新泰東南亞餐廳

营业中

休息中

做得咁辛苦梗係要食拉，收工去尖沙咀食泰國嘢，時間尚早行K－11，上到地面見到有間泰國菜就入去食餐廳地方大座位舒適同佈置得甚有泰國色彩。服務員好好，安排左個卡位俾我哋。態度亦都熱情友善，餐廳菜式多令到我眼花撩亂，我呢啲有選擇困難症嘅，真係好難揀。所以服務員推介比我地越南牛油雞翼真係熱辣辣，脆卜卜，炸得岩岩好，牛油味唔夠特出，不過也是惹味餸菜之一泰式炒椰菜仔一睇就知熱辣辣，菜好新鮮，忍唔住趁熱食晒，個通椰菜仔好好食，炒得好夠味鐵板豪仔炒蛋鐵板豪仔炒蛋熱辣辣夠惹味，啲蠔又新鮮香噴噴，蠔仔大大隻，蛋炒得好滑嫩，蠔仔好鮮甜又無沙芒果沙冰，大大杯，好香、好清新的芒果味總括而言，價錢十分合理，加上店員好有禮貌，服務一流，值得一試！

好耐冇同屋企人一齊去食泰國菜！網上見到呢間室內裝修幾好，就book呢間！原來佢姐係泰屋黎嫁！喺香港都已經有好多間分店。今日黎到見到啲裝修都好新淨。我哋四個人，佢俾咗六人梳化包廂我地，正呀！一嚟到當然要叫番幾個泰式小食啦，包括雞牛豬串燒，芒果牛油果軟殼蟹越南米卷，煎壕餅。啲串燒好入味啊老爸就幾鍾意食呢個，米紙浸得軟硬適中，食落幾清新蠔餅嘅味幾好，係好軟身嘅嗰種蠔餅冇乜落炸粉。主食有燒春雞釀黃薑飯配泰式沙拉，同蕉葉烤盲鰽，越式蟹肉炒粉絲。全餐最好食就係呢一味！我哋全家都好鍾意食！大大推介哦！春雞嘅份量唔太大，大概有兩個手掌拼埋咁大啦，入面嘅黃姜飯好入味，軟硬適中好香好濃！伴碟嘅泰式沙律亦都酸酸味味好開胃！蟹肉粉絲啲蟹肉有啲太乾太硬，粉絲嘅軟硬度剛剛好但係味道淡呢條Texture so-so 尖沙咀黎講每人圍起嚟$1xx 有咁舒服既環境食晚餐幾好！

一入到去第一印象：環境氣氛好好👍燈光好柔和裝修亦好有東南亞style👍座位通道好闊落👍 好岩想坐底慢慢同親友傾下計chill下既朋友們呀😋 而且啲餐具都幾有特式 不錯不錯首先點左牛油果軟殼蟹米紙卷，覺得味道不錯，爽、不膩，一開波就食佢好正😋 有平時越式米紙卷既水準👍 只覺價錢偏貴，一個一般份量既前菜小食但要$88🙈食泰國野點都要捧下串燒場依度啲串燒應該係即叫即燒，所以串串都熱辣辣。串燒好入味，調味剛剛好，唔辣(但沙爹醬微微辣，甜為主，覺得好夾好好味) 適合所有人食👍 串串啖啖肉，唔會太瘦小太孤寒💗 好味🥳蠔餅既蠔仔算飽滿，蠔量都好足夠👍 係果種軟身蛋餅feel，唔係炸到又油又脆卜卜一放入口就要𠝹損晒個口果啲😋至於依個蟹肉炒粉絲就真係普通左啲... 好淡口，唔係想像中果種好惹味既炒粉絲😣啲蟹肉似乎唔係同啲粉一齊炒，夾既時候通常都要分開係碟邊夾，而且蟹肉較乾身較淡。不過粉絲既質地我幾鍾意，QQ的幾味菜色入面，依樣算最一般🙈🙈或者可能會適合一啲喜歡較淡口味既朋友們全餐最正最推介既，就一定係依隻燒雞釀黃薑飯！無論係隻雞，定入面既黃薑飯，定係側邊堆泰式沙律，都好正！首先依味係即叫即整(好似要等2

