新泰東南亞餐廳

营业中

休息中

上次同朋友試過新泰另一間分店，大有驚喜，原本都唔知佢開咗分店，只不過係尖沙咀行行吓突然發現。呢間分店嘅座位相對更加闊落，上次兩個人去食，座位超級闊落，大到可以坐三四個人。無論係咖喱等主菜，或者係伴碟嘅醬汁，都啱晒鍾意食辣嘅人！上次試過佢個青咖喱配烤餅，忍唔住再叫多次，足料之餘，配飯或者烤薄餅真係一流，烤薄餅份量都非常足夠，有足足8塊，抵食！生蝦當然都唔少得啦，加埋生蒜同埋醬汁一齊食，辣得來唔會遮蓋咗生蝦嘅鮮味，超級醒胃！仲試咗佢個蟹肉炒粉絲，真係炒得非常香，好惹味，但又唔會太咸，粉絲又唔會太軟，爽爽地，好好食！絕對係今餐飯嘅驚喜！飲品解辣當然唔少得啦，我就試咗佢嘅椰汁冰，超濃椰汁味。同期都試左其他泰菜，但都係新泰好食！

星期日要返半日工，放工後肚餓想搵嘢食，之前見住呢間泰國餐廳開張，一直都想試，因為見佢裝修得好靚，今日朋友話陪我食泰國菜，我二話不說就話要試呢間。一入到去覺得地方好大，環境好舒適，感覺好relax，可能因為3點幾，所以人唔太多，食客多數都係外籍人士，我哋兩個人，叫左三個lunch set1.泰式海南雞飯+$28 配泰式鳳爪2.巴東牛肉飯+$28 配貴妃苗　3.喇沙蝦米線 （呢個麻麻地）海南雞飯賣相幾靚，好似便當咁，個油飯好好食，泰式鳳爪雖然加$28但係份量都好多，巴東牛肉大甜味多，味道都唔錯，蒜蓉炒貴妃苗好食，最後仲有件甜品糕點，好飽啊！

香港人對泰國特別情有獨鍾，一年總會去一次。無他既，鬼叫佢消費低D野又好食咩之前去過北京道既分店，覺得佢既午餐很有水準，上網一睇原來佢係加拿分道都有另一分店，即刻拉埋朋友黎會一會佢。去到門口就俾佢既裝潢吸引，甚有泰國風情。椰林樹影的燈飾店舖面積非常大，每檯之間間距甚遠，即使今晚餐廳坐無虛席都唔會覺得焗促同嘈。檯墊都非常有特色，仲夠哂環保♻️食得泰國菜又點小得冬陰公呢，配料豐富，唔會太辣豬肉生菜包大家食得多，鴨肉生菜包你又食過未呢？相比起豬肉，鴨肉既感覺冇咁油膩，而且肉質比較實同有口感蟹肉炒粉絲，正係鋪面果層蟹肉就已經值回票價加埋札肉一齊炒，粉絲又唔會太多油，健康之選泰菜另一吸引之處一定係甜品：椰青斑戟，味道清新，黏黏韌韌，啖啖椰肉，一流

昨天看電視胡慧沖介紹泰國，人在香港心在泰的我突然想食泰國菜，就即時想起上星期逛街在尖沙咀K11隔離有間泰國菜，在Openrice 搜尋才得知開業不久，而且評語都很好，就立即確認朋友和致電預約。今晚約了九點，來到門口不用排隊，侍應帶我們到下層安排座位，餐廳環境很大，座位空間闊，侍應大部份都是冬陰妹口音的泰國人，感覺像去了泰國一樣，每張枱都有一大塊葉形膠檯墊，很有泰國風味，我覺得在餐廳吃飯除了食物質素要高之外，賣相和餐具都很重要，這間餐廳算是做得不錯，而且餐牌食物種類多。我們點了冬蔭公、泰式蝦炒金邊粉、泰珍珠椰菜苗炒香菇、椰青沙冰、泰式椰青pancake。冬蔭公 - 味道、辣度正宗，材料大足泰式蝦炒金邊粉 - 被餐牌圖片賣相吸引，所以點了這個，份量十足，但好像缺少了砂糖，不過都沒關係，我都不會落砂糖泰珍珠椰菜苗炒香菇 - 味道可以，香菇很香椰青沙冰 - 份量超大，我一個人都飲不完，有椰肉，超濃，但溶得很快泰式椰青pancake - 感覺像香港的年糕、椰汁味重，有椰肉在內，正

