新泰東南亞餐廳

营业中

休息中

今晚同朋友黎到尖沙咀新泰食泰個茶，依間分店好大，新開，一去到見到店面好靚，落一層發現下面環境非常大。兩個人坐一張卡位，仲要係沙發黎。一開始我地就叫左碟泰式生蝦刺身，生蝦非常新鮮，夠凍，加點埋辣度十足既汁一流。小食我地叫左椒鹽雞翼，十分之好食，必食推介，雞翼好多肉，外表只係鋪一層薄薄既面粉，脆度十足。主菜方面我地叫左糯米飯同明爐魚，飯既份量丁分足，臘腸非常多，再加埋炒蛋一流。明爐魚十分大條，新鮮，不路燒住一路食，新既享受。而飲品方面叫左泰式奶茶，初初以為同港式奶茶一樣，點知飲完之後味道非常濃郁，特別，必試。最後甜品叫埋芒果糯米飯，芒果甜，糯米飯正。

之前同女兒去尖沙咀新泰東南亞餐廳食泰泰，佢讚食得好味又坐得舒適，好想再去感受一下，叫我陪陪她，今天剛好要去尖沙咀做美容，做完就叫她來一起去新泰食晚餐。店內依然有小流水瀑布，泰式的擺設好優雅，往地庫餐廳走，侍應安排了梳化卡位給我們，女兒好開心，又可以享受舒適的梳化上用餐。鹽焗盲曹：盲曹都好大條，完條連皮焗，上枱時熱騰騰香氣四溢，食時將皮撕開，盲曹厚肉，鮮味又嫩滑，如果想食濃味一點，可以點些店家自製的泰式酸辣醬汁，十分惹味！串燒雞和豬肉，肉醃製過才燒，熟度剛剛好，肉質軟嫩不會硬，點些特製的沙嗲醬甚美味！泰式干炒河，肉片可選雞或牛或豬，我們要了豬肉片，炒河夠鑊氣，肉片份量不少，入味嫩滑。

尖沙咀美食種類繁多，要搵好西一啲都唔難！今次去尼間餐廳非常方便，尖東站N2出口，上到地面都唔洗行一分鐘就已經到啦！而且對面係K11，食完行街消化絕對一流👍未到七點餐廳就已經有好多人啦🤩有本地人，亦有來自國外的遊客！餐廳佈置唔錯，有一定既氣氛，非常舒服👍話說同朋友都攰攰地，所以先食一個「泰式生蝦」，非常鮮味，配上泰式醬汁，成個人更加開胃😇好西唔好停，跟手食多個「冰凍翡翠螺」，隻隻都大隻，而且好新鮮👏👏👏👏前菜食完，我地就食左個「泰式炒金邊粉」，成個造型都好有心機，用雞蛋拉左一個網咁，食落有一絲絲雞蛋，最重要係味道岩岩好，唔會太濃，而且金邊粉食落有彈性，好有口感🤩最後就食左一個「泰式烤豬手」，外皮卜卜脆，裡面似肉質好淋，好有口感，配上秘製醬汁，味道更昇華✌️👍✌️👍食過好西，一定要結番個靚尾，所以飲左一杯「龍眼冰」，清清地又健康！

黎到尖沙咀點可以唔去食新泰，其實我不嬲都係佢地既fans😂因為佢係我食過咁多間既泰菜最道地最好食既餐廳，所以之前朋友帶我食過一次就一試難忘啦😝佢地方好寬闊，坐落去唔會好大壓迫感，已經全部侍應姐姐都係帶有泰文既廣東話，個感覺好熟悉❤️❤️好似帶左我反泰國咁！由於佢地方大而且平日，所以去到都唔係好需要等位，一入到去就會立即斟水俾我地飲仲好好禮貌俾menu我地睇我地叫左蒜蓉包、大拼盤、蜜糖燒肋骨、青咖哩雞同埋蟹肉炒粉絲。佢個大拼盤係世界級好食，由於我係一啲眼闊肚窄既人，我係嗌到成枱我想食既野但又食唔哂，呢個拼盤幫到你！佢有肉碎生菜包、蝦餅、魚餅、春卷，每款有4件而生菜包可以包到8舊添🙈個價錢平到你驚，仲要佢又好食喎😝🤤叫青咖哩點會唔叫蒜蓉包，佢青咖哩唔太辣啲雞好足料，每件雞都好大舊，點埋重口味多蒜蓉包簡直好食到上天🤤🤤🤤熱辣辣脆卜卜架！蜜糖燒肋骨真係好好食，甜甜地燒到好似焦糖咁，好有咬口，不過唔好見到骨就覺得冇肉食，佢係大大舊肉阿💪🏻🙈炒粉絲真係好考廚師技巧，要炒到唔濕又唔乾真係好難，試過好多都係會太乾，但新泰絕對唔會！炒到好qq好彈牙，而且佢蟹肉唔係蟹柳係真。蟹肉！🦀🦀呢餐飯食到飽到上心口都值

