新泰東南亞餐廳

营业中

休息中

今日係尖沙咀經過見到呢間泰國菜館，裝潢好新淨，同時我哋又好鍾意食泰國菜，所以入去食晚飯 首先飲番杯泰國地道香茅茶。107. 香茅茶$33，熱 茶味散發陣陣清香，非常順喉，正宗泰國食材，真不錯。408. 泰式去骨海南雞$128半隻 到泰式餐館當然唔會放過 呢一道菜啦，海南雞份量大大碟，一上枱見到油光閃閃，金黃燦爛，賣相已經吸引，佢上面一層雞皮滑溜到不得了，滑到雪一聲，肉質鮮甜，柔軟雞肉汁液豐盛，加上自家製作 兩款醬汁，絕不是馬馬虎 虎之作，別家真係好難食得到，這樣高質素嘅食材。555. 日本南瓜焗飯$108 呢個焗飯都好出色，選材 正宗日本南瓜，人人都知日本南瓜係最出色的，內裏有多款嘅海鮮，款款新鮮又甜美，大大隻蝦爽脆鮮甜，king size青口鮮香無比，肉汁澎湃，還配合芝士濃香，真係冇得輸。MENU

喺尖沙咀閒逛諗緊今晚食咩好既時候，見到原來K11對面新開左間新泰，以前喺灣仔食過，覺得性價比不錯，於是就決定今晚都食佢門面都幾有氣派，地面只有擺設同俾人等位既櫈，真正食野係喺地庫 環境超大，坐位都好闊落，而且有好多卡位泰式生蝦蝦肉夠厚，配泰式醬料超惹味。溫馨提示呢個都幾辣咖，不過就夠過癮香芒牛油果軟殻蟹卷比較少有既菜式，香芒加上牛油果，仲會有啲生菜、蘿蔔、青瓜，配埋軟殻蟹。成個組合感覺好fresh，一啲都無油膩燒扇貝即叫即燒，所以都要等20分鐘倒。但上菜既時候聞到咁香，等幾耐都抵 除左大大粒扇貝，仲落左好多芝士蒜茸一齊燒，正蒜茸炒貴妃苗叫得苗都係非常幼嫩，蒜茸炒十分香口，而且份量唔少泰式蝦炒金邊粉有勁多隻蝦，好抵食芒果糯米飯有黑糯米同白糯米，芒果肉都超多，同夠甜

2018.8.9（星期四）放工後約左同朋友二人係尖沙咀食下野吹下水！見到呢間新泰開新分店，評價相當高，又好耐無食泰菜，於是決定一試！先講環境，新分店真係好寬敞，連經理都話係幾間分店中最大間個間！餐廳氣氛很有格調，坐位舒適，好適合三五知己相聚。我們叫左個泰式蝦炒金邊粉$98！上碟外形好特別好精美，一層蛋膜包裹著炒起的金邊粉，最重要係味道好香好惹味睇得又食得另外，叫左個蒜蓉炒貴妃苗 $82。個貴妃苗炒得超嫩口翠綠，配埋蒜蓉炒香，味道一流。食泰國野當然必點串燒啦，點了個串燒（豬牛雞）6 串 $88。三種肉串都燒得好香口，肉質夠淋，而個醬汁亦好夾好惹味！正我們再點左個馬沙拉咖喱雞 $78，咖哩只可選一款肉，可選牛，雞，魚。我們另外點左印度薄餅$30去配咖哩。薄餅整得都夠香脆可口，配埋咖哩雞，滋味一流最後點左個芒果糯米飯$62作飯後甜品糯米仲係熱辣辣，好夠香軟煙韌，甜甜椰香味配上芒果加糯米，好正好耐無食，回味一下。至於飲品方面，我就點左龍眼冰$38，而友人則想試一試椰青$42。龍眼冰好清甜，龍眼肉都夠多，同埋好夠大杯。友人椰青都好夠清甜總括而言，環境夠舒適寬倘，氣氛格調好好，服務員態度好有禮可親

