新德里餐廳

营业中

休息中

第二次去，今次幾多人，要係外面等咗十分鐘先有得入去次次都食Korma，今次決定要食d未食過嘅，於是諗住叫個Chicken Tikka Masala ，跟住個waiter叔叔話叫我試下另一隻Chicken Bhuna (中文唔知點解叫『喼汁羊肉雞塊』)，雖然叫做喼汁，但用嘅當然係印度咖哩啦，橙紅色好『傑』嘅汁，加上好多羊肉碎，再伴上雞塊，食落口感不錯，d羊肉同雞都ok，只係個汁味道略淡，我以為會好似平時食開果d味道咁濃。另外我地仲叫咗芝士烤餅，好食，拍得上7樓咖哩王，同埋叫咗個Chicken Tandoori (烤雞串燒)，好耐無食過了，佢整得好好味，好香口，夠入味，雖然平均成$11塊，但都值得一試。埋單$119，抵食!

20070727前年聖誕，與朋友同游印度，返港之後念念不能忘懷，遂相約尋一印度餐廳緬懷那段精彩時日，誰知這一約，竟已近乎兩年光景，但終於成行，總算了一心願。為求“形神兼備”，地點選在重慶大廈，當沖出那“拉客”的重圍，當穿梭在皮膚黝黑的人群之間，當打開那本有些粘膩的功能表，嗯，這就是我們想要回味的感覺：）一行五人，剛好一張長枱，三支細樽的當地King Fisher啤酒，兩杯乳酪狀的芒果Lassi，三份咖喱，三籃烤餅，一個飯，分量剛剛好。Lassi：比在其他地方試到的質地略稀，芒果味不算重，剛上來的時候不夠冰，口感麻麻，等杯裏的冰融了一些之後就好很多，總體來說一般；King Fisher：味道比較清爽偏淡，試過就算；Chicken Tikka Masala：烤過的雞肉再拿來做咖喱，更添一重香口的味道，雞肉幾嫩滑，汁呈橙紅色，但不辣，很好；Fish Karai：橙黃色的咖喱汁，裏面的魚煎過才拿來煮，也不錯，不過好像印度菜中的魚類始終棋差一著，不夠出色；Paneer：印象中是菠菜茸加一些未發酵芝士粒，青綠色的，可能我們叫錯了，上來的時候還是黃色那一類，不理，照殺：）印度黃飯“Pulao”：用的

琴日6個男仔一齊上黎呢間餐廳食飯,重慶大廈...一向個感覺都係好複雜,但係入到去有香港人既保安,帶我地去坐lift...但係架lift好化學..入到去間餐廳環境用曬紫色既燈,都幾舒服,而且亦都好乾淨望住menu,基本上唔知有d咩好食,所以叫左位waiter哥哥介紹下,佢\都識用中文答返我地,不過都唔係識曬中文囉^^白汁咖哩雞- 個汁真係好正,我地食完一碟唔夠喉再黎多一碟馬沙拉燴蝦- 個汁比較辣,好味,但係得好少蝦,唔係咁抵食鑊仔魚- 魚好滑,汁應該係用左蕃茄洋蔥之類,好惹味,推介!烤餅- 叫左4隻味道:芝士,蒜蓉,洋蔥同埋新德里特色,最好味我覺得係芝士同蒜蓉,全部味道較淡,點左d汁就真係好正啦素咖哩角- 食唔慣個皮,個人覺得麻麻地薯仔椰菜花- 聽朋友講好辣,冇試到,但係佢\食得辣,話好味囉XD甜乳酪- 叫左4杯,都好好飲,但係飲到最後因為冰既關係淡左,所以叫左快d飲鮮橙特飲- 朋友話..似係OJ..凍檸檬茶- 朋友話唔似一般茶餐廳個d最後埋單450蚊,價錢都唔算非常貴,但係食既野真係好味,值得一試!

We took our friends there for dinner. The last time we went there was ages ago. This time the food was nice but not as good as before. Also, it was very noisy in there. They have another room now for big groups of people. Portion was smaller.

再次重臨新德里,記得上年大局的小插曲,J先生在後樓梯嚇親阿差,記憶猶新.如迷宮一樣的重慶後樓梯,今次因帶住個靚女,所以無謂冒險,本著一於身先士卒,在門口任由比群"星"揉躪.不過今次比想像中順利,沒有太多"障害物",直入lift口無難度.友人第一次來此森林,覺得很新奇,好像一下子到了南亞旅行,小弟去過多次,見怪不怪.係怪在今次沒有太多阿差在拉客.今次吃的,同之前幾次差不多,先來些小吃如咖喱角,仍然炸得香口可人.主菜就要個基本的燒雞Chicken Tikka,同又是雞的Chicken Karai.兩者風格不同,前者較乾身,吃落夠香口,雞肉比較乾身,後者就用鑊仔盛之,用茄汁去煮,味道酸酸甜甜,味道並不太辣.伴著另上的印度黃飯吃,實在不錯.叫些Lassi同印度啤酒,也是消費相宜,仍是重慶之一大特色.印度菜可平亦可貴,不過我還是愛重慶的平價地味.不知道是否啤酒累事,回到大堂,酒精上腦的友人問你聞唔聞到我食完印度菜有陣味?)我係咩?咩味?)"控"個頭埋去索真之時...誰不知比友人一手捉住個頭..."狂抱擁不需休息的吻 不需呼吸空氣不須街邊觀眾遠離"大堂內成班阿星,乜都睇晒,這一次,真係"Singh

