新泰東南亞餐廳

营业中

休息中

好耐都冇食過泰國菜啦，今次要簡返間出色嘅泰國菜黎食！係經朋友介紹之後，就黎到尖沙咀都有分店嘅新泰食。一入到去個餐廳，已經見到有非常舒服嘅坐位，佢有啲位唔係淨係得張椅子，而上面仲有小枕頭係上面，坐得非常舒服！咁我地就落完單了，第一道黎嘅係泰式濕炒海鮮河。呢一種濕炒嘅河粉一直都係我嘅至愛，食落嘅時候果然冇令我失望。大大片嘅河粉正正係泰式嘅特別之處，亦都非常好味！之後就黎左蜜糖燒肋骨，呢道菜亦都好吸引我。不過好似係其他嘅泰國餐廳會比較少見到燒肋骨，但係呢間餐廳都燒得好好味，唔會話燒到件肋骨乾哂，入面仲有好多肉汁。另外，我覺得食左個幾特別嘅餸，就係炒秋葵啦，因為自己本身好少食。但係食落嘅時候都幾鐘意，辣辣地，都幾惹味，配飯食都係一流。我地仲叫左個南瓜焗海鮮飯，呢個焗飯都尚算唔錯，不過就希望可以食到更多入面嘅南瓜溶，但焗出黎嘅飯都好重南瓜味。當然，我地仲叫左好多野食，亦都好好味，食左個非常好味又滿足嘅晚餐！

This week, I have been keen to look for Thai food. Luckily, my friend suggested this to me. Food is with high quality and nice portion too! No wonder such newly open restaurant could be packed with dinners now ! Keep it up! 食材新鮮，烹調優質

會encore的泰菜👍🏻尖沙咀黎講都算價錢經濟，味道又唔錯，食物份量都多而且環境座位都寬敞，幾岩一班朋友聚聚！依晚一行六日試左六道菜，其中串燒係like fbk加$1 送架，係有誠意😂😂首先係小食拼盤，好少見拼盤包埋生菜包🥄其他有炸蝦餅、炸魚餅、生菜包同春卷，炸物質素正常，中規中矩，生菜包幾惹味，因為佢都小辣，豬肉炒得幾香！之後就係$1 串燒🐔🐮🐷串燒既豬肉好淋，雞肉都係，食落都幾香炭燒味！我地ge主角黎了，咖喱軟殻蟹麵包🦀😋咖哩香甜，辣味無咩，用黎送飯點包就最適合，軟殻蟹食落唔油膩，不過件數唔算好多，大約6-7件！我地一人一件剛剛好！馬拉盞炒椰菜苗，炒得夠鑊氣！填肚之選仲有炒金邊粉，入面有蝦球真材實料，金邊粉帶酸酸甜甜，炒得乾身唔會濕的的！最後係蝦醬炒飯，雖然食唔到蝦醬味，但係都好食，我地覺得似臘味炒飯多🤣🤣最開心佢伴碟係有泰式臘腸架！真係勁中意食！個炒飯真係不錯！總結我地一個人只係食左$12x，真係抵食！

突然又泰癮起🙈下就打去book枱放工食。book位時remark左要卡位，不過去到果陣冇，最後店員好好，一有就幫我轉枱👍點可以唔食生蝦呢（其實最想食既係佢），用保鮮紙隔住冰，keep住冰凍，可以慢慢食。蝦刺身好新鮮爽呀，個汁唔算好辣，可以點好多食因為唔係太肚餓，所以就甘叫多左個Pad Thai，等左好耐，追左2次先到。賣相好靚，雖然望落包住好似好少，唔係架！金邊粉份量好多，仲有好多隻蝦🍤個味再濃d就好啦👍