今天和朋友往尖沙咀行下，經過加拿芬道，給一店內的小花園流水吸引，還有梳化給客人休息，旁邊有樓梯，走落地庫原來是一間食泰菜的新泰東南亞餐廳，裝飾優雅，座位設有梳化，燈光柔和，侍應見我們立刻來招呼入座。看到如此舒適的環境，我們也樂意在此晚膳。首先點了串燒6串，雞、牛、豬肉各2串，肉質入味，配特別調製的沙嗲醬汁好惹味。泰式去骨海南雞半隻 ，雞冇骨啖啖肉，雞肉嫩滑，還有酸辣醬汁和薑蓉，能使雞肉味道更美味。泰式菠蘿炒飯 ，用半個菠蘿載住上枱，有腰果、肉鬆、蝦、臘腸、菠蘿等，飯炒得好香，粒粒分明有口感。

呢間餐廳係好吸引，因為不停係唔同地方都睇到有報導。所以一於襯朋友生日就去食餐豪的！環境非常寬敞，有四人卡位、有圓枱，而且佈置都好有泰國感覺，完全好似置身係泰國的感覺。而且氣氛都好寧願，想同朋友靜靜地吹水又得、又溫馨浪漫的感覺都可以，真係岩晒中意食環境的朋友呀第一款小食當然係泰式生蝦啦，泰底生蝦非常厚肉，而且生蝦都好大隻，絕對係食落啖啖肉。配合埋泰式醬，酸酸地又辣辣地，真心正呀！第二款就比較少見啦，冰鎮響螺。呢款小食真係少見，一來要保持新鮮，二來都需要肉質大，所以都真係唔容易呀！不過呢間餐廳的螺都好大隻，而且入口都好有口感。主菜來了，點了一份豬手，真係超級好食。豬手皮焗得非常脆口，而肉又唔會太乾太難咀嚼，而且非常大份，兩個人食一定夠飽。雖然無加任何醬汁，但係都已經好夠味道。不得不介紹是椰汁沙冰，平時泰式餐廳都係整個椰子汁，但呢度竟然會有椰子沙冰。天氣咁熱就真係岩晒飲咁透心涼嘅飲品啦，值得推介。

今次黎到位於K11，對面的新。泰東南亞餐廳。店鋪位於地庫，門面具有泰式風格。店舖地方十大，設有卡位，座位寬敞。適合三五好友聚會好地方。今次同幾個朋友點了幾款菜式。當中意個麵包焗咖哩軟殼蟹，個人認為必叫前先外面係烤焗好的法包，香脆可口。內裡咖哩香濃惹味。軟殼蟹又夠大隻，回味無窮！泰式明爐烏頭，天氣漸涼，都是必叫的！味道十分接近我在泰國食到的不會太酸太辣，味道適中，魚大條，湯帶鮮味，的確不錯！整體食物不錯，環境優雅有情調！價錢抵食，值得再來^_^

已經係第二次食”新泰東南亞餐廳“，除咗個環境好舒服，真係好似去咗泰國之外，啲嘢真係好食。今次兩個人，walk in，去到叫咗五樣嘢：冬陰公湯，小食拼盤，明爐烏頭，青咖哩雞同印度薄餅。因為鍾意飲湯，嗌咗個大嘅，一人有兩碗。雖然隻蝦浸到“梅梅地”，但係蝦頭有膏，個湯唔係齋酸同辣小食拼盤有四款，最好食係魚餅，個生菜包的肉碎辣咗啲，食到尾係食菜多過食肉碎明爐烏頭，條魚都算新鮮，啲肉唔“梅”，個汁偏酸，但係整體味道唔錯。到青咖哩雞，雞肉可以，啲瓜同蔬好入味，咖哩唔太辣，送飯一流印度薄餅嚟嗰陣仲有少少熱，配咖哩。飲品叫咗芒果沙冰同青檸梳打。兩個人都食唔晒。

