新泰東南亞餐廳

营业中

休息中

隔咗一排，想食泰國嘢條癮又起。次次經過尖沙咀地鐵站行出嚟，就會見到呢間餐廳，今日終於嚟試一試。雖然衝住食泰國野嚟，但係餐廳係食東南亞菜，菜式有好多選擇。海鮮濕炒河河粉形狀係不規則，同平時食開炒河粉嘅唔同，好特別。有大量芡汁，唔使擔心河粉唔夠掛汁海鮮款式多元化，有青口，蝦，魷魚，仲有唔同蔬菜👍🏻肉碎生菜包豬辣勁十足，香辣惹味，但又唔會辣到蓋過豬肉味，生菜新鮮乾淨，爽脆清甜，包埋肉碎食，味道啱啱好。麵包咖哩軟殼蟹抵食之選，擺盤又有心思咖喱汁要一讚，好似加咗蛋汁咁煮...唔算好辣，蘸麵包食簡直一流，而且麵包烘到外脆內軟，最後食哂全部麵包，一啲都唔會浪費🤣軟殼蟹份量都唔少，放係咖喱汁上面都保持香脆芒果沙冰真材實料，飲嘅時候仲飲到少少芒果絲芒果糯米飯上碟仲係暖暖嘅糯米飯，有糯米同黑糯米，兩款都好煙韌，有嚼口，加埋椰漿唔太甜，芒果香甜，完美👍🏻