香港既泰國菜有唔少選擇，但正宗由泰國人煮理既唔係敢多，尖沙咀近K11廣場既“新泰”已經食過幾次，餐廳環境以至食物質素都不錯。叻沙海鮮米線 $75尼個叻沙係必點之選，佢既叻沙湯夠濃醇，豆腐卜沾滿叻沙湯非常好味，而海鮮材豐富，絕對推介。蝦醬炒飯 $85第一次食尼個蝦醬炒飯，佢既蝦醬味唔係好濃，所以唔會太咸，反而有d似楊州炒飯加左好幾隻大蝦，大蝦爽口，而份量夠多，性價比高。青咖哩豬 $78青、紅、黃咖哩我必選青咖哩，食泰国最好味就係青咖哩，帶甜帶微辣，用蒜蓉包或者薄餅沾滿咖哩就最好味。蒜蓉包 $30用離配青咖哩汁就一流，蒜蓉包已焗得香脆，一份四件，搽滿牛油，食完想再食。整體離講尖沙咀尼間“新泰”性價比高，值得encore。

今日係尖沙咀整頭前肚餓搵下尖沙咀食咩好 食飽先去整返個靚頭於是上openrice搵🍚比我發現依間評分唔錯既泰國餐廳餐廳係地庫 行落一層打開門後感覺好似去左第二個地方咁地方寬敞舒適 一個人都可以舒舒服服食一餐餐墊係一塊大葉子 別具特色🍃得一個人既關係 叫唔到咁多 嗚呀！只係揀左一樣好想食野菜式 就係越式蟹肉炒粉絲粉絲配上青黃椒、芽菜、芹菜等粉得好香 軟軟彈牙面上灑上蟹肉 味道十分好 份量亦十足一個人食到好飽 下次會搵埋其他朋友一齊黎試多d唔同既菜式

今晚約咗遠道而來嘅親戚食飯，夜晚想喺尖沙咀行下街，記得我上次已經嚟過一次新泰食飯，覺得呢到嘅食物唔錯之外，餐廳環境幾靚幾舒服，唔會失禮，而地方夠大，所以成晚吹下水都得，唔洗趕住還枱。首先點了串燒作為我地嘅小食，$88一共六串（豬、牛、雞）好抵食，點了秘製嘅沙嗲醬，花生味唔會過份重口味。鹽焗烏頭（$128)呢道係媽媽點嘅，平時屋企真係好難煮到，烏頭焗完好香，而且好大條，不過要小心有魚骨要慢慢食。蒜蓉炒貴妃苗（$82)，第一次食貴妃苗，比豆苗更幼嫰，蒜蓉炒又更香！最後我自己飲了珍多冰（$38)，好彩唔會太甜，而且入面有啲啫哩咬下，口感好特別啊！

位於尖沙咀既新泰東南亞餐廳，地鐵站N出口一出行幾步就到，非常方便。係等朋友既期間可以係門口影幾張相先，d佈置好有特式唔錯嫁！落到樓梯仲有椰子樹相伴添🤪入到去下面餐廳好大好闊落，坐既係沙發或者有咕𠱸既椅，餐廳仲播住輕快既音樂，好有氣氛。終於到左開餐既時間啦！呢個菠蘿炒飯唔只打卡一流，材料仲好豐富，面頭鋪左一層肉鬆，炒飯配料有蝦、腰果等等，口感非常豐富。去泰國餐廳點可以唔叫返個芒果糯米飯呢？ 呢到既糯米飯有齊黑糯米同白糯米，飯身夠實，配埋甜甜既椰汁同芒果，夠哂滿足。呢款甜品仲好岩開心share，我地4個人分就岩岩好啦！

