新泰東南亞餐廳

营业中

休息中

泰式炒椰菜苗香濃的蒜汁加上高湯燴入椰菜苗的莖葉當中，味道豐富而且沉穏，比一般中式酒樓/ 大排檔的出品來得更有水準，與其說是炒菜，不如用「蒜汁燴椰菜苗」更來得傳神! 椰菜苗本身亦是鮮嫩爽脆，不帶半點殘渣，入口清脆自然。串燒羊肉羊肉燒得十分香口，雖然脂肪比例不高，但肉質淋滑，相信是活動較多的肌肉部份。配菜的青椒黃椒同樣燒得軟綿綿，用熱力迫出其本身的甜味，加上厚切的燒菠蘿，在一輪瘋狂吃肉之後，是消解胃口麻木的好幫手。南瓜海鮮焗飯帶點萬聖節氣氛的南瓜海鮮焗飯，大約有3人飯碗的份量，聽說南瓜是採用日本產的農作物，它的質地是綿滑而且甜度高，加上工整的鮮橙色外型，賣相已是一絕。既然是海鮮焗飯，海產的食材份量亦非常豐富，不論青口、蝦肉的品質皆實中上水平，有吃得出的海產鮮味，而蓋面的芝士焗得金黃拉絲之餘，亦有助保持南瓜內炒飯的濕潤度。唯一可惜的，是南瓜底部的炒飯被過多的南瓜汁浸透，做成過淋以及發脹的情況 (也許只能怪日本南瓜過於甜美多汁)。

偶爾相約朋友又不想限時限刻用餐，新泰是我與朋友聚頭地方之一。餐廳寬闊，設計清雅，大門裝潢更是令人聯想起spa的感覺。泰式燒烤虎蝦蝦肉結實，蝦味濃郁，蝦頭內藏蝦膏的咸香。一碟2隻的虎蝦，每隻皆有成人手掌的長度。烤製之前廚師用香芧串起蝦身，再以蒜蓉及芝士釀入開邊的蝦肉，增添風味。燒烤後虎蝦仍然保持肉質鮮嫩，外層香脆之餘，蝦肉亦能保持一定的濕潤。愛吃蝦頭的我，更為其中的橙紅色的蝦膏感到驚喜。比較是晚其他食物，泰式燒西冷牛排是比較平庸的一樣菜式。先說優點，燒牛肉的火喉控制得宜，切開仍見粉紅色的肉質，顯示牛肉並沒有過熟。然而西冷本身的油脂與邊陲欠缺肥膏，令進食時感覺上變得乾瘦，失去了牛排應有的焦香和油香。幸好火喉控制得宜，中央帶有微微肉汁。至於附帶的汁醬，一碟應為泰式辣醬，另一款則以酸甜為主。個人認為2款汁醬的味道太強烈會將西冷牛的肉香掩蓋，倒不如沾上其他餸菜附帶既甜酸汁同吃更適宜。芒果沙冰用大量鮮芒果肉製作，由於冰粒量非常少略呈半溶狀態。沙冰有天然果糖的甜美，異常清新，超值之選。至於椰青就不多說了，椰水容量多且非常解渴，每次來也必定會叫一個。另有椰青沙冰或椰青大菜糕，同樣以原個椰青方式呈上，小

Quite catch-up with friends tonight. No idea where to eat and my friend suggested this place as she had tried before.  We totally didn't expect the restaurant would still be fully packed on a weekday night!   Too hungry when we got in, ordered immediately once we sat down. 👉🏻Rice Paper Wrapped with Soft Shell Crab with Mango $88 So hungry we ordered something quick first! Crispy soft shell crab, nice! Portion of the mango was not a lot but the taste was ok 👉🏻Grilled Platter (Scallops, Oysters, T

