新泰東南亞餐廳

营业中

休息中

服務態度親切的泰國餐廳🙏🏼第一次嚟食呢間餐廳，就覺得呢間餐廳同其他泰國餐廳非常唔同，環境闊落，重點係非常乾淨。而且服務員態度親切，所以非常加分。😍😍會再同朋友一齊嚟聚會！🔥泰式生蝦首先一定要食個生蝦刺身先！呢度嘅生蝦好大隻，啲肉好彈口，好推介大家食！☺️🔥冬陰功冬陰功湯配料非常多，而且個湯底好有椰香味，絕對值得一試！雖然我唔係好食到辣，但係都接受到🤣🔥肉碎生菜包食泰國菜一定要食生菜包豬肉啦，唔使講😉呢度嘅豬肉碎有種好香嘅香菜味🤣好食到停唔到口🔥泰式明爐魚我同我朋友都覺得呢味餸係今日嘅焦點，啲魚好滑，配埋個湯一齊燒，非常過癮😉所以一直keep到魚肉嘅鮮味🔥泰國椰青食辣野，就一定要飲椰青，呢度嘅椰青夠晒冰凍，又可以解渴，又可以解辣🤣必叫🔥芒果糯米飯雖然芒果唔係當做，但我哋都係忍唔住叫咗芒果糯米飯🍚食泰國菜又點少得呢味甜品呢

Happy Friday約了朋友吃美味泰國菜，新泰店面洋溢泰國色彩，藍色的嘟嘟車是必到打卡位，餐廳環境寬闊，配上常綠植物，令人如置身於泰國。日本南瓜焗海鮮飯 $118海鮮飯以原隻南瓜盛上，賣相吸睛，表面舖滿大蝦、青口、魷魚等，是鮮味大集匯。青口圓身、厚肉，大蝦肉質爽彈，米飯口感濕潤，南瓜芳香都滲進米飯之中，入口蜜甜香滑，十分開胃。拌勻醬汁，還有香茅的香氣，魷魚鮮味中帶嚼勁，吸收了海鮮精華，啖啖惹味，配搭吸引。越南烤蔗蝦 $78蝦肉炸至金黃香脆，入口脹卜卜，質感彈牙，吃到啖啖鮮蝦肉，沾上魚露，惹味可口。吃完蝦肉再啃啃蜜甜的甘蔗汁，令人回味。蔗蝦下鋪滿越式米粉，倒入一點魚露，軟嫩蝦肉配上滑順米粉，增添米香風味與飽足感。芒果糯米飯 $68最經典的黑白雙配糯米飯，淋上蜜甜的椰漿，入口香甜、濃稠，糯米飯口感煙煙韌韌，再吃一塊鮮甜多汁的芒果肉，冰涼甜美，把芒果在椰漿中反覆翻滾，口感甜中帶滑，令人甜思思。泰國椰青$45椰青水如水清澈，生津温潤，清甜的味道，是解膩的不二之選。用匙子挖出嫰白椰子肉，沁出輕柔的椰子香，香甜迷人。

餐廳環境闊落，而且地方好乾淨，坐得好舒服，非常適合一家大細或者朋友聚會！🦐泰式生蝦生蝦超級新鮮！而且大大隻，啖啖肉！配埋蒜頭同埋辣椒，味道一流！想一食再食！🥘冬陰功因為今日想試多啲唔同嘅菜式，所以冬陰功只係嗌咗一小碗。但其實份量都好啱兩個人飲！隻大蝦切開咗兩邊，方便食用😇湯底有好香椰青味。🥗肉碎生菜包食泰國嘢又點少得生菜包豬肉！豬肉碎用咗唔同嘅香菜配搭，比其他泰國餐廳嘅味道好似更清新！非常驚喜！好開胃！🐟泰式明爐魚本人極度推介呢味餸！魚肉質非常鮮甜香滑！而且配搭唔同蔬菜，包括酸菜，食到唔停口！同埋咁樣明火燒住食，非常過癮，好啱一班朋友一齊食！🥥泰國椰青好清甜，而且價錢合理。🥭芒果糯米飯食泰國餐廳一定要嗌嘅甜品！糯米飯煮得非常煙仁🥰🥰🥰

