新泰東南亞餐廳

营业中

休息中

同大家分享件趣事🤣🤚🏻香港地泰菜館好多時都選擇改個好泰風格既名，呀萊乜、Thai乜咁，呢間改名咁正經真系好似搜尋出嚟既結果一樣🤭門口大堂放置左部泰國🇹🇭既「篤篤車」，啱晒去打卡，真系未入門已感受到泰國風情，燈光偏向暗黃色，上樓後見唔少設計/裝飾都系以泰國感覺為主，例如筲箕形燈罩設計、木椅、藤椅、木枱等等，身如泰國感覺👉🏻麵包咖哩焗軟腳蟹 $208除左入面咖哩有加椰奶外，面頭都有再加些少椰奶手🥥，咖哩味好濃椰奶香，可以加多左椰奶關係，咖哩本身唔太辣，用外脆內軟既麵包去浸咖哩入口更加美味，可能個人口味上麻麻地咖嚟咁重椰奶味，如果淡少少椰奶再濃d咖哩更正👉🏻肉碎豬肉包豬 $72芫荽系面，入面味道同平時食到豬肉生菜包差唔多，都系九層塔、香茅 、檸檬葉、蒜蓉碎、洋蔥絲咁樣，呢到既小辣都真系幾辣下，如果怕辣既朋友就要小心，職員都好細心會問客人想要幾辣，可以提出比小辣更微辣既要求會食得更放心生菜份量啱啱好足夠包晒肉碎，每道菜份量都約2-3位左右，非常足料椰青解辣點可以唔預椰青呢🤭😂椰青夠甜，入面既肉都筆到出嚟食，軟硬適中，好似多左味甜品一樣整體來說，餐廳氣氛、服務、食物質數唔錯，可能我地叫既野食偏向

K11對面有間餐廳門口有架篤篤，成日都經過呢間餐廳，以為係新餐廳，點知原來係新泰😂😂無食一排，今晚又同閏蜜食下！黎到餐廳，必點就係椰皇沙冰😂😂真係解渴一流，夠哂兩個女仔飲！到野食啦！我地叫左泰式明爐魚，我地揀左鱸魚，貪佢肉質夠滑🤤🤤我地再叫左肉碎生菜包，辣辣地，係甘食😂😂菜太少，我加左菜食😂我地仲叫左燒生牛肉黎到太生，所以問侍應可唔可以翻煮.佢哋係泰國人，仲好好禮貌話吾好意思，就即刻拎我碟牛肉走，幫我再燒🙂我哋終於咬得開啲肉😂😂兩個人，食到攬住個肚走！呢間餐廳真係非常推介😋😋

難得今日放假，所以就同左frd去食飯。因為自己好耐冇食過泰國嘢，所以就想試吓先。嗰日行過K11見到呢一間好似都幾出名嘅泰國菜，入面全部都係泰國人嚟㗎，真係好有泰國特色可能我哋都早咗少少去啦所以都唔係幾多人，咁都有梳化床其實幾舒服，幾適合啲人喺度坐耐啲，同埋都唔係太逼夾，啱晒而家疫情要有社交距離啊我哋叫咗幾個菜包括呢個成舊南瓜加海鮮嘅菜🥸啲海鮮都幾新鮮同埋有好多唔同嘅種類，入邊仲有啲切碎左嘅南瓜，真係幾好食㗎跟住因為朋友話想食健康啲所以叫咗菜，仲有豬頸肉添👀最後最後我哋就要買一個一定要食嘅甜品就係芒果糯米飯啦，好彩正話我冇叫到飯如果唔係真係好飽啊因為佢有兩舊黑糯米同埋白色糯米嘅飯☺️

今日約咗朋友食飯，因為好耐無返泰國好想掛住啲鄉下菜，所以就去咗食呢一間好耐冇食過嘅泰國餐廳呀我同我朋友都好細食嘅其實，所以就叫咗一個白飯同埋一啲小菜🥸😉我哋叫咗馬拉盞通菜，泰式炒花甲，同埋燒豬頸肉😆😆😆我覺得佢豬頸肉幾好食，加埋啲汁簡直一流🤓見到隔離枱食呢個泰式菠蘿炒飯，真係有成半個菠蘿幾好喺度，真係好似幾正，但係不過我哋今次好飽，所以冇再嗌啦另外因為費事食咁多肉所以都要食返條菜，所以叫咗呢個通菜，有少少辣我自己覺得幾好食，但係如果唔食得辣嘅朋友可能叫第二啲會好啲最後就係泰式炒花甲，我之前都唔知道花甲係乜嘢，就係好似嗰啲顯仔嘅海鮮，味道都唔錯，少少辣好開胃☺️☺️另外仲叫咗兩杯嘢飲但係就冇影相啦，座位都幾好彩可以下次再嚟