朋友就快生日就約埋一齊食佢最愛嘅泰菜呢間餐廳真係好多人客 好彩有book位咋 餐廳佔地兩層 入口嘅裝潢好似去到泰國咁 好舒適慶生當然要食好啲啦我哋就點左好多嘢食呀生蝦刺身當然係必點嘅好新鮮 又大隻 配埋醬汁辣辣地好好味泰式炸蝦餅好驚喜 一份有四件 一開二 都有八件 熱辣辣咁食真係好正呀 外脆內軟 入面真係真材實料 食到粒粒蝦肉 四個人share 就最啱啦馬拉盞通菜都炒得唔錯呀 幾爽脆青咖喱雞肉水準唔錯 今次食特別啲 試吓用蒜蓉包點青咖哩食 都別有一番風味呢個只係細嘅冬陰公湯 但係已經好大碗我哋四個人share 每人一碗都OK 而且味道都幾正宗㗎另外都仲有兩個主食 鮮蝦炒金邊粉同埋蝦醬炒飯 我就比較鍾意食金邊粉 炒得唔錯㗎 而蝦醬炒飯食得多就有啲咸 想轉下口味 但係兩個主食嘅份量都好大 性價比高另外芒果沙冰同椰青沙冰都係必點好真材實料雖然芒果沙冰味道略談 但係真係飲到新鮮芒果味最後當然要食返芒果糯米飯做甜品啦 芒果幾甜 而糯米飯就有兩種 都幾特別 加埋椰漿就最夾啦

泰國菜在尖沙咀都有不少但這間的泰國菜式就味道不錯而且坐很又舒服，已成為我地的泰國菜食堂。今日我地黎就試咗一些之前未食過的小菜...今次清清地試食青木瓜沙律，青木瓜絲都不少而酸辣度岩岩好，幾醒胃口。之後每次去泰國菜必食的生蝦也來到，份量都不少，醬汁夠辣度帶點酸，蝦口感爽口不錯。因為得二人關係只可吃到一款小食，最後選擇了蝦餅，大大件炸得又香口加上酸辣醬味道好味又吾油身。主菜的酥炸香茅魚配青芒果沙律，酥炸得好，吾油之餘仲魚肉份開一件件十分易食，如果怕炸物的話仲配咗個開胃帶微酸的青芒果沙律，有芒果香又有口感，份量都適中。最後就叫了一個炒通菜，通菜味道剛好又惹味，份量仲要十足，二人絕對夠食。

一直係新泰嘅長期捧場客，講起食泰菜我一定會推薦新泰，因為係新泰嘅用餐經驗絕對係味覺同視覺嘅享受。新泰嘅裝修出名富麗堂皇，充滿泰式風情。我地入咗嘅時候由於時間尚早嘅關係，兩個人店員都安排左卡位。卡位相當闊落，坐六個人都唔覺得迫，仲有大cushion可以埃，環境真係十級無敵正。一入座我哋嘅選擇困難症又開始啦，每次嚟都想試唔同嘅菜式，所以今次一於叫熱心嘅店員推薦比我地。通常食泰國菜叫菜嘅話都會食炒通菜，今次店員反而推薦蒜蓉炒貴苗，果然炒得好嫩滑，連平時唔鍾意食菜嘅男朋友都爭住食。小食方面叫咗越南烤蔗蝦，表皮炸至金黃色，食落非常香脆，蝦肉吸收到甘蔗既清甜，食落唔算油膩，啱晒想食炸嘢但又驚heavy既我主菜方面叫咗麵包焗咖喱軟殻蟹，賣相非常精美，令人食慾大開。我估係即叫即整嘅原因，軟殼蟹炸得好鬆脆，即使放入咖喱汁後都保持到香脆質感，值得一讚。咖喱汁唔算好辣，食落帶有一點椰香。而切好既麵包用牛油烘過，外面香脆入面軟綿，配上佢入邊嘅咖喱汁真係一流，係我最愛嘅主菜。平時西餐食西冷就食得多，估唔到呢一個燒西冷牛扒帶比我別樣嘅泰式感覺。牛肉比平時食開嘅牛味較重，口感亦比較結實，調味相當足夠，即使唔點佢配嘅

那晚約了媽媽在尖沙咀行街，晚餐她想吃泰菜，我上網找到這，見環境和口碑不俗，試試吧那晚不是星期六日，還是等位啊，心想這店該不錯。餐廳充滿泰國feel，十分有情調。我們㸃了泰式菠籮炒飯，真好香口，飯粒粒分明，帶黃薑粉和咖喱粉的香，但不辣，還加了蛋炒，入面有菠蘿肉的微酸甜，還有肉鬆，腰果，蝦肉等，口感具層次，炒飯好乾身又香口，料好多好豐富，好適合夏天吃。碳燒豬頸肉，豬頸肉吃得出用魚露和香料醃過，肉質好爽，好重肉味，但酸辣的泰國汁醬很開胃，伴豬頸肉會更提味，也減了肥膩。椰青沙冰和泰式奶茶，椰青真係好正啊，好有泰國夏天feel，清甜怡人，奶茶同普通香港奶茶不同，茶味不算太重，有一種獨特的香味，伴泰菜，絕配。這頓泰菜真好吃，服務也好，我給它95分!

