新泰東南亞餐廳

营业中

休息中

公司中秋節做節午餐，想搵間坐得舒服的餐廳慢慢食~ 揀左食呢間泰國菜~卡位有大cushion，坐得好舒服，環境亦都唔會太嘈吵~椒鹽軟殼蟹，聞落有辣味，但食落就無，因為同事唔食辣，以為要叫多另一個菜，好彩同事都食到~ 要喺椒鹽堆中搵軟殼蟹，所以並沒有想像中的脆卜卜，但軟綿綿的，口感不錯，亦都好夠味~泰式炒椰菜仔，細細粒一啖一粒，無苦味~泰式蝦炒金邊粉，味道香濃，唔會太乾~泰式炸春卷，炸得好金黃鬆脆，而唔會太油膩~燒西冷牛扒，落單時要求五成熟，上菜時發現應該係七成熟，但都肉汁豐富，唔會太"鞋"，兩款醬汁都係有少少辣，一款係酸酸甜甜，都好惹味~青檸梳打，好濃的青檸味，偏酸~ 飯前飲好開胃~ 食飽飲可以消滯~另外，服務生態度友善，樂於解答問題~

呢牌日日熱到心煩氣燥，食慾大減，真係想食D開胃野刺激食慾呀! 那晚約左人去尖咀開餐，朋友見我無咩胃口，提議食泰菜冬陰公，話呢個湯超開胃，重拉我嚟呢間，食過好正喎。高級泰菜嚟，高級裝修，個冬陰公夠濃，好鮮，D香茅青檸檸檬葉味好鬼香，個湯好酸好辣，我噴晒火，但越飲又越開胃，加了草菇，蝦同魷魚，個湯又特別鮮。飲完湯超有胃口食D點味菜，燒豬頸肉，㻎彈加泰式雞醬最好味，蝦餅㕿口，十分正。泰式蠔餅鐵板上，蛋嫩滑吸曬D蠔鮮味，好食過潮洲蠔餅，無咁肥。講到另一開胃野，非泰式柚子蝦沙律莫屬，沙律入面有花生，香蔥，金不換，食到入面加咗D魚露和青檸調配酸汁，加埋D又甜又酸的金柚肉，重有鮮味蝦肉，好開胃，真食上癮。最後甜品拼盤，有一款木薯糕，我第一次食，入面有椰汁味，個糕好鬆軟，甜甜地，幾好味，另外有大菜椰青糕， 清清甜甜，好正的飯後甜點，估唔到D甜品都咁得。

之前係灣仔食過出名又不錯既新泰東南亞餐廳，今日心血來潮又想食泰菜，同朋友途經尖沙咀，就試試加拿芬道新開既分店。這間餐廳好近地鐵站，門口裝飾很有泰國特色，落一層就係餐廳，環境超大，我們3人安排了我們坐4人卡位，座位非常舒適， 岩晒朋友聚舊聊天餐廳食物種類好多，好多都想食飲品方面，我們叫了椰青和芒果沙冰。椰青非常清甜， 相當解渴芒果沙冰有驚喜， 好足料，啖啖芒果肉，芒果味濃郁主食就叫左牛油蒜香雞翼， 馬拉盞通菜，雜錦串燒，炒金邊粉和燒黃鱔燒黃鱔好好味，皮脆肉嫩，配上美味的醬汁，正串燒有牛同雞都唔錯，沙嗲醬好惹味至於馬拉盞通菜亦好入味，食唔停口牛油蒜香雞翼味道特別，上面有脆脆蒜粒同洋聰，口感特別最後仲有我最愛既炒金邊粉，用雞蛋整成網狀，好睇又好食總括黎講，食物質素不錯，環境亦夠舒適，經理及其他店員服務不錯，會詢問我們對食物意見，值得一讚

