新泰東南亞餐廳

营业中

休息中

放工後既小飯聚，選擇左係公司附近既泰國菜餐廳。呢間成日都會行經過，但就一次都無落過去食。今日第一次落去食野，裝修同環境都好靚，座位好闊落，絕對係坐得超舒服。食物選擇都頗多，我地就叫左幾款野食share食。越式蝦米紙卷造型幾靚幾fresh，蝦肉新鮮同好彈牙，入面都包左滿滿既蔬菜同粉絲，係一款好清新既前菜。青木瓜沙律份量唔細，木瓜絲新鮮爽口，仲有少少蝦米係入面，比平時食到既青木瓜沙律多左一層鮮味。不過醬汁略嫌淡口，我比較鐘意食重口味既多d~鹽焗烏頭超大條烏頭～魚肉唔太咸，點埋佢既帶辣，咸同酸味既醬汁食味道剛剛好！魚肚亦有黃油，整體感覺幾好。青咖哩羊架咖哩頗為香口，羊架有三支，全部都好厚肉紮實，但對我黎講略嫌肥肉少左啲，如果鐘意食紮實既肉既朋友仔應該會幾鐘意。另外要提一提佢既油飯，油香四溢，飯亦都香軟，少許黏口得黎唔會漿口，係一碗就算無餸都食得哂既好味油飯。飲品方面我地試左泰式奶茶，泰式咖哩同埋青檸梳打，整體我覺得正正常常，唔算太突出～

同朋友行完K11搵野食，上網一睇見到附近有間泰國餐廳幾吸引，就一齊去試下。用餐地方寬敞，座位舒適，光線柔和，侍應起勁又好笑容!我點左燒焗 蒜蓉帶子- 88蚊兩隻，好香口嘅蒜蓉 ，食落帶子唔會太乾，剛剛好，另外有個辣汁好香!仲有咖哩軟蟹，出來個溫度都keep到，咖哩好香好滑，同朋友不斷點麵包食，食完都已經飽飽地。另外仲叫左炒椰菜，燒豬頸肉等，食物質素唔錯。朋友係芒果痴，叫左杯芒果特飲，香芒味夠晒重，飲落又唔會過甜，好滑喉!另外芒果燸米飯熱熱地，加埋凍凍地嘅芒果一齊食，真係好鐘意呢款地道甜品~難得搵到間又就脚地方又寬敞嘅泰國餐廳，以後唔洗去九龍城，都可以食到地道泰國風味。

因為疫情都好耐冇去過旅行，所以一於約埋男朋友嚟尖沙咀，專登食下家鄉菜-泰國野星期一晚七點黎到，已經坐滿左好幾枱客，座位好舒服又夠闊落，唔怕叫得多野都冇位放。食得泰國嘢點可以唔叫泰式生蝦，啲生蝦夠哂凍，又有隻，配埋個醬料酸酸地好開胃芒果軟殼蟹咪紙卷必叫每一舊都啖啖蟹肉，而且又多芒果仲要唔酸沙嗲串燒可以選雞牛豬，共六串，我哋叫咗各2串，佢個沙嗲汁好好食，我仲留返番點其他野食炸蝦餅係我至愛，即叫即整，好香蝦味而且唔會厚皮，而且大大嚿性價比高明爐鱸魚，可以揀鱸魚或者烏頭，另外配左一個湯跟上，味道有少少酸，夾埋鱸魚一齊食，份外鮮甜一啲腥味都冇成間店嘅裝修都好舒服，似身於泰國嘅餐廳入邊，店員又以泰國人為主，好客有熱情，服務都好好，下次一定會再嚟食

朋友介紹我既呢一間正宗泰式餐廳入到去都未食就絕對一讚嘅係入面地方闊落坐得非常非常舒適。已經感覺置身泰國當地先黎咗個頭盤泰式生蝦刺身傳統用冰包放底面，仍然保持到佢嘅鮮味同凍醬汁都係非常正宗 酸酸酸辣 ，非常醒胃完全係呼喚個胃開大餐嘅訊息香芒軟殼蟹米紙卷名副其實皮薄餡靚，做餡料嘅皮做到恰到好處唔太厚，唔太薄，仲有佢嘅蘿蔔絲切得非常細條，完全唔會影響到個咬感，軟滑中帶點芒果甜香當然點埋佢嘅泰式汁 再次又將味道感覺提升串燒沙嗲(豬/雞/牛)雞肉同豬肉肉質都好柔嫩配合特製泰式沙嗲醬汁 令人食完會仲想再食明爐魚又係醒胃菜式甜甜酸酸，條魚一啲都唔老建議一嚟就倒幾羹落條魚度，再浸多陣先食唔夠喉額外追加蝦餅熱辣辣新鮮製造 香口 一啲都唔油膩一陣陣既蝦香味從口中冒出最愛嘅椰子汁 不過如果不太喜歡太甜既朋友建議飲芒果汁店面充滿泰國氣氛，加上作為寬敞完全置身於泰國感覺而家外賣自取仲有八折 真係買外賣都抵呀👍🏼👍🏼