夜晚係尖沙咀食飯，朋友話想食泰國野，就試左呢間餐廳可能係因為新開既關係，門口裝潢唔錯，店員似乎大部份都係泰國人，廣東話講得好好但聽得出有口音哈哈，以一間泰國餐廳黎講我覺得係加分既。餐廳入面空間十分寬敞，暗暗地都幾有情調，情侶去拍拖食飯就一流，座位係有cushion 既長椅，坐得幾舒服，真係好有置身係係國沙灘食野既感覺呀！野食方面，叫左個香芒牛油果軟殼蟹卷小食，好足料而且味道都正常，但就有小小凍，仲叫左個豬牛雞串燒都不過不失。見到好多人推介呢個蒜蓉炒貴妃苗，真係無介紹錯，貴妃苗好幼嫩，有蒜白亦唔會太咸。主菜就叫左個最正路既炒金邊粉，賣相十分吸引，味道甜中帶酸，原隻蝦肉都唔少，如果再炒熱d 有d 鑊氣就更加好喇！

好多人想食泰國嘢都會諗起九龍城但最近我發現尖沙咀都有好食嘅泰國嘢.....呢間（新泰）位於尖沙咀加拿分道同河內道嘅交界一去到門口比我感覺好華麗有正宗大笨象同一個好靚嘅水池大堂仲有好多座位比客人等待整體比我感覺到舒服😊原來食堂係地牢所以我哋要行落一層....落到去感覺好大空間感都多所以坐得舒服👍🏻泰式生蝦，生蝦厚身大隻 仲好新鮮加埋啲泰式醬非常之好食仲比較辣😅鍾意食辣就比較首選👏🏻冬陰公海鮮金邊粉，原本諗住冬陰公一定會好辣反而食落去又唔太辣重好多配料仲比較大碗兩個人一定夠食😋😋蒜茸越南牛油雞翼，雞翼雖然唔係好大隻但食落去細細隻肉質咬口都比較方便好食再加上用蒜茸抄非常香口香脆👍🏻👍🏻👍🏻最後當然要叫個椰青飲啦⋯⋯完全有晒泰國嘅風味！

今日行商場，買完野就同朋友睇吓附近有什麼餐廳，見到有間餐廳係地庫而且門口有泰式特色裝潢都幾特別就落樓下食飯，去到地庫沒想到地方都幾大喎，而且座位都十分舒服，我地睇完餐牌就決定每款都叫一些來試，沒想到整體都幾大碟，而價錢吾貴。首先來的是酥炸香茅魚配青芒果沙律，炸魚見過不少，都會偏油，但這間的炸魚是很少油而且十分香，食落去炸魚面脆口而入面魚肉保持到嫩滑，而且仲十分之大條。配上一個好清新的青芒果沙律，微酸又少少甜的芒果香，十分醒胃，岩晒配上炸的食物一齊吃。菜就選擇了炒通菜，菜的份量多而且炒得香口又翠綠，不錯！想開胃不在乎每次來吃泰國菜必吃的青木瓜沙律，木瓜爽脆又帶酸，很配合食炸食物或辣的食物。去到泰國餐廳差不多每桌都會叫的生蝦，生蝦夠新鮮而且份量多十分抵食。小食就選了蝦餅，蝦味濃又炸得十分金黃色，配上醬汁食啖啖肉，好味道。

之前食過兩間位於港島區嘅新泰，都覺得食物質素高，價錢又合理，成為咗佢哋嘅粉絲。早前知道新泰係尖沙咀有新分店，作為粉絲嘅我當然要去支持下！一到門口已經被餐廳嘅裝修震懾左，門口擺放好多泰式擺設，裝修金碧輝煌。我見到門前receptionist 係貌似泰國人嘅臉孔，心裏已經練習左好多次英文既對話，點知對方識講廣東話，突然間感到非常親切。唔好以為冇咩人食，我哋只係早左好多入去（大約6:30左右）。去到7pm嘅時候就越黎越多人。我哋坐喺梳化座位，真係非常闊落，自己一個人就獨佔一張梳化哈哈。進餐嘅地方位於下層，環境非常寬敞舒適，以我估計應該係咁多分店面積最大嘅一間。餐具嘅擺設非常得意，尤其是大大片葉狀既餐墊。平時港式奶茶就飲得多，泰式奶茶真係第一次飲。兩者分別在於茶葉，泰式奶茶沖出嚟嘅顏色偏向橙色。最正嘅係泰國奶茶會加煉奶，甜度更高，入口更加順滑。呢個麵包焗咖喱軟殻蟹賣相認真一流。外面既小蒜蓉包被輕輕烘焙過，非常香脆。咖哩既椰香味好濃，而且唔太辣。即使農夫包盛裝住咖哩，但無損包嘅質感，依然非常軟綿。軟殼蟹非常肥美，浸係咖喱汁既同事依然保持香脆嘅口感。呢度菜實在「泰」出色啦！我本人係極不喜歡食芽菜。