餐廳靚到以為去咗旅行o.o一入去就好有夏日氣氛，店員亦很有禮貌的招待，預約了位所以坐在梳發，享受一下泰式料理。香芒牛油果軟殼蟹卷：作為小食一定選紙米卷，這個好考功夫，材料的重要性。店鋪是即時製作，軟殼蟹夠脆口而香味亦可口，粉絲等配料，新鮮的生菜平衡重口的質感，非常推介！！冬蔭海鮮炒飯：在想冬蔭功湯就喝得多了，伴飯吃又沒試過，所以非常期待。吃著就食到冬蔭功既酸辣味道，別少看味道的刺激感，辣味十足，飯粒炒得夠乾身，配上海鮮，這是名符其實的冬蔭功。而且份量十足，與友人們分享就最正><。青咖哩：微微的辣味，醬汁濃郁，牛肉沾上醬非常美味，而且用上泰式青檸，酸味提升了青咖哩的味道，更令人欲罷不能。如果配合煎餅食就緊好。椰青沙冰：這間店獨有的吧，原隻椰青水+椰青肉打成沙冰，清新帶甜的味道解渴，口感亦很幼滑，對於喜歡椰肉的伙伴，無理由不嚐這個獨有飲品。菠蘿沙冰：夏日另一喜好就是菠蘿，這款沙冰的感覺相對較甜，有一絲絲菠蘿肉，比較容易溶雪，不用太早點選xd

好朋友生日想食泰國菜，於是提議食比較出名既新泰東南亞餐廳。 記得之前在灣仔店食過是非常不錯😋，今次就選了尖沙咀加拿芬道新開既分店和壽星女慶祝 。這間餐廳位於地庫， 需要落一層樓梯職員好好，安排了我們坐4人卡位座位非常舒適， 還有cushion 可攬👍🏻至於環境亦很大， 富有泰國特色　餐廳食物種類繁多， 今次我們選的主要是餐廳推介的菜式先上是飲品，我們叫了椰青和芒果沙冰。椰青非常清甜， 相當解渴芒果沙冰有驚喜， 芒果果肉多過冰， 而且是鮮甜不酸， 值得推介之後就上小食和主菜分別有牛油蒜香雞翼， 馬拉盞通菜，雜錦串燒，炒金邊粉和燒黃鱔最喜愛是燒黃鱔， 有皮脆肉嫩的效果， 配上美味的醬汁😋， 食唔停口至於馬拉盞通菜都好好味， d 菜唔老仲好入味牛油蒜香雞翼亦大大隻，非常抵食炒金邊炒賣相就好吸引， 用雞蛋整成網狀，好睇又好食最後個串燒沙嗲醬好好味， 配合埋串燒非常夾👍🏻朋友壽星女非常滿意呢餐飯， 讚不絕口！溫馨提示，由於餐廳都比較滿座，建議想食既朋友記得預先訂台

新泰一直係我食泰國菜既首選，之前灣仔分店可以稱得上為我既泰式飯堂！今次「山竹」過後，簡左佢哋係北京道新開分店，雖然地方較灣仔細，充滿泰國風情既裝修，環境別緻，尚算寬敞👍🏻今次交比朋友發板，試試新野😆打頭炮係鴨肉生菜包 （$78)豬肉生菜包就食得多，鴨就第一次，雖然鴨味不夠濃，但勝在香料足，辣味夠，食完又食，辣得過癮！因為太辣，整返杯人氣芒果沙冰（$38)朋友話芒果味濃，飲完仲好refresh我試左杯龍👀冰 （$38)我覺得仲清新，龍眼味清甜足以解渴，仲有龍眼响面夠哂口感！再黎第二道菜豬仔燒肋骨（$88）燒得好juicy 熱辣辣，陣陣蜜糖味最近主菜日本南瓜焗海鮮飯（$108）海鮮十足，有青口，蝦，魷魚...大大隻, 啖啖肉，加上南瓜撈飯，食到無停口兩個女仔最後捧著個肚走，盛為$385，今次食既菜式較fusion, 但有一灌既水準，下次拉大隊gathering, 可以試更多新好野