與好友相約購物後在尖沙咀醫肚是日選擇為東南亞餐廳好快就安排好入座睇下有咩食先今日點左蒜茸越南牛油雞翼,鹽焗盲曹,鐵板蠔仔蛋,泰珍珠椰菜苗炒香茹,越式蟹肉炒粉絲,越南烤蔗蝦蒜茸越南牛油雞翼--唔會好油膩,都好香牛油的香味又香口.鹽焗盲曹--魚都好好食,點下醬汁更加好味道.鐵板蠔仔蛋---蛋唔會過火,但又夠香口.蠔仔好大隻,都幾鮮味.泰珍珠椰菜苗炒香茹--蔬菜都好新鮮,入口好有田園的口感.越式蟹肉炒粉絲--蟹肉都幾多,配合埋芽菜炒粉絲個味都幾夾,粉絲都好軟好易入口越南烤蔗蝦--好好食,蝦做的蝦膠味唔錯,炸出來又夠熱又香口

今日同朋友到尖沙咀加拿分道食新泰東南亞餐廳 好快就有位坐今日叫左以下食物蒜茸越南牛油雞翼,鹽焗盲曹,鐵板蠔仔蛋,泰珍珠椰菜苗炒香茹,越式蟹肉炒粉絲,越南烤蔗蝦蒜茸越南牛油雞翼--都幾香口同埋唔算油膩鹽焗盲曹-鹽焗幾好食,連埋醬汁更好味鐵板蠔仔蛋--蠔仔夠晒大隻,另外蛋都唔會好油泰珍珠椰菜苗炒香茹--新鮮好味道,菜既鮮味帶晒出黎越式蟹肉炒粉絲--粉絲軟硬度岩岩好,蟹肉都好香口越南烤蔗蝦--熱辣辣同埋蝦味都好濃好香好好味

今天約了和朋友在isquare看電影，之前現在尖沙咀吃晚飯，我們兩個人點了三個菜。椒鹽軟殼蟹（$78）蟹的份量大概有兩隻小的吧，炸得酥脆，椒鹽也夠鹹香，很快就吃光光了。馬拉盞通菜（$72）菜脆口，馬拉盞也夠香，只是味道太鹹了，配飯會比較好喔。泰式蝦炒金邊粉（$98）看著覺得賣相很不錯，但是味道很一般。吃起來味道比較淡，而且金邊粉都黏在一塊，弄散的時候粉都斷了。雖說是蝦炒金邊粉，但是裡面的素肉比蝦要多上許多，我剛開始還以為是不是上錯了，直到翻出兩隻小蝦才知道沒搞錯。這家店我吃過幾次，菜式偶有中伏，要慎選。

今天有朋友來香港玩，約了一起吃晚餐然後去海邊，所以餐廳就選在尖沙咀啦。這家餐廳我來過兩次，味道和環境都不錯，所以就定在這啦。餐廳環境還是很漂亮，時尚又有泰國風情。店面還挺大的，我們七點到，已經八成滿。香芒牛油果軟殼蟹卷（$88）軟殼蟹很鹹香酥脆，米紙捲夠軟糯，芒果和牛油果軟滑，芒果微酸，很解膩，吃起來也很清爽。飛天通菜（$72）裡面有像豆瓣醬的豆子在，還有紅辣椒絲，吃起來很鹹香，很下飯。鮮胡椒炒大蝦（$168）大家差不多有手掌大，有四隻，用了新鮮的胡椒，胡椒味濃郁，但不算太辣。只是蝦子不是新鮮的，個頭搭夠吧。大蝦都開了背，所以用叉子就能取到肉。店員還很貼心地幫我們換了盤子。菠蘿沙冰（$38）菠蘿味濃郁，而且很甜。椰汁冰（$38）椰汁味濃，喝起來很順滑。芒果糯米飯（$62）糯米飯有黑白兩顆，吃起來都夠軟糯，黑糯米口感稍為硬點。椰汁帶點鹹味，芒果也很甜。