男朋友話試吓呢間尖沙咀嘅泰菜，入去睇到 menu 先發現間餐廳成個東南亞嘅菜都有😂😂 適合一大班人 gathering 食飯，勝在種類選擇夠多，環境舒適，位有夠多🤩蒜茸越南牛油雞翼炸蒜粒、洋蔥同蔥帶出香味，多到遮住 d 雞翼😂 份量有6 隻，價錢合理。馬沙拉咖哩牛馬沙拉其實係指馬來西亞、即係馬來西亞嘅咖哩😂 有牛雞豬可以揀，我地揀左牛，馬沙拉無辣， menu 咖哩都有好多種，同好多唔同嘅辣度,呢個主要係甜香類型 😎蒜蓉包一籃有4 塊，價錢適中，用嚟送個咖哩嘅😛參峇炒通菜因為近來唔食得辣嘢，我地無揀最常食嘅馬拉盞炒通菜，揀左呢個，佢又係唔辣同帶少少甜，可能係帶蕃茄嘅緣故掛，都算好食嘅。青檸梳打梳打水自己加，一塊青檸加少少糖漿，不過不失

門囗喺地面，餐廳喺地庫，空間感十足，我地兩個人坐四人檯，係方形檯，有啲打麻雀嘅感覺🤣set lunch HKD75我要咗個喇沙，同事要咗個串燒，餐跟飲品，加HKD28 可選春卷／沙律or貴妃苗, 人手同客人都多，waitress 好有禮貌又快手，有部份應該係泰國人。野食好快到，喇沙都幾大碗，不過唔夠熱😶，有兩條半熟嘅菜，蝦份量都幾多，有成5,6隻，不過唔太彈牙，魚片幾好幾爽囗😁, 豆卜就乾咗啲，個湯唔夠惹味。同事order 嘅串燒好靚，用竹筒入住啲飯，係糯米飯。

朋友帶路食泰菜，繁忙時間要等一等位，等左大概十分鐘到，門口擺設有泰國FEEL又有櫈坐，第一次食地踎泰菜，落到去原來裏面超大，空間好闊落，好適合朋友或者一家大細歎下，坐低即刻叫個大大椰青飲，味道清新爽甜，夏天飲真係爽YY，叫左個叻沙蝦米線，盛惠78蚊，非常足料，有豆卜、豆芽、魚蛋、大蝦，湯底甜辣恰好，仲有泰式生蝦好味道，就算唔沾醬汁都好鮮甜，咖喱炸軟殼蟹配麵包都值得試，真係原個麵包咁裝住啲咖哩同軟殼蟹，第一次食又真係幾好味，麵包軟綿吸左咖哩汁完全唔覺得乾，其實想試埋薄餅，可惜真係太飽了😂😂下次一定黎食埋其他咖薄餅！

好耐冇食泰國嘢平時成日經過呢間見好多人排隊，今晚終於同朋友試試佢，menu好多選擇，有齊唔同泰式同越式食物，咖哩海鮮燒烤呢啲必備，前菜泰式生蝦好鮮滑，幾大隻 ，沾辣汁食味道好刺激惹味，沾少少就恰好，太多就會好辣蓋過蝦既鮮甜，主菜推介麵包焗咖哩軟殼蟹，椰奶味濃郁，佢係偏甜既咖哩，麵包焗到香脆，沾咖哩汁好好味，軟殼蟹炸得香口又大隻，一啖軟殼蟹一啖咖哩麵包，好幸福啊😆😆飲品我就揀左椰汁冰，椰子味超級香，啱曬我呢啲粉絲，試左朋友個椰青好清甜，性價比好高！👍👍

本沒打算吃泰菜 看見門外人山人海湊湊熱鬧，才發現這個好地方✨椰青 $45 吃泰菜沒有不喝椰青的理由索價正常 味道鮮甜仲有椰子肉未吃主菜先興奮✨日本南瓜焗海鮮飯 $118 肌腸轆轆 叫了大熱菜式原隻焗南瓜🎃 見到都留口水大大隻南瓜內有不少飯及海鮮店家有心機地用上炒飯底單吃飯也不覺家寡口識人一口接着一口🥬✨參岩炒通菜 $75炒通菜 十級惹味通菜爽口新鮮 加上參岩 味道層次加分🍖 ✨燒烤大拼盤 $328 全晚至期待的一道菜溫馨提示 蒸海鮮需要耐心等待啡請預早order📞一上盤即覺得等候時間是十分值得的🐟🦐有扇貝 大虎蝦 鮮菠蘿 燒半殼蠔Size 係超量級! 雖然每款只有兩隻 但分量等於坊間的四隻海鮮新鮮 加上大量蒜蓉調味十足燒菠蘿鮮甜 好像甜品般✨椰汁西米糕$55甜品總是另一個胃椰味十足 味道偏甜 但我10分愛加上粒粒西米 更有口感環境味道服務質素沒有挑剔的理由