餐廳門口擺放了一 架七彩繽紛的泰國篤篤車， 十分搶眼， 最啱打卡， 環境舒適寬敞， 佈置以綠色植物及木製傢俬，充滿泰式風情。越南烤蔗蝦$78我最愛越南烤蔗蝦， 即叫即製，外皮炸到金黃香脆 ，蝦肉十分爽彈，口感飽滿， 配上 香甜多汁甘蔗 ，沾上泰式酸辣醬， 越吃越過癮。香芒軟殼蟹米紙卷$88晶瑩通透的米紙卷， 用大米製成的，富彈性，包著炸到脆卜卜的軟殼蟹 ， 再配上大量爽口檬粉、甘筍絲及香甜熟透的芒果粒 ，感覺好清爽。 蒜蓉越南牛油雞翼$78即叫即製蒜蓉越南牛油雞翼，外表炸至金黃色， 令人垂涎， 熱呼呼，香噴噴 ，咬下去“吱嚓”聲，外脆內軟， 表面被鋪滿香香的炸蒜、洋蔥絲、牛油， 十分邪惡和美味， 令雞翼更加誘人。芒果糯米飯$68兩球雪白及紫色的糯米飯， 入口煙韌、黏糯， 香稠椰漿倒在糯米飯上， 甜香迷人 ，伴著熟透多汁的芒果肉一起品嚐，風味吸引 ，不愧是泰式人氣甜品。芒果沙冰$38鮮黃色的芒果沙冰，賣相漂亮，入口細滑柔順， 冰爽香甜 ，散發著誘人的果香， 十分享受。

呢到位置好方面，K11一出黎就係，成個感覺似係高級的泰國菜.，環境好靚，服務好好。我地叫左個泰式炸蝦餅同埋香芒軟殼蟹米紙卷。蝦餅佢預先一開二，食落更方便，而且都好香脆。米紙卷好足料，一啖食好滿足呀! 另外，仲叫左沙嗲串燒，有牛，豬，雞，各樣兩串。沙嗲醬好香~ 香葉肉碎炒飯偏辣，香葉都好多，仲有D脆脆地既香葉鋪係面，好似平時食紫菜咁 ! 肉碎都好香口，入面仲有D豆角。不過要小心有D係綠色的椒，食到都幾辣架! 馬拉盞炒通菜好惹味，令人好想配白飯咁食呀! 野飲方面叫左泰國椰青同埋番石榴沙冰。好清涼 !特別係椰青，入面仲有冰，飲落更清甜。甜品就叫左最Common 既芒果糯米飯，飯係熱辣辣， 淋上咸咸地既椰汁，而且芒果仲好甜!

新泰可以話係我係香港最中意既泰菜講緊唔單止係食物既味道餐廳既裝潢 員工既親切 菜式既賣相以上種種加埋 真係帶比你一個相當愉悅既用餐體驗今次再尼新泰 又係慶祝朋友既生日被安排入坐卡位 舒適又寛敞既梳化頭頂有草編造型既燈罩 旁邊又擺放左色彩繽紛既花花整體餐廳氛圍未食飯都開心左先一如既往 嗌左蒜蓉帶子一碟雖然得兩個 但勝在大大粒面頭更係舖滿芝士蒜蓉 超級惹味接下來就試新野 嗌左原隻燒春雞黃薑飯做主食上菜個下我同朋友都嘩一聲雖然係春雞 但份量都唔細下 蜜糖色既外皮泛著陣陣油香 望到都流口水春雞入面釀左炒香既黃薑飯 粒粒分明 金黃飽滿旁邊仲有大量既沙律配菜一睇就知會食到好飽切開雞肉既第一下已經明顯feel 到雞肉既嫩滑擺落口更係印証左我既諗法即使燒焗咁耐 雞肉依然保有juicy黃薑飯更加係炒得超入味 啖啖都好幸福另外 為左顯得健康啲我地亦叫左個炒菜 一如既往有鑊氣高水準最後又點少得我最愛既椰青同椰青大菜糕清甜又解膩 你唔係唔試啊

年年都會係新泰慶祝生日，但年年都冇失望，野食樣樣都好有水準，已經推薦比無數哈泰既朋友雖然黎過新泰咁多次，但第一次叫越式燒春雞釀黃茅薑飯($188) 原隻燒雞燒到金黃色香噴噴，令人見到已經食指大動😚廚師火侯把握得岩岩好，燒雞外皮香脆，雞肉嫩滑，配上黃茅薑飯令人大滿足，放係燒雞入面既飯超入味，依家係屋企諗起都好回味☺️另一個我最愛既新泰既原因一定係原個椰青大菜糕（$68），好食到我每次到新泰都會點，明明已經飽到行唔郁都仲要食哂一個🤣今次仲留意到好多枱都會叫，睇黎大家都好識貨