💁🏻‍♀️新泰東南亞餐廳 (尖沙咀)🍴-同朋友系尖沙咀搵到呢間高質泰國餐廳😍一去到門口就見佢舖面好大，裝潢很好，有receptionist 好nice咁問我地訂左位未。餐廳係地底全層，勁闊落😍我地兩個人有個卡位，啲梳化仲要勁大張又有cushion，好似坐樓上cafe咁舒服😚👍🏻呢到啲侍應大多數都係泰國人，操流利廣東話，好厲害！飛天通菜（$72）弱弱的小編同朋友唔食得辣，所以叫左走辣😂碟菜份量兩個人食剛剛好，炒得幾惹味，唔太鹹，我中意！泰式生蝦（$96）小編次次食泰國野都必叫！呢間啲醬料都幾出色，酸酸辣辣，十分開胃！但加埋辣椒🌶️食真係辣到飛起，溫馨提示唔受得辣嘅人千其千其唔好咁睇唔開加辣椒🌶️食。不過90幾蚊5隻生蝦真係有少少貴，如果可以平啲就perfect la.菠蘿海鮮🦞炒飯（$108）對比起生蝦，呢道菜就顯得相當抵食🤣海鮮幾足料，亦不太重口味，唔錯！起碼食完唔洗係咁飲水。椰汁冰（$38）唔太甜，夠解辣！青檸梳打（$38）佢勁地道跟埋成枝梳打水上，都幾抵飲，我朋友可以倒到兩杯飲🤣值得一讚係呢到啲侍應服務態度勁好，我同佢講我電話冇電問佢借線，佢即刻幫我搵😍😍so nice可惜今次食得唔太多

香芒牛油果軟殼蟹卷- 有香芒既味道，軟殼蟹好脆，皮尚算薄，口感一流馬沙文咖哩牛腩配薄餅 - 牛腩都好lum，個汁都幾香, 略嫌咸左少少，薄餅好香牛油味同好鬆化泰式明爐魚 – 試下鯭曹魚，肉都新鮮,個汁酸同辣調得岩岩好，配菜好夠好開胃!值得推介!南瓜布甸 - 南瓜裡面整好布甸，布甸幾滑，南瓜幾甜，味道夾一齊幾好❗值得推介泰式炒雜菜 – 份量大, 但味道無特別芒果沙冰 及 綠豆沙冰- 好有香芒既同綠豆味道， d冰都幾夠綿,亦不會太甜

上年仲係灣仔返工既時候,已經周不時會去新泰食lunch,貪佢環境舒服食物質素又高而今晚去尖沙咀,竟然發現原來K-11對面都有間新泰而可能因為較新既關係,呢間分店既裝修相信係咁多間之中最靚既因為我地7點前就已經入座,好彩餐廳唔算好多人,好好彩咁可以坐梳化位不得不讚多次呢到既裝修,燈飾,佈置都好有空間感好靚而且價錢非常合理,實在太興奮喇哈哈首先黎個頭盆冰鎮翡翠螺先啦!每一隻翡翠螺都好大隻， 入面嘅肉當然好肥美啦,味道好鮮甜,建議沾埋附上嘅醬汁嚟食,酸酸辣辣，更有風味。跟住黎到一系列既主菜, 呢個泰式濕炒海鮮河都好足料, 平時比較少嘗試食濕河，呢度嘅河粉好特別，好粗好大條，食落去好煙韌有好有口感，而配上個汁即刻變得好入味日本南瓜焗海鮮飯, 見到賣相已經非常之吸引，上菜嘅時候熱辣辣，海鮮鋪左係面，而飯就喺下面，醬汁係好似咖喱咁嘅，唯一有啲失望係個南瓜焗得唔夠淋，可能係覺得唔夠時間，如果唔係，食完個飯之後仲可以食埋入邊嘅南瓜肉印度薄餅,雖然我地今次冇嗌到咖喱，但依然帶咗個薄餅嚟當小食，上菜嘅時候熱辣辣，好香牛油味，好鬆脆，就咁食都好正㗎蜜糖燒肋骨, 咬落去啖啖肉既ribs,燒得好入味,肉質又鮮嫩