好耐都冇嚟tst食下飯啦，今日就特登bk定位於加拿分道嘅新泰！入面嘅姐姐都係泰國人，但廣東話好流利，裝修風格亦好泰式😍.小食少不了叫番個泰式生蝦($98)😜生蝦夠彈牙，蝦肉質地實在好新鮮！而且個汁酸酸甜甜好開胃呀🤪 .青芒果沙律($78)🥗🥗 青芒口感爽口，味道更酸辣。入面仲有啲開心果添🥭🥭 .馬沙拉咖哩雞👾 呢種咖哩唔會辣，但好香花生同椰奶味，仲偏甜好多添😸 入面嘅雞件都幾多，仲有好幾件薯仔同燈籠椒😻😻.甜品嗌左一直想試的椰子大菜糕😺 係用椰子入面d水加椰肉整成大菜糕，味道清新自然，如果你係椰子愛好者你一定要點呀😚

呢排我嘅食嘅主題係泰式食物，正如之前所講，泰菜有無限的可能性，食極唔厭，唔知你哋是否同我一樣咁諗呢，但我又唔會好似D人稱話泰國『係我鄉下』嘅，因為佢真係唔係我『鄉下』嘛。來到呢度只因之前都同朋友來過，感覺地方够大，够靚，又好有東南亞特色，門口的大象，泰國taxi，而壁畫好越南，燈罩又幾特别，似張草蓆但又有modern感覺……『鴨肉生菜包』因平時少食，故點咗鴨肉，鴨肉好軟腍，辣辣哋，少少酸，朋友懶就咁食，話好辣喎，我就叫佢唔好偷懶，用啲超級新鮮的生菜包住來食，味道啱啱好。『麵包焗咖哩軟殼蟹』頭一啖食咗塊麵包，表皮脆内裡超鬆軟，配埋濃香咖喱同埋啖啖肉的軟殼蟹，果然冇點錯。『馬拉肉骨茶』細份只賣78蚊，但份量勁多，味道又正宗，正『泰國椰青』、『椰青沙冰』、『芒果糯米飯』都係新鮮美味之選，而芒果鮮甜無渣之餘仲整到好似樹葉咁，極有誠意

好耐冇食泰國菜，呢日同朋友去左尖沙咀呢間泰國餐廳到食dinner。呢間餐廳位於basement，好大間，裝修得好有泰式風情，冇得去旅行，就去下食泰菜感受下旅行既感覺啦！打開餐牌，見到有好多唔同既泰菜，勁吸引！我地點左好多野食，點左個招牌既馬拉肉骨茶，肉骨茶好香濃，而且有好多豬骨，好正！另外，我地仲點左呢個鴨肉生菜包，鴨肉碎幾香辣惹味，啲香料配搭得好好，配埋生鮮既生菜，唔錯！重頭戲當然係呢個咖哩軟殼蟹啦，大大個焗麵包入面裝住啲炸到香脆既軟殼蟹同埋咖哩醬，周邊仲有啲麵包，麵包外脆內軟，點啲咖哩醬黎食好正，非常惹味！黎食泰國菜當然唔少得食芒果糯米飯啦，呢度既芒果好鮮甜，配搭白糯米同埋黑糯米飯，好好味！我地仲點左椰青同埋椰青沙冰。

幾時都話食飯要食埋個裝潢黎到尖沙咀新泰就真係誠意十足啦餐廳門口大大架篤篤擺係度話比你知今日係食泰菜晚市放寛 人流增加左唔少6點入座目測八成滿 我地兩個叫左幾樣食物 太肚餓飲品椰汁沙冰大大個椰青入面裝滿哂椰汁沙冰椰子味好重 為晚餐揭開序幕頭盤泰式生蝦蝦size屬於中size 食落係好有口感連埋辣椒蒜頭夾埋黎食真係好正豬肉串好好食 唔係講笑燒牛柳牛柳外表乾身 不過食落juicy6成熟 好啱口味另一個主菜係巴東牛肉汁濃肉厚 肉又大舊牛 好好食個汁最啱就係要黎點蒜蓉包食完咁多野梗係要埋甜品本來想點雪糕芒果糯米飯可惜侍應話買晒 唯有淨係要芒果糯米飯 一樣都係咁好食糯米飯配埋個煉奶好甜再加埋新鮮既芒果，今個晚餐真係好完滿