同同事慶祝生日，揀咗嚟食呢間泰國嘢～無論環境同食物都唔錯喎！原來餐廳位於地庫，喺地面落一層～落到去原來餐廳好大，裝修充滿泰國風味，都坐得幾舒服！Menu大大本，選擇多，價錢合理。因為有兩個同事唔飲冬陰功，我哋就叫咗一碗，兩個人share，冬陰功湯十分香濃，香料味十足，絕對係味覺嘅刺激。鴨肉生菜包唔知點解食落都好似豬肉碎不過炒得十分之香，酸酸辣辣咁，味道真係唔錯！越式燒春雞釀香茅黃飯～隻燒春雞脹卜卜，原來入面釀有勁多香茅飯！燒春雞非常之嫩滑，而每一粒飯都充滿香茅同黃姜粉嘅味道，超級惹味！芒果糯米飯～除咗有白糯米之外，仲有我鍾意食嘅紫米！兩個都非常好食！不過可惜芒果可能唔係當做，味道稍酸

泰國菜一向都係賣飛佛，今晚約咗朋友食飯，佢知我鍾意食泰國菜，就提議黎呢間新泰～估唔到呢度嘅食物都做得幾出色！餐廳位於加拿分道，入口鄰近K11。一入門口就見到佢嘅裝修充滿泰國風情～真係超懷念每年都要去幾次泰國嘅日子食泰國菜必點冬陰功！呢間嘅味道絕對合格！夠酸、夠濃、夠辣！係我鍾意嘅味道而且材料十分豐富。要讚一讚佢呢度嘅串燒，一客6串，包括兩串豬、兩串雞、兩串牛。唔使好似其他泰國餐廳咁，一客6串但6串都係同一隻肉！串燒肉味道恰到好處，有炭燒嘅香味椰青大大個，夠晒清甜

今日放工約咗舊同事喺尖沙咀食泰國菜，呢間泰國菜我之前都已經食過好幾次，坐得舒服之餘，食物亦非常正宗，連侍應全部都是泰國人呢！椰青十分新鮮，大大個，椰青水非常鮮甜！冬陰功湯，辣到剛剛好，唔會太辣和谷鼻，仲有大大隻鮮蝦，令湯更加鮮甜！馬拉盞炒通菜，通菜新鮮翠綠，炒得好有鑊氣，好惹味👍🏻👍🏻青咖喱豬，十分足料，有很多豬肉，泰國茄子及豆角，豬肉肉質鮮嫩！叫咗薄餅加咖喱汁一齊食，薄餅十分鬆化，送來還熱辣辣的！蔗蝦，炸得金黃香脆，粉漿唔會太厚，蝦肉爽口彈牙，加埋酸辣醬食超正！燒雞，份量十足，好多件雞，肉質冇雪味，燒得烚到好處，好香口！椰青班㦸，呢個甜品超有驚喜，其實係用糯米飯加椰青肉一齊煎，上面再加少少椰汁，好有口感，鍾意食椰青嘅朋友絕不能錯過！

成年無去過旅行，真係好想去泰國玩😭琴日先同朋友講完好掛住泰國既美食佢今晚就話帶我食泰國嘢，好感動！呢間喺尖沙咀加拿分道既「新泰東南亞」泰國餐廳. 入到門口已經覺得好有泰國feel, 比我既感覺已經好唔錯有所期待！落一層就到餐廳，環境比想像中大很多而且幾舒服！食物款式選擇也很多. 很多菜式也很想吃，最後兩個人點了五個菜加一個甜品，吃個痛快😝每次吃泰國菜我都會必點冬陰功湯. 呢度嘅冬陰功湯我覺得酸辣程度剛剛好，同喺泰國飲既真係好似🤩 啲蝦仲要好大隻，正呀！越南烤蔗蝦熱辣辣，即叫即炸架！每件蔗蝦都好大件，蝦肉彈牙爽口👍🏻泰式燒雞燒雞燒得好靚，外皮燒到金黃色有點酥脆帶點香茅香，雞肉的肉質也很嫩滑，幾juicy!食泰國嘢點少得飲椰青呀😍超清甜冇得輸呀！泰式青咖喱豬 配 印度薄餅青咖喱真係色香味俱全！青咖喱既辣度比較適中，唔算太辣但都相當惹味！入面除咗豬肉片仲有豆角、南瓜同埋我最愛既泰國茄子！薄餅好有油鬆香而且好有層次，點青咖喱食，好襯！飛天通菜鑊氣十足！通菜炒到剛剛好，非常新鮮食落嫩身爽口，非常惹味！食完雖然已經好飽但當然仲有個甜品胃😁見到menu 有個「椰青班戟」好似好特別而且從來都未試過所以