去唔到泰國就去食返餐泰國菜先喇，泰國菜香港人久唔久就會想食返餐，我都唔例外。泰式餐廳係香港多到唔知食邊間，上網睇食評見到依間新泰分店多之餘，店內環境係好有泰國風味，二話不說就訂左台喇，我地早到左20分鐘都比我地入，店員服裝係熱情沙灘派對，非常有夏日風情嘅感覺。餐牌食物種類好多，小食都有十幾款，我地三個人叫左6樣野，我最鐘意嘅生蝦、泰式炒金邊粉、燒豬頸肉、肉碎生菜包、冬陰公、蒜蓉炒貴妃苗，飲品我要左青檸梳打，朋友要左椰青同埋三色冰。8點左右開始多客人，考驗廚師嘅上菜速度時候黎喇，依間係合格嘅，而且會先上小菜先後上主食。我最愛嘅生蝦黎喇，生蝦都算大隻，蝦身處理得好乾淨，口感爽口彈牙，醬汁酸酸辣辣加埋清新檸檬汁，嘩～好味到停唔到口。燒豬頸肉都係必點泰菜之一，豬頸肉口感鬆軟，肉味香濃，點埋必製醬汁一齊食，充滿泰國風味。肉碎生菜包可以揀雞肉的或者豬肉，我地揀左豬肉。肉碎份量都幾多下，用左好多泰式香料黎炒，其中有我最愛嘅香菜，香菜唔係人人都仲意，我就覺得會令到菜色更加有泰國風味，味道岩岩好唔會過咸，少少酸辣酸辣，用生菜包住黎食係好開胃，食下食下就會食左好多。冬陰公湯上台就嗅到好香，材料好多，有大大

今日生日, 幾條友仔去旺角食泰國菜, 去咗尖沙咀個間新泰東南亞餐廳,之後都去過幾次, 環境好闊落, 好舒合同朋友搞生日飯, 邊吹水邊食好野.首先叫D野飲, 我叫咗椰青沙冰係原個椰青咁上~ 好大份量~ 朋友最後係飲唔哂架~芒果沙冰好濃芒果味~ 不是太甜~ GOOD~泰式明爐魚 烏頭 有2種魚可選擇，問職員邊個無咁多骨，佢答烏頭， 所以選左烏頭。 魚夠滑加埋泰式的汁同清湯，好香。泰式蝦炒金邊粉尼個金邊粉賣相已經好靚，d蝦又夠大隻同彈牙，入面仲好其他配一齊炒，好足料。泰式刺身蝦每次去都不叫的, 好新鮮, 好爽口, 醬汁辣度適中. 個人偏好淨叫炸蝦餅, 唔多仲意叫併盤, 因為佢個炸蝦餅真係勁好吃, 唔想俾其他炸野霸咗我個胃.芒果炸軟殼蟹米圈, 米紙好煙UN, 炸軟殼蟹炸得好香, 加咗芒果BALANCE返個油膩感,成件事都開胃哂~ 最後叫咗佢個甜品大併盤~ 上枱一刻真係好開心~ 好大盤~ 有西米椰汁糕, 芒果大菜糕, 芒果糯米飯, 班蘭千層糕,泰式甜品哩家野, 真係食都幾飽都吔得落~

泰美味泰國菜可以話係除日本菜外，香港人最喜愛的外國菜式。平常都會到九龍城食泰菜，貪食肆夠集中選擇多，但今日有事要到尖沙咀辦，就約了朋友到新泰一泰啦。餐廳位於加拿分道就近港鐵非常方便。由於時間尚早不用等就有位了。餐廳環境富熱帶風情，地方寬敞，位子很舒服，亦非常適合大夥兒聚會。首先點小食前菜，泰式生蝦：生蝦肉質爽口結實，伴泰式香辣汁亦調得非常刺激惹味，作為開胃前菜唔錯選擇。柚子沙律：少少辣又新鮮，柚子帶少甜無渣，還有數隻爽甜鮮蝦，前菜嚟講太豐富了吧。必點的冬陰公：湯汁香濃，香茅味突出，酸和辣非常平均，亦嚐到蝦的甜味，出色非常。明爐烏頭魚：中size的烏頭，肉質都非常肥美，無腥或泥味，點泰式辣汁食，好快就清碟了。燒西冷：肉中間呈粉紅色，肉質唔會老，而且好大份，和伴碟的醃黃瓜，蘿蔔一起吃，有解膩之效。泰式炒飯：飯粒粒分明，加了泰式臘腸，非常香口，高水準之作👍。甜品點了泰式甜品拼盤：綠色的斑蘭椰汁糕，質地軟糯，椰香味濃，今人眼前一亮，芒果糯米飯，芒果甜甜酸酸跟紫米飯非常配搭，其餘幾款甜點亦非常出色，第二個胃都非常滿足啊！