好耐冇出過街食飯啦，因為疫情關係，接近一年都未有改善，終於，近期放寬了一些，忍唔住要去搵食，掛念美食當前吃得滿滿的感覺，突然腦子彈出泰國菜，令我想起泰國，沒有得去旅行的日子。今日剛好係尖沙咀做完嘢，所以決定喺尖沙咀搵一間較舒服的泰國餐廳食泰菜。呢間分店都比較多。相約一位很久沒見的朋友一起聚餐。餐廳門口好闊落，仲放了一架泰國篤篤車喺度比客人影相，真令人掛念泰國，一入去要落一層到地庫，環境相當闊落，燈光比較昏暗，而枱與枱之間都有點距離感，感覺坐得舒服的。先來叫了必叫的生菜包配豬肉食泰國菜必定要叫生菜包，就知道佢嘅泰國菜掂唔掂。生菜包辣度剛剛好，又唔會太辣，食得人哋好辛苦，生菜都幾新鮮，調味好足夠。唔會太濕，肉質剛剛好。另外叫咗一條青檸蒸魚 烏頭嚟到嘅時候超大火啊，熱滾滾的，另外仲有一碗湯吡啶我哋可以加湯。都比較多骨食嘅時候要小心，肉質OK，味道都不算太重，清清地，點埋佢哋會嘅汁，就更加提起鮮味。最後突然好想食芒果糯米飯，雖然都知道香港都無邊一間會整得好食過泰國，就本著平常心試一試，過一下隱，果然泰國的真的真的好吃多了，香港的真不及，芒果不夠甜，糯米飯不夠軟香。 不過整體都是ok的，想起泰國

耐冇食泰國菜，行完Ｋ１１見到呢間好多人排隊，當然要食下睇下咩來頭裝修擺設都已經有濃濃既東南亞風味最鍾意食龍蝦，一見到呢頁就已經決定左係佢咖哩沒士頓龍蝦配伊麵好邪惡呀！淨係呢一份已經幾乎半張台咁大真係淨係呢一份已經夠晒兩個人食龍蝦勁大隻原隻上冇斬開一舊舊等你根本唔知係足唔足一隻，真材實料龍蝦肉勁爽口彈牙，而且鮮味十足，即刻上面鋪滿左香濃既咖哩亦蓋不過佢本身既鮮味龍蝦Ｄ膏多到可以刮出黎食，幾誇張伊麵更索晒龍蝦同咖哩既精華，淨係食呢個已經夠回味

香港作為美食之都，泰國餐廳都有唔少但係正宗又好味既真難求呢間就係少數既一間啦雖然疫情期間，但係都唔少人，證明野食有一定水準燒烤拼盤（$328）唔係講笑，單係呢個燒烤拼盤其實真係已經夠兩個人食到勁飽呢個拼盤有扇貝、蠔、大虎蝦、鱔同燒菠蘿首先睇下呢隻特大虎蝦，真係拳頭咁大（仲要自問我隻手已經比人般男士大）食左呢個我先發現原來啖啖肉都可以用黎形容蝦佢仲用左（應該係）香茅黎插住隻蝦黎燒，令隻蝦既蝦身有淡淡既香氣加上上面鋪有滿滿既香蒜，食落勁惹味扇貝同蠔都勁大隻，而且夠晒新鮮食落會有濃濃既海鮮味即刻鋪左濃香惹味既蒜亦都蓋唔過佢地既鮮味呢個燒汁鱔口感相對結實有咬口而且冇鱔既腥味呢個燒菠蘿好味到連我都不停食而本人就唔太鍾意食菠蘿既，幾誇張因為佢燒過，令到佢既甜味濃縮晒加上本身隻菠蘿勁靚，完全冇酸味亦冇刺激既口感令你可以好好咁感受菠蘿原本既風味

食泰菜除了去九龍城之外，聽朋友推介原來尖沙咀都有間食泰國菜不錯，就約埋屋企人試下。幸好有訂位，眼見每張枱都坐滿客人。餐牌上基本想食的泰國菜式都有，款款都好吸引😍泰式生蝦$98生蝦晶瑩爽口，大大隻啖啖肉又爽口，非常新鮮，加上伴隨嘅泰式酸辣汁，更將其鮮甜提升到另一層次😍鐵板蠔仔炒蛋 $98蛋炒得好滑，煎得很鬆脆配合辣醬食味道一流，鐵板上可保持熱度，蠔仔粒粒脹卜卜，唔腥又嫩滑。🤤燒黃膳 $128本人極力推介這碟燒黃鱔，賣相及味道一流，鱔的肉質燒得外皮香脆可口，魚肉嫩滑美味，每件魚都好厚肉咬落多汁，食落不會太油膩，美味可口😋