🌱Grilled Lamb Chop with Green Curry 青咖喱羊架 HKD 108—————I love Thai food and this is my favourite go-to Thai restaurant! Their lamb chops were cooked to perfection and very tender! Perfect with the curry sauce! Highly recommend ordering a side of garlic bread to go with the curry sauce! 高質泰國菜之選！羊架煮得剛剛好，肉質夠淋又唔乾👍🏻加埋咖喱汁一流🥰建議叫蒜蓉包送咖喱汁！羊有少少騷味，如果怕騷個嘅朋友要留意🙈🍗Satay Skewers 串燒沙爹 HKD 88 —————Back at my go-to Thai restaurant again! Recommend asking for just chicken and pork skewers, wouldn’t say they are super

其實講到坐位舒服既泰式餐廳，我第1時間會諗起呢間餐廳，其次就係the one個間😆貪佢呢間環境大，坐位寬敞，不過有個缺點就係信號唔好，幾次唔同坐位都收唔到信號，好似入左結界咁。第1樣想食既野，當然就係生蝦啦，一碟6隻蝦真係唔夠喉，但2個女仔又無謂叫2碟生蝦咁過份😆由於小食併款唔係樣樣都特別中意食，所以我地只左個蝦餅👍蝦餅好大舊，入面啖啖肉，相信無人會唔中意食💝椰飲叫左個椰汁沙冰，其實我平時唔飲椰青，因為覺得太甜，但呢個椰青沙冰中和左之後，相對入口唔會太甜，而係好清淡既甜，剛剛好👍無骨鳳爪沙律，送上枱同我地幻想有小小出入。食落去正常，不過佢個味唔夠酸辣，所以就一般般，下次會試其他沙律。咖哩我地選擇左 麵包焗咖哩軟殼蟹 $208超大份! 賣相好吸引，而已個麵包都好夠脆，所以沾咖哩好好味。軟殼蟹沾咖哩勁好味! 呢個真係可以每次都吃，由外表到味道都好好👍2個女仔真係食到勁飽。

隔咗一排，想食泰國嘢條癮又起。次次經過尖沙咀地鐵站行出嚟，就會見到呢間餐廳，今日終於嚟試一試。雖然衝住食泰國野嚟，但係餐廳係食東南亞菜，菜式有好多選擇。海鮮濕炒河河粉形狀係不規則，同平時食開炒河粉嘅唔同，好特別。有大量芡汁，唔使擔心河粉唔夠掛汁海鮮款式多元化，有青口，蝦，魷魚，仲有唔同蔬菜👍🏻肉碎生菜包豬辣勁十足，香辣惹味，但又唔會辣到蓋過豬肉味，生菜新鮮乾淨，爽脆清甜，包埋肉碎食，味道啱啱好。麵包咖哩軟殼蟹抵食之選，擺盤又有心思咖喱汁要一讚，好似加咗蛋汁咁煮...唔算好辣，蘸麵包食簡直一流，而且麵包烘到外脆內軟，最後食哂全部麵包，一啲都唔會浪費🤣軟殼蟹份量都唔少，放係咖喱汁上面都保持香脆芒果沙冰真材實料，飲嘅時候仲飲到少少芒果絲芒果糯米飯上碟仲係暖暖嘅糯米飯，有糯米同黑糯米，兩款都好煙韌，有嚼口，加埋椰漿唔太甜，芒果香甜，完美👍🏻

