新泰東南亞餐廳

营业中

休息中

經過呢間餐廳門口真係忍唔住停低望多眼。經過兩次之後決定一戰！餐廳分兩層，地面係寬敞有流水擺設嘅等候區，用餐係要落一層。只能夠話呢間餐廳好大！同埋裝修好抌本！由地面門口、樓梯，落到餐廳用餐區，全部嘅裝修都好靚好舒服，而且充滿泰國特色。令人眼前一亮～最重要當然都係食物質素，整體而言係幾唔錯！全部都幾好味，尤其是椰青同燒豬頸肉，好出色！海南雞都出乎意料咁嫩滑！椰青 $42椰青水望落質感夠「漿」，飲落清甜到不得了！d椰子肉夠曬厚身，而且又爽又滑，帶椰奶味，真係好正！椰子沙冰 $55沙冰係飽肚解辣必選！佢將椰青水、椰子肉、花奶、練奶、冰等打成沙冰再裝入椰殼，食落非常綿密冰凍，椰奶味超濃郁，而且唔會好甜，仲好解辣！而且好襟飲，食到食完飯都未飲曬。燒豬頸肉 $68豬頸肉份量算足，燒得啱啱好，又嫩滑又彈牙多汁，重點係個醬汁真係好出色好好味！一開始以為醬汁就好辣（個人好唔食得辣），點知佢係偏甜，又帶d青檸檬酸酸地，又有陣陣香茅味，總之就係用左好多香料、椰糖等打成，好特別，我鍾意到撈埋飯><去骨海南雞半隻 $128每次去泰國餐廳都好想但又好驚點海南雞，因為好怕食到又白又柴嘅雪雞。但係呢個海

和老婆撐枱腳，二人一同前往尖沙咀的新泰。餐廳是靠近尖東港鐵站，在K11 商場的旁邊。門口很有心思，有各種泰式的展品，往下走到地牢，泰式的裝潢彷如進入泰國的國度。餐牌的菜式選擇多，串燒海鮮飯麵小食甜品應有盡有，一應俱全。豬肉碎生菜包要留意的是餐牌已標明兩個辣椒，代表這道是非常辣，怕辣的人要特別留意。對於我來說辣度可接受，豬肉味香濃，用生菜包著豬肉碎吃，清新之餘又別有一番風味。老婆也吃得滿足，讚不絕口。馬沙拉咖喱雞椰味濃郁，咖啡味突出，內有雞肉及洋蔥及青椒，很有風味的一道菜。印度薄餅煎得香脆，配上咖喱是完美的配搭。蝦醬炒飯炒得很有鑊氣，蝦非常爽甜，且新鮮嫩滑。每一啖香口之餘，蝦醬味非常突出。再配以旁邊的花生及肉鬆，味道很匹配而沒有違和感。

第一次品嚐這家泰國菜，感覺還好。是次主菜點了泰式蝦醬炒飯及黃咖哩海鮮配白飯。泰式蝦醬炒飯份量適中，炒飯充滿蝦醬的味道，非常入味！炒飯還伴有兩隻炒蝦仁，肉質鮮嫩彈牙！友人表示咖哩美味，用作拌飯非常開胃，但海鮮則只屬普通水平。如咖哩汁可再多些則會更好！龍眼蜜很好喝，真的嚐到了龍眼的清甜！推薦！跟餐的甜品反倒失色。奶凍中椰奶的味道太重了，完全蓋過其他材料的味道，我也只嚐了一口就默默放下餐具了。整體而言，味道不錯！回頭率頗高！不計九龍城的泰國菜，這家會是一家挺好的泰國菜餐廳。