對上一次來新泰已經係去年倒數前嘅事，仲要係去灣仔分店，呢度一向係我嘅泰菜之選，由泰藉廚師主理，喺香港已經經營廿多年。我就最主要貪佢地方夠大，多人聚會又得，同另一半兩個人食又得。尖沙咀店位於加拿分道，睇落比較新，最舊嘅評價都係個零月前，揀左個週日前來。去到門口，已經有店員招待，加上一早預約左，準時入座。餐廳面積很大，位置相當多，有梳化位，有房間，非常舒適。由於時間尚早，店內客人唔多，到約莫七點零就開始多人了，特別係房間，一定要預約。餐牌方面，一般嘅泰菜都有供應齊全，小食、燒烤、沙律、咖喱、肉類、海鮮、炒菜、粉麵飯、甜品都有，價錢合理，食物亦都好有質素。可能少人，上菜速度十分之快，除左蒸魚之外。泰式炸蝦餅：一份四大件切半，蝦餅即炸，新鮮熱辣，粒粒都漲卜卜，外脆內軟，蝦肉感明顯，亦都冇油淋淋嘅感覺串燒（豬、牛、雞）：一份六串，三款肉都有齊，不過可能唔係即時燒啦，所以就唔夠熱，只係暖暖地。串燒伴上咖喱醬，唔辣嘅，但好香。牛肉串唔韌，豬肉比較鞋少少，反而我鐘意雞肉。泰式蒸魚：平時就多數食明爐，但今日想酸酸辣辣啲，所以就點左蒸魚。呢種烏頭魚肉一般唔會滑，不過啖啖肉，細骨唔多，而且配埋個泰式酸辣、青

尋日有朋友生日，所以我哋就約咗出嚟食飯慶祝，嚟到呢間鋪頭覺得感覺上係比較高級嘅泰國菜餐廳，所以就選擇左呢度生蝦刺身味道好鮮甜平時好多時候飲嘅芒果沙冰都會有啲好假嘅芒果味，但係呢杯一送到黎嘅時候朋友就已經話佢聞到真既芒果味，飲落雖然比平時嘅芒果沙冰有啲淡，但係會覺得佢嘅味道真係一啲都唔假椰青水都係好鮮甜好好味，而且個椰青都幾大個每次食泰國菜都一定會叫一個炒通菜，因為我哋大家都唔係太食得辣野，所以就叫咗馬拉盞通菜，炒得都幾香我哋雖然有四個人，但係都係叫咗個細嘅冬陰公湯，每人試小小炸蝦餅有八塊，冇諗過原來都幾多，如果唔係四個人嚟都未必食得晒蝦醬炒飯炒得幾香，不過味道就偏鹹咗少少，而且份量都幾多一開頭覺得椰青沙冰好貴會唔抵，點知原來又幾好飲，而且啲沙冰係裝到滿晒，大大杯抵返晒

餐廳環境幾大，座位寬敞，裝潢幾特別。Menu上面都有好多選擇，睇到已經令人流哂口水😍-燒西冷牛扒: 牛扒切成一片片，生熟度大概三成。雖然較生，但唔會血淋淋咁，怕生嘅人都接受到。牛扒肉質柔軟，富肉味，唔點醬都好好味。仲可以點埋兩款醬，我就比較喜歡紅色嗰個，甜酸又有點辣，幾特別; 另外嗰個就泰式風味多D，都好夾！-椒鹽軟殻蟹: 軟殻蟹熱辣辣又香口，好好食，仲切成小塊，好方便食呢，不過份量就少咗d。btw, 碗入面有超多炸蒜，好惹味！-蝦醬炒飯: 炒飯味道唔錯，不過蝦醬味唔突出。臘腸同肉鬆幾好食，入面嘅配料都幾新鮮，而且份量都幾多，食到超飽😂-菠蘿沙冰: 味道幾清新，可惜菠蘿味唔算太出。不過夏天飲沙冰，凍冰冰已經正啦😂