冇得外遊，去唔到其他國家食當地菜式，唯有喺香港搵吓有咩好野食。呢間泰國餐廳的確有驚喜，環境唔錯，坐得舒服，唯獨餐廳在地牢，電話訊號收得唔好😅，服務員睇得出都係泰國人，好有禮貌。燒春雞黃飯：炒過嘅黃飯讓左喺燒春雞入面，一向不太喜歡食燒雞，因為好多時都會燒到乾憎憎啲肉好鞋，但呢隻燒春雞好焾好多汁好滑，點埋個醬汁，真係好好味😋。有驚喜的唔只隻雞，仲有旁邊的沙律，加左啲泰式dressing，感覺好清新，去除左燒雞的油膩感，真係好好味👍🏻。爐魚：平時食泰國嘢一定要食爐魚，有少少辣，用左啲酸菜墊底，好開胃😋。馬拉戔炒通菜：炒得好香，好味。可能餐廳位於尖沙咀，價錢就貴左少少，但整體黎講呢間餐廳可以再encore。

10/15 新泰 加拿芬道無耐無見既朋友聚餐，我地揀左係地理位置好方便既尖沙咀站附近既泰國菜食。呢間餐廳係地庫b1層，地下門面有大象同督督車，十分易認。餐廳座位十分寬闊，環境舒服。由於我地都係眼闊肚窄既朋友，所以叫左唔算太多款式既食物share食，連飯都剩係叫左一碗share~前菜既蝦米紙卷造型幾靚，蝦肉同米紙都新鮮彈牙，仲包左豆芽同粉絲，整體感覺清爽舒服。另外我地仲叫左青木瓜沙律，青木瓜絲新鮮，醬汁比較適合香港人口味，唔算太重口味，容易接受。鹽焗烏頭好大條，魚肉紮實，帶淡淡鹽香味，好香口。青咖哩羊架，一份有3支羊架，3支都好厚肉，唔太肥。青咖哩汁唔辣，純粹香口，適合怕辣人士～另外要讚下佢既油飯，油香味足，稍為黏又唔會一pat野，唔錯～泰式咖啡香濃，奶茶既茶味都好足夠，不過稍為甜左少少。飲完之後我地又叫多左杯青檸梳打，清一清食完濃味野之後既感覺。

K11附近高質環境舒適東南亞菜館「新泰東南亞餐廳」，位置好地方大，整層餐廳間隔闊落，隱私度高，算係泰菜少見嘅高級格局😎好啱約會！菜式味道超地道，店員都係講泰文勁有feel，價錢仲相當合理！超讚👍🏻麵包焗咖喱軟殼蟹($208)••••••好抵食！好驚喜呢度唔係用一般方包🤩包面焗得好脆，包體就好鬆軟，黃咖喱唔辣，蛋味濃郁好香甜，點麵包好好食💯 軟殼蟹分量好足，肉厚酥脆✅。泰式生蝦($98)••••••生蝦大大隻啖啖肉極新鮮🤤蝦肉唔係好似放題店嗰啲咁齋爽口，而係好鮮甜肉厚。店家仲好貼心係冰塊上面鋪張保鮮紙作分隔👍🏻。芒果糯米飯($68)••••••椰漿好香呢☺️ 師傅切到啲芒果好靚🤣糯米飯同甜椰漿都夠哂熱，特別好味！白糯米黏糯高，黑糯米比較有顆粒口感，但不會過硬。泰式濕炒海鮮河($88)••••••十分足料有鑊氣嘅真海鮮濕炒河！海鮮一啲都唔hea，有青口、魷魚、大蝦、秀珍菇、蔬菜，非常豐富。河粉炒得非常香，值得一提河粉係不規則形狀的，特別得嚟口感好強😛。肉碎生菜包豬($72)••••••豬肉碎配合泰式香料炒得惹味，酸酸地開胃又清新😙生菜新鮮顏色翠綠，直接用手食無得頂！

其中一間令人一再encore既泰菜一定有新泰份😋 食物水準超高！價錢合理🦁 日本南瓜焗海鮮飯：用原個南瓜焗，即刻其實我唔太中意南瓜都覺得超入味，d飯吸晒d南瓜味。海鮮種類亦唔少🦁 泰式青咖哩雞：個汁真係超香椰奶味，用黎送薄餅一流！雞肉都好嫩滑🦁 冬蔭功：色香味俱全！超大隻蝦🦁 肉碎生菜包：肉碎調味得好好～生菜如果可以再多啲就更好🦁 芒果糯米飯：芒果好新鮮！不過飯可以再sticky d 另外紅色比白色好食！