新華茶餐廳

营业中

休息中

今日同朋友來到長沙灣區，試下新華的沙嗲牛肉麵。一入鋪有舊冰室feel, 我地選擇左坐喺樓上，並點了常餐。沙嗲牛肉麵，牛肉唔硬都叫淋，沙嗲味不太重，湯頭也無乜味，麵似是大光麵但偏淋，整體只屬平平。奄列則不錯，蛋夠香滑，餐包鬆軟。奶茶都算茶香味濃，算係咁。

由細食到大，最愛沙嗲牛肉麵同埋蛋撻。蛋撻係我食過最好食嘅，有時諗起會突登行返去買（已經搬離長沙灣）如果咁啱遇到新鮮出爐真係覺得自己超好運。野飲一定飲凍檸茶，茶底原來真係好重要（因為細過屋企人多數都黎新華食，所以未試過其他餐廳嘅檸茶，到大個會自己出去食野飲野先知，原來檸茶口味會唔同），有茶味之餘又唔會太甜。次次有外國朋友仔都會帶佢地黎食，佢地都極好評！因為街坊生意無遊客會識，所以唔洗迫，而且野食又地道又好食。仲有一點就係，一定會坐樓上XD

我諗大家都試過有豬一般既隊友，完全理解唔到既上司同同事。往往3點3下午茶就係治癒自己唔開心同不滿既時候啦! 特別當你身處係一個日日都有tea食嘅office，再加上超為食既性格，食野帶比你嘅幸福係無可取代既!就係發生上述不幸事情既時候，新華蛋撻送到屈小姐面前，前一秒屈小姐仲抱怨緊個同事，下一秒佢已經講緊:【個蛋撻雖然凍左，但都幾好食】【食晒啦，飽飽】根據屈小姐既描述，新華既蛋撻係咁既:1) 個蛋好滑好smooth, 唔會太甜!2) 個撻皮雖然食唔到一層層，但係幾脆，而且唔油3) 個撻比一般大隻4) 都只係盛惠$5.5難怪世人都羨慕有個為食既女朋友，果種幸福的確係難以形容#美食可以治癒女神既心

新華真係好古式下, 有兩層, 門有仲有報紙檔中午點半鐘到, 有好多位, 叫左個常餐麵包: 凍凍地, 味道無特別火腿奄列: D蛋炒得幾滑, 唔錯沙爹牛麵: 一般Size, 加埋個包正常黎計夠飽普通即食麵, 牛肉咬得爛, 沙爹都夠味, 好過快餐店既奶茶: 有奶茶味, 但唔知點解我覺得有少少削, 唔夠滑溜36蚊係咁多

忽然好想食酥皮蛋撻，剛巧是星期日；二話不說就去食吧！這是舊式冰室的格局，還有樓上雅坐！年齡漸長，對於懷舊事物總是寧舍鍾情的😉主要想食酥皮蛋撻和奶茶，餐牌也不用看便落單了，另外加了件奶油多士試試。酥皮蛋撻（$5.5）～ 在門口看到一大盤，還開心的以為剛剛出爐，可惜的是，原來巳放了一段時間，不再熱辣，而且酥皮層次不分明；還好吃下去仍帶點脆囗，離開的時候見到有新鮮出爐的蛋撻，下次都是打探清楚才出撃吧🤔奶茶（$17）～ 同樣的茶味不算太濃，奶的比例味明顯偏多。奶油多士（$11）～ 脆口，香甜。還未找到「心中」的酥皮蛋撻，繼續努力。😁

今日同D朋友起長沙灣附近做野，咁就行左呢間餐廳食野，我就叫左D簡單而普通既小菜試一試就係咕嚕肉。當呢碟菜上到黎就好香同埋D醋味唔係好勁控制得好好加上入口鬆脆配菜又唔老。

經過元州村已凋零的花路，來到新華另有一番感受，雖是下午茶時段，但也全場爆滿，幸好剛有食客離開不用在外等候。特餐有餐包、奄烈、公仔麵，點了沙嗲牛麵，牛肉肉質比較實，不像平時用鬆肉粉過度醃至鬆軟的感覺，牛肉味較濃郁實在。公仔麵不是出前一丁，但浸在湯內一段時間仍能保持韌度雖然同樣是沙嗲牛，但換成了包味道更香濃，沙嗲醬汁與別不同，實屬必食之選來多個雞批作完結，牛油曲奇皮是至愛，皮雖然較厚但極富牛油味，裡面是大量的洋蔥和雞肉，喜歡洋蔥的朋友絕對不能錯過自從上次喝了荃灣某冰室的唂咕後愛上了，不自覺地每次吃舊式茶餐廳都會點熱唂咕，可惜這裡的太令人失望，味道十分淡，完全喝不出可可味。反而凍檸茶卻十分出色，茶味香濃而不澀，甜味調配得剛好，配合新鮮檸檬，可以說是我喝過最好喝的凍檸茶

悶悶熱熱的天氣一時之間諗唔到晏晝食咩好，男友仔提議不如搵間茶記食碗沙嗲牛麵和嘆返杯冰凍奶茶。　　黎到新華門口就比佢個門口上幾盞舊式小燈所吸引，打開門已經有伙記問：「幾多位啊？卡位埋邊啦！」　　餐牌簡潔，選擇困難症嘅自己都好快作出決定。轉眼間特餐已在眼前，好耐冇見凍檸茶啲檸檬片又薄又多了，好讓檸檬汁容易地篤出。冰凍的奶茶偏奶味較多。驚喜在碗沙嗲牛麵麵質不淋、沙嗲汁份量足夠調味又不過多。　　係茶記食晝點少得以蛋撻做結尾甜品呢！伙記送上新鮮出爐蛋撻時再三細心提醒「好熱架！真係好熱架」　降溫後的甜甜蛋撻加上皮邊酥脆，唔錯。有機會再來！

今曰去左長沙灣見客,傾左1大輪,好彩都成功,落到樓下返工司,途中見有間茶餐廳,咪入去食下野休息下,我點左餐蛋治漢底加杯熱奶茶,餐蛋治漢底食落香口和脆,蛋和餐肉夠厚,食落係超好口感,蛋和餐肉味配合得不錯,有蛋味,杯熱奶茶欠左dd,茶味濃左dd,所以不夠滑!

