新德里餐廳

营业中

休息中

上星期5陪朋友去尖沙咀~一提之下又再去食印度菜1個月食第3次~_~"不過今次都係去番衣間好D~因為D 咖哩角真係好正~入去重慶個時~記憶中會被人包圍~今次好掂~居然有個保安哥哥問我地去邊間@@一廣C座3樓既~就有個間既代位員代路~@@"唔驚俾人圍入去因為我朋友未食過~就3人行叫左3個咖哩角,1個鐵板雞,1個咖哩雞同焗芝士波菜同2款薄餅.咖哩角D咖哩好濃~好正~個鐵板雞都好好味~不過個芝士波菜係唯一失望~我地仲以為係波菜面有芝士原來係波菜汁~"~激死~不過其他一D都冇-分~~D SEVICE 都好好~我地傾緊重要野~咁岩有一大班外國人入黎~成個場即刻噪曬~雖然好熱鬧~但係就搞到聽唔到朋友廣野~D 侍應知道睇到~就借個藉口請班人去另一邊房^^唔錯丫

次次同女仔fd去,好似探咁險咁,係驚d,不過咁多年都係咁正~!quality冇變過~!咖哩角係必叫既,新鮮熱辣~!入面d薯仔涵so good~!叫左個馬沙拉雞,咖哩魚同菠菜芝士,全部都好味,少辣啦,叫左最普通既烤餅同烤麥餅(roti? na-an?)好抵食,大大件,3個女仔食左以上咁多野已經好飽...都係~$5x一位~抵啦~!(ps我好大食既)嘩,等lift等左幾個字,結果頂唔順要行樓梯,好驚,行條後巷時仲驚............

一大班人食最正....好食唔在話!9個人好似唔洗錢咁狂叫都係$844 !!唔飲beer既可能700 到tim !!節日黎呢到食真係冇得頂~環境都ok,細左少少!!有有線睇...不過唔知有冇足球台~€最正係煎魚....咖哩羊都正

琴日平安夜, 成街都好多人... 入到重慶大廈, 比人夾住, 十令個係我面前:"咖哩王" "七樓" ... 之後有個security: 新德里呀, 唔好嘈呀... 之後行樓梯上去, 訂左8個位, 我地9 個人, 等左一陣, 入去坐下來..快快叫野食啦... 大家都好肚餓..叫左咖哩角Samosa, 真係好食, d 內餡咖哩薯仔好香好茸, 香口而不油膩; 仲叫左Chicken Tikka , 個人認為呢個馬馬地; Fish Tikka <- 呢個就正喇, d 魚肉唔會好梅咁, 好實, 又夠味, 正!; 仲叫左幾碟咖哩咁, (因為飲了d 酒, 所以暈陀陀-.-) 有5,6 碟咖哩啦, 有羊, 魚, 雞等.. 好鬼死正, 食到一額汗-.- 仲叫左3 個炒飯, 炒得好, 真係好乾身, 加d 咖哩汁一齊食仲正; 叫左8 個烤餅到啦.. 烤餅真係好鬼死正, 有蒜蓉, 羊肉, 著仔烤餅, 新鮮出爐, 蒜蓉烤餅最香最正, 著仔烤餅都好正.. 我地每人吃了3-4 塊到, 好味!! 我們叫了4 支印度啤, 真係與眾不同, 好香好甜, 但20$ 一細支, 貴了點呀, 之後再來3 支嘉士伯, 相比之下

上次放甩左太座，冇帶埋佢黎這裡參加Openrice聚會，尋晚就上黎補番數，仲帶多過細路女一齊去食過。為免在重慶大廈被d星哥夾，今次帶佢地行後門，避過晒d人，順利上到餐廳。個場真係幾旺，據阿James講，呢度日日都係咁，想唔發都唔得。搵阿James 呵打左幾個菜，有samosa, chicken fry, fish tikaa, Jhalfraizie, chicken masala, 同兩個naan 。基本上跟上次一樣好味，唔同的是今次就可以慢慢食幾碟。我地各人都異口同聲的讚fish tikaa 是該晚最好的一味，魚肉外層脆口，裡層肉質鮮甜熱辣辣。另外再點杯上次沒有飲到的甜Lassi，味道唔錯。亦試下masala tea, 拉茶是也，香滑濃鬱。真係抵佢咁多人，食物真的有相當水準。

