新好味屋麵家 (已結業)

從網上聽說路德圍有滋味白灼豬雜賣, 那天逐間逐間鋪巡, 只發覺此店有白灼豬雜出售 白灼豬雜 $45 ... 叫「豬雜」但其實只得豬潤與粉腸： 豬潤厚切, 上檯時還見到色水微微略紅, 咬落爽口,亦無化學調節過的味道；粉腸處理得乾淨, 亦無羶味, 食到腸內物質粉粉, 粉得來不會一嚿嚿實。 蠔油撈麵$23 ... 生麵有輕微梘水味, 加少許湯撈麵會令到麵條起膠 奇怪~

今日去左路德圍食晏, 行到街尾見有間食粉麵, 就入去試下.有套餐--一碗粉麵+一碟菜+凍/熱飲品 $23.00叫左牛腩米, 腩汁生菜, 凍檸水牛腩用牛坑腩, 唔"鞋" 夠"林", 又唔"痴牙", D味道都唔錯生菜用西生菜, 夠爽甜凍檸水一般啦總括黎講都唔錯

零九年二月上旬晚餐Smarttone經常性的濫收電話費，一怒下取消了自動轉賬，每月也要來附近分店用現金找數，之後當然要找點吃的，這間賣白灼豬雜的麵店開了幾年，一直未有機會吃到，月尾日子難捱，來碗平民麵食吧。街坊麵店，生客出奇地比熟客多，坐到大圓檯叫了碗坑腩併豬雜麵，加錢轉套餐吃埋生菜。老闆在廚房忙個不停，又能一心二用同靚姐不住的吹水，熟客習慣了，又會搭下嘴，伴著笑聲吃飯心情大悅。一碟滿滿的西生菜，清爽甜味，連蠔油唔洗加都可以清碟。大碗麵有兩件炆牛腩同粉腸、豬潤，大件牛腩看樣子以為很粗韌，但吃起來入口即散，應該是壓力煲下產物，不夠入味兼之有羶味，是醬汁出的問題，該多下點功夫，豬雜只得兩款，談不上很「雜」，豬潤雖然談不上很新鮮，勝在沒有化學過，豬腸粉處理得乾乾淨淨，沒有雜羶味，雖然水準很一般，但最後還是連帶著鹼水味的蛋麵亦一併清碗，原來飢腸轆轆的感覺是這麼的好～埋單廿七連OT，同附近餐廳套餐價差不多，但吃牛腩的話請到附近新源記，這裡純粹是午市無位的惟一選擇。

有次行經好想食餐蛋丁一間車仔麵...居然冇出前一丁又有一次行經...行入去食嘢...全個路德圍都未關門...佢又未關門我入到去坐下...佢先話...我地冇嘢食嫁啦好啦...終於有一次...佢係有嘢食啦我揀左粥同埋炒麵...炒麵都仲ok....但粥就冇乜味...牛肉粥都係唔多得路德圍咁多嘢食...佢又喺水準之下...真係唔明點解可以生存到今日.......