今日行尖沙咀比我發現到一間充滿住泰國風味嘅一間餐廳。入邊嘅設計簡單得泥又唔會覺得單調，而且個到環境真係好好，好大坐得好舒服。餐廳嘅職員全部都係識講廣東話嘅泰國人，服務態度全部都好好，好有禮貌。好似真係去咗泰國咁！至於野食方面我地嗌咗生蝦，通菜，蒜蓉包，蟹肉炒粉絲，金沙骨，拼盤..而拼盤入邊有包括雞翼，春卷，魚餅，生菜包，炸蝦球..拼盤嘅每件食物都岩岩炸起，熱辣辣嘅。而且好脆。而佢個到d生蝦真係冇得頂！每隻都好新鮮🙊加埋個辣醬真係好味到唔知點形容👍🏽 個醬酸得黎好夠辣。而蒜蓉包焗到金黃色佢嘅蒜香味聞到已經流晒口水同埋佢焗到夠晒脆，唔會話好硬又唔會話好淋!至於蟹肉炒粉絲嘅蟹肉都算多而且蟹肉好鮮甜，而個粉絲都好好味完全唔會覺得好油😋佢個金沙骨嘅肉都好易咬，加埋個醬好甜好入味，成件事變到好完美。去到一定要去試下食佢個生菜包🤔可能自己本身唔食得辣，但係佢真係好食到覺得辣都要繼續去食🙊🙊d肉汁唔單止好juicy而且份量夠多！食完再飲佢個椰青即刻解辣同消膩，椰青又夠新鮮同甜，食埋佢個椰青肉，即刻飽晒。成餐食完之後感受到泰國風情，整體環境都覺得好舒服👍🏽👍🏽👍🏽

依間泰國餐廳超近尖東n2出口，環境乾淨企理，空間左夠，絕對唔會坐到好迫又舒服，唔怕傾計俾隔離枱聽到哂☺️ 一坐低，職員就話俾我地知舖頭做緊1蚊串燒promotion, 超！級！抵！串燒原價要成$88，如果唔鐘意串燒可以嗌相同價錢又或者低過$88既食物🤭-串燒($88)，包左豬，牛，雞各2串，串燒醃得入味，而且燒得香口，肉質嫩滑，食唔到有雪藏味！沙嗲醬係串燒既靈魂，醬汁沙嗲味濃，甜甜地，應該係加左椰奶，且而一d都唔稀，dim住黎食，夠哂惹味😋-拼盤($198)入面有齊蝦餅，魚餅，春卷同肉碎生菜包，一次過滿足哂所有願望！不得不讚肉碎生菜包，肉碎肥瘦適中，加左青辣椒🌶️落去炒，提鮮得黎又辣得好過癮，包住生菜食🥬，夠哂滋味！另外仲叫左個馬拉盞炒椰菜苖($72)，又炒得幾鮮甜同爽口，唔會過鹹，唔錯。-主食方面就嗌左麵包焗咖哩軟殼蟹($208)，蝦醬炒飯($85)，泰式蝦炒金邊粉($98)。咖哩濃郁唔會水汪汪，麵包🍞吸哂咖哩汁，會咬一啖都會有大量咖哩汁係口腔湧出黎，麵包控一定會鐘意食！蝦醬炒飯似臘味炒飯😂因爲蝦醬味真係唔多食得出，不過臘腸味道濃，炒飯炒得乾身，粒粒分明，唔會太油膩，比起金邊粉更好食！金

一行10人食咗好多好多野一次過食咁多盆菜真係好滿足刺身蝦又新鮮又大隻配上醬汁蒜頭檸檬更帶出鮮味燒魷魚好juicy好彈牙不得不提海南雞都好驚喜已經去晒骨好滑好嫩口個汁又真係好鬼好食仲有個鴨肉生菜包平時都係食豬肉原來轉左鴨肉係咁香咁香嘅真係對呢個餸好深刻其實都已經唔係第一次嚟食但每一次都覺得仲有好多菜想試不過呢間分店比起上次去灣仔嗰間質素又高啲環境又靚啲覺得坐得好舒服圓枱嘅設計都好方便我哋下次又去第間分店試吓先

這幾天朋友們不謀而合的約我吃泰國菜，本人心感字典中的餐廳已窮盡，所以把吃好西的仼務，交給友人。凍泰式奶茶38特意要了少冰但還是不少的，泰式奶茶格外有種獨有茶香，喝後口齒留芬芳，相對的奶味就較少。越南蝦米紙卷68粉皮主要由米粉紅蘿蔔🥕絲香葉生菜等卷成，食材新鮮，沾一沾酸汁吃份外清爽開胃🤗馬拉盞通菜72炒得有鑊氣，調味濃郁不過火，菜葉嫩無渣，全部也可吃呢！芒果糯米飯62果肉香甜，雖比較薄身，椰汁充分裹著有咬口的黑糯米跟軟糯的糯米飯，味道不過甜。食後感：環境寬敞，侍應大多是當地人，卻精通中文，溝通毫無困難😃而且超友善喔，今夜朋友果真發掘岀一家不錯的店子呢👣