我並不喜歡羊，但這裡的咖哩羊真的烹調有道，一點也不羶。另外咖哩角也值得一試。註：1. 盡可能不要點新德里雜菜，並不是味道的問題，而是所謂的雜菜只是雜豆，不值一試。2. 餐廳分兩邊，面向電梯的那邊環境幽暗，適合情侣。

平時去開7E咖喱王, 今次同openrice一大班人食依間, 真係唔錯喎~ 起碼環境好過7E好多, 同埋依度好多外國人~ 食物其他人都講晒, 唔講喇~ Service好好, James好好記性, 我o地七咀八舌咁order佢都記得晒~ 勁~~~~~~

12月3日與午餐相距成八個鐘咁滯,先食第二餐,六點幾已到達上址,因為大皇有令要上來拍野,未拍前其實都幾驚同緊張,點知到我同甜小姐時,竟然不能上網都突然可以上載資料放出來,真奇怪!!到差不多時間,就四人成行落去接人,其實七點之後,呢道既拉客情況都幾勁,同新來者上去時,可能當中有人太善良,以致比拉客者迫埋牆角, 好似想溶左佢地咁,好彩有人衝埋去勇救佢地.其實上去前,最好知部”車立”係邊,同埋唔好接任何一張傳單,咁就唔會有咩事發生喇!成三十幾人一齊食飯,咁大個人都係第一次咋,所以索性邊食邊等,但食前就先解決娜小姐自家製既超靚蛋糕,如果唔係最後有人估中用料係咩,我就真係無咁叻估得中喇!!又適逢當中有人生日,咁就成三十幾人賀賀佢,個氣氛都幾溫馨架!!其實印度野,我估除左烤餅,我真係一樣野都唔曉叫,不過大多數每回既食家聚會,都有位勁人落單,所以都唔係好駛惆悵叫咩食好,今晚就食左下面個幾味.**排名分唔到先後**印度啤酒~~非常之易入口既一隻啤酒,並未覺有任何苦味,如果出面有得買就好喇!!咖喱角~~係門口時,已經有人嚷著要食呢個喇,個賣相都真係幾得,成個金字塔咁款,咬落就有少許硬,但硬中亦帶脆,入面

又同食友聚會，今次是少見的不吃中菜，食咖哩。因為人數眾多，不容有失，事先與FoodKing巳及MM兄又踩場又寫菜的搞了一輪，當然亦要多得主理人之一的James熱情款待，聚會才得以完成。脈見呢度好旺場，長期有人客在門外等。James特意給我們一個party room，雖然冷氣不太平均，但也算整潔，正好給我們這班嘩鬼在談笑也影響不了其他客人。菜色以少吃嚐多味為主，每種煮法只叫三、四碟，可以試多一點。在各式味道中，個人最喜歡Makhanwala，是鮮茄醬加上忌廉的汁料，非常滑溜，不辣，蕃茄味又香，同另一食家牛油果都認為是做得比較好味的一種；Vindaloo羊也不錯，夠辣度又冶味，點naan吃幾好；Tikka也燒得香口，用來送啤酒一流。炒飯及烤餅兩款也有水準，尤其是烤餅，烤得熱辣辣又不致大乾身，淨吃同點醬都得；炒飯用煲仔上，真嚇人一跳，但吃落是幾好味道，我獨個兒也吃了小半煲。值得一提的，就是這裡標榜食物是即叫即整，好處是熱辣辣，不好處就要等了。個人覺得如果做得好味，等一下又何干呢？幾位印巴藉侍應招呼好好，一叫就來，主動又幫到手，值得一讚。飲左不少啤酒，埋單110蚊。雖說咖哩並不合每位出席者的口