餐廳位於加拿芬道同寶勒巷交界因為係地庫 平時經過見招牌居多估唔到野食唔錯 價錢相宜泰式炸蝦餅 $78有四大舊 一開二 有八件咁 份量都幾多蝦肉彈牙實淨鮮甜 外面炸得香脆越式燒春雞釀香茅黃飯 $168春雞鮮嫩無比 而且內有乾坤第一次食呢道菜 感覺好新鮮香茅黃飯香到不得了每一口都充滿香料味 層次豐富絕對值得一試！鐵板蠔仔炒蛋 $88蠔仔超大粒又多 而且十分鮮味 蛋煎得香鐵板保持温度 熱辣辣配上辣醬食更惹味 墊底仲有芽菜解熱氣泰式菠蘿炒飯 $108原隻菠蘿上 賣相已經好吸引而且成個飯份量十足配料有腰果 肉鬆 提子 乾臘腸 口感好豐富菠蘿炒過之後非常香甜

之前食過一次新泰，見到又係尖沙咀開咗間分店，一於食過番尋味。裝潢設計都非常有泰國風，而侍應嘅招待好熱情，未食印象已經唔錯。我地好中意食生蠔，率先就叫咗炭燒生蠔($108，2隻)。上面鋪滿厚厚嘅蒜蓉，而主角生蠔肥美飽滿，一切開蠔汁流哂出黎，非常鮮甜，而周圍嘅裙邊燒得幾香脆。馬沙拉咖哩牛($78)，可以揀雞、豬、牛、雜菜。咖哩煮得好香濃，啱哂唔食得辣嘅朋友。除咗牛之外，仲有些許薯仔、青椒、蕃茄仔作為配搭。我地點埋蒜蓉包($30)同埋咖哩一齊食，蒜蓉包非常大塊，就咁食已經好香口，上面放啲牛肉，點上咖哩汁，就更加有風味。最後引唔住叫埋甜品芒果糯米飯($62)，香濃嘅椰漿，一黑一白嘅糯米球，仲係冒緊煙煙煙韌韌，加上幾片芒果，甜而不膩。

係尖沙咀站N2一出，行過幾間鋪頭就見到新泰既門面，交通方便。落樓梯之後就見到間餐廳，環境清新，暗暗既燈光增加左唔少情調。叫左椒鹽軟殼蟹($78)，泰式蝦炒金邊粉($98)，蜜糖燒肋骨($88)。鋪滿椒鹽既軟殼蟹非常爽脆，而內里既蟹肉嫰滑香甜，口感層次鮮明，飲酒食尼碟餸一流。泰式蝦炒金邊粉賣相唔錯，由一層蛋絲網包住金邊粉，好似一個金球。金邊粉既配料有蝦，芽菜等，炒得好香，加上少少青檸汁令個味道更加突出。蜜糖燒肋骨一上菜就聞到香噴噴既味道，燒得焦焦地既蜜糖，配上熱辣辣既豬肋骨，非常惹味。而且肉嫩，唔會"鞋"。整體，食物水準高，店員服務周到，係一家大細，三五知己，情侶搵食既好地方。

轉眼間又到了星期五，忙碌了一個星期，當然要好好犒勞一下自己。最近的天氣還是很熱，沒什麼胃口吃東西，所以在尖沙咀找了這家泰國菜，稍稍重口一點，希望刺激一下食慾。泰國青芒果沙律（$78）底下還藏了不少腰果，青芒果比木瓜要軟一些，沒有特別的味道。夠酸也夠辣，作為前菜很開胃。肉碎生菜包雞（$68）肉碎可以選雞或者豬，我們點了雞的，雖然點了小辣，但辣度還是有的，配上生菜剛剛好～泰式菠蘿炒飯（$108）材料有：大蝦、腰果、臘腸、葡萄乾、青豆、雞肉、肉鬆、紅蘿蔔和雞蛋等等。菠蘿不算多，但是很甜。米飯還算粒粒分明，味道不錯。最後，餐廳的環境和配備都是不錯的，餐具擺盤很漂亮，看起來也很乾淨。餐廳的裝修很有泰國風情，也很精緻。