好耐無食過泰國野喇，朋友介紹左呢間泰國菜館，適逢家中有人生日，於是就book左呢度食慶祝生日飯。我地一行六人，叫左1. 蝦餅2. 柚子蝦沙律3. 青木瓜魚鬆沙律4. 泰式生蝦5. 芒果軟殻蟹米卷6. 冬陰公湯7. 鐵板蠔仔蛋8. 明爐烏頭魚9. 燒魷魚10. 燒西冷11. 炒椰菜仔12. 泰式金邊粉13. 蝦羔炒飯14. 泰式甜品併盤全部都好好味，當中我會推介4樣必食，第一係柚子蝦沙律，柚子新鮮好甜，大蝦彈牙，配料椰片腰果十分香脆，醬汁酸甜辣調較得十分平衡。第二係冬陰公湯，味道香濃得黎，酸辣味又較得剛剛好，皇太后仲要添飲。第三係蝦羔炒飯，蝦羔味不會太濃，夾著泰式的臘腸，好似泰式臘味飯咁，十分惹味討好。第四係泰式甜品併盤，呢個無得頂，又凍食亦又熱食，部分甜品帶咸味，咸咸甜甜，多食唔覺膩。

月尾去旅行，今天去尖沙咀開茶會，難得兩位長老一齊出黎，咁高興，當然一家人去食餐好啦，問長老們想食乜，女長老話想飲冬陰公和蝦餅，咁真係有D難度，好彩朋友多，即刻what app 朋友問吓尖沙咀有冇泰國餐廳介紹，食家朋友說k11對面有間都ok的，咁啱我們就在k11附近，,不過6:45dinner 好像早左少少，但大家都話冇問題，k11行過去都不用5分鐘，非常方便，知客問我們有冇book枱，我們當然冇啦，不過因為早，所以不用等位，餐廳位於地牢，地方寬堂，裝修泰風，舒服，侍應安排我們坐於卡位，原來我們是第一枱客，點菜的重任當然要交比細佬啦，冬陰公：非常地道，足料，香辣，但怕辣的我覺得辣左D，不過長老們非常欣賞。叫左2個沙律，最愛柚子沙律，食過香港多間泰國餐廳，呢間做得最好，柚子清甜醬汁調得好好，青木瓜沙律，青木瓜清爽，亦好食，泰式生蝦：新鮮彈牙，個生蝦醬，酸辣開胃，加片生蒜，正～！燒尤魚，香噴噴，焼得剛好，唔乾，新鮮彈牙！燒西冷牛扒，好少食牛扒配泰式醬汁，原來都幾好食，幾夾，塊牛亦肉味足，唔肥有口感。炸蝦餅，大大舊，皮鬆脆蝦膠彈牙，但蝦味淡少少，鐵板豪仔蛋，蛋香十足，豪仔鮮嫩。好像未夠飽所以再

係正 K11 商場對面，大大個門面，都幾易認，相約朋友係度等，大家一眼就望到呢間餐廳了 ; 不過地庫果層先係呢間餐廳既用餐位置，所以大家要注意了唔講咁多，真係要推介下 D 野食比大家，大部份泰菜餐廳都有供應生蝦，係傳統既菜式之一，呢度既生蝦就夠曬新鮮 ! 重要係用保鮮紙隔住下面既冰以保持生蝦既保鮮及溫度，係唔錯既配置生蝦厚肉大大隻，蝦上既醬汁配料就夠曬惹味，有蒜粒辣椒絲等等，一啖食件生蝦落口，真係好滿足 ; 如果覺得味道唔夠，特別係覺得唔夠辣既話，就可以沾點埋個泰式生蝦辣汁，真係幾辣架 ! 爽呀 !呢個係椒鹽軟殼蟹，唔好睇佢細細碗，佢既份量都幾多，因為餐廳想軟殼蟹切件上碟，客人都方便D食用軟殼蟹脆炸後夠曬香口，肉質唔算乾身，口感亦唔會太油膩，連同炸蒜及蔥花等等既配料一齊食，味道更香口，小朋友應該會特別喜歡呢個軟殼蟹呢度既食物選擇都幾多，重有一 D 燒物比大家揀，我就揀左燒扇具，大大隻咁，賣相都幾唔錯感覺呢度扇貝一 D 都唔馬虎，上面鋪滿左芝士及蒜蓉等等，不論聞落 / 食落都相當惹味將扇貝肉拿出，大大粒既帶子肉就係你眼前，都幾有驚喜，因為呢粒帶子就算燒完之後都重係大大粒，食落個口感好豐富