我們上一次一起在泰國食泰國菜已經有一年了，我們很回味，所以約埋一起去了尖沙咀那間泰國菜餐廳。餐廳很大裝飾得很靚很有泰國度假氣氛，門囗亦很大，很有泰國Spa的感覺！❤️餐牌上有各款各樣的菜式。好彩我們一行七人可以點多款不同菜色。因為每碟都好大份，我們可以一起食！😋😋200. 小食拼盤（蝦餅，魚餅，春卷，肉碎生菜包）207 蒜茸越南牛油雞翼253 泰式生蝦230 串燒（雞、牛、豬）好惹味！300 大冬蔭功湯，好足料！蝦🦐大大隻！235 燒原隻魷魚 👍🏻252 醃無骨鳯爪沙律451 鐡板蠔仔炒蛋455 泰式明爐鳥頭魚，魚夠滑557 泰式蝦炒金邊粉504 泰式炒椰菜仔133 龍眼冰134 椰青125 芒果沙冰128 椰青沙冰正！甜點併盤好美味！

經過河內道，被金黃的門面閃到，就心血來潮想吃泰菜。下一層樓梯到餐廳，裝潢很豪華，仿似置身於泰國。侍應們都是泰國人，操流利廣東話，很有親切感。泰式奶茶 - 不會很甜，香濃茶味，就算冰塊融化也不會沖淡奶茶香味，讚！椰青 - 鮮甜，果肉如是。經理推薦我們吃海南雞，肉質很鮮嫩很滑，沾一下祕製醬料更惹味。菠蘿炒飯 - 菠蘿炒飯一向無得輸，加上海鮮根本嬴在起跑線。冬蔭功湯 - 很足料，香料味濃，不會很辣，且有切邊大蝦，肉質亦不會梅，不錯。小拼盤 - 蝦餅及魚餅，配上菠蘿醬，很配很好吃。醬料很出色，喜歡！南瓜咖哩海鮮 - 以為會有一整塊南瓜，原來都煮成溶，不過會更易伴飯吃。青口及魷魚都很新鮮。燒魷魚 - 必點，燒得很香，點不點醬料也可，因為本身夠味。芒果糯米飯 - 本身不嗜甜的我也愛吃，因為不算好甜。糯米飯煙韌，有咬口，正！

睇舖面唔講以為係泰式按摩場，入到去感覺非常舒服！啱哂熱愛泰國嘅港人黎聚餐。食泰菜必點椰青同泰式奶茶，好有風味。前菜叫左小拼盤，有魚餅同蝦餅各4舊，炸得好豐腴，點埋個醬汁好正！而燒魷魚就好香！唔硬但又好好嚼頭。我地試左個細嘅冬陰功，夠酸夠辣，辣嘅野就交比友人食。呢個海南雞已經去骨，味道好出色，雞肉嫩，肥瘦適中，配埋飯會更好。我地叫左份薄餅配南瓜咖哩海鮮，咖哩唔辣，怕辣嘅人可以放心食。薄餅好鬆化，配咖哩一流！食咁多當然未飽，主菜要食返個粉麵，我地揀左大家都喜愛嘅pad thai，賣相好靚，蛋絲好似個網咁罩住個金邊粉，味道酸酸甜甜，加埋青檸更開胃。最後點都要叫返個芒果糯米飯做甜品，糯米飯暖暖地，非常滿足嘅一餐！

終於一試尼間泰國餐廳😍環境超舒服，位置夠哂寬敞！一打開個menu已經比佢個椰子沙冰吸引😍😍超大份，可以三個人飲都夠😂都唔錯有椰汁味既 如果可以再濃啲就very good! 會再encore尼個野飲！豬頸肉拼盤都係必叫既！肉好嫰，又唔會太肥，好快就清哂😂菠蘿炒飯😍係用新鮮菠蘿炒咖，尼點已經贏哂🤤最後叫埋個甜品拼盤！冇諗過全部都係椰汁、加埋飲椰汁沙冰，濟到飛起😂😂有4款 每款兩舊，椰青啫喱幾特別，清清地可以一試 大滿足😋😋