今日去開尖沙咀行街，經過想食泰國野就去左食呢間了！本來望到個門口咁鬼靚又係正尖沙咀旺區大街會貴到飛起，但睇睇個個餐牌又幾ok喎，先入左去 ！ 雖然身為小資女但係翻工翻得咁辛苦都想坐得舒服啲😂😂 啲位好闊唔會坐得好辛苦！好評 ！另外走個時昅到好似有寫住V1V2唔知係咪有房book呢🤔野食先係重點！叫左每次必食生蝦！ 新鮮嘅！個汁香的，不過我覺得有小小辣得濟 (其實係我唔太食得辣)龍眼冰未到😍唯有問staff拎水 佢勁好比左一壺冰水我😭😭 經理見我咁嘅樣仲俾左糖我😂😂話解辣 佢太好了 龍眼冰 ->(正常味道，甜的！仲好多龍眼)個馬拉盞菜真心正！勁多配料（蝦米個啲) 食到抵都有！真心覺得重手如此個味又調得好好，我食左4分3都對唔住我fd haha!鴨嘅紅咖哩 本來我不左兩野 好似得好少咁仲唔太開心 點知後尾好似發現新大陸咁食下食下又仲有！ 兩個人食一人3-4舊到？但就唔算好大舊嘅，兩人份量剛好啊，味道方面唔辣的，我鐘意，但又唔會勁重椰味，好香！我就再加左個薄餅！最後以芒果糯米飯作結，糯米飯個韌道剛好，椰汁夠撈哂啲飯的，暖暖地好正！大概芒果是最大敗北，因為唔當造 真係有小小酸呀🤧埋單2

新泰這天去了K11對面地鋪的一家新的泰菜，意想不到服務、味道、環境也很不錯。這家在地庫的泰菜前身是間西餐廳，猶記得食物質素不錯可惜環境地方坐得不算舒適。新的新泰餐廳環境不錯，坐位尚算寛敞舒服。電子下單後，飲品食物在8分鐘內都上齊了，我的凍泰茶更在1分鐘內到了，真高效！這天點了泰式鳳爪沙律及牛油雞翼作前菜，味道都不錯。主食點了鐵板蠔仔，上菜時都依然熱辣辣。蠔仔很多，吃得很爽，香氣四溢。另一味是泰式炒金邊粉，用蛋包上賣相也很不錯吧？味道也很好，有新鮮的蝦。最後當然要吃個芒果糯米飯！

近排食左好多餐日本料理🤣🤣，不如俾d新意食下泰國菜啦🙋🏼‍♀️ 今晚我地諗住坐耐啲既，所以一開始就叫咗兩杯飲品😬😬 番石榴沙冰好特別，令我諗起之前去旅行飲過嘅一款沙田柚飲品，雖然水果唔同，但感覺一樣咁清新😌 珍多冰～本身以為係普通野，但有啲驚喜😯 入面的三色配料係一粒粒的，比平時飲開嘅甜左d🙃通常食泰國菜，我會好例牌地叫個Pad Thai, 但人總要作多方面嘗試，所以今次叫左個泰式濕炒海鮮河粉😎 全碟有好多海鮮，份量仲多過啲河粉🤣🤣 我係特登揀濕炒嘅，唔會太乾身✌🏻叫多一個羊肉咖喱配印度薄餅😻 餐牌係冇加🌶的，所以真係唔辣👍🏻 但咖喱味又好香！其實我幾鍾意食羊肉㗎，自己唔識整，所以出街都會想食😹 呢個羊肉咖喱整得唔錯！我鍾意呢度嘅環境好舒適， 餐廳嘅佈置有心思，令人覺得好似去咗度假咁⛱️ 職員有啲好似係泰國人，好細心而且服務態度好！可以再來🤠

又到星期五，外食的日子，小妹和同事們一早決定來新泰享受美食，為免無位，便和同事Ｋ早少少出黎攞位，餐廳已經好大，但人流之多令餐廳經常客滿！可能太多客人，服務員明顯不夠，不過d姐姐一見到我地舉手都好快過黎！佢哋好有禮貌又好好笑容呢一行兩個女生，作為為食之人，便叫了一個河、兩個菜、加一個前食：生蝦🍴蒜蓉炒貴妃苗🍴鹽焗烏頭🍴泰式濕炒牛河🍴青檸梳打🍹🍴生蝦生蝦冇廚藝比較，只係睇下邊到入貨，夠唔夠新鮮，新鮮又夠凍嘅生蝦真係好好味🍴 蒜蓉炒貴妃苗蒜蓉味好香，貴妃苗青綠新鮮冇渣，越食越滋味🍴鹽焗烏頭鹽焗烏頭好看，烏頭端上桌的一刻，魚香滿滿，不需要任何醬汁，原汁原味沒有泥腥味，把烏頭吃得光光，鹽焗把鮮魚香帶出，啖啖肉不錯🍴泰式濕炒牛河材料有芥蘭，玉米條，草菇，魷魚，蝦，青口，都好足料~河粉硬度適中，不太軟也不太淋，濕炒河都好有獲氣，但再濃味dd就完美嗱☺️🍹青檸梳打今個冬天不太冷，飲返個凍野爽曬！

