新泰東南亞餐廳

营业中

休息中

已經有兩三個月無食過泰國菜，決定去尖沙咀好評最多的泰國餐廳飯聚。新泰餐廳裝潢舒適，是一個適合聚餐的地點，侍應們的服務態度也不錯。但當然這些都是其次，食物質素才是重點，而我對食物水平的整體評論是 “畫龍不點睛 可樂走左冰” 既感覺。 是日共點了五道菜，包括: 1) 咖喱軟殼蟹包: 咖哩偏重椰香，無左咖喱應有既香料味同微辣香，軟殼蟹好似炸左好耐，好粉好死嘅感覺2) 馬拉盞炒通菜: 上菜時香味撲鼻，入口時也食到好豐富既鑊氣，而廚師落鹽既份量也是非一般慷慨，咸到...3) 炒金邊粉: 賣相極佳, 份量滿多, 但少了點辣, 少了點酸, 少了點鑊氣, 少了點惹味, 到喉不到肺..4) 炸蝦餅: 正常發揮 5) 冬蔭公湯: 料足 少了點點鮮 少了點點辣 可惜..很可惜整體而言，食物賣相極佳，但就是少了點惹味，說難食不難食，說好食也不好食，要再去也絕不是首選的感覺。

係尖沙咀嘅鬧市中有一間要走入地牢嘅泰國餐廳。真係估唔到。雖然餐廳係地牢入面。但室內燈光非常光猛。一啲都唔似係地牢入面。但又避開尖沙咀嘅煩囂。雖然我地得兩個人。但都係忍唔住叫到成枱都係。叫咗碌柚沙律。酸酸味味咁非常之開胃。而且仲有幾隻蝦肉係入面添。另外，必叫冬蔭公湯。冬陰功湯微辣。而且唔會太酸。香茅味勁濃。非常惹味。另外我地叫咗呢個咖哩麵包蟹。咖哩配麵包非常好食。特別係最底嘅麵包索晒啲咖啡汁。真心飽麵忍唔住繼續食

呢間位置喺K11對面嘅泰國野聽朋友講好多公司放lunch都會過嚟幫襯，話d野食有水準今日就一於過嚟一試佢有肉骨茶賣，咁就叫左個一字骨好足料夠3-4人share $138之後當然必點泰式鳳爪啦 haha 仲有呢個好岩打卡嘅面包焗咖哩軟殼蟹 $208 好好味啊  D面包外面好脆，入面又唔會俾d咖哩浸到爛哂仲要大個 食到停唔到口仲點左個泰式燒春雞釀黃薑飯$188,d雞肉好juicy之餘 d飯都好挺身 好食!

今日嚟到K11附近嘅新泰，位置真係超方便。入邊嘅座位係好舒適，私隱度高。疫情期間防疫措施都做得好足，2個人入到去坐大枱，人不多，可以好好享受。香芒軟殼蟹米紙卷 $88芒果好新鮮好甜，同香脆的軟殼蟹非常夾，再加上米紙卷同生菜既比例岩岩好，點一點酸甜醬，開胃一流泰國街邊豬肉串 $68四串豬肉串柔嫩入味，單單咁食已經好食爽口，點埋特制醬汁小辣好食酥炸香茅魚配青芒果沙律 $168香茅魚起肉炸起一條條，就咁食會有少少乾，但配上酸辣醬就岩岩好。食幾舊覺得乾就食下青芒果沙律，超多芒果，辣得來又好甜，中和曬香茅魚既乾同辣，配合得幾好2個人坐到大枱靜靜咁食，唔係疫情都可能冇咁既機會，但點都好，都希望疫情快d過去，多d人來食到呢間好食泰國餐廳。

好想食泰菜，去了bookmarked的泰國餐廳食！餐廳客人頗多，人頭湧湧，記得要訂位☝🏻 點了幾樣菜: 🌈香芒軟殼蟹米紙卷 $88食泰菜最中意食米紙卷，貪佢細細舊層次又豐富，軟殼蟹炸得一點也不油，只保留脆身，雖然唔係大大舊但以精緻取勝。🌈蒜蓉炒貴妃苖$75 唔知點解出面的菜炒得特別好食貴妃苗不常見，叫了一客，一上枱熱騰騰，秒清🤤 菜新鮮不老，也沒有油膩感以泰菜來說，是非常清怡的菜式！🌈酥炸香茅魚配青芒果沙津 $168賣相吸引又是一客打咭菜魚肉起骨，但依然要小心仍有少少骨炸成一條條的 非常易食不沾醬味道也濃郁 在旁有芒果沙津 一道菜兩種味道 推介！意猶未盡，可惜我和友人的胃裝不了 約好了下次的gathering再來encore!