路過加拿芬道，就比呢個門面吸引左，雖然未係好肚餓，但都去食番個dinner 先😁一入到去就好似去左泰國咁，所有裝飾都好舒服，特別既餐墊係樹葉形的，連細節都做得咁好，讓人想快點試到食物的質素椰青沙冰 $55平時食泰菜都不可小既椰青，今次仲要係Smoothies🥥🥥即刻要叫黎試下，好幼滑既質感同埋滿瀉既澎湃效果，見到都吸引😋清甜既椰味簡直滿足左一大半香芒牛油果軟殼蟹卷$88卷既皮不是平時食到既米紙卷，有點煙韌同厚d, 加埋個汁都係好fresh 既感覺巴東牛𦟌$98 +印度薄餅$30牛𦟌岩哂食唔到辣但又想食咖哩既朋友仔，牛𦟌好淋好入味🤤🤤薄餅好脆唔油膩，兩個一定要孖著叫，食到停唔到口泰式炒椰菜仔 $95小椰菜bb, 泰菜常有既一道菜式，鉀質豐富，係去水腫小幫手，唔慣既朋友食落會有少少苦澀，但食過既朋友會覺得苦澀得來帶點香味、椰菜味，今次呢碟不太苦，所以可以為整餐作平均不用咁heavy

最近到過這間高級泰與朋友吃晩飯，無論環境，服務，以致菜式的味道，我都給予很高的評價。那晚吃了一個很棒的菠蘿炒飯，炒飯盛得滿滿，灑上很多肉鬆，有香脆腰果，雞肉粒和菠籮，飯充斥著蛋和香料的味道，飯很清爽，一㸃也不油，真的相當美味! 飯粒仲炒得很乾身，充滿菠蘿味，一份已經好夠肚啦！還有香芒軟殼蟹卷，用米紙包著芒果肉和蔬菜，加上香脆的軟殼蟹，食落清新，㸃上泰式甜辣醬，很開胃，跟我上次左越菜店吃的，完全是兩碼子的事，這店食材夠新鮮，蟹也沒有多餘的油味啊! 豬頸肉也挻好吃，表面有碳的焦香，肉質好彈口，這款最愛㸃酸辣醬，很開胃，唔夠肥膏，啖啖都係肉。柚子沙律，金柚子肉入饌，多甜微酸伴鮮味蝦和魷魚，很清新開胃，喜歡吃沙律的必試。甜品是我最期待，特別要讚是椰青大菜糕，糕底清甜軟潤，滿是椰青肉香，椰汁西米糕和千層糕也好吃，是清清的椰甜，單是品嚐泰式甜品，也令人快慰無比。下次會再來試埋個泰國咖喱呀。基評分: *味道(基基基基基)**外貌*(基基基基基)*抵食(基基基基)**服務(基基基基)*最後基言:價錢上來說，是屬於中價， 之後介紹了不少白香港和日本的朋友來吃，都大讚。另外泰式奶茶做得正宗，必試。

東南亞菜式梗係離不開泰國菜架啦，知道尖沙咀河內道開左新既餐廳，正好係開正我既菜呀，今晚一於捉埋朋友仔黎食Dinner🤩🤩🤩一早book左枱，所以今晚係門口等都唔洗等就直接入得去啦原來哩度嗰入口位要落一輪樓梯先真正去到餐廳裏面，門口嗰接待大堂裝飾得好有泰國既感覺，行完樓梯落去又係另一個世界，空間感好足夠，因為真係好大，啲座位好舒服絕對適合一班人黎食飯呀打開menu又係花多眼亂呀，照舊青檸梳打先呀唔該🙌🏻🙌🏻🙌🏻🙌🏻然後我地嗌左嗰柚子海鮮沙律，燒西冷牛扒，鐵板蠔仔煎蛋，咸魚炒介蘭，串燒半打🍢🍢🍢原來啲份量都幾多架喎😍😍😍嗰柚子沙律普普通通啦，但嗰燒西冷牛扒有驚喜，半熟既肉質一啲都唔鞋口，仲有兩款醬汁，好夾呀嗰鐵板蠔仔剪蛋係我鐘意既菜呀，因為我唔鐘意食蠔仔煎蛋嗰啲全部都係粉，而哩度係真材實料，啖啖蛋肉同埋大大粒蠔😋😋😋碟菜都okay ar🤤🤤🤤我見哩度既介蘭好多人嗌，因為我地落單無耐我聽到話介蘭無哂啦喎🤫🤫🤫🤫🤫最後嗌係嗌埋嗰甜品作為完美既句號🤩🤩🤩🤩🤩哩間餐廳係會再黎食既