太耐無食過泰國野啦, 一打開本menu咁多野揀真係好hyper 先嚟個light d 嘅越式蝦米紙卷先, 悶熱天氣食d凍野真係令人胃口大開， 除左個卷之外, 佢仲有盤生菜， 點d酸辣汁幾開胃,加埋d九層塔, 味道獨特除了食串燒、咖喱、冬蔭公外，我就一定會叫個馬拉盞炒通菜，鹹香可口，d 菜唔老莣味之後就緊係要整返杯椰青同椰汁冰啦 wooo 未食過呢味菜，越南鮮胡椒炒牛展，一於試下泰野最後就緊係要整返個芒果糯米飯，軟糯香甜，再配上芒果的酸甜， 為今晚畫個靚句號!

趁著中秋長假期找了一晚和屋企人食飯應節。新泰這餐廳雖然已吃過好幾次，選擇多又好食，而且加拿芬道這分店我們未吃過，今晚試試這一間。人頭湧湧的一晚。沒訂位的我們在門口等了好久才有位，記得訂位呀! 🎤等位期間已想好吃什麼，一坐下已點好菜😂 日本南瓜焗海鮮飯 $118 🎃 賣相無得嘆飯面上鋪滿大蝦和鮮魷。味道濃郁好食。但吃掉上面的一層後，就只剩飯。稍嫌醬汁和南瓜不夠份量。不過飯的份量一定令你飽肚。蒜蓉炒貴妃苗 $75 🥬貴妃苗有驚喜！嫩口加上煮得剛好，菜汁鮮甜一啖接一啖食唔停。推介！下次一定會encore這道菜。香芒軟殼蟹米紙卷$88 🦀 這道菜不過不失，軟殼蟹稍嫌不夠熱騰騰上枱，少少冷掉了，但味道不錯，材料滿滿，一家人食每人食一件兩件做開胃菜剛剛好。冬陰公 細$78 🍲點了細碗的冬陰公試試，一試大家不禁皺了皺眉，太咸了湯的材料十足，隨便一撈都是大蝦和菇。但味道嫌太咸，淡一啲會更好。餐廳環境舒適，人雖多但地方夠大，個個都在談天但不會嘈雜。餐廳內waitress都用泰文交談，有一刻覺得自己真的身處泰國。🇹🇭 餐牌選擇多，每一類都有一整版的選擇菜式味道不錯，價錢合理，所以整間餐廳都是滿滿的客人。一

老實講，我真係好鍾意食泰國菜㗎，尤其是今日專登喺尖沙咀附近搵食，其實附近都有好多好好食嘅泰國菜，今次就嚟咗呢一間比較多好平嘅新泰東南亞餐廳。一入到去門口，就已經發覺裝修好有泰國feel，有一架篤篤喺門口，真係好似去咗泰國啊!餐廳裏面啲座位都好寬鬆，都坐得好舒服，星期一夜晚食晚餐都幾爆下，建議提前book位。見到個餐牌發覺好多嘢都好想食，但係泰國嘢都好大碟，所以就揀今日最想食嘅幾個餸同大家分享吓。第一個係馬拉盞炒通菜，我諗好多鍾意食泰國嘢嘅人都係必點之一，啲馬拉盞都幾夠啦，啲通菜都好新鮮，分量都係算正常，兩個人食都食得晒。跟住呢個真係重點推介啦，係椰青沙冰啊，唔係到到都有得飲，好似係呢間餐廳嘅出名餐飲之一，我發覺裏面嘅椰青味都好足夠融晒入去啲沙冰裏面，鍾意食椰青嘅朋友一定要點啊。然後就到個麵包焗咖喱軟殼蟹，啲麵包焗得幾鬆脆，啲軟殼蟹都好好食，個咖喱唔算太辣，如果怕辣嘅朋友都可以點㗎。最後就係呢一個越式燒春雞釀香茅黃飯，嘩呢個真係喜出望外啊，隻燒春雞好大好香，重點係裏面啲香茅黃飯，嘩真係好好食配合埋個汁，簡直係天衣無縫，我覺得呢一個雞真係要食，都見到在場好多人都有點。

即慶行行吓尖沙咀見有間咁方便嘅泰國菜 Walk in 入去 地方大 好多位 生蝦唔錯 ～爽～拼盤 啱晒四個人食 每人一舊S 冬陰功湯 分到三碗馬拉盞炒通菜 正常（下次可以辣啲惹味d)鹽焗魚 幾好味 不過小心多骨S 泰式甜品小拼盤第一舊唔知係乜嘢嚟至好味 好香好濃裏面有啲椰絲 好有咬口白色四方形 建議最後先食佢因為第一舊食佢其他就會唔夠甜味冇預訂下都撞到間唔錯嘅泰國菜下次要返嚟試吓佢個咖喱炒蟹得唔得先 ～香港真係好

