影片
更多
2020-12-17
92 浏览
又嚟到去唔到旅行...食野當飛咗轉✈️朋友book咗枱，但係呢間餐廳真係好多人食，夠哂鐘都未有枱，我地齊人6個係度等，餐廳都遲咗20-25分鐘先有枱，仲要未食完就已經收碟...除咗餐廳服務外...野食係唔錯😌**********小拼盤（蝦餅、魚餅）（$108）蝦餅🦐、魚餅🐟炸到黃金香脆，配埋泰式辣醬，正😋蝦餅啖啖蝦肉，爽口彈牙魚餅食到唔同香料：有香茅、檸檬葉、紅咖喱**********木瓜沙律🥗（$68）木瓜爽口，整個前菜好醒胃醬汁偏辣，但係可能係我地唔食得辣下次都係叫番其他唔辣嘅沙律**********麵包咖哩軟殼蟹🍞🦀（$208）軟殼蟹份量都唔少，但我地多人分享，少食多滋味，爭吓爭吓先好食😆咖喱汁用嚟蘸麵包最正，咖喱汁唔係稀個隻，似係加咗蛋汁。麵包索哂咖哩汁，但又唔會令到個麵包淋哂，仲係好香脆**********泰式菠蘿炒飯🍍（$118）食泰國菜必叫，賣相又靚朋友們嘅迷思...究竟佢個菠蘿係咪重用😂個人覺得唔會，咁多菜式都用到菠蘿，又可以用嚟整菠蘿冰，一定好多菠蘿殼淨㗎啦炒飯撈埋肉鬆食，正食食吓又會食到菠蘿，好清新**********馬拉盞通菜（$75）正常份量，正常味道純粹係要食飯
朋友book咗枱，但係呢間餐廳真係好多人食，夠哂鐘都未有枱，我地齊人6個係度等，餐廳都遲咗20-25分鐘先有枱，仲要未食完就已經收碟...
除咗餐廳服務外...野食係唔錯😌
**********
小拼盤（蝦餅、魚餅）（$108）
蝦餅🦐、魚餅🐟炸到黃金香脆，配埋泰式辣醬，正😋
蝦餅啖啖蝦肉，爽口彈牙
魚餅食到唔同香料：有香茅、檸檬葉、紅咖喱
**********
木瓜沙律🥗（$68）
木瓜爽口，整個前菜好醒胃
醬汁偏辣，但係可能係我地唔食得辣
下次都係叫番其他唔辣嘅沙律
**********
麵包咖哩軟殼蟹🍞🦀（$208）
軟殼蟹份量都唔少，但我地多人分享，少食多滋味，爭吓爭吓先好食😆
咖喱汁用嚟蘸麵包最正，咖喱汁唔係稀個隻，似係加咗蛋汁。麵包索哂咖哩汁，但又唔會令到個麵包淋哂，仲係好香脆
**********
泰式菠蘿炒飯🍍（$118）
食泰國菜必叫，賣相又靚
朋友們嘅迷思...究竟佢個菠蘿係咪重用😂
個人覺得唔會，咁多菜式都用到菠蘿，又可以用嚟整菠蘿冰，一定好多菠蘿殼淨㗎啦
炒飯撈埋肉鬆食，正
食食吓又會食到菠蘿，好清新
**********
馬拉盞通菜（$75）
正常份量，正常味道
純粹係要食飯要叫碟菜😂
**********
泰式蝦炒金邊粉（$108）
🥚網蛋煎得好靚，但金邊粉比較韌
**********
椰青沙冰（$58）
上枱時「嘩」咗一聲，之前食過另一間係九龍城好出名嘅泰菜，用咁嘅方式上碟嘅係椰青海鮮焗飯，估唔到呢度嘅椰青沙冰會係咁上😂
第一啖飲落去係d冰好重椰青水味，餐廳將椰青肉都同你刮哂出嚟打落冰度，所以會食到粒粒椰青肉
但可惜飲到淨番1/3時，有好多粒冰打唔碎，影響咗個口感
张贴