一去到門口 就感受到佢門面裝修好靚 有流水 又要位坐 一流 果然入到去 裝修唔錯 卡位寬敞 仲有咕咕 坐到好似返左屋企咁舒服，環境方面都算係咁坐落見到d餐具都幾得意同精緻另外值得一提既係，佢出菜既順序都幾講究，首先係前菜沙律先，之後就係小食，接住既係主菜，即係飯面之類，最後係甜品首先黎左個青芒果沙律先，非常開胃，酸酸辣辣咁之後就係雞翼，幾重牛油味，唔錯，值得推介跟住就係個飯，菠蘿炒飯夠乾身，色澤唔錯總結黎講值得一試，如果2個人黎，可以叫少啲，今次食得好飽

今晚同屋企人食泰國菜😋 間餐廳好易搵，就係尖沙咀K11出面～ 由於我有book位，所以經理留左張卡位俾我地😌依度既食物好多款式，太多選擇既情況下，我地主要揀哂佢既招牌菜🤣🤣第一款黎既係椰青沙冰！賣相好精美，好似軟雪糕狀的，打卡一流📷 作為foodie既我飲左一啖就知係真材實料🤓 啖啖椰子肉，絕對唔係只得椰子味喔！餐廳經理見我地飲得咁開心，都走過來傾兩句，佢話個沙冰製作工序好繁複，仲係用新鮮椰子肉打成的！難怪咁正啦😎 重點係佢份量超大，我地飲到埋單前仲飲緊🤣我地叫左兩款小食～泰式蝦餅上碟熱辣辣，食落好彈牙，而且大大件，唔會好似出面餐廳咁薄片😂香芒牛油果軟殼蟹卷係另一款招牌菜！我一向都好鍾意食牛油果，加埋芒果，配搭幾清新！唔錯😸主菜就叫左明爐烏頭，佢個湯底酸酸地，有好多配菜，同烏頭一齊食好match~ 我地清晒一碟，毫無難度😎全餐飯最滿意就係個椰青沙冰，夠晒特別，我會極力推介👍🏻

今日放工之後想搵一間好食嘅餐廳，之前都已經有聽過 唔錯，諗住今日黎試吓，地點方面佢都幾方便，我哋都唔駛等好耐就有得入去，環境都唔錯，唔算太嘈，都幾適合一班朋友嚟聚會。嘢食方面，選擇都算多，我哋首先叫咗Phad Thai味道十分唔錯另外朋友都想試吓海鮮，非常之豐富，材料新鮮，好抵食！最值得推介嘅係鐵板蠔炒蛋泰式飲品都好好架！總括來講，今餐嘅體驗都相當好，推介果然冇錯，如果有機會都會再嚟試吓其他嘅食物！🥰

平時少食泰國菜既我，上星期同左朋友去尖沙咀試左間高質泰國餐廳餐廳係加拿分道K11對面，門面光亮容易搵，行落樓梯就見到好大既環境估唔到係地下有咁大面積既餐廳，仲有房間比一班人享用私人空間，設計風格都帶點東南亞感覺，座位間好闊落，比人舒適既用餐環境食品選擇多樣化又分門別類，有燒烤、咖喱、海鮮、蔬菜類，好方便大家睇冰鎮翡翠螺 $78先點了一客小食，冰鎮翡翠螺，送上時還會連埋冰塊保持濕凍，螺肉幾大件，味道新鮮！內裡都算乾淨。越式肥牛湯河 $68湯汁偏多，肥牛同河粉份量好足夠，$70一碗都好合理。湯汁味道濃郁，不會太多味精肥牛大片，質量好，剛剛煮到五成熟，口感嫩滑！泰式去骨海南雞 $128 （半隻）點了半隻海南雞，連埋雞腿位置肉質滑溜新鮮、又不會太多肥膏 加埋碗白飯就剛剛好。最喜歡係餐廳用餐環境闊落又乾淨，不會有侷促感覺，可以慢慢同朋友食飯傾計！