自從疫情開始之後，所有泰舒適，泰好玩，泰好食，都同我距離得好遠，為咗止一止泰國心癮，去咗朋友介紹嘅加拿芬道新泰晚飯。望到門口已經覺得好有泰國feel，餐廳位處地庫層，經過樓梯落去之後，發覺原來地方非常之大，佈置充滿泰式風情，唔單止有梳化卡位，亦都有泰國特色嘅木桌椅卡位，大廳中間仲有好多座位，一啲都無迫夾嘅感覺。先黎杯薄荷梳打醒醒神!!女朋友仔胃口細，所以只係叫咗一個砵酒羊架，咖哩麵包軟殼蟹，同埋我最愛最愛嘅芒果糯米飯。麵包係同出邊嘅唔同，烘得香脆，而且切開非常軟熟，一啲都唔會韌。呢款咖喱係唔辣嘅，但係充滿金不換同咖哩嘅香味，點麵包一流！呢度有咖喱羊架同砵酒羊架揀，既然已經叫咗咖喱軟殼蟹麵包，就揀款砵酒焗羊架試吓。羊架嚟到有三大件，一啖咬落去，好厚肉，滿口香酥未，再細嚼會有淡淡嘅酒味滲出👍🏻，喜歡羊羶味嘅朋友唔好錯過。其實今次食泰國菜最主要就係想食芒果糯米飯！糯米煮得煙軟糯，配上濃稠嘅椰汁，加一小片芒果，真係太好食，黑白糯米各有一球，同朋友仔分剛剛好！

今朝明明好好天，點知夜晚就落大雨仲要紅雨添，好彩約咗男朋友係新泰食飯，舖頭就喺K11 Paul Lafayet個出口行過對面就係，好方便都唔使點樣淋雨！呢間分店都係第一次嚟，門面好大仲有架泰國篤篤車係度，好似返咗泰國咁😛呢間分店就係地庫，入到去個場都好大好闊落，就算人多都唔逼，但今日星期一，八點嚟到都坐咗九成滿，真係好誇張🙈食泰菜點可以冇馬拉盞炒通菜呢，第一件事就叫咗呢個先！一如以往好惹味，馬拉盞都落得好足夠，少少辣，啱晒我呢啲食唔到大辣嘅人😛主菜方面，我想食海鮮佢又想食肉，咁就一人一樣啦，我就揀咗麵包焗咖喱軟殼蟹一嚟到個賣相已經好吸引，一影完相已經忍唔到要即刻開餐😋😋咖喱係屬於唔辣嘅黃咖喱，椰奶味比較重，食落去唔算濃味嘅咖喱，用嚟配麵包剛剛好。主角軟殼蟹就夠熱夠脆，香脆可口啖啖肉，呢個絕對係人多時分享最好，而且店家都幫你分好哂，多人分都唔洗切嚟切去。男朋友就揀咗越式燒雞釀香茅黃飯一上枱就知道冇揀錯，賣相滿分，雞油同香料嘅味道令你一聞到就流哂口水，切開入邊釀咗滿滿嘅黃姜飯，食呢個最緊要小心燙口😝😝雞皮脆得嚟唔乾，雞肉仲keep到嫩滑，啲飯先係精華🤤🤤 好彩今次叫咗呢個冇要菠蘿炒飯🤪最後

之前喺灣仔食過呢間新泰，行過尖沙咀唔知食乜好決定再encore。門口嘅裝飾已經有一股泰國風情，裏面環境氣氛唔錯。香芒軟殼蟹紙米卷係我嘅致愛，每逢去泰國餐廳一定會叫。主角軟殼蟹份量足稱，食落會好實在食到軟殼蟹，配埋芒果嘅香甜同甜酸醬，一級棒！睇餐牌嘅時候俾佢個泰式燒春雞釀香茅黃飯吸引咗，所以就叫咗佢試一試。一上菜見到成隻春雞好驚喜，脹卜卜燒到好靚。切開咗之後更加驚喜，見到啲香茅黃飯辣辣出煙香噴噴。泰式蝦炒金邊粉，面頭個蛋網令到左成碟金邊粉嘅賣相增加左美感，佢包住左啲金邊粉就唔會散開一pat，睇得又食得。金邊粉配料主要有蝦仁同扎肉，食落味道不錯。菠蘿沙冰味道好濃，就算啲冰融左都唔會變淡，飲落透心涼。