今日因要到K11工作，完事午飯，同事話帶我們去一間新開嘅泰國餐廳，去到門口先知，原來是新泰還記得很多年前，他第一間店在灣仔杜老誌道那時，早餐做得很出色，早餐有肉骨茶吖！所以當時我久不久就會幫襯吓！之後公司搬了，就少咗過去。新泰在短短幾年間，開了四間分店，真係要值得一讚！今日嚟到尖沙咀第二間分店，門面裝修得很靚，行落樓梯，一貫新泰嘅格局，裝修多卡位。打開餐牌，和尖沙咀北京道分店一樣⋯⋯$75套餐，可加自選配撘⋯⋯我們一行五人，就點了5個套餐加兩個小食⋯⋯青咖哩雞配白飯，永遠都覺得白飯唔夠，但叫多個又唔抵好多時會點海南雞飯，一個人的話，有湯、有菜、有雞又有飯，相當唔錯通常來這裡，我會加$8 飲特飲，因為杯裝份量很足，食泰國菜，飲凍飲很夾套餐加$28 可選泰式什菜或春卷越式蟹肉炒粉絲，炒得很乾身香草肉碎煎蛋配白飯，往往會令你食多咗飯最後大家都覺得這個焗奶油大蝦伊麵一上枱很吸引，但食落 冇味，伊麵底有生菜放底，而伊麵啖而冇味套餐送的甜品椰汁糕，甜度剛剛好

想食呢間餐廳好耐 朋友推介話呢度真心似泰國餐廳😚 估唔到去到連裡面嘅待應都係泰國人 仲要著哂泰國d 民族衫 成個裝修都好有泰國風味 尤其個門口 有d 流水擺設 別具氣派 有d 似之前係泰國去healthland spa 嘅感覺落到去個地庫 原來好大 而且座位都好闊落 尤其係我地坐d 卡位 放埋個袋都仲好鬆動😆 至於野食方面 基本嘅泰式食物都有齊 成大本menu 可以慢慢揀泰式生蝦 蝦肉好結實彈牙 感覺好新鮮 點上旁邊嘅泰式辣醬 辣辣地好開胃🤤可惜得6 舊 我地秒速食完👍馬拉盞通菜 次次黎泰式餐廳我地都必叫😂 通菜加埋蝦米炸蒜炒 炒得幾有鑊氣 而且炒完都係清嫰翠綠😆泰式炸蝦餅 蝦餅好大好厚 外皮炸得香脆 裏面係結實啖啖嘅蝦肉 食起來超彈牙爽甜 點埋酸甜醬 更惹味😋 冬蔭功 材料豐富 上抬好香 鮮蝦 香菇 魷魚 蝦仁 多種泰式香料 少辣 但辣得過癮 唔食辣嘅我都忍唔住飲多d 而且飲完好暖胃🙈 椰汁青咖喱 食落有好香椰汁味 還有香草味 最岩用黎送白飯 薄餅或者好似我地咁叫左蒜香麵包👍😋 蝦醬炒飯炒飯夠鑊氣 炒得粒粒分明 份量幾多 旁邊還有臘腸 腰果 肉鬆 青瓜 番茄 上面有蛋絲作伴菜 炒飯