新德里餐廳

营业中

休息中

平日來吃午餐, 下午一時三十分都可以包場, 我還以為Break 摸門釘...點了馬沙拉燴魚+薄餅. 薄餅是普通的薄餅, 試過不同的薄餅都實在吃不出甚麼味道, 還是點燴魚的醬為佳.馬沙拉非常惹味, 其中一塊魚柳有丁點鯹味算是一個小小的缺點. 薄餅口感一流.最後order 了幾個素咖哩角回家, 這次師傅放太多胡椒了!

with a bit of encouragement, my GF's mom came along with us to TSTand after a bit of discussin we decided to come to this restuarantAfter a bit of wait at the elevatorwe came to this placepretty cozy and clean, immediately ordered veg samosa, 2 mango shakes, roganjosh lamb, and the special chicken curry with the mince lamb (called the ?bhunda, chinese "worchestershire sauce" chicken) and also, the garlic, onion nan, with the "aloo paratha"nan 's came first, hot and tastythe curry were also very

個主題就係我去呢間餐廳所感受~好驚.入到重慶大廈黑漆漆,好驚...上到去新德里入到鋪頭,無人會問你幾多位,去迎接你,要我地見到張抬想坐落去佢地先招呼你~好味.我地叫左鮮濃茄煮魚,特濃腰果汁煮雞,新德里炒飯,芝士薄餅,檸樂,芒果乳駱~先送來一個前菜,脆脆地,不過真係勁辣,不過幾特別,有好香既香草味~個蕃茄魚好味呀!本身蕃茄同魚都好夾,D魚好味,唔似快餐店D咁無鮮味~D茄汁友人至欣賞,點哂薄餅食!個雞就真係差D喇...D雞無雞味...D汁無咩腰果味...不過呢個唔辣既~至於炒飯裡頭有羊肉,D飯炒得幾靚~都幾好味~芝士薄餅係必食之選!裡頭都有芝士架...勁好味!!!乳駱幾杰下,不過真係唔同香港飲果D,佢有佢特式~唔錯~好NICE.點菜時問佢有咩好介紹,佢都幾有笑容介紹俾我地,可能佢知我地第一次來食,佢仲教我地應該點D咩來食~臨走埋單果陣佢問我係咪我朋友GIRL FRIEND,佢仲英文同我朋友講我好好~其實都唔係好明佢點解咁講...但唔錯呀感覺,我地好似朋友咁傾計~^_^環境算唔錯呀,幾乾淨~我一定會再去呀~因為好好味!

指既唔係食物質素，lunch心血來潮，相約兩位同事過去一試，我本身都幾like食印度野...不過就未去過重慶大廈食，多數都係d 地舖食...所以都幾比樓下d人嚇親...擁埋黎派咭片...有d恐佈...終於都搵到係邊層，點知個同事唔識怕...係都要搭到4/F行樓梯...餐廳入面既環境其實都OK既...D野食亦都好正宗...點左素咖哩角，咖哩雞，蒜蓉烤餅，同埋一個好似係印度炒飯，3杯野飲...樣樣都好味，尤其欣賞佢D汁/香料...個炒飯同我地平時食個D有少少唔同, 乾身D既...不過我覺得全部都唔夠辣，因為要就返同事...埋單155，不另加一...p.s:同事們食完都一致叫好, 可以encore...但有個同事個老公知道左佢去個度食lunch, 叫佢千萬唔好再去食...講到好似好恐怖咁

今日去行開尖咀~上網睇食評話呢間唔錯~我同男朋友就去左呢間試下印度菜啦~我本來以為印度菜好辣好辣~但係食落又唔係~兩個人點左個瑪沙拉烤雞.芝士烤餅.羊肉咖哩角同薄荷雞炒飯..瑪沙拉烤雞都OK辣~雖然開頭食唔辣~不過越食越辣~辣得黎都幾惹味.配烤餅食唔錯..芝士烤餅令人喜出望外~我以為只係得少少芝士~但係原來佢係將芝士夾係中間~好多好多芝士流出黎~非常美味~羊肉咖哩角勁多料~肉又豐富~薄荷雞炒飯D飯好乾身~但係就唔係好夠味~~侍應哥哥好醒目.成日湛水都唔使人叫..環境其實唔錯.報置都幾有印度FEEL.但係座位好迫~不斷咁播D印度歌.唔知佢唱咩之餘聽到有D得人驚~一次愉快既印度菜之旅~我以後都會同其它朋友再黎食過~~