豬仔今日係尖沙咀整完頭肚餓會見朋友前負責搵下尖沙咀食咩好朋友話想食泰國菜 於是上openrice搵比我發現依間評分唔錯既泰國餐廳餐廳係地庫 行落一層打開門後感覺好似去左第二個地方咁地方寬敞舒適 豬仔同朋友被安排左卡位就算坐多兩個都唔迫可以舒舒服服食一餐餐墊係一塊大葉子 別具特色🍃泰式串燒（豬、牛、雞各兩串）一次過有齊三款唔同既肉 點上沙嗲汁好香 蒜蓉粉椰菜仔平時食慣通菜見到既豬仔見到竟然有椰菜仔咁就梗係點椰菜仔啦 唔係好多地方有得食椰菜仔多層次咬感 蒜蓉炒香食唔停越式蟹肉炒粉絲粉絲配上青黃椒、芽菜、芹菜等粉得好香 軟軟彈牙面上灑上蟹肉 味道十分好 份量亦十足泰國啤酒食泰國菜 泰國啤酒當然唔少得 大大杯餐廳環境舒適 菜式正宗 價錢合理 侍應服務好估唔到係尖沙咀地庫有間咁既餐廳推薦大家黎試下

星期六晚相約舊朋友聚舊，尖沙咀算係就腳，正在諗緊食咩既時候，經過這間新泰東南亞餐廳，諗起之前係灣仔食過都唔錯，就決定食。呢啲鐘數仲預左要等位，同門口店員說兩位的時候，即刻帶我地落地牢，又幾好喎，地牢更加安靜，座位闊落，坐得很舒服，餐廳佈置仲好有風味，連啲夥計都係東南亞人。 泰菜種類都算多，而且惹味，包括前菜小食、燒烤、海鮮、咖哩、粉麵飯。前菜叫左個香芒軟殼蟹米紙卷 ，皮薄，夾起唔會散，軟殻蟹亦香口啱啱炸起都夠大隻。裡面菜都好新鮮。 本身想食海鮮，不過又俾啲燒烤吸引到，價錢又合理，忍唔住叫左個 platter，一次過滿足晒兩個願望 !!! 所有野食都有兩份，我地兩個唔洗爭。(不過真係太大份，我哋最後都無叫主菜已經飽左) 講返啲野食先，真心推介呢個誠意之作，樣樣都大大份，又有芝士，其實都又少少漏，不過有燒菠蘿中和返，好滿足。燒海鮮真係無得輸。 值得一提，呢個燒肉都幾鬆軟，未係入口即融，不過唔係燒都硬哂嗰種。 之後叫埋甜品同飲品，已經夠晒飽。今次叫咗杯香茅茶，純粹因為好懷念去泰國按摩嘅味道，而且香港無咩餐廳有得飲。味道可以，有少少淡，不過我印象中係柬埔寨飲過一次都係淡，可能咁先係正宗呢。甜品

今晚同朋友黎到尖沙咀新泰食泰個茶，依間分店好大，新開，一去到見到店面好靚，落一層發現下面環境非常大。兩個人坐一張卡位，仲要係沙發黎。一開始我地就叫左碟泰式生蝦刺身，生蝦非常新鮮，夠凍，加點埋辣度十足既汁一流。小食我地叫左椒鹽雞翼，十分之好食，必食推介，雞翼好多肉，外表只係鋪一層薄薄既面粉，脆度十足。主菜方面我地叫左糯米飯同明爐魚，飯既份量丁分足，臘腸非常多，再加埋炒蛋一流。明爐魚十分大條，新鮮，不路燒住一路食，新既享受。而飲品方面叫左泰式奶茶，初初以為同港式奶茶一樣，點知飲完之後味道非常濃郁，特別，必試。最後甜品叫埋芒果糯米飯，芒果甜，糯米飯正。