我一直未黎過重慶食野, 咁岩有個friend嚮6月6日(星期2)生日, 所以就同成9個人一齊去試試。開頭上openrice, 見到間鋪張相,室內設計用全紫色, 令人覺得有西式風味, 先有一個好印象。之後打去book位,我本來驚個waiter會用英文問我野,原來係識中文o既,態度都幾好丫~~翌晚,到達重慶,行到最入果部lift。雖然等左好耐先入到lift(要10分鐘左右),同埋部lift幾細,開始有d擔心揀錯地方食飯。不過一上到去間野入面, 個老細(印度人)好nice咁用中文招呼我地, 幫我地開位, 感覺十分親切。同時, 間野o既室內設計同張相係一致, 燈光算幾柔和, 地方不太逼狹, 加上冷氣適中,都幾舒服。入面所有staff都係印度人。有個waiter哥哥十分細心, 見我好秘密咁乎拎住個生日蛋糕, 好識做咁帶我去另一間房o既雪櫃收埋個蛋榚先, 唔好比我生日o既friend見到, 都幾醒目!之後到大家點菜, 見價錢平同款式都算多, 有特色o既魚、羊、雞咖哩系列。我地就嗌左幾個芝士烤餅、各特色肉類同幾個炒飯。夾埋10幾碟野仲有免費送汽水一枝,埋單都係每人$70幾。老細也很幽默, 我有個fr

母親建議試印度菜, 一家人便來到重慶大廈慶祝母親節.入到去見實Q哥哥便可, 說出要去C座, 便再有懂廣東話的印度人帶路.六時半已很滿.叫了:1.Mango Lassi –ok ar, 有人覺得杰左D, 但酸酸地又解辣. 爸爸弟弟飲啤酒.2.素咖哩角–皮有D厚酥皮feel, 餡有薯蓉什菜, 幾香口.3.咖哩羊, 魚, 蝦–羊肉最好味, 用小鑊仔盛着, 咖哩混着香草番茄煮, 伴蝦的咖哩汁最辣.4.什菜–有豆和菇片, sauce 唔辣似茄汁.5.Cheese and garlic naan –cheese naan好食D, 有薄薄cheese在中間.6.Tandorri chicken leg (2 legs) –鐵板上, 幾香口, 肉唔太鞋和乾.7.白飯(撈汁吃) –偏爛.Service 算唔錯, waiter提我叫了兩樣same sauce 既菜, 建議另一款轉sauce.原本想叫dessert, 但雪糕和凍牛奶球也無…埋單大約$430, 很抵!母親為我吔慳錢, 多謝媽媽!

朋友的另一位友人一起吃飯, 她選擇了到這間餐廳吃,而我也未吃過這一間, 好吧!! 正因為之前我也想吃, 可是被其他友人REJECT! 正好今次可以去嘗一下!! 於是就打電話BOOK 了4 位!重慶大廈一個被我視為有點复雜而又神秘的地方, 今次我終於有機會上去了! 哈哈!!餐廳跟在OPEN RICE 介紹一樣, 咖哩不錯, 不過大辣味道咖哩就不太好吃! 其他的就不過不失!! 薯仔沙律- 好味, 又是點了2 客芒果乳酪- 味道有點怪蒜蓉烤餅/ 牛油烤餅- OK LA黃薑飯- 沒有什麼特別洋蔥圈- 不油, 可是沒有洋蔥味, 因為好像沒有洋蔥!瑪莎拉燴蝦- 好好味, 我們ORDER 了2 客新德里雞- 我們選了大辣, 可是味道不好, 祇有辛辣的味道, 不好吃!!埋單400 元!

第一次去重慶大廈食野ge我,本身比之前d人嚇到死死下ga la~不過聽人介紹,之後上到去呢間野食....嘩~真係ok wor~一上到去,見到個裝潢,真係okay,d人又好nice wor~我地唔知食咩好,叫佢介紹下有咩好食,叫左幾樣野試下la~等左一陣就有lalala~一食入口,係得wor!!!!^^食左3種烤餅芝士,蒜茸,有個唔知叫咩名的2個咖哩雞(一個唔知叫咩名,一個就椰汁)1個羊肉1個小食(洋蔥圈)都okay~^^ 只係野食少d~氣氛都好好,佢地播左d音樂,雖然都唔知係咩歌,但係都好好feel~ 真係good買單每位都係50蚊多d咋~好抵丫!!!仲要個個都食得好飽

