的傳統蛋糕，每次看到都覺得像回到童年一樣。看那個芭比蛋糕，總是好奇到底有沒有人會把她買走呢！基本上每次來到都是點同一樣食品，餐牌也不用多看。寶寶選擇的依然是那個芙蓉蛋飯。將加入了香腸、火腿和叉燒的煎蛋，放在淋了甜豉油的一大碟白飯上，便成了芙蓉蛋飯。其實我每次也覺得芙蓉蛋飯上面的那塊煎蛋都總是煎得十分乾，很難明白為什麼寶寶每次都總愛點這個。應該是一種芙蓉蛋飯情意結吧！而我每次都點特餐。雪菜肉絲米粉，煎雙蛋，再加上$2轉牛油多士。那塊塗滿了咸牛油的多士總是讓人百吃不厭。配上牛奶公司的樽裝牛奶。一杯茶味和奶味俱備的香滑奶茶。不知道多少年後這家舊式充滿人情味的茶餐廳是否還在，但現在能跟寶寶吃過簡單平實的晚餐，就覺得內心都充滿了幸福。

不用等位, 剛好有吉桌, 侍應招呼都不錯, 幾有禮貌(比起澳x還多幾分笑容)就算想調位都無任何臉色看, 服務有80分!茶餐上得不算慢, 不用10分鐘就齊哂。下次有機會都會再幫襯, 支持本地店!

今日和同事黎到呢間好有80年代感覺既港式茶餐廳lunch，我點了洋蔥豬排飯$42，洋蔥汁味濃，甜甜豉油香，鹹淡適中，豬排好嫩滑，還預先切定長條形，方便進食，飯物份量足夠，一個人食晒已好夠飽。最令我失望是蛋撻$5.5今日蛋撻有失水準，皮唔脆，凍的，無口感，質感和味道完全不像我前幾日買的 

同事請食下午茶，買咗半打蛋撻，呢間老字號餐廳，蛋撻一直都遠近馳名，我已經好耐冇食，今次再試下，點知水準仲 keep 到，熱辣辣嘅蛋撻，酥皮非常鬆化，一咬已經跌哂落黎，而且蛋味香濃，絕對要試。

星期六晨早去長沙灣,搵個地方食早餐,去左比較出名的新華食呀。好搶眼的barbie蛋糕。餐廳有兩層,我地坐下層,卡位舒服呀。見到沙嗲牛肉麵,必食呀,要了常餐。熱奶茶,正常水準。牛油餐包冇乜牛油,而且有點硬。火腿奄列夠大份,好多火腿,幾好味呀。沙嗲牛肉麵,湯底冇乜味,麵太硬,沙嗲醬太少,牛肉幾好,整體一般。味道一般,唔知係味果日水準差呀。

叫左唔記得係唔係常餐定特餐，沙牛麵跟餐包奄列要左凍奶茶少冰少甜。沙牛麵幾好，麵唔太林又夠沙爹汁。包同奄列普通囉，無特別。。。不過杯凍奶茶唔錯，夠茶味!!蛋撻熱辣辣，酥皮好香兼唔油膩(連平時淨食牛油皮既我都鐘意)叫左個干炒豬扒意炒，其實個味係好味，但真係油到爆。。。見到啲油真係驚。。。個豬扒味道好好好香， 但可惜真係好油啊!!!!呢度都好多人黎，侍應反應勁快，大家預左搭檯啦~~同埋張檯都偏細，會食得迫啲，但我覺得好有舊式茶記感覺

放工時分，又有點口癢癢的，很想食點甜，本想買碗豆花，但又行得遠，剛巧行經新華，聞到很香的酥皮味，倒不如買件蛋撻以解饞~~上天疼為食妹，剛好有新鮮的葡撻($6)出爐，當然要轉投葡撻的懷抱啦~~需知道，新華的葡撻每日只出爐一次，大概下午四、五時，真的可預不可求呀!!買完快快回家，快快食這美味的~~葡撻的樣子對板，面層有點焦焦的，拎上手依然是暖烘烘的，咬一口，葡撻的酥皮層次分明，鬆脆而帶有油脂香，蛋芯甜甜的帶有蛋香，質感滑溜有如半熟布甸，要不是沒有Quota，真的想多吃一件呀!!