放完工，去尖沙咀搵嘢食。朋友話想食泰國嘢，於是我哋就食呢間新泰東南亞餐廳啦。呢間新泰喺K11對面，食呢間係因為方便之後行街街。餐廳喺地牢，環境非常大，座位非常寬敞，坐得舒服之餘又有私隱，值得一讚。冬陰功湯 (⭐⭐⭐⭐⭐)冬陰功湯個冬陰味非常香濃，有少少辣但可以接受，作為前菜可以幫助開胃，刺激食慾。泰式金邊粉 (⭐⭐⭐⭐💢)泰式金邊粉係我嘅至愛，亦都係食泰國嘢必點。呢個金邊粉同出邊嗰啲味道有啲唔同，係幾特別嘅，而且賣相都唔錯，用蛋整成嘅網，包住金邊粉。椰青泰式沙冰 (⭐⭐⭐⭐⭐)椰青點得多，椰青加沙冰真係好似第一次，幾特別，喺熱啲嘅天氣食就一流啦。泰式西米糕 (⭐⭐⭐⭐💢)甜品方面，點左泰式西米糕，一共四件。嚟泰國餐廳食嘢，當然要點返個泰式甜品作結先至為之滿足啦！~~~~~~~~~~~~~~~~~~~~~~~~~ 新泰東南亞餐廳 尖沙咀加拿分道25-31號國際商業信貸銀行大廈地下1A舖及地庫推介菜色: 冬陰功湯、椰青泰式沙冰👍🏻正宗泰式 👍🏻環境舒適 👍🏻價錢合理

喺平日放工嚟到，唔使等位，本身想試另一間，不過見到呢一間好似環境再大啲。餐廳嘅食物款式都幾多，不過我哋都係傾向傳統，點左啲傳統嘅泰式美食。我哋點咗蝦配紙米卷。紙米卷一共有8份，薄薄嘅外皮，餡料層次幾豐富，有生菜同埋一啲蝦。蝦大大隻，食落都幾滿足。生菜包肉碎，我哋揀咗豬肉，生菜嘅份量都幾多。豬肉香辣，唔算好多油，感覺到幾入味。越式春卷，有生菜包肉碎一樣，有生菜作為配料。春卷皮溫度夠，即炸既關係。嘢飲方面，點左椰汁冰。椰汁冰香滑，濃濃嘅椰汁味非常有泰式嘅感覺。價錢方面，以咁嘅環境格局再加食物質素來講，覺得非常抵。

朋友依排好想食泰國菜，身為「為食達人」既我當然有推介，腦入面即刻浮現出自己好中意食既泰式餐廳「新泰」.今次就揀左尖沙咀既依間分店，依間分店我都係第一次黎，一入到黎門口已經見到一個老練咁大既裝飾，門面既裝修簡直令人好似去到泰國既感覺.因為唔想排隊關係，我地今次係早啲去食晚餐.餐紙同餐碟用既依隻綠色好優雅，朋友見到好中意，食都食得開心啲.我推介左幾款必食既食物，係食泰式餐廳必點既，好似有紙卷軟殼蟹，生蝦，沙爹串燒等等.依碟生蝦配上新泰獨有既醬汁，簡值好食到停唔到口.依碟串燒有豬牛雞三樣肉，配上沙爹醬，簡直係orz, 最重要既係啲肉唔會因為過度烤逼而變得好乾好柴.食完啲咁野口既食物當然唔少得叫個椰青爽下個喉嚨.依碟濕炒河就一般般.依碟帶子味道亦不差.兩個人食左咁多野，埋單都係500幾左右，都算係抵食.