3月10日，星期六滿懷期望向呢一間傳說中好好食既印度餐廳食。一入去之前，已等左20分鐘(冇位，4男1女)，冇人招呼及冇位比我地坐住等。9：30p.m. 入到去，可能唔知點咩啦，加上冇idea，就問左個人介紹一下，up左好多咁，就點住５樣野睇下係點啦。- 新德里印度炒飯- 芝士烤餅- 青咖哩羊肉- 咖哩雞肉- 咖哩角x 59：45p.m.送左幾塊餅，都ok啦，冇咩特別9：50p.m.叫左兩杯甜乳酪10：30 p.m. 完全感受到咩係龜速煮野，冇服務，仲要漏單(咖哩角及2杯乳酪)，就算我唔理服務態度評論，食物可以用少之又少來形容！！一碟細細碟收我40~50蚊，頭４樣加埋都只有一人的份量，離譜到極！- 新德里印度炒飯，都ok啦，蛋白加少少咖哩炒，都幾入味既(不介意份量的話)- 芝士烤餅，一般，冇咩味咁，加少少青咖哩好味好多- 青咖哩羊肉及咖哩雞肉，覺得佢係將咖哩特登蓋過肉既鮮味，即係我覺得d肉唔新鮮，加上有少少怪味。本來有諗過加多4-5樣野，但見佢既龜速煮野，完全唔知會唔會等到第二日都冇得食。問個印度人追單，點知答我係漏單，大打折扣之餘，並叫佢埋單(心情已經很不滿，如入了黑店一樣)，埋單$1

上星期終於來到傳說中好地道好好味的印道餐廳了,環境中中,唔係好靚但幾整潔啦!一看餐牌都有幾但野食喎,一看價錢都唔平喎,可能好味呢!看了一會點了四個,有蝦,有餅,有飯,有炸物,個蝦最唔得68元得小小,仲要一食就知係雪野啦,無味架,有無攪錯,收人68元一碟仔,仲比雪野人食,但餅幾油,無特別,個炸雜菜同日本差唔多味,可能日本餐廳仲好味D,個飯仲過份,得雞蛋乜都無又得唔係好多都要收人幾十元,係魚生飯個份量同價錢但係食雞蛋,我個男友話,下得雞蛋詐肉都無塊,牛河有咁多野都係三四十元一碟詐喎,仲要好大碟喎!! 滿懷期望,點知最後只有失望!!以後都唔會來!!!P.S無人會比水你架,如果你唔問佢!!

tired 5 dishes1) chestnut sauce curry fish2) spicy mutton3) minced lamb nann4) masala chicken5) deep fried milk balltaste ok but the dishes are a bit small and the deep fried sweet milk ball r far too sweet!!

5/1同friend去食左~~2個人去但無想像中咁好味同埋真係好細碟食左椰汁咖喱羊肉x1 蒜蓉烤餅x1素咖哩角x2喀什米爾椰汁印度黃薑飯x1 瑪莎拉繪雞x1果飯真係好怪,入面d料全部係生果黎嫁,砲合埋d咖喱,個味好怪,極後悔叫左e樣咖哩角ok la

第一次來, 侍應推介咖哩, 不過自己散叫了:素咖哩角–便宜HKD 5 /pc而且味道真的不錯芝士烤餅–烤餅本身原來是沒有甚麼味道的, 點了綠綠的醬汁, 普通HKD 16/pc新德里烤餅–這款烤餅本身原來也是沒有甚麼味道的, 有些蛋在面, 點了綠綠的醬汁, 普通HKD 16/pc奶茶–怪怪的, 喝不慣HKD 10/pc侍應會講廣東話, 而且看來挺健談. 如果人多, 有點咖哩的話, 烤餅沾咖哩可能會更好? 一直點綠綠的醬汁吃, 2-3塊己勁飽.

第一次去重慶大廈很驚青，但覺原來那處的印度都很友善，之後想吃正宗風味的印度薄餅，都會再次光顧。週六shopping尖咀完，再訪了重慶大廈，而今次試的是評價甚好的新德里咖哩王。　三個女人食量不大，只點了一客串燒雞件(chicken tikka)、一客香濃腰果汁燴魚(Fish Shahi Korma)、兩客薄餅，還有芒果乳酸(Mango Lassi)。　芒果乳酸是新嘗試，芒果味及乳酸味皆濃，不過怎麼我覺得它味道很不印度?串燒雞件是比較失色的一味，大家都嫌雞肉太鞋而且香味不足。腰果汁燴魚則很好，不太辣的醬汁保留到魚的鮮味，而鮮魚融入腰果汁又提昇了其風味，用來沾薄餅食簡直讓人停不了口!!而薄餅我們很欣賞純粹簡單的naan，比牛油焗麥餅更好吃，因為實在鬆化好味，後來還追加一客。　三個人都吃到又飽又滿足，埋單才$161，真是好味又抵食!於重慶大廈所試的印度菜館中，新德里的確是不錯之選!