竹籐燈罩、椅背，淡淡東南亞風情的裝潢風格，就如到了泰國般，熱情又淡雅。香芒軟殼蟹米紙卷 $88小妹很喜歡芒果跟蟹的搭配，芒果清新鮮甜，又有酥炸的蟹，一點都不會油膩。肉碎生菜包 $72少少辣，超香口，肉碎肥瘦均勻，醬汁調味剛剛好，惹味不會咸！叻沙蝦米線$78小妹最愛叻沙米線！ 湯底重椰汁味，湯汁順滑，米線彈牙，超正呀！酥炸香茅魚配青芒果沙律 $168這個很划算，又有沙律又主菜，炸魚造型很亮眼，炸魚新鮮熱辣出爐，肉質還是很軟，味道稍淡，配上酸辣汁，就更惹味了！最後以甜美的芒果兩色糯米飯作結，為豐富晚餐劃上完美句號。

良久冇出街食啦！今日就決定嚟尖沙咀行下，順便可以食下泰國菜🥰.呢間新泰位於k11對面，而且好有泰國風情🤪 叫左個青芒果沙律🥗 食落又酸又辣，即刻開哂胃同味蕾呀🥭🥭 仲有d充滿protein 的nut!!!! .少不了要炒個通菜啦！鑊氣十足，又唔會過油！🙉🙉.主食叫左炒金邊粉😻上面有個蛋網好靚呀，加上d花生碎同青檸汁就味道更豐富呀👍🏻👍🏻.甜品揀左限量嘅椰汁大菜糕😇 第一次食呢樣野原來咁特別，好似jelly口感加上實在嘅椰子肉一齊食好正，味道清新好refresh 💝💝 非常推薦呀！

尖沙咀好多間泰國餐廳，今日經過見到一間出面裝修得好靚，地點又方便，睇完餐牌就決定食個晚餐。燒牛扒沙律：牛扒燒到外邊脆口，加埋爽脆沙律，要同一啲孫汁食好開胃。越式蟹肉炒粉絲：好多好多嘅蟹肉，食落去好鮮甜，大大碟粉絲，少少辣好易入口，好滿足。咖喱蝦：香濃咖喱汁，啲汁浸晒落啲蝦到，好有東南亞風味，下次可以叫白飯撈埋食更加配合。芒果糯米飯：去到泰國餐廳點會少得芒果糯米飯，芒果好鮮甜唔會好酸，黑白糯米飯配香濃嘅椰汁一齊食非常夾。建議大家可以多啲嘢食，因為碟頭都好大碟，傾吓計坐得好舒服，座位夠闊落。

$75 /份的 海南雞lunch set, 雞好滑， 跟餐的湯也不錯，炒菜亦好，只是份量略為小了點， 服務員很有禮貌， 環境可以，有置身泰國的feel， 背景不停播泰文歌， 雖然唔識聽，但用餐途中， 有一刻好似置身泰國， 以$100 以下的lunch set來說， 食物只算中上， 但服務及環境就算一流了， 下次經過附近會再幫襯； 如果遲d放寬防疫， 可以多d人一張檯， 會考慮約朋友一齊黎，想試佢d 餸， 始終叫餸食要人多d先好叫d, 目前2 人 1 張檯 只能叫set

除夕日食咗泰國野, 元旦嚟個前後呼應😝, 依間餐廳係我最愛之一, 一齊睇下今日我地食咗D乜😎。泰國野必食串燒, 半打有豬, 牛, 雞, 燒得剛好, 吾會過份乾身, 正。泰式青芒沙律, 最愛辛辣嘅朋友不要錯過😍。泰式海南雞飯set, 雞做得嫩滑, 油飯一流, 我雖然無得食飯, 但睇見呀女食飯嘅表現都略知一二😂。米紙蝦卷, 食左咁多濃味野, 搵番D清淡少少清一清味蕾係必要嘅, 但好少餐廳會包得咁紮實, 口感真係完全吾同👏。

行過餐廳俾門囗架篤篤引咗入去😂😂帶到入座發現環境好靚…真係有異國風情😍😍即刻心情大好點嘢食先😗💖. 叫咗…燒豬頸肉 $78燒得好香但唔柴😛😛鍾意食！！. 青木瓜沙律 $68開胃之選😛但小朋友話太辣😝😝. 蒜蓉炒貴妃苗 $75好嫩口嘅清翠口感😜蒜蓉炒得好香！！. 泰式菠蘿炒飯 $118呢個都炒得好好味😊新鮮菠蘿粒好清甜🍍🍍.整體表現真係幾好😃推薦去試嘅一間餐廳…尤其係未有得飛泰國…值得回頭❤️