話說要喺長沙灣做野。中午就搵左呢間舊式茶記～新華門口放滿飽點蛋糕。仲有一個白色婚紗女仔做型既蛋糕係櫃 前排睇報導先知紙包蛋糕先係真品。製作工序極繁複但價錢平民。絕對尊重之作(^ω^)坐低一望早餐常餐凸餐同出一徹就知唔洗上網睇都知食乜了。牛面奶茶啦仲洗乜諗。沙嗲好濃郁噃。配上良心牛肉既大舊兼無渣可吞落肚的(好多人渣牛肉又細又渣咬啖已想爆粗)餐包微暖實淨+搽滿牛油=比我秒殺左。炒蛋唔洗用牛奶炒都好香蛋味。咁。其實人情味呢？是咁的。舊茶記做街坊客。不停好多熟客入黎。侍應係問今日飲乜丫食乜丫咁。有個唔記得講飲乜個侍應都自動波落單。大叫檸茶丫嘛知啦！之後有3個年過70既伯伯嘻嘻哈哈咁衝入黎。侍應又問佢地今日飲乜。3個好似細路咁一人一句。你要奶茶我又要。佢又唔執輸咁又跟。再各自點下面包蛋糕。笑位黎啦。呢個時候侍應寫完張單一撕。好似餵魚咁由張單飄落枱面。其中2個丫伯竟然用左玩層層疊既神速去搶張單。速度之快我差d嘩出來。仲一路搶一路話今日我要比錢呀～侍應見慣晒一路走一路講慢慢搶啦喂。Feel到佢好享受"餵魚"個下動作。7老80仲有老死陪下嘆杯茶食個包實在一樂也 但你咪以為老野集中地喎。本店設有樓上雅

老字號的舊式茶餐廳，出名的特餐有沙爹牛麵、多士、奄列加杯熱鴛鴦。沙爹牛又香又濃，多士夾住大大塊牛油， 杯熱鴛鴦更加無得輸，特餐真係好足料，完全係物超所值。另外伙計哥哥非常好態度，真係不得不讚。去開長沙灣又鍾意嘆下茶記的，絕對唔可以錯過呢！

今日LUNCH又同同事去左青山道附近搵嘢食, 呢間茶餐廳好有80年代感覺, 平時經過都見到好多人排隊買蛋撻, 咁今次就入去先試下個茶餐先啦.由於LUNCH HOUR, 比較多人, 老闆就叫我地上樓上坐, 樓上原來都好大, 我地各自都點左特餐試.沙爹牛面出色, 佢個沙爹汁同出面既有分別, 比較香濃, 而且牛肉都比較滑同入味餐包就失色, 凍冰冰, 包身比較硬, 入面有少少牛油, 真係得少少囉火腿蛋奄列, 一般, 冇咩蛋味全餐嘅靈魂終於黎啦, 呢杯熱奶茶就幫前兩樣嘢加番哂分, 入口甘香而且口感幼滑如果配埋蛋撻就冇得頂, 可惜我已經夠鐘返去地獄開工了, 唯有下次吞POP出黎TEA一TEA 啦.

今天的奶茶癮發作，人既在九龍，第一時間便想起長沙灣的新華。其實已不是第一次來，也知道這裡的食品如蛋撻和雞批有水準，不過今天目標明確，就是奶茶而已。坐下不到三分鐘便送上，茶杯燙熱可幫忙保持茶溫，奶茶入口夠熱，茶身在茶杯搖晃中，見到奶茶夠掛杯，喝一口感到奶味不會蓋過茶香，過後口中留有茶味的餘韻，這便是想要的奶茶。17元不便宜，但以水準是值回票價，也喝過醒記高峰時代的奶茶，跟這裡的各有捧場客，不過現在的醒記已不復當年，只要女茶王不在陣，那杯奶茶已不值得專程而去。