呢一間泰國嘢返兜又返兜試過好多次好鍾意食呀！ 每一次都食到好飽好飽價錢仲要係好抵前菜叫左生蝦刺身 每一隻都係好彈牙好好味佢嗰醬辣辣地好正咖喱軟殻蟹包包點咖喱汁係一個完美嘅組合軟殼蟹嘅份量都好多串燒叫咗半打3牛3雞 肉質好林同埋沙嗲醬都好好味 唔夠點再叫員工比多一碟：）馬拉盞椰菜苗唔係間間泰國嘢都有椰菜苗呢一間仲要係好平餐牌係寫蒜蓉炒嘅 但係叫馬拉盞 都會做俾我哋 抵讚甜品拼盤好抵食每一樣都好好味原來其中2-3款甜品係會定期轉款糯米飯同埋白色嘅糯米糕係必定有既

泰菜係正k11隔離非常方便，開設在地庫地方很大，有長梳化卡位、亦有梳化卡位，當晚本來好開心可以一家人食飯睇燈飾，但一落去餐廳又熱又焗仲要食泰菜，原來冇冷氣。。媽媽又焗到想暈咁濟，服務不夠貼心在我訂枱時冇講到冇冷氣，所以好快就食完，食物還可以只是味道不夠，價錢合理

當大家一提起泰國菜，只想到九龍城xx谷，名過其實都沒什麼大驚喜，所以朋友便上openrice找找看，發現尖沙咀也有不小泰菜，我們揀左這一間！總括整體而言，餐廳環境舒服，員工非常有禮貌而且上菜速度尚算快， 所以這次飲食經驗是非常愉快和滿意的。下次有機會來，我必定會試一試其他菜式，希望能再有驚喜!第一道泰式柚子蝦沙律，泰國嘅柚子係特別多汁，好多柚子肉，做沙律真係好好味!加上新鮮嘅蝦，爽口彈牙，上面再有香脆嘅花生，最醒神係果個酸酸甜甜嘅汁，好惹味超開胃第二道來的菜是泰式炒椰菜仔，新鮮炒好便端上枱，椰菜苗鮮嫩可口，唔會過硬，味道夠濃不會過鹹，好香蒜香味。第三道菜是泰式燒春雞讓香茅黃飯，這個雞與黃飯配搭簡直是天作之合， 雞已經被切開成四份，而裏面的香茅黃飯都滿得快要瀉出來，香茅味濃， 配上泰式酸甜醬，味道一流，但缺點是很容易會涼掉，飯便會變硬，所以要在最新鮮的時候趕快吃。芒果沙冰去到泰國餐館必叫嘅飲品

一向喜歡嘗試不同類型既東南亞菜式，尤其以星馬泰既菜式，因為正宗既菜式味道多層次，食正宗味，呢間名叫新泰餐廳，以平民化價錢不過就提供高質素泰國菜，呢到地方寬敞，格局最重要係坐得舒適，完全無壓迫感，新穎年輕時尚的泰式裝修，相當吸引燒完隻魷魚：魷魚好大條好大份，本身佢已有燒汁一齊燒好入味，魷魚唔會好鞋，又唔會燒得好硬，而啖啖JUICY 有口感泰式生蝦：蝦肉生鮮嫩口鮮甜而且爽口彈滑，沾上醬汁後令鮮味更為提升泰式燒春雞讓香茅黃飯：燒春雞外面燒都又脆又薄，如照燒完一樣，雞肉味道有香茅味，香茅黃飯的香和嫩滑的雞肉混和，味道相當不俗！雞大隻，飯量十足，食不完打包走人！這頓菜味道確是不錯，實是意外收獲