“馬來亞春色綠野景緻艷雅”呢句歌詞間唔中都有聽過下, 今日就比我親眼欣賞到呢句歌詞中嘅意境☺️作為一個狂熱蝦粉, 呢道嘅生蝦無得輸!! 新鮮就不在話下, 店家仲用咗一層薄膠膜隔開生蝦同冰, 就算食到最尾, 生蝦都唔會過凍, 非常貼心👍🏻不過就細隻咗啲, 一啖食晒6隻都綽綽有餘, 令人到喉唔到肺🤤扇貝一上枱嘅時候就聞到好香牛油味! 大大隻之外, 仲有海量嘅蒜蓉, 我朋友係蒜頭愛好者, 就覺得有咁多蒜蓉好正! 沙嗲醬食落唔辣, 仲好香花生味! 食完濃味嘅主菜, 整番個清甜椰青清清喉嚨, 為呢餐美味嘅晚飯增添一個完美嘅句號整體嚟講, 新泰裝修別緻, 環境舒適, 食物亦好高質, 不過價錢略就貴, 所以同朋友share係一個唔錯嘅選擇👍🏻👍🏻

又嚟到去唔到旅行...食野當飛咗轉✈️朋友book咗枱，但係呢間餐廳真係好多人食，夠哂鐘都未有枱，我地齊人6個係度等，餐廳都遲咗20-25分鐘先有枱，仲要未食完就已經收碟...除咗餐廳服務外...野食係唔錯😌**********小拼盤（蝦餅、魚餅）（$108）蝦餅🦐、魚餅🐟炸到黃金香脆，配埋泰式辣醬，正😋蝦餅啖啖蝦肉，爽口彈牙魚餅食到唔同香料：有香茅、檸檬葉、紅咖喱**********木瓜沙律🥗（$68）木瓜爽口，整個前菜好醒胃醬汁偏辣，但係可能係我地唔食得辣下次都係叫番其他唔辣嘅沙律**********麵包咖哩軟殼蟹🍞🦀（$208）軟殼蟹份量都唔少，但我地多人分享，少食多滋味，爭吓爭吓先好食😆咖喱汁用嚟蘸麵包最正，咖喱汁唔係稀個隻，似係加咗蛋汁。麵包索哂咖哩汁，但又唔會令到個麵包淋哂，仲係好香脆**********泰式菠蘿炒飯🍍（$118）食泰國菜必叫，賣相又靚朋友們嘅迷思...究竟佢個菠蘿係咪重用😂個人覺得唔會，咁多菜式都用到菠蘿，又可以用嚟整菠蘿冰，一定好多菠蘿殼淨㗎啦炒飯撈埋肉鬆食，正食食吓又會食到菠蘿，好清新**********馬拉盞通菜（$75）正常份量，正常味道純粹係要食飯

結婚31週年， 今次是第二次來這裏， 特意在這裏慶祝， 我喜歡這裏的環境很優美，很有特色， 有很多卡位 ，大家坐的位置也很寬敞舒適， 我一共叫了 五個菜式 另加 一杯大生啤，1. 有泰式去骨海南雞半隻、 2.砵酒羊架、3.蜜糖燒肋骨、 4.炸魚餅、 5.還有椒鹽軟殼蟹和6.生啤， 每款都十分好味各有特色， 由其是椒鹽軟殼蟹， 簡直必食之選，入口鬆化 香脆好味， 送酒一流 ,去骨海南雞 很滑,好有雞味 , 醃得好入味， 蜜糖燒肋骨更是 樣靚 夾好味， 炸魚餅 比出面的魚餅不同，這裏的魚肉很厚， 食落口感很特別 和彈牙， 唯獨砵酒羊架的汁做得比較傑影響羊架的口感，不然這餐就是完美的一餐了，在 尖沙咀想食泰國嘢，要環境優美又能同三五知己坐得舒適的地方，這個價錢也算合理， 這裏 食物美味 ，性價比高 ，有機會下次 我也會再來幫襯。

由於細佬生日，同他慶祝補食生日飯，就他放工近近地就揀左間靚小小既泰國餐廳食啦。餐廳樓梯口竟然有tuk tuk車擺設，好正呀，好似置身於泰國咁，見到架車都覺得好興奮，忍唔住影多幾張相留念。雖然疫情期間，但呢排都緩和左，晚市時間竟然都人生人海，出乎意料之外。內裏乾淨企理，座位寛躺舒適，同三五知己食下飯傾下計坐內小小都唔怕。燒牛扒沙律牛肉厚切，切成一片片，肉質鮮嫩，唔會太熟太鞋，沙律味道夠晒酸夠晒辣，非常惹味，份量適中，二個人食岩岩好，食完好開胃。越式蟹肉炒粉絲蟹肉矜貴，炒出黎好大碟，份量非常多，粉絲煙韌入味，蟹用份量都唔小，再配一些菜，味道唔會太流太單調，可見老闆一d都唔吝嗇呀，真係一分錢一分貨。咖哩蝦蝦都有成十隻，咖哩味香而唔太辣，再配一份香脆熱辣辣既蒜蓉包，簡直係絕配。最後點小得叫返個芒果糯米飯做甜品呀，一般食都只有白糯米，但呢到竟然有埋黑糯米，兩種味都可以一齊食，真係好滿足。芒果鮮甜，再配上適量既椰汁，真係好有泰國風味。尖沙咀黎講價錢都相當合理，款式又多，如果多人食可以食多幾款唔同既菜式。