今日喺尖沙咀行街，試下搵新野食~ 經過呢間新泰東南亞餐廳見到門面好靚，有幾個泰國人喺waiting area, 感覺幾正宗就去試下。 地面喺reception, 餐廳座位喺地庫。 餐廳面積幾大， 裝修幾豪華。 獲安排坐卡位，座位又大又舒服~ 格面嘅餐墊設計好特別，忍唔到影低左~ 😍餐牌選擇都好多, 價值合理。有常見嘅正宗泰國菜同一啲fusion菜，帶點西餐風格。我地叫左雞肉泰式乾炒河，蜜糖燒肋骨，泰式炒什菜同埋越南烤蔗蝦。 當然仲有食泰菜必飲嘅椰青~炒河嘅河粉又薄又滑，配料同雞肉都幾多。最緊要唔會太多油，味道唔太咸。蔗蝦有3大件，真係好大隻! 炸得幾脆。 蔗嘅部份好幼，所以咬落啖啖肉呀。醬料嘅嘅份量夠，可以每一啖都配到少少醬一齊食~ 個人推介燒肋骨，肋骨喺幼身，baby back ribs, 所以肉質較嫩。外面燒得好香，味道醃得啱啱好，唔會over左而失去肉質同原本嘅肉味。個醬汁喺一定，一定，一定要點。佢好有層次感，夠辣得黎唔過份，加上配搭多種泰色香料。加上少少甜度，大大增添豬肋骨嘅味道層次~泰式炒什菜好豐富，有椰菜，粟米仔，草菇等~ 份量都幾多，平均番食得多肉類嘅我 🤣呢間泰菜環境坐

餐廳入口已很有泰國色彩, 沿樓梯落到餐廳， 裝修擺設都很有泰國feel, 點餐前去了洗手間，別緻的裝修，餐廳侍應大部份都是泰國人，令客人有置身泰國的感覺。菜牌印刷精美，菜式選擇多，並且配有圖片，賞心悅目非常吸引，侍應哥哥推介很多款招牌菜，花多眼亂難以取捨，我們最終選了，柚子沙律❨好味但份量少啲❩, 泰式珠椰菜苗炒香菇, 麵包焗咖哩軟殼蟹, 燒原隻魷魚, 泰式甜品拼盤❨一般❩, 酥炸香茅魚配青芒果沙律❨做得好好，起魚肉與骨分開炸後排番條魚型，炸得好好不油不膩❩我地連骨都食埋

和媽媽來食泰菜。香港食泰菜一向較泰國整地貴， 一分價錢未必一分貨。 這間裝潢不錯，清靜、環境舒適，適合慢慢坐談天。很驚喜這些的菜式全都很正宗，而且份量大，不怕食不飽。款式眾多，試不完下次再來。先要了個椰子沙冰。大大個椰子，沙冰夾雜香甜椰水與啖啖椰肉，超級好味。份量多，兩個人分都很夠。最喜歡其溫度保存得好，放一個小時慢慢食都不會過快溶成水。食到底還有爽口椰肉，必點🤤🤤主食要了軟殻蟹咖哩法包和明爐鳥頭。軟殻蟹炸得香脆，咖哩汁不會令其軟淋，但脆皮加上多肉，再點甜辣的咖哩汁，真是食不停口。法包外脆內軟，蘸上咖哩汁，慢慢食真是很飽肚。最喜歡其汁和軟殻蟹都不會過於油膩。至於明爐烏頭十分正宗，湯底是清甜帶酸的正宗冬蔭公(主要為酸酸不辣的）半點油都沒有，健康開胃。魚大條，肉鮮嫩，慢慢明爐煮不會過熟而變質。有多種香料，但味道不會過濃。最喜歡另外配搭的酸甜辣汁，濃濃香蒜加上微酸辣，將魚的鮮味完美結合。最後點了香芒糯米飯。普通糯米和紫米各一球，配上濃郁椰汁，甜而不膩，為晚餐點上完味句號❣️👍👍