外面好靚 幾有feel之前朋友同我講呢間野好食 我話個名睇落唔方好食 點知真係唔可以以名取人 呢間泰國野 真心唔錯 夠大間 坐得舒服 食物又好味 夠穫氣 yummy好想食軟殼蟹 明明lunch先食過🤣叫左個小食-椒鹽軟殼蟹味道夠味 好香口 唔會覺得好燶 仲要係多肉 見到哂啲軟殼蟹 唔係一埋粉另外 叫一個主食-蟹肉炒粉絲又係蟹😻個粉絲都幾夠份量 見到格離格嘅都好正 真係好似餐牌啲圖咁 我覺得蟹肉可以再入味啲 個炒粉絲撈勻左好好味 唔會太快凍仲叫左我 青咖哩羊架啲青咖哩混合左椰汁同啲香料 加色水加香仲好惹味 仲係有啲辣架3件大大件羊架 好有肉地 肉汁鮮配搭青咖哩 感覺好正呢間野真心唔錯 太飽食唔落甜品 下次先試啦可以係性價比高嘅餐廳 坐得舒服 服務態度好 我地兩個人食都有一張4人枱坐 唔會迫迫迫仲要每個送價錢合理 唔會貴價唔飽👍🏻好岩坐低傾計聚會慢慢食

今天和家人到尖沙咀K11逛街，午飯想吃泰菜，上網搜搜附近就有家叫新泰的泰菜。這家新泰共有四家店，能開分店，水准肯定無容置疑，即管一試。餐廳在地庫，面積比一個籃球場更大，座位很寬敞，枱子之間空間很大，亦有舒適的沙發位，有些更有咕𠱸，吃得輕松。點了一個四人套餐$438。跟餐有咖啡或菜，另外每杯加$8轉了椰汁冰和龍眼冰。椰汁冰椰子味鮮，濃度適中。拼盤(蝦餅、魚餅)，兩種都好入味，口感爽彈。串燒沙嗲雞、牛、豬，燒到有微微香烤味，三種肉類口感都軟腍，肉味豐富，吃得出是高質肉來。燒豬頸肉沙律，微辣可口，豬頸肉都不少。咖哩蝦配蒜蓉包，咖哩蝦有八件，但咖哩略為不夠辣。蒜蓉包面真的有粒粒蒜蓉，有誠意。泰式炒金邊粉，面頭用蛋包著，炒得也挺香，不過材料少了點。最後還有泰式炒什菜，有肉有菜，均勻飲食。六道菜份量多得我們四人吃不完，埋單四百多，每人才百多元。食物質素、份量、環境都水准之上，性價比十分之高。

雖然未去過泰國，但好慶幸香港都有好多泰國餐廳可以任君選擇，但係這個一間的泰國環境佈置都係十分之讚，服務亦都係令人滿意😊都係一個一大班朋友相聚既好地方黎嫁，相信好多朋友會鍾意💓

一向鍾意食泰國菜嘅我，每個月都至少要食一次，而每次總想試下唔同嘅餐廳，今次黎到位於尖沙咀加拿芬道嘅"新.泰東南亞餐廳"。餐廳分兩層，係入座期間已經見到好有東南亞風味嘅佈置。餐廳座位舒適，好有空間感，雖然我地黎到時只係六點半，但餐廳已經半滿，過多陣已經要等位了。我地一行兩人叫咗一個焗咖喱包，冬蔭功及半打串燒。冬蔭功 : 食親泰國菜都必定要飲冬蔭功，呢度嘅冬蔭公有例牌及大揀，我地只係叫咗個例牌，但每人都已經分到一大碗，入口味道夠香夠辣，配料有蝦及菇，一碗真係唔係好夠喉。串燒 (半打) :串燒可以選擇牛，雞及豬，我地揀咗雞及豬各三串，串燒即叫即燒，上檯時熱辣辣，兩款肉燒完後仍嫩滑，肉汁亦夠多，配埋惹味嘅沙嗲醬，味道一流。麵包焗咖喱軟殼蟹 :最喜歡食咖喱嘅我，見到呢款麵包焗咖喱又點可以唔試下?咖喱上檯時香噴噴，大大個農夫包載住炸軟殼蟹及黃咖喱，賣相已經非常吸引。輕微烘過嘅麵包切到細細件，食起黎非常方便，點埋香濃咖喱汁，味道好夾。軟殼蟹雖然浸住咖喱汁，但依然香脆。埋單每人都唔駛二百蚊，食物唔錯又坐得舒適，有機會可以再黎。