平時見到呢間餐廳都有幾間分店今次終於嚟食下食落又幾有水準，環境靚，性價比高，唔怪得可以開到咁多分店，見到啲店員全部都係泰國姐姐即刻好有信心呀我哋叫咗泰式炒花甲花甲好鮮甜、炒個醬超好食，小小辣同酸， 好惹味，好岩餸白飯！然後咖喱軟殼蟹焗包必點，最鍾意㗎呢系有啲蛋花， 同埋甜甜地既，又香， 有個汁食幾碗飯都得。再配埋蒜蓉包 超正有一點值得讚嘅係佢個焗包既皮唔會太硬同脆，無咁熱氣同埋界口，食得幾舒服😋🍻仲有點少得明爐蒸魚，可以揀烏頭或者鱸魚，我地試鱸魚，魚肉幾滑嫩唔似烏頭咁實肉，索哂酸酸辣辣既湯底 yummy，仲有菇菇菜菜ga點少得青檸梳打 ， 好好飲， 唔會太甜，好開胃性價比幾高， 我地食到咁飽人均三百左右

今日放工去咗食泰國嘢，聽朋友講呢間泰國嘢好正宗，同朋友一放工就即刻去餐廳去到餐廳，原來地方好大，仲有好多梳化位，勁好坐，餐廳仲會播啲泰文歌，同埋餐廳所有員工都係泰國人，應該真係好正宗食物方面基本上你諗得到嘅泰國菜都有，有串燒，各式小食，咖喱，明爐烤魚，泰式炒菜，仲有好多泰式嘅特色飲🍽我就叫咗以下食物：冬陰功：叫咗個細嘅冬陰功，冬陰功真係好足料，有好多嘅菇同香料仲有隻大蝦添，佢係偏辣嘅冬陰功，好飲又刺激泰式炒花甲：呢個花甲炒得好好味，佢個泰式醬汁調校得好好，每一隻花甲都有濃濃嘅醬汁味，真係想加個飯你撈汁食麵包焗咖喱軟殼蟹：麵包外皮超級脆，個包入面夠鬆軟，點埋佢熱辣辣嘅咖喱醬，真係冇得頂！軟殼蟹都好香脆三色冰：食咁多辣野，一定要飲番杯凍飲解辣，三色冰椰汁味好濃，啱晒鍾意飲椰汁嘅我

今日去左新泰東南亞餐廳食午餐，之前去的是Isquare分店，呢間店大好多❤️門口有架的士同督督crossover😜晚市超級多人，只有午餐時先影到相😊本身餐廳有lunch set，都幾抵食(75蚊有海南雞飯或湯粉+飲品)，不過我地想食其他所以散叫越式絲網春卷(68蚊)，熱辣辣好脆口😋串燒(豬牛雞6串)88蚊，個花生醬汁先係靈魂🤣必叫❤️，燒黃鱔4串(128蚊)啖啖勁厚肉，非常香惹味😋😋好飽都要食泰式蝦炒金邊粉(108蚊)，泰國食真係好平，香港竟然要過百蚊😅😋小食同燒黃鱔串都好yummy食吾停口埋單送左2份椰汁糕，下層係清甜椰青水埋單431蚊，上次食泰式燒雞好好味，下次再吃😊

一入到去環境真係好靚地庫全層都係佢嘅，裝修好靚，環境闊落，我去食果晚好多客人，果然幾受歡迎。我哋叫咗咖喱軟殼蟹包、泰式明爐鱸魚、蒜蓉包、一支啤酒、同埋青檸梳打。咖喱係有蛋花既泰皇咖喱， 超正超好味😋配上蒜蓉包真係人間美食不過其實個麵包底都索哂汁，變左重覆左，建議可以叫薄餅/ 白飯 一定超好食😋明爐魚好好食， 肉質甜甜地嫩嫩地，魚骨唔係好多，個酸辣汁好開胃，入面既菇同椰菜索哂汁都好好食！仲有泰式炒花甲， 酸酸辣辣好惹味，花甲好鮮甜無沙，個醬汁調得好香濃，配啤酒同飯一流。飲返枝singha啤酒🍻 （$43) 好貼心，有膠cushion可以防涷，飲多幾枝都無問題。唔怪得咁多人黎食啦， 有d水準既。 入面全部姐姐都係泰國人 好有泰國風味👍👍