突然心血來潮又要再吃咖哩，於是就去了專吃咖哩的重慶大廈。記憶中新德里的笑臉很多，於是就選了他。其實我倆的目的都是烤餅，也因為下午茶還未完全消化，所以點了一份烤餅，一份牛油烤餅，一支可樂和馬沙拉燴雞。先送上小吃，味道有點辣辣的，以前都沒有吃過，所以很新奇。然後我倆點的都陸續來了。馬沙拉燴雞的咖哩是小辣的，但由於香料的份量充足，味道很濃郁，對於我來說就有點偏辣了。雞不是太滑但口感也可以，烤餅熱熱的真的很好吃，蘸上咖哩汁還真蠻不錯。男友還嫌汁沙呢。不過牛油烤餅就有點失望，只是比原味的多了一層油似的，沒有特別之處，但也不難吃。環境沒有想像中擠迫，反而還坐得蠻舒服的。不用加一，還真劃算呢﹗

今日帶屋企人去重慶食咖哩, 因為佢地未食過ma….7點幾上到去, 人唔係太多, 但係到8點幾就開始座埋隔離房lu…自己好鐘意去新德里,因為又平又好味~而且d service都幾好…起碼見到冇水時會有人斟水…4個人叫左3件素咖哩角, nann, garlic nann, 新德里特色羊肉(中辣),菠菜蓉雞肉(中辣), 特濃茄汁魚(中辣), 咖哩薯仔椰菜花(中辣), 一個白飯, & coke.其實中辣都唔係太辣, 都可以接受,daddy話如果個羊肉再辣d仲好, 咖哩角係我每次黎都會必食, 又大個又足料.始終覺得curry係應該配白飯或原味既nann係最正喇, 不過其實佢地有味既nann都做得好好味,.整體我地都好滿意架, 提大家如果人多要訂位, 或者早d去會好d.因為真係好抵食.唔好因為怕入重慶大廈而唔黎食, 唔駛驚, 只要你好有目標咁樣行, 唔駛理其他兜售你既外國人就可以架喇….

今次點了薄荷咖哩雞炒飯+ 素咖喱角. 炒飯味道較淡, 配一個素咖喱角剛剛好=)另外他們有一個房, 上次不見但這次是開放了, 莫非是Party 用?!

21/9(五) 7:30pm曾誠邀過N位友人闖入重慶之虎穴,但不果.是晚不可多得的男友人應約,跟其結伴到新德里試菜.瞥見大廈門口的食環署職員及各印度餐廳職員拼博糾纏的場面實在忍俊不禁!餐廳職員過份賣力地拉客(一窩蜂擁上途人處),以致給食環署職員呼暍驅趕,但那些餐廳職員不已為已,習以為常!從地上搭升降機也得花上十多分鐘.推門而進,店子像樓上CAFE的格局,藍與白的燈光效果,加上若干幅宗教油價,頗有異國風情的!我倆走運地佔據了最後一張近門的吉桌,姍姍來遲的便於門外乖乖等候.友人發板,點了招牌燴什菜$40,椰汁燴大蝦$68,椰香咖哩雞飯$52,芝士烤餅$16.起道先免費送上Roti一客--薄而脆,帶點辛辣胡椒味,首嚐印度菜的友人似乎不太受落.招牌燴什菜--紅蘿蔔,豆角,蘑菇等什菜加入軟芝士燴成的一道菜,濃稠醬汁味道溫和,口感如吃糊仔,但味道不俗!椰汁燴大蝦--椰汁味濃郁,鮮蝦爽口大隻!椰香咖哩雞飯--黃薑飯炒至乾身有彈牙,而雞肉厚身但不算鮮味.芝士烤餅--烤餅熱騰騰,質地軟綿粉身,芝士亦香軟非常!老闆及一眾印籍服務生皆笑容可掬,服務貼心.$188的異國晚餐,值得一試!