今日我同我老公想食泰國菜，於是喺尖沙咀就搵到呢間新泰，佢位於K11附近好方便，起初見到佢嘅裝修得好有泰國嘅特色，於是就入去試一試啦。講一講佢裏面嘅環境，精美嘅裝修有不少泰國特色嘅擺設令人坐得好舒服而且地方又好大可以一邊同朋友慢慢食，食泰國菜第一時間梗係要試吓活蝦刺身啦，擺設都好精美而且好新鮮醬汁又調得好好味，我們又點左香茅茶同埋椰青，香茅茶嘅香味好清新好濃烈嘅香草味又有消滯嘅感覺，我老公就點左椰青嚟飲的確好大好多汁好消暑。主菜我哋就點左個椒鹽軟殼蟹，他香脆可口，還有點左一道叫做路邊泰國猪肉串燒，非常好味佢嘅肉汁鮮嫩肥美一啲都唔會有平時食串燒之後嘅感覺，可以話係咁多間食串燒來講呢間真係好好食，還有我們還點左泰式燒魷魚同埋泰式烤餅，都非常嘢未啊一食再食，食泰國菜，甜品當然都係要點返個芒果糯米飯，芒果鮮甜多汁同埋糯米飯煙銀可口，係呢一餐美好的句點。

有情調厩環境質素賠錯厩食物食評稿件呪間新泰東南亜餐聴、装修非常別字有気気有情調、暗黒厩環境再加上吊燈、情侶或者朋友摩食都布問題。同埋職員大多都係泰団人、令到餐臆厩感費更加正宗。蜜糖燒肋骨$ 88有五條價錢合理唔算太貴肋骨嘅肉質非常幼滑，唔會好乾柴咬唔難，表面嘅蜜糖醬汁再加上小碟中嘅黑椒醬，味道一流，適合下飯。鹽焗烏頭$ 128比起好多泰國或者潮州餐廳來講價錢都算平中型size有兩隻手掌咁長所以幾抵食即叫即焗，所以上碟嘅時候熱辣辣，肉質都好厚實。餐廳嘅環境同食物都唔錯，相對來講價錢非常合理，性價比高。

之前曾經去過北京道的新泰東南亞餐廳，食物好味但環境就比較吵，所以都冇再去過。朋友話好耐冇食過泰國菜，佢提議不如試下加拿芬道果間。於是我地中午就去左食午市套餐（之前係北京道食晚餐價錢都ok，但午市套餐真係抵好多好多！）我地叫左3個set，分別係喇沙、肉片河粉同巴東牛肉，全部都好好味，而且分量十足。套餐仲包埋甜品同野飲，都好好味。而且個人覺得呢間分店無論係服務態度定環境方面都好過北京道果間，d員工好熱情同nice，仲教左我地幾句泰文，而且唔似上次甘吵，今次坐得好舒服。

最近小弟忙於生意上面嘅業務發展，東奔西跑真係忙到甩轆，所以少咗同大家匯報一下，真係唔好意思！今日同老婆去開尖沙咀，由於我哋呢排焗住喺香港，多咗係屋企煮飯，所以特登出去食，順便睇吓有咩好嘢食，香港人最鍾意是地道野丶試新野、一啲好食嘅嘢，所以去咗間泰國人嘅餐廳，佢喺香港已經開咗二十幾年，無論裝修丶地方寬敞程度、服務態度及食物質素都有返咁上下，20幾年嘅功力果然有料到，不過星期六日都幾爆，大家記得預番少少時間攞位。頭盤係正宗泰國生蝦刺身，好味就梗㗎啦，所以呢啲唔詳細講，成條魷魚就咁食燒上嚟，真係好正！因為呢排冇得搭飛機，所以揀咗泰國人獨有嘅炒豬肉碎，印度薄餅加埋椰青，咁嘅配搭真係啱啱好，我諗唔使推介都知道，都算係一啲比較地道嘅美食，試吓就知道我講咩啦。呢期香港周邊國家少咗出口食物，所以特別嗌左個豬肉串燒，肉汁完全鎖住，重點係有咬口，冇肥膏得來又有地道嘅感覺，最後一定要整埋個芒果糯米飯，成件事就完美，好有滿足感，確實大家真係要抽少少時間去試吓，今次CP值大概87分，最後值得一提嘅係，呢間餐廳環境都唔錯，服務員態度友善，好啦今次報告又係咁多啦，遲啲等生意方面安排好人手，再同大家匯報一下，再見。