今日同一眾食家又有飯聚因為食得中菜多轉下口味食下印度菜一行共有35人於是包左餐廳既一間大房咁先至容納到我地一眾嘩鬼人齊已經接近八點上完幾款小食都差唔多九點講真上菜既速度真係好慢好彩食物味道都算唔錯小食首先有個炸茄子同咖喱角炸茄子～冇試過冇意見咖喱角呢～熱辣辣既皮包住d雜豆加咖喱味薯蓉饀 料味道唔錯，而且唔會炸到油淋淋但個皮就厚左少少如果可以薄d同脆d會更加正～之後黎左個鐵板烤雞好入味而且唔會乾爭爭做得幾好但未見突出比起之後上既另一個鐵皮煎雞入味ｄ但煎雞ｄ肉就會滑ｄ各有各既好處～薯仔沙津本來明明話唔辣但老闆ｊａｍｅｓ擔心咁會唔好食於是都係加左少少辣入去一入口本來唔覺辣但吞完入左喉嚨先ｆｅｅｌ到佢既辣辣到我要即刻搵水飲～鹹甜乳酪叫左各一杯同幾個食家一齊試下一人一啖好正甜乳酪好味道但諗番有ｄ似超巿賣緊既一ｄ冷藏乳酪但唔會太杰或者太稀都算係幾好～到鹹既乳酪唯一分別到既係面頭會有少少啡色既粉ｏ係面頭一入口發覺味道怪怪地有食家曾話過呢個先係正宗但個人而言，我都係鍾意甜多ｄ～到上主菜naan 同埋一ｄ醬汁講真要我講晒同分辨咁多汁料既名我真係唔得但記憶中最好食莫過於蕃茄汁蝦配naan個蕃茄汁酸酸甜甜配

雖然帶著女同事同往，但其實都唔係咁驚險。昨日同食友談起重慶大廈的印度菜，今日又係在尖咀，所以就同個女同事來吃一下。原本想去吃開的咖哩王，但她說雜誌介紹這裡，所以就來試試。呢度係重慶大廈最深入的位置，所以在地下大堂都要行幾遠至可以搭到電梯，雖然同事全程快步緊貼，但其實過程都不是她形容的恐怖。店子不大，裝修都不算差，電視在播ESPN的利物浦對水晶宮，而全店就只得我們一檯客。餐牌兩頁紙，只賣雞羊魚蝦，是正宗印度菜的規格。沒有套餐，要逐樣叫。原本興致勃勃的想叫羊vindaloo，但同事在這時才說吃不得辣，真的有點掃興。唯有叫不太辣的羊Bhuna，和完全唔辣的雞Makhanwala，另外兩件Samosa、plain及芝士兩款naan。呢度標榜即叫即整，聽聲又好似真係，起碼樣樣食物都係熱辣辣。羊的Bhuna汁香草及洋蔥豐富，幾有香味，好味道，辣味不辣，都算好味。羊肉入味，沒有什麼臊味，亦有水準；Makhanwala是用蕃茄煮的忌廉汁，看個整法已知唔辣，係做得好滑，配合醃得入味的無骨雞件，都好味。可惜同事不吃羊角豆，呢樣野是咖哩的好拍檔，加入齊煮，口感味道都應不錯，唯有下次有機會才來吃。Naan是即

雖然都係一年先去一,兩次,但係o個度d人好得意,佢地既中文都唔差,d野食都好好味!點講呢,雖然佢地個賣相就淒厲小小,不過個感覺我反而覺得更有風味!同埋雖然睇落d野又細碟個價錢又貴!!但真係唔好睇佢細細碟!!叫3碟野已經食飽5個人架喇,再叫個炒飯三百幾蚊,5,6個人食,都算ok呀!不過食完佢地會比d香草你整走d咖哩味!!o個d香草味道好得意!!真係唔錯架!!^^不過最大個問題就係入去重慶大廈o個一刻都仲係幾驚囉!^^