平時食泰國野多數都出九龍城 今次朋友話想試下呢間尖沙咀既泰國餐廳 我當然樂意奉陪～餐廳環境都幾大 而且裝修得唔錯仲有泰國人做waiters 好有泰國既氣氛Menu 都有好多不同既選擇 前菜簡左呢個泰國青芒果沙律酸酸辣辣咁 幾開胃 岩晒依家夏天食朋友話想試下咖喱 所以就叫左呢個青咖喱雖然朋友同我都不太食得辣 但呢個辣度可以接受而且肉同咖喱既份量都好多 多幾個人share都唔怕呀～食咖喱當然叫番個薄餅點汁食啦薄餅就要耐心等候下啦 因為個店員話係即叫即烤 所以需要D時間不過個薄餅真係幾有水準等左咁耐都係值得既！我地仲叫左個冬蔭功海鮮炒飯入面真係有D冬蔭功既湯汁去炒而且好足料 有好多海鮮如蝦，青口，魷魚咁簡直係大滿足呀！

經過河內道，見到有間泰國餐廳，門面好大好靚，之前唔多覺有間咁靚嘅餐廳，應該係新開冇耐。行落一層，裝修好新淨，以木色為主，幾有泰國風情。地方寛敞，成個環境都好舒適。椒鹽軟殼蟹份量大概有一隻，小食嚟講好足料。炒金邊粉大大份，加埋青檸汁、蛋絲同花生碎食，好味。椰汁西米糕一碟四件，入面除左西米仲有粟米、芋頭同好多馬蹄，馬蹄特別爽口清甜。可惜略為過甜，如過低甜會好食啲。尖沙咀區咁靚環境食泰菜，價錢算係幾平，服務又好，值得推介。

今天和女兒往尖沙咀shopping,行下行下到左加拿芬道，見到一家新．泰東南亞餐廳，裝修設計風格獨特，吸引我們注意到，鋪內有流水瀑布、泰國佛像和泰式擺設等，沿樓梯行下地庫就是餐廳。餐廳地方都很大，設計時尚，座位寬敞舒適，見到甘靚既餐廳梗係入去食返餐享受一下，侍應也很殷勤招待我們入座。女兒上網查到這餐廳有多間分店，這間是最近新開的。泰式生蝦；生蝦好新鮮，去殼開邊清洗乾淨後，用冰底墊住生蝦上枱，並在生蝦面加上蒜頭辣椒、檸檬，配埋泰式酸辣醬汁。味道爽口帶辣。串燒（雞、牛、豬）：師傅燒得夠火喉，外層微蕉，肉質鮮美又入味，點些經特別調製的沙嗲汁，十分惹味！泰式去骨海南雞：半隻份量，皮爽滑，肉質鮮嫩，已經去骨啖啖肉，配泰式酸辣醬汁或薑蓉，別有風味。，油飯，海南雞的最佳拍檔，飯軟硬適中，味道夠香不油膩。椰青：大大個椰青，內裏椰青水冰凍清甜，解渴消暑！芒果糯米飯：飯後甜品，糯米飯有黑和白色，口感軟糯，芒果合時甜甜的，椰汁甜度調較得適中！香甜美味！

新泰東南亞餐廳係香港有四間分店，尖沙咀同灣仔都各有兩間，仲要大部分店員都係泰國人，咁唔洗問味道都應該好正宗。今日趁係假日，約埋朋友黎食飯傾計。    我地一行兩人，叫左一個主菜同兩個小食share，份量剛剛好。 麵包焗咖喱軟殻蟹 : 呢個脆包盅係以挖空嘅農夫包載住濃香咖哩同軟殼蟹，麵包烘得非常鬆脆，外脆內軟，裡面放滿左好多軟殻蟹，再淋上了大量嘅黃咖喱汁，咖喱嘅椰香同微辣滲透麵包每一個角落，非常好味，口感一流。至於挖出黎嘅麵包加以切件後放係碟旁，細細件咁點咖喱汁食，非常方便。    泰式炸蝦餅 :炸蝦餅係我最欣賞既小食，一碟總共有八件，以＄78黎講算係好超值。蝦餅炸得剛剛好，外層金黃夠脆，入口爽口彈牙，口感十足，鮮蝦味道夠重，再配埋D泰式辣醬食，真係風味十足。     醃無骨鳳爪沙律 :鳳爪對於我來講係泰國菜裡面著名小食之一，呢度嘅酸辣鳳爪，入口酸酸地，帶微辣，非常醒胃，無骨嘅鳳爪食起黎唔洗吐骨，非常方便。    埋單每人唔洗200蚊，食到咁高質嘅野食，都算係性價比高。