想起第一次到來重慶就是老公拖著我..戰戰兢兢的來吃咖喱..以前總是渴望到此地一嚐正宗有風味的印度咖喱卻又一直都覺得這地陰森恐怖不敢踏足至此以來跟老公都深深的愛上了這間新德里咖喱食物..服務..都真的很不錯….**Mutton Vindaloo (羊肉咖喱)Vindaloo 是我倆最愛的咖喱…..只因她是真真正正的辣…又不像麻辣般的讓人沒有了味覺辣．加上濃濃的印度香料味用上Plain的Nann 浸滿咖喱放進口中想起都想要再吃了..Mutton 煮得很稔而且入味羊羶味都不覺了連我都變得很愛吃呢..**咖哩羊肉角老公的最愛...只因她濃濃的羶味…確實羶得要了我的命..** Chicken Masala辣辣的咖哩加上這個充滿蕃茄香的masala平衡一下又是另一番感覺…**Nann當然是我這個飽餅愛好者必要點的..也試過其他的店…不知道是因為點餐的關係還是甚麼難吃得很..還是愛這沒有餐的新德里

三個人上去，叫左兩個咖哩加三種烤餅，那個Mutten Roganjosh 味道非常好，反而Chicken Masala 味道就比較遜色。個人覺得咖哩太細碟，唔太夠食，但同行的兩位女士就覺得0岩0岩好.....份量多寡見仁見智喇。另外仲叫多個炸鮮奶球作甜品，外觀有些少似魚旦、食落有d 似落左好多糖漿的pancake，甜得有d 過份。怕食甜者可以唔駛叫哩樣野。埋單每人五十幾蚊，好抵

兩個人去食左一個炒飯, 個炒食好好食, 好夠味烤餅, 羊肉烤餅好香, 一d 都唔酥咖哩雞, 份量細, 但個汁好正一個甜品, 熱牛奶球, 太甜><雖然每樣野都細細碟都只係$118 埋單, 又唔係話好貴啫會再去, 試埋其他野

睇到很多OPENRICE會員對這間新德里餐廳的食評後我與我的朋友一行6人就打算去呢度食晚餐不過就有d失望最主要我覺得係細平均一個咖哩$50蚊份量仲少過大家樂咖哩飯個d咖哩味道亦唔算好特別感覺上有d唔值

由於O Camp的Check-point要試跑一次，但由於來到尖沙咀而又來到附近，當然要入去試試咖哩了！當是慰勞一下自己啦。來到已是二時多，店內是頗吉的，坐在最尾的一張檯，可以自成一角。店內播著些迷幻印度音樂，配合陣陣涼風，都幾驚！說回食物，點了芝士Naan、普通Naan、新德里特式炒飯、腰果汁雞、羊肉咖哩。腰果汁雞的汁底夠「傑」，點Naan來寫很不錯，雖則那些雞不是特別出色，但配著腰果汁真是一流。羊肉咖哩的羊肉很正，甚juicy又甚有咬口！咖哩也保持水準，點Naan也好。新德里特式炒飯，其實是有些肉、有些芽菜，加上大量不同香料而成！炒得夠乾，吃得出一粒粒的飯，而香料吃上來感到很Rich，是個不錯的炒飯！有一點點的辣。下次必定會再來啦！

近來食得太多中餐, 突然想食d 特別野... 記得年幾前跟朋友試過這裏的咖哩... GOOD ~~~今次這班朋友唔係好食得辣, 所以差不多全部都係少辣, 不過味道好好, 羊, 雞& 魚都好焾好入味. 最好味係鐵板免治羊肉卷... 個鐵板羊肉比咖哩羊更加有羊味~~~我地都覺得主菜好似變咗係烤餅, 我地4個人點咗5個烤餅~~~ 除了烤餅, 我地還叫了8個咖哩, 飯& 小食, 另加飲品, 最係當然係十分飽啦~~~雖然這裏的菜不是很大碟, 但以這個價錢食咁多野, 都算OK啦~~~