影片
更多
2018-08-20
329 浏览
之前食過兩間位於港島區嘅新泰，都覺得食物質素高，價錢又合理，成為咗佢哋嘅粉絲。早前知道新泰係尖沙咀有新分店，作為粉絲嘅我當然要去支持下！一到門口已經被餐廳嘅裝修震懾左，門口擺放好多泰式擺設，裝修金碧輝煌。我見到門前receptionist 係貌似泰國人嘅臉孔，心裏已經練習左好多次英文既對話，點知對方識講廣東話，突然間感到非常親切。唔好以為冇咩人食，我哋只係早左好多入去（大約6:30左右）。去到7pm嘅時候就越黎越多人。我哋坐喺梳化座位，真係非常闊落，自己一個人就獨佔一張梳化哈哈。進餐嘅地方位於下層，環境非常寬敞舒適，以我估計應該係咁多分店面積最大嘅一間。餐具嘅擺設非常得意，尤其是大大片葉狀既餐墊。平時港式奶茶就飲得多，泰式奶茶真係第一次飲。兩者分別在於茶葉，泰式奶茶沖出嚟嘅顏色偏向橙色。最正嘅係泰國奶茶會加煉奶，甜度更高，入口更加順滑。呢個麵包焗咖喱軟殻蟹賣相認真一流。外面既小蒜蓉包被輕輕烘焙過，非常香脆。咖哩既椰香味好濃，而且唔太辣。即使農夫包盛裝住咖哩，但無損包嘅質感，依然非常軟綿。軟殼蟹非常肥美，浸係咖喱汁既同事依然保持香脆嘅口感。呢度菜實在「泰」出色啦！我本人係極不喜歡食芽菜。
一到門口已經被餐廳嘅裝修震懾左，門口擺放好多泰式擺設，裝修金碧輝煌。我見到門前receptionist 係貌似泰國人嘅臉孔，心裏已經練習左好多次英文既對話，點知對方識講廣東話，突然間感到非常親切。
唔好以為冇咩人食，我哋只係早左好多入去（大約6:30左右）。去到7pm嘅時候就越黎越多人。我哋坐喺梳化座位，真係非常闊落，自己一個人就獨佔一張梳化哈哈。進餐嘅地方位於下層，環境非常寬敞舒適，以我估計應該係咁多分店面積最大嘅一間。
餐具嘅擺設非常得意，尤其是大大片葉狀既餐墊。
平時港式奶茶就飲得多，泰式奶茶真係第一次飲。兩者分別在於茶葉，泰式奶茶沖出嚟嘅顏色偏向橙色。最正嘅係泰國奶茶會加煉奶，甜度更高，入口更加順滑。
呢個麵包焗咖喱軟殻蟹賣相認真一流。外面既小蒜蓉包被輕輕烘焙過，非常香脆。咖哩既椰香味好濃，而且唔太辣。即使農夫包盛裝住咖哩，但無損包嘅質感，依然非常軟綿。軟殼蟹非常肥美，浸係咖喱汁既同事依然保持香脆嘅口感。呢度菜實在「泰」出色啦！
我本人係極不喜歡食芽菜。當呢度蒜蓉炒貴妃苗上菜嘅時候，我覺得貴妃苗好似芽菜，令我有啲抗拒。但女朋友之前食過貴妃苗，話好好味，叫我無論如何都要試吓。結果一試，真係不得了！蒜蓉味香，口感完全唔似芽菜，非常嫩身，分量亦十足。
越南烤庶蝦非常香脆，入面既蝦肉亦非常鮮甜。賣相十足錘仔，沾上酸辣醬冇咁油膩。
我即使食泰國菜都唔會放棄做一個食肉獸。燒西冷牛扒賣相吸引，炭燒味香，牛扒口感結實，但唔會好難嚼爛，肉汁充盈不乾硬。
一如以往，新泰嘅食物依舊出色。但尖沙咀嘅分店係裝修方面昇華不少，加上職員服務態度一流，令我更加期待更多分店出現喺香港🇭🇰。
张贴