寫開深水埗, 順手寫埋長沙灣這間我記憶中沙牛麵好好味嘅'新華茶餐廳'!大概有一年多沒來, 之前有一陣子來得比較密, 幾星期就必定食一次, 經常記著好味的"茶記沙爹牛肉麵"新華必定佔一位, 今日再來發覺回憶總是美化了很多很多...食咗年幾兩年Fa Fa 而 Mr Tang 近來又成日放假唔見人, 我唔悶啫, 有人就要悶出鳥了 ~    今日咁早起, 不如"出城"去食早餐, 唔去合益泰食腸粉大可以去新華食沙爹牛麵--- 我記得:   Let's Go, go go go~鴛鴦...我明明記得是香/濃/滑的, 今日的淡口了點, 滑是夠滑但唔夠味.無比較就唔會覺得有問題, 今日的一份餐, 奄列蛋茶記OK水準, 反而經常食多士食吓餐包仔, 好似特別覺得好味道.最重要是記憶中好好好味的沙牛麵 --- 今日的沙牛淡了, 無層次, 說好的花生味呢?!  麵, 因為食慣了丁, 寵壞了, 所以這一個又普通了.   (不過上星期去FA FA, 不知是否因為Mr Tang休大假不在, 那碗丁麵也煮到林了 這兩個星期的假日早餐都真有點不是味兒!~)幸好, 那個蛋撻仍是超水準之作, 撻皮酥香不在話下, 最重要

漸趨「澳牛化」，目前的新華越來越像澳洲牛奶公司，又急又趕，職員來去無蹤。沙嗲牛肉包-其實跟沙嗲牛肉麵的味道差不多，只不過將麵條換成了加長版餐包，反而沙嗲牛肉的醬😏會令到餐包沒有那麼乾👍🏿，味道較麵條好得多。餐包外皮，我認為比較乾身，好像只得少許牛油，很難下嚥。火腿奄列-有點兒蛋汁還呈流質狀，火腿不太少，用來伴餐包還可。雞批亦較厚皮，內裏餡多，但皮亦很厚，吃得滿口粉。可能由於以往都是星期一至五來光顧，沒有星期六日這般多人，所以今天來到覺得服務較差，店員較趕，而且位置相當少。幸好凍檸檬茶仍然沒有失色：行進店內即嗅到紅茶味，戳兩下檸檬，新鮮檸檬味在濃茶內顯得更加香濃，冰粒不多，從頭喝到尾也不會變淡，一流，全港最佳凍檸茶！

先一排同朋友係度買外賣,去佢屋企食,因為要趕做功課我買左個牛肉炒麵,返去打開覺得牛小麵多牛肉幾香幾好味,不過麵就油左DD但係份量好大下,真係食得飽而且牛肉真係好夠味,獨立食都好好食個麵可以堂食會無吸咁多油,下次試下堂食先

去長沙灣嗰邊睇嘢，之後就去新華茶餐廳食午餐，呢度嘅裝修都充滿歲月痕跡，餐牌仲係印住七個位嘅電話號碼。我同朋友嘅凍熱奶茶，都算茶香奶滑。沙嗲牛肉麵配火腿奄列牛油餐包，同埋雪菜肉絲粉絲配火腿奄列牛油餐包，餐包鬆軟，呢度嘅雪菜肉絲都幾好食。

特餐=常餐，常餐=午餐是日午餐來到懷舊餐室-- 新華懷舊東東已買少見少，是要嘗一嘗(我已經常光顧xdxd)是日點了常餐，叉燒通粉，火腿奄列及一個餐包，再加杯熱可力，食到飽飽平日的奄列有點油太多，今日很好，沒有很多油，包裹著滿滿的火腿絲，蛋味之餘亦有點咸味叉燒通的叉燒份量不少，不是一兩舊便打發人的餐餐飽我覺得一般，不熱又不軟的，就是一粒咸豬仔包似的。。。熱可力味道不錯，至少我飲到有可力味，而不是像奶白色的水般整體而言，今天對此餐廳還是滿意的說

我同老公都好中意食冰室茶記d老派野，來到長沙灣，呢間茶記絕對是首選😍到達時已過早餐時段，不過唔緊要，早餐火腿通唔啱食，食特餐啦😁 好少見茶記有得食粉絲⋯好過日日食公仔麵，二話不說就選了！粉絲配上炸菜肉絲⋯成碗也好入味！又不會太咸！炸菜有少少辣所以好野味！粉絲煮得夠林但又爽口，唔會硬到頂胃！正！😋個餐仲有火腿奄列加餐包！ 餐包沒有加熱的，雖然凍但不硬！裡面仲有牛油，軟林林易入口啱口味！奄列不算大也不算少，蛋味ok，裡面也包滿幼幼的火腿絲⋯味道不啖不用落鹽！有少少美中不足是可少d油🙄 老公吃的是沙嗲牛粉絲，沙嗲味濃唔會淡茂茂，牛肉又唔會好似出面好多茶記咁霉到入口即溶，粉絲偏幼又爽口，天生索味嘅粉絲佩上濃味沙嗲牛，正 餐飲方面，我們也是飲茶走少甜！茶味夠濃但不澀，練奶份量剛剛好！為星期六的早餐劃上完美的句號😊