<識享受>尖沙咀的食肆多不勝數，但大多數都是環境比較擠迫，可能租金昂貴，寸金尺土的關係吧！講到環境好，價錢又合理的，非“新泰東南亞餐廳”莫屬。我喜歡這店鋪的寬敞舒適，服務員都穿上夏威夷衫，真有種去了泰國的寫意感受。<軟殼蟹麵包>208hkd食物質素方面，用這個價錢來說，一點不差。和朋友叫了軟殼蟹麵包，雖然蟹不多，但很香脆，麵包好大個，好鬆軟。咖哩醬很香，因為醬很多，我們加了蒜蓉包30hkd，不想浪費咖哩醬，用來點咖哩醬就最好吃。<羊扒> 108hkd羊扒有酥味，但羊肉鬆軟入味，有3枝，剛好一人一枝，整體都不錯。<芒果沙冰> 38hkd飲品方面都有很多選擇，朋友叫了芒果沙冰，芒果味很香很濃，食咖哩一定要飲凍飲。<CP值高>這間餐廳地點方便，價錢合理，環境舒適，會再來。

今天去尖沙咀行街，經過加拿芬道，新泰東南亞餐廳，店舖內有一個大水池，有一隻大象，裝修豪華，加上有職員在門口宣傳，便一於試試。😎落樓梯後，別有洞天，店鋪面積頗大座位舒適，大部分服務員都操不純正的廣東話，似泰國人。餐牌上的食物都很多元化，沙律、咖哩、肉類、飯類都有……經典的泰國菜都有。菠蘿炒飯是必叫的，超喜歡。肉鬆、菠蘿、果仁、提子都很多，飯粒炒得很乾身，混合一起很好吃。貴妃苗都好大碟，加了蒜蓉的香味，比豆苗更好吃，不錯。食物普遍分量都很大份，質素高，環境舒適，最重要的是不太嘈吵(我很怕酒樓的嘈雜)，一班朋友來傾計閒談就最適合。

放假約左位朋友去左尖沙咀行街揀聖誕禮物，行到咁上下都唔知送咩好，話咁快就到左夜晚，係時候又食晚飯喇我地心大心細唔知食咩好，咁岩見到有間泰國菜餐廳，睇過餐牌又覺得幾好，就入左去食入到去好有泰國風，有泰國嘅擺設同壁畫之外，座位都好寬敞好舒服。我地叫左幾道菜，上菜速度都幾快，好有效率炭燒豬頸肉每件都幾大塊幾有厚度，咬落好有口感，仲有微微嘅炭燒味道，配上秘製醬汁，味道酸酸甜甜，幾醒胃同時中和油膩感。黎到食泰國菜又點可以唔點冬蔭公飲呢～我哋兩個人就叫左個細嘅冬蔭，份量岩岩好而且非常足料，入面有鮮蝦、草菇等等食材熬製，味道酸中帶辣，非常惹味，仲有好香嘅香茅同椰汁清香，蝦肉彈牙鮮甜。肉碎生菜包（豬肉），份量非常豐富，生菜包非常適合好似我呢類食肉獸而設生菜中夾上滿滿嘅豬肉碎，入口相當滿足，生菜爽口配上辣辣嘅豬肉碎，非常惹味食左咁多肉我地都叫左一道青菜食下，蒜蓉炒貴妃苗好有鑊氣同好香蒜蓉味貴妃苗無草青味，好易入口，我地話咁快就清哂嘅碟菜喇沙蝦米線好香清新嘅椰汁味，材料亦相當豐富蝦肉非常新鮮爽甜，豆卜吸收晒湯底嘅味道，非常濃郁，米線幾彈牙，煮得恰到好處我最後叫左杯三色冰椰汁放滿一粒粒色彩繽紛嘅粒粒，咬落好